kkeatklm的個人專頁

今日黎到長沙灣 出左糧 都係想搵d 野懲罰下餃子係一個不二之選 因為怕食太飽甜記餃子係間自家鋪佢賣既野唔算多 但已經足夠令成間鋪坐滿哂客🖤菠菜豬肉 & 9菜豬肉 煎餃$46/10隻菠菜既餃真係少有 別有一番滋味9菜基本應有水準 好多9菜 😝加上隻隻餃都真係漲卜卜 真材實料 皮薄得黎又唔會煎到爛喎 出色吖🖤香芹芫茜水豬肉水餃嘩 一咬 媽呀 陣味好青好開心同枱既朋友仔都表示係芫茜愛好者先至嗌十粒咋😍🖤牛𦟌台灣麵呢個又係推介！牛𦟌好厚呀 又夠淋 又入哂味d 麵基本上都入哂味 係食唔停架喎再加埋呢間鋪自製既蝦米辣菜莆 我真係停唔到lor!!!!🖤醉雞台灣麵呢個又係喪既 你想點呀 d 雞咁入味既咩份雞又唔細碟喎仲要 好嬲呀真係湯底揀左蕃茄魚湯 痴哂線 勁好飲 離哂大譜🖤粟米芝士雞肉 & 9菜豬肉水餃由於好想試埋粟米芝士 於是我地明明好飽都要嗌埋佢黎試估唔到 真係估唔到 粟米芝士雞肉咁impressived 芝士係每啖都咁香咁順滑perfect match !!!!!…查看更多

一大早起身只係咬左個包幾經辛苦等到收工 今日去左沙田收早搵左間野食tea去懲罰佢岩岩好又唔駛等位喎見到餐牌都幾多選擇 多到唔識揀最後都係想回歸番雞肉 蛋白質家族 🖤雞絲扎肉湯金邊粉$45送熱咸柑桔扎肉有三塊 雞肉一大堆 金邊粉食極都仲有湯底正常發揮 好多洋蔥 蔥 芹菜等等成碗都好香噴噴🖤生牛肉河粉 $45朋友仔表示未食過咁多肉既湯河佢完全食唔哂 仲比左d 我食牛肉浸番落湯基本上都熟 唔紅仲有口感 湯底有哂牛味ft. pho 既味道🖤越北綜合牛肉湯河 $55湯底三碗都一樣既 朋友想重口味 於是落左任添既士拉叉辣醬當堂唔同哂味道 😆…查看更多

甚少係港島區出現係呢排要番下學進修下 要過海太古城就有間冰室 入去食個lunch平時食冰室 一定係嗌常餐好中意有雞蛋 一定煎熟蛋 熱黑啡今次都唔例外有驚喜既反而係杯黑啡 好好飲 係果香味 回甘然後個羅宋湯都辣辣地 估佢唔到喎又$55…查看更多

lunch 專程去懲罰佢雖然前排去完台灣無耐 都要食架 嬲呀🖤鹽酥排骨肉燥飯 送埋珍珠奶茶添呀 凍架 又大杯 飲到我地飽哂排骨份量多 炸得好好食 係乾左少少 肉燥個汁點都唔夠台灣咁正宗架喇 但係都係要罰！🖤魚腐台灣腸手打麵男友真係細胃口到咁魚腐看似平平無奇 食左一粒 點知好好食！！同埋佢每個餐都有小配菜半隻蛋 青瓜 芽菜🖤芋圓兩條友怕唔夠食 最後加左個糖水 $17好多粒芋圓 大大舊仙草台灣既回憶番哂黎香港人！加油！hkers!!!!…查看更多

係觀塘食lunch 真係得三個選擇呢間係其中一間。特別當你要同時間競賽 並且唔想虧待自己 就要揀30!重覆！30!🖤健康營養餐例牌揀蛋治走牛油然後火腿通 轉羅宋湯底！大份量到爆炸 可以飽成日直至8點食dinner!!!蛋治既蛋好大份架 好厚 咬每啖都有蛋🥰…查看更多

