fatpigslover的个人专页

好少出街食飯，上網搵到呢間係油麻地既小店，係食土耳其菜？咁我地又未試過！舖頭唔大，一眼睇哂既，但整體乾淨企理，而且廚房open kitchen，睇落去都整潔，第一個觀感好好。一坐低就放低兩杯水，唔係檸檬水喉水，係真係食水嚟既，加分。我地毫無頭緒想食啲咩，原來小店有個set for two persons! Good, 一於試試啦。套餐都好多野食，有starter, main course, drinks, dessert, 全部野加埋都係$328+10%，重點就係份量唔會少！而上菜既安排又係合理同細心，唔會一嚟就堆哂啲野俾你，會睇住客人既速度去準備下一道食物，呢樣真係好驚喜！So far我好少食過一間餐廳會咁樣！所以呢度每樣食物都係熱辣辣同保持到水準，真係大推！其實呢度飲酒都好抵，原來老細既意思係想客人可以用平價去叫杯靚酒配佢地既食物！我自己都叫左杯智利紅酒，原來同咖哩真係幾夾架，可惜掛住食同飲、無影到相⋯另外，係食緊既途中會幫我地換碟同埋問我地食得開唔開心呀，味道如何，好關心客人需要！我地食飽飽走果陣，老闆同主廚都同我地傾左陣，主動問我地overall有咩評價，好關心客人對於餐飯既觀感，經老闆介紹先知原來chef 係做過好多間五星酒店，連馬會都做過，難怪準咁有保證！前菜烤雞4件，巨型咖哩角兩個，烤脆餅6-7片爆餡既咖哩角！Main course 咖哩牛、咖哩雜菜主食：薑黃飯蒜蓉烤餅3大塊是日甜品…查看更多

今日落雨唔想煮，呢間都幾多好評，我今日又想食辣嘢，就俾次機會佢叫左個水煮魚小辣再加$15轉套餐，有小食+飲品，埋單$80幾番到屋企打開嚟睇，淨係睇呢碗嘢已經知唔對路，個湯完全係垃圾，雞湯+辣粉再加醋，咁樣就係水煮魚？魚就得5舊左右，得啲配菜係多，但啲角係散哂既！用左$80幾蚊食個咁垃圾既水煮魚，我一定唔會再幫襯！哂咁多錢請打手不如做好間質素啦！重有，廚房煮嘢果個男仔係著住moo moo burger制服！姐係點？搵隔離廚房過嚟幫手？…查看更多

每個星期都會去富金軒食一次既我，有啲慚愧而家先為佢寫上第一篇食評。係社交平台關注組認識呢間小店，位置並唔算太方便，環境亦唔係最好，但呢度反而有最好食既米線，同埋最有人情味既老闆娘同老闆。例牌一配公司米線，麻辣湯底大辣，坐低涼住冷風機，一碗剛剛煮好、熱騰騰既米線好快上枱。公司米線類似似譚仔既過橋米線之類，但餸就由老闆娘發辦，多數都會有豬牛雞內臟，再加上丸類、冬菇等。如果唔食某種肉類或者內臟，又或者全要豬肉類，可以落單既時候同老闆單聲，甚至乎為左迎合市場需求，連芽菜底生菜底都有，真係有求必應架。富金軒每一碗米線都堅持落單即煮、炸即炒每一次嚟食都未試過失水準，湯底麻、辣適中，米線面有一浸薄身既紅油，我覺得可接受，無唯一咁油膩同死咸，呢度相對有層次。分量十足，啲餸加加埋埋最少有8款，lunchtime 食完夜晚真係好耐都唔會肚餓，特別推介既係豬膶，冬菇，豬頸肉！嚟左呢度食得多，好自然會認得老闆娘同埋老闆娘時不時都會同我地傾下計，而老闆娘都係一個好肯試新嘢既人，會不斷改善，求變求新，唔會故步自封。好開心見證到老闆娘果份努力得到認同，同時欣賞老闆娘堅持每碗親手煮，無因為好生意而請人番嚟煮，咁樣先保持到水準希望大家去食既時候除左享受食物，亦可以感受到老闆娘既誠意…查看更多

已經食過旦王無數次，今次都係第一次寫食評。因為好早嚟到，12點前得我同三個客左右，我嚟旦王每次都係食3個餸：肥腸、蘿蔔、牛栢葉，酸辣粉要麻辣大辣，今次有吸收谷友意見、叫左加酸。餸既水準唔會有分別，因為基本上次次嚟食都係咁正！雖然要成$8-10一個餸，但佢既餸真係足料同好食，我覺得值。湯底今次反而俾唔足大辣我，有啲失望，但加左酸的確更加正同埋味覺既衝擊大左！最後，想講一講遮遮們既態度，我自己唔係太著重，始終都係外賣為主，唔受氣就ok。係旦王忙既時候食過，唔忙既時候都食過，發覺遮遮們真係…唔太focus，無咩客既時候都會重複問我要咩辣、要咩餸，最後都係煮唔岩辣度，因為個個都係度傾住計寫粉。如果叔叔係度就反而無呢個問題⋯雖然係咁，但我仍然好鍾意食旦王！希望遮遮可以有番啲改善，做嘢時專心啲喇…查看更多

