kywong514的个人专页

放假喺屋企無嘢做,另一伴話不如去河上鄉睇下有咩玩,於是就嚟到呢個充滿墨西哥風情嘅獅藝館茶座茶座係會員制度,需要入會費用,成為會員先可以享用所有設施。另外第一次去,唔知原來可以泊入茶座範圍,所以就泊咗喺街邊唔阻路人嘅地方,職員話下次可以泊返入去,方便我哋上落。茶座入口有韆鞦同木枱凳,但戶外實在太多蚊,逗留咗一陣就做咗紅十字會所以我哋兩個影咗幾張相就衝返入室內當日係母親節,茶座負責人(應該係),送咗許願牌俾在場咁多位女士,可以寫上心願,然後掛喺欄桿上紅豆冰及齋啡鰻魚飯(每天只供應十份)鰻魚新鮮嫩滑,飯嘅硬度適中芝士咸牛肉飛碟麵包外層鬆脆,咸牛肉及芝士份量適中，牛肉唔會死鹹海苔魷魚鬚海苔味有啲似麥當勞嘅shake shake海苔粉，本身以味道可能唔太夾,都係姑且一試嘅心態,估唔到有啲驚喜海苔粉並唔係就咁灑上魷魚鬚,而係已經混合喺炸漿入面,所以每一啖都食到香脆嘅魷魚鬚同埋海苔一間獅藝茶館,當然都唔少得有醒獅作為裝飾,對於少接觸中國文化嘅我，覺得非常新奇有趣,我同另一半亦都了解多咗醒獅嘅顏色意義同歷史由來，真係令我倆大開眼界…查看更多

凍冰冰最啱就係食暖笠笠嘅甜品想食嘅時候已經好夜，仲諗住鋪頭收咗工，抱住冒險嘅心態特登去到荃灣，好彩佢哋嘅外賣去到22:30（當時），就可以品嚐呢個暖入心嘅椰皇甜品（左）椰皇燉鮮奶（熱）（右）椰皇芒果山配雪糕椰皇燉鮮奶（熱）其實燉鮮奶我已經食咗好多好多次，每一次都係必叫，香滑嘅燉鮮奶配搭椰子嘅香味，溫暖又開胃，而且因為係熱食，所以椰肉好輕易就起咗出嚟，配搭埋燉鮮奶一齊食，真係錦上添花椰皇水果山配雪糕水果新鮮清甜，啫喱做底，口感更添層次每一次都要食晒椰子肉先捨得掉咗個椰皇😂之後堂食開返，一定會再多啲幫襯👍🏻👍🏻…查看更多

經過天寒地凍嘅銅鑼灣，突發奇想食熱辣辣嘅拉麵見到富山拉麵做緊「唔該你呀」 主題，本身諗住呢啲有主題嘅噱頭嘢應該唔多好食，但係望入去見到都座無虛席，估計應該唔差，所以就決定試試呢個「唔該你呀」拉麵😂黃金蟹膏牛奶拉麵鮮甜濃厚嘅牛奶湯底加上新鮮黃金蟹膏， 令人回味無窮，而且拉麵軟硬適中，濃郁嘅牛奶湯底亦能掛麵。因為唔鍾意食豬軟骨，所以就更換為日式叉燒，叉燒肥瘦適中，入口唔會過於油膩冠軍黑醬油拉麵黑醬油嘅鮮甜同鹹香互相襯托，湯汁入口鮮味，雖然係黑醬油做湯底，但亦唔會太咸，齒頰留香，令人食慾大開…查看更多