平時入西貢都係食泰菜多今次轉下口味試新野兩條好中意食寬麵既人 揀左「自家麵」！！🖤牛𦟌胡椒湯底寬麵呢度既寬麵好似刀削麵其實只係佢用機整出黎 每條都regular 好多所以都無咩分別！我最想講既係個湯底 胡椒湯底好鬼死出色 第一次食好入味 不論麵定牛𦟌食到我地雪雪聲飽都好想繼續食佢份量其實好多 千萬不能睇少真係會好飽 係唔包野飲姐🖤雞肉胡椒寬麵呀唔記得講 佢既配料唔係平時d 豆腐卜而係蜂巢豆腐 見唔見到先非常出色 索哂胡椒湯底味添架…查看更多

lunch 黎食最抵食食韓國野有小前菜基本野吖但呢間係有6款既！係6!!!!我地兩個每次都要食到refill😌🖤韓式辣冷麵我其實黎左食5-6次 每次都係食佢因為真係唔係到到都食到呢碗又勁大份量 我好大食 但我都係食唔哂男友都會覺得驚訝我竟然食唔哂。。辣既程度係岩岩好 好吊癮佢有埋d 雪梨做配菜 一度令我以為係蘿蔔🖤辣泡菜豆腐湯超濃味泡菜 起身第一餐食真係夠哂開胃好多豆腐 撈飯食真係一流呀我地仲會加埋小前菜既泡菜落去🤣…查看更多

特登出紅磡搵野食 順便去寶石睇戲 平d 呀嘛刀削麵從來都係我地既首選點知紅磡原來有幾間我地去左落車最近個一間巧巧山西刀削麵一坐低就有醃蘿蔔 可以自己筆黎食正呀 我至愛 食左好多 係圖一既右上角哈哈🖤麻辣牛肚刀削麵例牌分開上既 牛肚份量係我食過最多最多既刀削麵個湯底好好飲喎 好有家既味道唔太有味精🖤麻辣牛𦟌刀削麵牛𦟌切得幾厚 但又入到味喎d 辣 吹漲佢慶祝唔知開左一年好似 然後每碗減$6當免費加左一杯凍飲因為加凍飲係$6其實呢間真係好抵 仲要比我食左咁多醃蘿蔔添 蝦蝦蝦…查看更多

夜晚十點幾同友人係尖咀搵晚餐食又想韓國野 見佢得一間未收 2330先last order 於是入去試試佢🖤芝士泡菜飯卷 材料豐富既 但d 飯凍凍地 又硬硬地 有d 失望🖤辣泡菜豬肉湯（小）$14x我地四個人食 每人都飲到兩碗仔平時飲開既湯都會好濃味好重泡菜但呢間就較淡味 豬肉份量都多既 我食極都仲有🖤韮菜海鮮煎餅呢個係呢餐入面最好食既煙煙韌韌 唔會好薄 又多9菜 足料食兩塊都有飽既感覺😂🖤炸醬麵正常水準 啲醬有好多豬肉粒一啲都唔偷工減料 麵煮得岩岩好 最怕佢太硬 食唔到雪雪聲🖤辣泡菜豬肉湯烏冬 $8x原來烏冬同豬肉係分開上既有d 驚訝 同埋d 豬肉比起個湯既份量好少甚至係薄好多 唔知係咪因為價錢問題呢烏冬就似平時d 清湯烏冬 唔同既係底有d 韓式年糕整體黎講 食物水準一般反而環境就chill d 同朋友黎飲杯唔錯既都…查看更多

平時想食山西刀削麵 都要出荃灣食我就住九龍既 所以唔可以成日出去食點知上星期比我發現左！觀！塘！都開左呀！媽！呀！近到爆開頭都仲懷疑緊佢係咪老翻🤔哈哈然後查證後 係親生架🤙🏽🖤麻辣牛肚刀削麵 $50仲送凍/熱豆漿添刀削麵份量永遠都係夠我食平時出面食d 麵係唔飽架d 麵削得唔齊齊整整先叫手工刀削架嘛煙煙韌韌！麻辣牛肚依舊同荃灣出色 大量蒜粒！🖤麻辣豬軟骨刀削麵 $50豬軟骨勁入味喎 辣辣地好食好多！下次都要再嗌至得由於佢岩岩新開張 有得加$15 就有涼伴萵筍 /青瓜like 佢地facebook 仲送木耳添！…查看更多

