apwtngvncpw5的个人专页

今日諗住去深井食燒鵝，點知比較傳統嗰間未開，行返出深井大街，見到有間叫翁記嘅酒樓，咁就諗住試吓啦。點知一落單叫燒鵝嘅時候，就比個男職員用責怪嘅語氣大聲咁話呢個時間點會有燒鵝，講到好似你唔知就係白痴一樣，就連附近幾枱食客都聽到同望過嚟！大哥，我唔係你咁響呢間酒樓度做，我又點會知你啲嘢係幾點出爐啊！仲有，叫蝦餃啲皮就厚到爆。仲有其他點心啲味總係覺得唔好食。算啦，當自己當黑，唔想再貼錢買難受，呢間酒樓我就唔會再去！…查看更多

原本外賣都唔打算有乜服務，但今日經歷令我對呢間餐廳有另一番觀感。話說今日響度用手機叫外買，收到email通知話食物已經包裝好，咁咪諗住過去攞啦。過到去，嗰cashier 叫我去櫃檯攞，點知過到去唔見有，咪打算問下個男職員，點知個男職員只悔氣講一向「未得！」。我咁咪好聲好氣同個男職員講話email話包裝好啦噃。點知個男職員突然變得好唔開心，並大聲呼喝我一聲「要攞過嗰邊攞！」, 並指返住收銀處嗰邊。佢嘅態度同聲量令其他人都聽到，並令作為客人嘅我十分尷尬與無奈。我只係想知道個外賣點姐，唔使比你鬧呱。我唔同意顧客大曬，但服務員同顧客應該要互相尊重！經過今次體驗，如果冇乜特別需要我都唔會再幫襯。我有身體力行支持本地店舖，但原來啲人北上真係有原因嘅！…查看更多