嚟到位於流浮山嘅神話屋,位置雖然有啲偏僻,而且仲落雨,因為想試呢間餐廳好耐,所以最後都堅持去食,好彩呢間餐廳冇令我失望泊好車就見到呢個咁醒目嘅外牆，雖然當日天氣唔係太好，但都無損我哋打卡的決心美中不足嘅係，門口職員聲稱冇收到我嘅預約，但因為我喺whatsapp有記錄，展示咗畀職員睇，職員表示可能漏咗落booking，好彩嘅係當時可以安排到室內嘅座位，所以最終都可以順利安排到位置，職員亦都表示抱歉，會再通知同事留意。餐廳嘅裝修以及佈局真係非常之細心，色調都係襯埋同一個tone，真係非常之有心思成間餐廳嘅色調都係以藍白色為主連天花板嘅排氣管都係包咗淺藍色嘅外層，對比出面嘅其他餐廳都唔會理排氣管到底係咩顏色，喺裝修方面居然可以做到咁細心喺門口可愛嘅小櫈仔，見到好多小朋友都爭住要騎佢珍珠帶子柚子沙律配明太子蛋黃醬帶子新鮮，配搭柚子味嘅沙律真係非常清新，沙律菜係對半切開，唔會食到成碟散哂迷你經典凱撒沙律呢個唔需要多講，喺各大嘅餐廳都會恆常出現，沙律菜新鮮，擺盤精美黃咖哩蟹肉手工闊條麵呢個係我哋最滿意嘅菜式，每一條闊條麵都係均勻嘅黃咖哩同埋蟹肉，所有闊條麵都上色，睇得出廚師真係用咗好多心機同功夫去處理香煎紐西蘭比目魚配泡椒蛋黃醬比目魚魚皮香脆，魚肉鮮嫩，唯一要注意嘅係比目魚嘅骨刺比較多，食嘅時候真係要小心啲薄荷朱古力＋熱朱古力兩杯朱古力味道非常濃郁，拉花出色，嚟到嘅時候真係有啲唔捨得飲總括嚟講呢間餐廳無論係服務，味道同裝修都係非常之細心同出色，離開嘅時候落緊傍陀大雨，我哋兩個擔住把遮諗住影個外牆，職員見到立即主動問需唔需要幫手拍攝／合照，職員嘅態度同主動性係非常值得加分如果唔係地點比較偏僻，好多人都會爭住去朝聖希望你哋可以長做長有，擴充分店…查看更多

今日嚟到呢間係內街嘅小店，呢間餐廳真係非常唔起眼，印象中之前呢個鋪位係一間賣榴槤嘅糖水舖，所以經過都冇乜留意原來開咗間新嘅餐廳，佢嘅裝修令人眼前一亮，非常適合同朋友聚餐同埋打卡因為啱啱起身第一餐，所以就叫咗個波士頓龍蝦全日早餐+一杯Americano龍蝦新鮮冇雪藏味，冇太多額外嘅調味，除咗味道好之外，我都非常欣賞佢嘅擺盤，喺呢個相機食先嘅年代，亦都係打卡之選😆而且價錢非常之抵，已經約緊朋友打算再去食啦😂…查看更多

牛大人已經嚟咗香港一段時間,但係之前因為太Full,所以一直都約唔到,今次朋友幸運地成功book到,所以我哋就打算一試到底呢個牛大人係咪全傳聞之中又抵又好食今次叫咗個澳洲極上和牛任食套餐,每位加一大約$245去到門口嘅時候,指引有啲唔清晰,因為有預約到嘅客人同walk in嘅客人企埋一堆,根本分唔清,當時又無在場嘅工作人員幫手排隊,所以有啲混亂,都係要自己向工作人員查詢.先可以搵到合適嘅位置排隊。今次想清淡一啲,所以揀咗蕃茄湯底番茄味濃郁,有完整新鮮嘅蕃茄肉,一滾起嘅時候已經聞到濃濃嘅蕃茄香味,清香鮮甜另外,餐廳有提供任飲飲品,有茶類及常見汽水例如可樂忌廉等等,茶類喺火茶飲品鍋餐廳的確係比較少見,而且火鍋餐廳通常都係難飲嘅道地烏龍茶,所以牛大人提供嘅白桃烏龍就令人眼前一亮,入口甘香,消滯一流。上枱嘅速度好快,都係落咗單大約五分鐘就已經送到嚟,成個過程唔需要催單,侍應送上枱嘅時候會主動收走吉咗嘅碗碟,所以呢一部分加分澳洲極上和牛,肉質新鮮,冇雪藏味,而且份量適中,完全唔需要擔心食剩嘅問題,呢個係做得幾好嘅地方朋友介紹咗呢一個食法,將香脆嘅油炸鬼放落湯底一秒,然後再加上墨魚滑,有不同嘅口感另外,蛋餃,燕餃同墨魚滑亦都係必食之選,非常推薦,雖然係做任食火鍋,但食材一啲都唔hea。就算係額外單點嘅台式小食亦都係正常水平,雖然唔算非常好食,唔會因為主力係火鍋餐廳而忽略咗小食嘅味道。晚市價錢,其實都抵食…查看更多

