Mickson的个人专页

早二日見東張西望報道龔嘉欣新餐廳開張當然要試吓，上網發現網上OpenRice訂位再有八折（陰爽），進餐廳後看見餐牌太多美食，而且價錢相當合理，手機點餐後美食到來，先係飲品綠茶珍珠latte同香芒沙冰，兩杯都美味特別沙冰，之後點心同炸點精選（可能名字有錯，唔太記得）出色美味，之後炸魷魚正常，再嚟焉鴦焗豬扒飯，厚切豬扒美味唔乾加上蕃茄同咖喱焗飯同樣美飯，再到天婦羅蕎麥麵，炸物都不錯麵質可以唯一鰹魚汁加多了水淡了點，而由於有點套餐有跟甜品，甜品也不錯，而整體食品美味餐廳氣氛令人愉快服務很好，非常滿足會再次到來。…查看更多

之前睇過食評見幾特別所以試吓新嘢，當升降機開門發覺環境好特別好中東Feel，入餐廳時待應生為我哋洗手(有帶呢好運意思)，好特別。不過餐廳無免費水提供呢樣就差Ｄ各人點咗Ｄ嘢飲，基本每杯都唔錯，除咗我自己嗰杯〝沉醉之味〞好難飲有Ｄ似藥水加冰新疆包(Free)，幾好味同幾鬆軟，搽Ｄ雞肝醬再好味Ｄ。羊肉烤卷，餅面好香好有肉汁，好好味。串燒雞、羊、牛，肉質鮮嫩有肉汁好香口，讚！馬腸焗烤餅，同食Pizza分別唔大，不過都好味。牛肉餡餅唔錯餅內好多肉汁。煎窩貼，皮加入南瓜做，而餡係鴨肉，好好味，讚！！烤包，焗得好香唔硬，正！鴨崧义子燒餅，鴨崧好好味又唔咸，配义子燒餅同烤包一流，讚！古法烤春雞，肉質嫩而表面有少少香草增添唔少香味，好味！醬爆包心菜，菜身幾爽脆食得肉多食Ｄ菜唔錯，正。菠蘿羊肉，甜甜酸酸Ｄ羊肉表面重幾脆，食落一Ｄ都唔似羊肉，好好味！！甜品紅綠豆桂花糕，不太甜幾香桂花味，正。拔絲士多啤梨，表面幾脆Ｄ士多啤梨就普通甜，OK之後有肚皮舞表演睇，好好氣份好熱鬧，正!!整體都好好，價錢又唔貴，如果有免費水提供就Perfect！…查看更多

之前聽電台主持推介加上有朋友想試，所以一於試吓。環境裝修幾靚，不過冷氣就不足，而其實餐廳都知道所以加咗不少風扇同風機，不過都重差少少有待改善。由於我不太吃魚蝦蟹，所以大家點菜時都作出遷就。冷盤兩款都很出色，素鮑魚爽口味道適中，醉雞新鮮嫩滑有雞味，正！呢道同樣相當出色，肉質鬆軟外表微脆，相當野味，讚！樟茶鴨肉質不會太乾鴨皮相當脆，而且有陣陣煙薰香味，相當出色。跟鴨一齊的小包片都相當美味有咬口，下次一定要試吓其他包點。讚！！豆腐絲相當幼細但份量不多，湯羹味道都不俗。菇質爽嫩入味，正！味道唔錯飯粒較圓身有咬口，如果再炒乾身少少更好。蘇浙湯包相當出色，包內湯汁份量適中，肉質嫩滑而不油膩，讚！！香棗椰拉糕煙煙韌韌，味道清甜有少少椰香同棗香，美味！楊枝金露OK正正常常。山藥糕味道較清淡，因為之前試咗較甜既甜品，所以試唔真。寧波湯圓個皮相當軟滑煙韌，芝麻餡相當香，不過份量太少得兩粒要$38。整體相當出色，價錢合理(除寧波湯圓)，會再返呢試，但希望到時冷氣已改善。…查看更多

早半年前已同朋友試過，今次特別同屋企人一齊再食，當到門外發現食堂內已有七成滿，更有不少外籍客人，侍應生服務相當不錯。先點了兩款釀蟹蓋，酥炸釀蟹蓋食落雖然美味但較油膩，而芝士釀焗蟹蓋食落蟹肉較軟滑味道較特出，相對較美味。龍皇披金甲依然美味，蝦膠加上魚肉美味得，連我本身唔食魚既我都食咗件半，讚！紅酒火焰黑豚野味非常，加上肥美既黑豚肉同美味既菇菌，正！松露海生蝦豆腐煲味道清淡少少，令味覺有時間休息吓，但由於有松露同海蝦加入，同時豆腐又相當軟滑，所以都相當美味。松露金縷衣味較重，上面雞肉食落有Ｄ似煎魚餅，而南瓜以中間炸過的較美味，整體可以不過無驚喜。唯一呢道菜較霸道，當上菜時其香味蓋過之前幾道菜，令食其他菜式時未能全面感受其食、香、味。當上海生蝦炒蛋白時我以為我點錯菜，因為望落表面非常有光澤同平滑好似沙律，食落蛋白雖然不算非常柔滑，但非常美味感覺有Ｄ似賽螃蟹，三個讚！！特色乳豬炒飯味較濃有少少辣幾野味，整體OK。最後點咗麻香金絲蛋散同訂位時留咗既流沙包(要訂)，蛋散食落味道唔錯但不夠鬆化，而流沙包食時要小心爆油，包皮香甜加上流沙餡既咸蛋黃咸香，非常美味！兩個讚！論價錢同食物質素、股務、環境，其實算幾抵食。…查看更多