之前同男友泊車見過呢間小店，今晚諗唔到食咩，佢主動提議話嚟呢度食酸菜魚。我地兩個人點左成4樣嘢，好飽⋯- 蒜泥白肉- 刀拍前男友（青瓜）- 尖椒皮蛋- 酸菜魚（細）首先想講，呢4樣餸既份量都係 「非 常 足」，- 蒜泥白肉滿滿既蒜泥淋上紅油辣汁再舖滿係白肉上面，大大片既包住切得好粗既青瓜絲，有足足8大舊。佢個味道真係似係大陸食既蒜泥白肉，蒜好香，紅油明顯無大陸咁辣，有適應番港人口味，白肉厚薄適中，有少少肥，夾埋青瓜一齊食，超級滿足🫣☺️- 刀拍青瓜首先要讚既就係青瓜處理得好好，去核好乾淨，入口超級爽脆，而且個汁係好食既，每一舊青瓜都好平均咁染上汁料，酸酸辣辣好開胃！不過唯一要扣分就係無做到「拍」呢個步驟喇- 尖椒皮蛋擺得好靚、皮蛋圍住青椒，賣相好好睇，皮蛋入口好順滑，個汁唔會太咸，都OK!- 酸菜魚呢個重點嚟喇，我地叫左小鍋，但係上到枱係「一 大 鍋 」，我同男友都忍唔住係咁影相打咭，真係好震撼呀！面頭舖滿哂魚片，底下配菜好多，有娃娃菜、蘿蔔片、金菇、萵荀、薯粉⋯最令我驚喜既係有酸薑，真係估佢唔到。魚片好多滑好大舊，無骨唔腥湯頭酸酸辣辣，唔油膩，正$200唔使可以有咁大鍋真係好抵食。最後幾點想係度讚下店家：由入座到用餐到食飽飽，每一個員工既服務都係好好，感覺上係家庭式經營既小店環境舒服好坐，兩個人坐四人卡位，好闊落，而且裝修乾淨企理，枱上面有熱茶供應，加分！…查看更多

因為唔使等位+順路，就入左去食，點知伏到癲⋯湯底：史雲生豬骨湯+花椒粉+辣粉俾啲誠意好無？，麻辣湯底仲要加$2😮‍💨餸：芫荽+麻辣腩肉芫荽得幾條….加左$7，腩肉係腩片，有5片，份量都算夠，但係薄切切既，麻辣味欠奉米線：好幼身，我叫左少米線，如果得二三「煮」⋯ 譚仔少米都多過佢男友果碗無叫少米線，但都係好少麵，成碗嘢根本係得個碗大同埋湯多食完之後諗住攞罐可樂走，仲有2/3，個阿姐諗住幫我地掉左佢。我以後都唔會再幫襯呢間嘢後記，食完成晚都勁口渴…查看更多

同男友兩個人無咩Idea食咩，OpenRice見到呢間小店就諗住嚟試下.小店係灣仔內街，PP ph.3隔離，即使weekend 晚上都比較冷清我地係附近行左一個圈，最後都係決定番嚟呢間小店。入門時見到有$178 有10oz US Angus beef已經覺得好抵，研究左餐牌一陣，Order左以下：10 Oz US Angus beef medium Pizza No.2Hoegaarden beer Pussy cat 牛扒五成熟真係煎到個效果，好多肉汁，肉味ok，同埋都幾厚，我地好滿意以$178呢個價錢真係贏哂Sides有薯條同沙律菜，薯條有驚喜，即炸既！Pizza no2 有美樂腸、橄欖、茄醬、芝士、蘑菇等，個底係用左梳打餅底，超級脆，而且極細心地幫我地分開一細份，一兩啖就可以食哂，斯文地食都可以😆😆最後我地坐左差唔多兩個鐘，都係$458埋單，真係平靚正！想讚一讚個店員好細心，會攞唔同既醬俾我地點，又會問我地啲嘢食o唔ok.見我地食哂塊扒仲主動俾左兩大杯冰水我地，唔係水喉水！希望大家都可以支持下呢啲小店，成間店得兩個外籍女店員做哂所有嘢，好有heart同埋真係認真去做，但成晚都係得2-3枱客左右🥲…查看更多

我本來想去富金軒，但因為太熱唔想行諗起肥仔米線係得寶，有得泊車夠方便點知伏到死落單無問我酸辣定麻辣，咁我都有責任既…我叫左小辣，譚仔10小辣都辣過佢果種，湯底好咸，一入口好重味精⋯食米線最基本連個湯底都整得咁差，仲夠膽攞出嚟話呢個湯底係推薦😂啲餸完全無咩特別，個豬皮烚完就掉落碗麵，好心就處理下啦⋯第二伏，蒜泥白肉呢，係熱既，所謂既白肉即係米線配料果隻腩肉，又嚡又乾爭爭，完全走肥😶下面係豉油加啲唔辣既辣油，再加蒜蓉，原來咁就係蒜泥白肉，男友話似打邊爐果啲，都真係似囉譚仔都好食過佢，餐牌仲要話呢個係招牌菜，真係笑死人😂😂堂食等左15分鐘先有得食，連罐汽水都要催先俾我，成間舖只係集中做外賣單🙃等緊期間勁大隻烏蠅飛過嚟下次唔使錢都唔會再食…查看更多

看了u travel 的介紹和男友倆專情來吃。由於星期日只開業至下午4時，很多食物都幾乎斷貨。和男友二人點了滑蛋蝦仁飯加凍奶茶。滑蛋合格以上，不過沒想像中那麼香滑。蝦仁沒雪味 ok。一個飯$58 其實頗貴，但配凍飲只需加兩元 ，這點卻很難得！題外話進餐時 有一枱人客客氣地問車仔麵有甚麼餸吃 店員冷冷的拋下一句 無餸食 賣哂，便轉身離開。…查看更多