本身諗住去食其他泰國餐廳,點知已經執咗,又嚟到屯門,就搵咗間都幾多人坐嘅餐廳,諗住多人無死呀嘛,點知無揀錯,又平好食二人套餐可以揀三款,特飲仲有半價,埋單加埋一都係$301,真係抵到爛黃咖哩蟹包真係勁好食,加咗蛋嘅咖哩,唔辣,蟹肉炸得香脆再點埋咖哩真係一絕以為佢呢個價錢會係細細舊麵包,點知大size,咖哩汁一啲都唔吝嗇,雖然最後有啲滯口食唔哂,但呢個的確係必食之選明爐花甲鍋入面有滿滿新鮮花甲,豬肉碎,最底仲有粉絲,粉絲吸哂酸辣湯汁,非常開胃,花甲份量大方,全部都係新鮮打開哂!! 完全無死花甲同或者唔新鮮甩哂肉不過事前唔知佢咁多綠色配料,好多我唔喜歡食,要慢慢挑返出嚟都幾嘥時間:(新鮮打開哂,大大隻豬頸肉通菜煲揀咗馬拉盞通菜,每一啖都食到馬拉盞嘅咸香,送飯一流!!菜又新鮮不過我哋無叫飯,所以食到尾都真係幾咸,所以最後食剩少少:(…查看更多

等咗咁多個月終於開返堂食啦,即刻出旺角搵嘢食,仲諗住周圍都要排隊,好彩去到都算早,walk in就即刻有位澳洲野生龍蝦意大利飯龍蝦肉質新鮮,雖然睇落細細一舊,但成個鉗入面都啖啖肉。意大利飯硬度適中,唔會太滯口拆殼完襯返一set美國安格斯肉眼扒(5成熟)煎得剛剛好,上枱時唔會過熟,咬落去仲好juicy,一啲都唔乾,配埋醬汁食剛剛好但我覺得醬汁有啲咸,另一半就覺得醬汁剛剛好(我係食開淡味嘢^^)薄荷朱古力飲到最後都好濃郁嘅朱古力味,唔會因為凍飲加咗冰而變咗朱古力水,但朱古力味太濃就令到無乜薄荷味,真係似一杯凍朱古力多啲,但都好飲嘅,對佢嘅薄荷唔好咁大期望士多啤梨奶昔每一啖都好豐富,濃郁,但好好好甜,甜到好似加咗糖水咁。每飲幾啖就要飲水,杰到成個口(漿)住咁,返到屋企當晚要飲好多水喉嚨先舒服啲…查看更多

今次嚟係為朋友慶祝生日,已經嚟過幾次,嘢又好食,職員態度友善又主動幫手,所以真係推薦再推薦牛油果水牛芝士番茄波波沙律配柚子黑醋汁牛油果熟度剛好,水牛芝士口感creamy,番茄又中和咗,令水牛芝士無咁滯口,再加埋黑醋汁,非常開胃題外話:唔鍾意原殼上牛油果,因為外殼好污糟,有少少扣分南瓜帶子意大利飯帶子新鮮,意大利飯口感偏硬,我非常喜歡牛油果忌廉蟹肉扁意粉蟹肉新鮮份量多,打散後每一啖意粉都可以食到蟹肉,肉質鮮美題非話:職員上碟時唔小心令到芝士片掉落到其他位置,職員馬上致歉,主動提出俾廚房同事重新擺盤再上菜,真係非常敬業,好欣賞同事對客人同食物嘅尊重,絕無隨便敷衍了事,主動解決問題,讚讚讚香脆雞翼8隻每次必食,香脆外層加上甜辣醬汁真係一試難忘可以喝的提拉米蘇奶泡灑滿朱古力粉,濃厚嘅奶泡加上朱古力粉嘅甜,少許苦澀嘅咖啡,連平時唔飲甜嘢壽星都好滿意森林和原野呢個係壽星揀嘅甜品,又靚又好食連碗碟都好用心~上次同馮先生去,叫職員換新碟,佢哋都主動俾返一對嘅情侶顏色,真係細心又sweet,你話仲點可以唔再去…查看更多

呢間mamaday已經嚟過好多次,銅鑼灣嗰間食過一次,都係尖沙咀呢間好食啲所以就帶朋友仔返嚟尖沙咀mamaday啦~裝修有格調,好多懷舊裝飾,真係好啱嚟打卡,連碗碟都非常有風格唔好抱咁大期望蒲燒鰻魚蛋包飯(全份)**必叫朋友仔問食乜好,首選一定係呢個,鰻魚嫩滑肉厚,鰻魚汁份量適中,唔會滴到成隻碟都係。一啖連埋蛋包飯,大滿足!明太子薯條明太子份量唔吝嗇,食哂薯條都有明太子剩,咸香口感,薯條炸得香脆肉食者沙律出嚟食嘢就無諗住要理卡路里,不過食得咁heavy,不如就食下菜做個健康惡霸睇menu嘅時候無細問係咩肉,不過mamaday合埋眼篤都唔會伏,所以嚟到都有小驚喜雞球炸得香脆,無成口油嘅感覺,配搭埋酸酸甜甜嘅黑醋,開心又醒胃。士多啤梨奶昔+牛油果沙冰士多士多啤梨奶昔 酸酸甜甜,一解heavy牛油果沙冰清香 非常fresh,無草青味…查看更多

