Nova.C的个人专页

<MAMA Tiger> 📍中/上環🔸新式fusion，吃一個出其不意泰Food😋🔹$58 泰奶茶只有顏色，沒有味道，不了位置於九如坊嘅MAMA Tiger新開張一個月已經大排長龍 ⋯ 排咗無半個鐘入座，大熱天時尚算可接受。WONTON TOM YUM ($128) — 雲吞皮應該係自製比起傳統雲吞皮更加有實淨又咬口 😎 豬肉餡料足，冬陰功味道濃郁，酸酸辣辣，炸豬皮on top有synergy ~ 有驚喜的！！！（推薦）YEN TA FO ($148) — 上檯成碗都係粉紅色，有啲嚇親 😂😂😂 湯底飲落有啲複雜，有魚露味、小小酸、輕輕辣 ⋯ 不過都幾過癮。鍾意佢用「棵條」，煙煙韌韌嘅食感幾得意。魚蛋食落似雲朵 ☁️ 有種傳統潮州魚蛋嘅感覺。WAGYU BOAT NOODLES （$158） — 船麵牛湯底紮實、有底蘊，出其不意地採用蒟蒻麵，食落清爽。牛腩夠火候，生牛肉片稔、滑。成碗麵最出色係牛丸，棉密嘅肉丸，相當之有彈性，掂。Overall，食物用料豐富，以呢個價錢嚟講冇投訴 🤓 條氣最唔順會係杯泰式奶茶（$58），只有顏色同冰，沒有什麼味道，可一不可再。下次會飲椰青都係$68，新鮮椰青可能仲好飲啲。…查看更多

<劉興記> 📍中環🔸比起祥興記更值得一個米芝蓮推介🔸永無失望🥟💦 超多汁生煎包瀨尿蝦生煎包($28) — 期間限定 🤩 真係有瀨尿蝦肉嘅爆汁生煎包 💕 （推薦）招牌生煎包($35) — 外皮脆脆的、足料豬肉、爆汁超Juicy 💦 每次去都冇失望，價錢仲要勁貼地 … 簡直係平民美食，我認為呢間餐廳比祥興記更值得米芝蓮推介。原味上海小籠包($40) — 傷心去到先知冇晒蟹粉小籠包 🥹 但係原味都好食，個皮薄到連湯汁都見到，湯汁浸住半個包。要好小心食，如果唔係就噴到周圍都係 🤣麻醬青瓜雞絲粉皮 ($45) — 正路 ⋯ 比起上海姥姥好食，又夠大份。…查看更多

平時放工唔知食乜好，就會random食餃掂。最鍾意佢嘅狀元九鼎湯，材料用粉葛、順德活鯪魚、香山活鯽魚、紅蘿蔔、扁豆、赤小豆、新會陳皮、蜜棗、鮮排骨 ～ 祛濕滋潤，最緊要冇味精 😋 煎牛角鮮蝦豬肉餃（$60）— 推薦新產品，外皮酥脆，內餡豐富，蝦肉的鮮甜與豬肉的香氣完美融合，沾上四川辣醬就更加惹味。香煎軟心芝士餃($58) — 內餡絲滑，搭配微微焦香的外皮，加上粒粒粟米，口感層次分明。湯韭菜餃($49) — 平時食開佢地嘅韭菜，餡料新鮮，皮薄餡多。蜂蜜檸檬薏米($20) — 消暑良品，去濕、排水一流。佢哋嘅醬料都係另一個highlight，自己醃嘅酸蘿蔔，每次都會食好多舊 😆 …查看更多

<喜勢點> 📍香港大學站🔸平常價錢，質素OK🔸一人一粒點心 🥟 同朋友飲茶唔使再問責制八月先新開張嘅呢間點心舖，主打平民價錢一籠一粒點心。海苔蝦餃($10) — 都幾蝦餃大粒下，足料。返啅左兩次 😌 牛肉球($8) — 有牛肉味，好食！（推薦）腸粉好特別，叫做「刮腸 」🤭 同出邊唔同，可一試。我冇叫到燒賣，不能夠比評語。煎炸小食都不錯，覺得個糯米包有啲滯 🤣🤣🤣 楊枝甘露都幾多柚子肉，但係西米略嫌太粉，食落冇咬口，有啲失望 🙁 下次試吓合桃露。兩條友食咗$200，都算化算。座位比較窄，坐得冇咁舒服，新餐廳都算乾淨企理。職員態度好親切，不過就算電腦落單都好 ⋯ 都有漏單嘅情況出現，漏咗嘅話記得親切地提下吓樓面啊 ～ 😊 …查看更多

