manny lee的个人专页

最近開咗間新餐廳去試吓，喺深水埗同公司嘅，質素都係一般冇大期望。裝修環境舒適美觀，價錢比一般茶餐廳貴，賣相一流，吸引，但質素真是和茶餐廳不遑多讓，牛角包係脆，但沒有鬆軟，奶茶只有甜沒有茶香和奶茶滑，全程阿姐行嚟行去等住收我嘅食具，凍飲要加$4 ，茄汁豆份量多也沒有變壞，一試無妨。…查看更多

因為喺荃新天地泊車，又好想食韓式拌飯，見到呢一間新開，入去試吓價錢唔貴，見到OpenRice竟然有$60，但可惜食完先見到😭。牛肉飯伴菜多，牛肉唔多，泡菜同湯係任攞，職員態度好，俾咗錢先至送嘢嚟，可惜冇Wi-Fi，唔能夠用電話下單，走咗之後就好多人嚟排隊啦。…查看更多

事原有一個阿伯寫紙仔，問我點去呢間店舖，我問佢，咁多間舖頭，點解咁遠水路都要嚟呢間度食？佢就回答：「約咗朋友」心郁郁就好想試吓。今日經過，見不是好多人，就入去試試。感覺乾淨，服務員有善，食飯選擇多，賣相吸引，座位空間感足夠，惟雞肉有點鞋口，雞皮有毛，價錢可接受。一試無妨。…查看更多

食物選擇多，份量大，坐位空間感可，職員態度親切，不如一般人說的差，氣氛良好，食物質素可，不過不失。我自己會再來。冷氣大，光線充足。凍飲可加大，好似勁飲大賽😆。…查看更多

因為OpenRice可以賺到里數，所以就揀咗呢間餐廳試吓。預約了十二點，餐廳真是12:00才開門？！食物選擇多，質素一般。座位如茶餐廳的，所以感覺像茶餐廳。咖啡好飲，不過餐牌顯示不夠清晰，如另加咖啡要加錢外，原來已轉套餐，湯和沙律巳包埋費用在內，最後差不多吃完才詢問你要不要。…查看更多

價錢相宜，坐位就不要太高要求，都舒適的。服務一流，不催你下單，收錢的員工有禮，見有空會拉門比走的客人。食物選擇多，不過豬膶和雞肉比較鞋，湯底夠味，不是太辣，適合我這些不辣的人。…查看更多

周圍的食店很多也執了，難得呢間有位，所以試吓。Cafe嚟講，選擇都比較多，因為一般嘅Cafe都係咖啡或者係蛋糕，佢又有all day Breakfast，burger仲有意粉，難得又有窩夫。窩夫出嚟嘅時候都係熱辣辣，加埋都有雪條，仲有cream和白朱古力。burger的牛肉雖然唔係手打，但係有黑椒味，不過漢堡扒冇味😅。另外湯都係有好多海鮮，不過啲海鮮都係急凍😅，一分錢一分貨啦。座位都係比較逼夾，人同人之間都聽到隔籬枱嘅對話。職員都係你叫嘅時候，都會過嚟招呼。我覺得可以一試無妨。…查看更多

因為小朋友喜歡吃pizza，附近的也差不多試過咗，呢間未試過，就試吓啦😋。包裝都好讓人期待⋯⋯十分整潔，pizza好有驚奇，鍾意食芝士的朋友不要錯過。皮薄但芝士多，十分有口感，雖然面上的菜有點苦😜。pizza十分大份，一片巳很足夠。另一充滿驚喜的是鹹蛋雞翼，每口都食到鹹蛋，同脆卜卜的雞皮異常夾，值得推介，不過有點偏貴😅。mustard 都好食，少甜少辣，不過我還是比較喜歡鹹蛋雞翼。意粉偏硬，有口感，而且吊到汁，汁就冇咩特別。如果再叫pizza，pizza king is my first choice!!!…查看更多