一坐底見到無客心知不妙，不過一場嚟到就試下啦叫咗兩款嘢食，兩杯嘢飲，伏Avocado & smoked salmon salad唔知點解牛油果會連殼上，其實個外殼好污糟，要個客自己起果肉，好奇怪三文魚未溶雪，仲有一大陣雪藏味，菜又唔新鮮👎🏻👎🏻薯條配雙色醬薯條炸得幾好，除咗呢句我真係無嘢讚佢，炸得好，好似係正常水準嚟，兩個醬一樣味，分唔出，唔知啲錢俾咗邊個醬😂，可能俾咗去炸得好嘅薯條抹茶草莓奶成杯都係苦，抹茶粉未溶哂就上枱，啲粉係凍水入面根本溶唔到，點攪都係一團團抹茶粉，救命！「牛油果甘藍蜂蜜牛乳Smoothie」仲加咗$10「自加制綿花糖」無得揀公仔😒純粹叫嚟打下卡，睇下個公仔乜料，健康人士好啱，無甜味，唔難飲我都偷笑😢富上山黑膝肉咖哩飯伏伏伏伏伏伏！！難食到死，咖哩磚加水，無味，唔知食緊乜，再加埋熱市白烚豬肉片，cheap嘢扮黑豚肉！👎🏻👎🏻👎🏻👎🏻👎🏻👎🏻👎🏻好彩最後想叫嘅兩個富士山蛋糕都無，無叫到甜品！如果唔係真係喊三聲食咗四百幾蚊，難食，大伏！…查看更多

大西北人又出發了,今日同馮先生去咗土瓜環嘅呼吸星球,食石垣牛~~一嚟到泊好車已經見到引人入勝嘅「招牌」,係到合照咗幾張^^天氣落雨有啲凍,怕凍嘅我叫咗熱湯定食,店員推薦咗「柚子清湯石垣牛燉肉定食」湯好清甜,入味,平時怕湯肥膩嘅我都飲哂,配料有啲似關東煮，而且仲有有蒟蒻加海帶,星星嘅係紅蘿蔔另外仲有我最鍾意嘅小蕃茄前菜,酸酸甜甜好開胃,飲埋個湯成身都暖笠笠~馮先生就叫咗「沖繩鹽燒石垣牛肉定食」石垣牛肉質鮮美,又嫩又滑,本身已經好鮮美,唔建議再加任何調味另外店員仲介紹咗一支北海道鹽,話加落去會更有味道,不過馮先生唔鍾意再加調味,所以就無試到啦定食仲包含咗個薯蓉,唔鍾意食飯嘅我就食埋馮先生個份最後當然要食甜品啦「北海道蜜瓜手工雪糕杯」 真係好好好好食呀,每一啖都係清甜蜜瓜香味,係我食過最好食嘅蜜瓜雪糕,連哈X大師都比下去。雪糕下面仲有乳酪同穀物脆脆,中和返,令到蜜瓜甜而不膩,雖然價錢相有啲貴,但的確係值得一試!!…查看更多

已經有好耐食過mother of pizza啦~一直都要點名返嚟再食以前可以一片片咁order,但今次去就只可以一個/雙併,有啲失望。而且因為無堂食嘅關係,我哋又住得遠,所以拎完就即刻上車食，仲係熱辣辣～～今次揀咗超級撒亞人肉腸mix瘋狂芝士講咗超級撒亞人肉腸先：juice濃厚嘅蕃茄醬，肉腸片唔會乾爭爭，有咬口，就算得半份都都落夠肉腸片，唔孤寒，每一啖都食到瘋狂芝士：真係勁勁勁勁濃嘅芝士，每一啖都可以拉絲，但兩人食多有啲滯，都係一班朋友嚟先好試，好彩咁啱男朋友好肚餓食得哂(唔該哂食物焚化爐^^)希望下次嚟有返一片片咁叫啦,我哋兩個都好想試埋其他味道,一定會再返嚟食…查看更多