<香香宮煮> 📍尖沙咀🔸養顏黃金雞湯超多花膠 💕🔸識噴煙牛寶盒 🐮 連牛黃喉都有湯底揀左養顏花膠湯 + 半隻雞（$328），先飲湯～ 然後即刻決定叫個烏冬 😂 自製湯烏冬，索晒湯底精華，簡直係明智嘅決定 。湯底勁足料花膠都有好幾塊，半隻雞上枱嘅時候係半熟狀態，飲完湯落水滾1-2分鐘就食得 🧡 黃油雞好出色，又滑又有雞味 ～ 艾莎公主牛肉寶盒 ($489) — 直接叫乜都有啲嘅寶盒。一上檯就噴晒冰氣 🌬️ （Let it go ~ let it go ~❄️）好犀利連牛黃喉都有 😍 最正嘅係佢嘅新鮮牛展，食落爽脆有肉味！推薦！餃子拼盤4粒($98) — 大大粒！好足料！今次試到蟹黃餃，好多蟹肉 🦀 另外韭菜餃都好足料勁誇張的爆餡，必定要返啅！自家製即炸魚皮($88) — 同出邊餐廳好唔同，佢哋自家製作魚皮有胡椒香 ❤️‍🔥 同雞湯好夾朋友係OpenRice book位早啲食仲有折，每人都係$500有找 ～ 食飽飽由玄武殿回寢宮休息 🤰🏻…查看更多

<燒烤堂> 📍中環🔸串燒店Top 3選擇🔸雞冠新體驗 😆 唃 ⋯ 唃 ⋯ 唃餐廳好多選擇，Highlight推薦菜式：燒海鮮（蟶子、北寄貝）~$50 左右，好抵食！大大份，鮮甜美味。燒雞皮 （$22）— 薄脆薄脆 🪁 好好送酒！鵝肝多士($108) — 手掌心咁大份 😈 好邪惡啊～ 切開油脂溢出💦 口水嗲嗲啼 🤤 蜜糖燒菠蘿($18) — 燒菠蘿每次都必點！食到一平可以Refresh一下口腔 🍍鹽燒白鱔 ($48) — 厚肉、大大啖食，最緊要無骨 😍 雞肉串燒都正～ 每一串都烤得恰到好處，外面微微焦香，裡面保持了肉的鮮嫩。餐廳竟然有雞冠🐔 食落質感好Fun ～ 爽爽脆脆咁樣，未食高真係好特別！（推薦）…查看更多

<太子海鮮菜館> 📍長沙灣🔸醉愛「陀地」 💞 🔸必叫脆皮燒雞，皮脆肉嫩 🤤今次第二次幫襯，醒起要帶相機share比廣大嘅香港市民知道呢間「陀地」中菜。可以自己帶酒水，免自攜酒水錢 💖💖💖 真係回頭率100%抵 食 ！👍🏼好 味 ！😋太子一品燒雞（半隻） $128 — 必叫！外皮脆卜卜，雞肉滑，超Juicy 💕上湯龍蝦伊麵（$468） — 龍蝦 🦞 鮮～ 係老酒樓風味椒鹽鮮魷($118) — 勁大碟 🤩 炸到粒粒金元寶咁，好食！豉椒炒蟶子皇煎米粉底 ($340, 5隻） — 蟶子嫩滑、有彈性 ⋯ 雖然係大蟶子，但好味到食完就 … 後悔無叫多份啲，應該要每人兩隻先夠開心！米粉底有啲失望，如果炊粉（較細的米粉，經過蒸製，口感Q彈）就更加正。蜜汁燒鱔($298) — Errr … 一般般。法式焦糖燉蛋 ($36) — 竟然！！！一般中式飯店有法蘭西野 😍 仲要好食嘅！有雲呢拿籽 💕💕💕 （推推推！）我地一行5人，埋單$1500（每人$300左右）。抵食又好味 😍 記住間野係長沙灣，唔係太子啊！唔好出錯站⋯ …查看更多

<女人街食飯公司>📍尖沙咀/旺角🔹好壞參半，人頭$2-300食餐飯黎講算係咁🔸會為咗隻秘製蔥油雞再幫襯係Gimmick？定堅係大排檔風味？～ 一半一半啦。 尖沙咀嘅裝修比較有特色，好適合打卡 📸 門口嘅關二哥好有氣勢，震啲牛鬼蛇神 😎⚔️試過晒兩間分店，結論係隻雞真係好正！夠晒滑！個豉油送飯一流！簡直係白飯小偷。🥷🏻👍🏼 秘製蔥油雞、椒鹽鮮魷、豉椒炒蟶、啫啫芥蘭煲，掂！掂！掂！🫸🏼蜜餞薯仔牛柳粒、菠蘿咕嚕肉啲肉冇味，得個醬汁有味，不了。小炒黎講直程係唔合格 😅 希望下次再去會有改善。 五個人去食六個餸，飲埋啤酒埋單都係$300有找，個人覺得OK ～ 下次再幫襯！…查看更多