一個月都會黎食幾次每次都會好期待新既menu 新既菜式雖然知佢黎黎去去都係個幾味但IKEA永遠唔會令我失望架！今次主打係豬手配薯仔好大舊好大份好巨 個皮好鬼脆 平時怕肥都要食唔食真係對唔住個廚師lor!!係咪先肉都岩岩好 好軟熟 唔係好老唔係乾架！🖤蘑菇pancake (圖右）我覺得好好食 可能因為任何有咬口既野我都好中意 佢個pancake 皮好好食 好煙韌係我男友就麻麻地 話知佢 我清哂🙋🏻‍♀️🖤小食拼盤 (圖左）有雞翼三隻 脆皮腸三條 薯格一堆 少許粟米其實唔好話係小朋友中意食大人都好中意食 老老豆豆 香口野邊個會抗拒呀🖤芝士波波芝士只需要夠熱 拉到絲 係人都中意食因為佢係芝士 完。加左$5要蘑菇多穀飯都好食 幾有營養 好高fibre 可以平衡番食左炸野既心態🖤蔬菜薯餅唔駛講添喇平時去食熱狗都要加番舊黎食既…查看更多

夜晚收工 去左popcorn 搵野食上海姥姥傳來一陣香氣 吸左我地入去🖤涼拌牛展 (半份）成日都話想食 終於完左心願每塊都切得厚 啲汁入哂牛展最重要係重蒜！🖤老上海炒飯 $8x呢個炒飯份量十足 有肉碎 椰菜 肉鬆為主開頭見到個色水 仲怕會好咸添好彩只係老抽成分居多食落一啲都唔咸 好惹味 唔同平時炒飯咁飯上面d 肉鬆頗為出色 令到每啖飯都食得好滋味！🖤干糄四季豆炒得好有獲氣 d 肉碎好香口四季豆吸哂d 汁 帶有微辣既味道我食唔停呀完全只是份量稍微與價錢不太成對比…查看更多

今日番夜 一早係旺角做個gym想食啲健康d 又無咁油既我又番左去我既老地方食烏冬不過呢排個玻璃門爛左 冷氣就唔太涼 我唔食湯烏冬都食到出哂汗呀（本人都大汗）黎到係午市時段 平時食冷烏冬多既今次試下新野🖤滑蛋鰻魚撈烏冬 $5x鰻魚正常份量 五塊滑蛋爆哂 鋪滿哂啲烏冬架 咁樣係最靚同浪漫！但其實滑蛋先係我嗌呢個餐既主要目的 哈哈哈哈哈 吹咩 好中意食蛋 考試唔會零雞蛋烏冬保持水準 係我中意既煙韌level野飲一如以往 揀左熱柑桔 唔駛加錢凍飲加兩蚊…查看更多

呢間車輪餅我每次去葵廣都會幫襯兩次第一次：一去到係開胃既前菜第二次：離開葵廣前既甜品而我每次都只會食🖤四餡車輪餅 $10有麻糬 肉鬆 蛋黃 紅豆係！非！常！足！料！係熱辣辣添架媽咪足料之外 佢個皮好出色 好好咬 勁有口感平時台灣食既皮係好薄 因為佢地寧願留位比d 餡但我非常重視個皮既煙韌程度佢地真係好軟熟 唔係呢 呢間車輪餅個皮真係好令人淘醉好似食緊雞蛋仔咁架！😭😭😭於是 呢間勝出！！等既時間係10分鐘 但非常值得佢仲有賣玉子燒 以往都有幫襯唯獨今次食左三個車輪餅 於是食唔落👅…查看更多

十點幾行到去太子未食晚餐 但又唔係話好餓喎兩條友於是揀左食啲辣野開下胃二話不說：烤魚！open rice 搵到附近最近既係呢間又未收 又有位 🖤麻辣味既魽魚 $265無咩骨 兩個人食都夠呀啲醬料都豐富 我地加左$38配菜 有大豆芽 秀珍菇 冬菇 芹菜配菜份量不算多 但都夠食唯獨要等多陣先好食 等左十分鐘都唔算好熱ps 驚現魽魚既面豬燈好好食 好咬口 哈哈除此之外 仲叫左個🖤涼拌萵茴條 $3x陳醋味好重 正呀！都見到間鋪好多特色野飲揀都幾養生既 有酸梅湯 有蘋果茶等等但由於我地認為辣到飲咩都救唔到條脷 於是我地嗌左汽水🤣…查看更多