圓方睇完魔盜狂潮順天橋行去歎吓夜茶，最近幾年興起點心茶餐廳化，其實都幾好方便Ｄ自在Ｄ，十點左右行到點點心都幾爆，好在重有張枱唔駛等。裏面係奶皇加菠蘿肉，由於加左菠蘿肉令食落不會太甜，而且有助增加食慾，正。雖然有條個皮破開，但味道都幾好味粉皮夠薄夠滑，好味。皮夠薄又不易破餡料又足，好味。春卷皮有Ｄ似蝦角皮，裏面全部係沙律醬剛到熱食一定燙咀，裏面有少許雜果同蝦，唯一係Ｄ蝦唔爽，不過都好味。皮脆餡正，好味。正常，OK好味夠正宗。埋單兩個人$110好低…查看更多

與好友相聚一心試試新嘢，又見本網食評對呢間私房菜評得不錯就去咗試吓，結果火都嚟。首先環境有獨立房間都OK，但係冷氣不足未食已經流汗，失敗。第二茶水真正用陸羽茶包一個冲足幾壺，正爆。Ｄ飯先令人火大，只係用上好普通好普通嘅大陸米又煮得淋，重差過我屋企Ｄ飯。以上呢餐5人連加一合共$1210，揾笨都暈，呢Ｄ咁嘅質素同菜式，出面普通大排當都好過佢，而且$500內一定掂。…查看更多

到金魚街買魚糧行過又見有新鮮蛋撻出爐，於是走到幾出名嘅金華冰廳一心買個蛋撻試吓，正當排隊時又有菠蘿包出爐，咁就買咗一個酥皮蛋撻同一個菠蘿油，當然就喺街食咗先夠新鮮，先食菠蘿油個面好脆可能剛出爐，麵包本身幾香又唔會發得包身太漲令入口似食風幾好，而牛油由於包身幾熱Ｄ牛油都溶咗唔少，不過又令個包身食起呢幾滑，而最正係個面Ｄ皮點咬都無咩跌落嚟，食完到個蛋撻食落個皮都幾鬆，不過Ｄ蛋淡Ｄ唔知係唔係食完個菠蘿油關係，所以覺得普普通通。…查看更多

今日行開旺角去咗試試呢間出名生煎包店，因為本身自己非常起歡食生煎包、小籠包同窩貼，到門口時正寫上生煎包將出爐，咁就先買飛再行個圈再返呢，返呢後發覺多了6、7個人在等，過咗陣出爐哪，我要咗4隻生煎包喺堂食，當接過發現幾細隻，因為從小到大食嘅都係起碼有半個拳頭咁大，不過都試吓先，食落去個皮幾薄薄過窩貼個底幾脆，而個餡味道可以不太咸但係無咩汁，食第二個時加少少醋就好味Ｄ，其實食落有Ｄ似食生煎小籠包多Ｄ，可能正宗生煎包係咁皮薄哪，不過我都係喜歡食平時上海舖同街市邊較厚皮嘅生煎包，因為較有咬口同滿足感大Ｄ，不過都值得試吓…查看更多

每月聚餐今次到了Antipasto，地方不大但都坐得幾舒服，整體給人輕鬆同舒適，侍應雖然不多但都服務唔錯。全餐廳訂座律100%，而且又有街客等位，應該呢間意大利餐廳都相當出名。枱上面青黑醃欖味不會太重好味，麵包也不錯。帶子剛剛熟加上面面頭醃菜，好味同幾清生，D醃菜味有D似欖菜。蘑菇釀入芝士而芝士味又不太濃加上蕃茄粒，味道配合非常出色。平時出面好多餐廳沙律都係醬汁上唔到令面淡底濃同濕，而呢個希臘沙律每一蔬菜都上有醬汁正，特別車厘茄好甜，正。蝴蝶粉味道調配得好好，非常好味，不過D粉煮的時間不足有D硬，我估煮多半分鐘就Perfect。兩款Pizza都非常出色，特別有火腿嗰個Pizza Antipasto 薄餅滲入火腿咸香非常正，而另一款有蘑菇嘅Pizza Primavera 都非常好。嗰Ribs 肉質好鬆軟而且入味，而最正係D薯角好好味，外脆內軟而好有薯仔味不用沾茄汁都好好食，但可惜太少。Tiramisu, Creme Brulee, Blueberry Chesscake, Apple Tart+Ice-cream & Chocolate Pudding我自己要了Chocolate Pudding 都幾重朱古力味而又不太甜，裏面朱古力漿不太稀合我心意，特別最正係個雲呢拿雪糕，有D似自家制而食落唔厚身，再加上裏面有D杏仁粒好清爽好好味。而Tiramisu 裏面有D浸咗酒嘅蛋糕喺裏面，好味。Apple Tart 嗰皮好鬆內裏萍果加少許葡萄乾又不太甜，好味。其餘兩款無試。整體非常滿意，如果連蝴蝶粉都OK就100分。…查看更多

今日復活節假期無地方去，又見Ｄ人去晒外地唔多人，所以去咗上次食唔到嘅東哥籠仔蒸飯。一如所料唔係好多人，入去坐底開茶，但係只有鐵觀音同普洱唔掂，因為我飲開香片而及後都有Ｄ第一次呢嘅人叫香片，最終唯有飲鐵觀音。同叫咗杯咖啡，咖啡係捷榮提供，所以都OK。整體都唔差，如果唔想去酒樓又平平哋，都係唔錯嘅選擇。…查看更多