很久沒來了！帶著期待的心情。再食我喜歡的食物。milkshake 好似唔同咗點解好似少咗啲嘢？！睇返啲相⋯⋯應該係少咗啲cream係面⋯⋯bacon係個底⋯⋯即刻算得淋哂，沒以前的多重口感😞。呢個新出的，即刻覺得好味好多，朱古力milkshake裡面有朱古力片片，充滿驚喜。職員話漢堡唔會全熟，我都希望食到和牛的口感，但咬落去⋯⋯是全熟的，只有漢堡的質感，吃不到和牛的口感😞。職員有禮熱心，坐位空間感足夠，但未必會再有第二次了⋯⋯…查看更多

很久沒有飲茶，附近的又唔係咁好食😅，所以係運送平台試試呢間。鳳爪未夠淋，有點鹹😅。燒賣就一般水平，不過不失。鹹水角送到來巳經唔脆了，不過水平正常。馬拉糕有點細份，不過有片糖味。蝦餃晶瑩剔透，裏面嘅蝦爽口彈牙。鵪鶉蛋燒賣就有啲乾，皮唔夠滑，豬肉比較多。腸粉皮內的蝦都係彈牙的，但腸粉皮比較厚，不過都係滑溜的。糯米雞出色，一路食一路都食到餡。好似我哋呢啲點都要飲到奶茶的話，這間店舖也是有奶茶供應，不過徧甜。…查看更多

經過見到啲蛋糕賣相好吸引，價錢又係可接受的，所以買啲返屋企試吓。黑森林蛋糕欣賞它原於提子啫喱，但蛋糕有點乾，忌廉還可以😅。巴斯克芝士撻可能有些期待，但入口不夠滑留，而且芝士味不夠濃。欣賞藍莓拿破崙內裡有藍莓醬，忌廉分量足夠，但拿破崙不夠脆口。可以一試，不過有機會還是再試試其他的。…查看更多

上次堂食覺得好食，今次試吓外賣，有點失望，不知是否包裝有問題，或是外賣太心急，倒瀉了一平的糖水，立刻影響食甜品的心情。拿破崙很大舊，得飽肚，而且還鬆化。榴槤配芒果就有啲唔慣😅，芒果有啲酸，影響食榴槤嘅口味。其他的質數保持著，不過有點細碗😅。下次還是到地鋪食好了。（是次沒有收取任何利潤和廣告費用）…查看更多

難得一大班人一齊食飯，要找地方不容易，老闆又話想食呢間，又有得訂枱，便一起來試試。說真的，因為剛過疫情，對出街打邊爐有一點恐懼，不過在話裡吃飯，有多了一份氣氛。食物上得好快，食啊食啊食⋯⋯巳經不知道吃了什麼😅，但牛有太多選擇，雖然店員有介紹，但吃得落口的都巳經放了入口😅。食飯質素高，不會放了入口覺得不好吃。坐位也坐得舒服，良好的飲食體驗。（是次沒有提供膳食款待）…查看更多

試試叫日式餐廳的外賣，又擔心吃了不乾淨的魚生會肚瀉。這食堂大部分的顧客也好評，便試試看。如收到外賣員送來的食物，外賣一點也不馬虎，就像拆禮物的一樣。價錢相宜，成枱也是食物，十分感動🥹。刺身新鮮，算合格。三文魚籽不是太新鮮，可能巳吃慣了好嘢😜。日本米煮得剛好，濕度適中，豬肉是豬肉片捲着芝士，金菇肥牛的肥牛炸得太乾。燒汁正常，芝士漢堡扒有流心。炸雞ok，魚餅新有啲淋😅。餃子皮好硬，拉麵也是未夠淋。麵豉湯有三文魚，十分驚喜，但太鹹。送貨也很快，食物也是暖的。…查看更多

用app叫外賣，呢間係有offer的，就試試吧。梳乎厘size 合理，但用店舖$40的價錢就更合理。入口即化，可接受。楊枝甘露沒柚肉，有點失望😞。其他的$26each。其實舖頭離我哋好近，早知自出去買🥲。…查看更多