<迎麵> 📍荔枝角🔸無味精瑤柱金湯好好Jap 🤩🔸滿滿誠意小店 💯回頭率荔枝角億利真係好多正野食 🤩 運動前random入左間餐廳，快啪個車仔麵，就偶然發現左寶藏湯底。👑🌟⚱️*～ 黃金瑤柱湯 ～*🔱🏆⚜️五餸都係 ($66) 抵到爆！！！+$10嘅樽仔奶茶好飲，必須要試！😍😍😍 呢個價錢最岩我呢啲不上不下嘅打工仔 😂 老老實實，由於佢個湯底實在太太太出色，佢自稱車仔麵確實有啲勉強，應該叫「湯麵店」。配料食得出係自家製，牛根、豬紅、鹵水蛋；個人覺得肉餅韭菜唔夠脆，唔煎改炸就正！💯湯底，加上呢個價錢絕對會返啅～ 🌟 題外話，一入門口有個伙記自稱「魚旦」好熱情咁招呼客人，我開頭有啲嚇親 😂😂😂 因為好耐無見過咁有熱誠嘅伙記（其實可能係老闆，條友勁熱血）🌟 …查看更多

<三食> 📍中環🔸有期望冇失望 💕 長期人龍排隊店🔸新式韓國菜 🇰🇷 中環區性價比🔝🔝🔝咁啱得咁蹺撞正呢間長期排隊店 <<<三食>>> 人龍短短，機會主義者馬上攝入隊形 😆 好快就可以入座了～ Half-and-Half Boneless Jokbal ($168) — 充滿彈性骨膠原嘅豬腳，個人比較鍾意食辣嘅部份，加埋啲韭菜食巧C服 🥴Cream Bulgogi Hot Pot （$118） — 有驚喜 😯 唔覺意叫錯咗嘅item，牛骨湯同忌廉嘅味道有synergy 💛💛💛 入面仲有粉絲索晒啲味好正！（推薦）Bulgogi and Pollock Roe （$108） — 明太子牛肉石頭拌飯，見到本身唔開胃 😆 驚喜地香蔥味道唔會好刺激，爽脆口感令人食慾一振！！！明太子雖小，有吊味嘅效果（推薦）Head Meat Gukbap ($98) — 冇乜特別，一般。中環嚟講，四個主菜每人$200都唔使，確實幾抵食 ～ 下次冇乜人排隊嘅，再去幫襯 ～ 試埋佢個泡菜餅 ☺️💕💕💕…查看更多

<碧士文> 📍上環🔸豬扒飯嘅專家 🐷 🔸蔥油豬扒飯嘅重點 😈 當然係蔥油蔥油豬扒飯配煎蛋($92) — 蔥油豬扒飯配煎蛋是一道讓人垂涎。豬扒嫩滑，搭配香濃的蔥油，令人食指大動。嬌嫩欲滴煎蛋的蛋黃微微流心，增添了Juicy嘅口感，然而飯粒吸收了蔥油鹹香 & 豬扒的肉汁，幸福感倍增。芝士蘋果焗豬扒飯 ($102) — 嫩滑的豬扒上鋪滿融化的芝士，與清甜的蘋果片相輔相成，形成獨特的口感層次。手打豬肉丸(跟餐) — 肉質鮮嫩，彈性十足，搭配特製BBQ whiskey 醬，味道更上一層樓。…查看更多

<翠豪園>📍荔枝角/長沙灣🔸大癲！發掘到寶藏 💎📿🔮🔸小炒有鑊氣 😍 係香港地嘅味道可能係荔枝角嘅地頭先知道，長沙灣廣場嘅角落竟然有間寶藏級 ❤️❤️❤️ 陀地茶餐廳，夜晚有得食小炒、住家蒸菜，價錢平得黎又好食 🥴 真係好出色！！！椒鹽九肚魚 ($98) — 有別於多數九肚魚做法，佢哋嘅粉漿薄薄一層，咬落去脆卜卜，然後魚肉綿綿 😳 完全無粉渣，好好味～ 啫啫芥蘭爽肉煲 ($76) — 吱吱炸炸咁上檯，夠晒穫氣 🔥 爽肉真爽，絕對冇欺詐成份 ～ 係香港地陀地嘅味道。三色肉碎蒸蛋($66) — 滑！！！呢個已經係💯嘅食評。菠蘿咕嚕肉 ($72) — 我會形容係小炒食落係太興Standard，但份量多1.5倍。然後，佢用嘅菠蘿係新鮮菠蘿。豉汁蒸烏頭 ($88) — 條魚都幾大下 😂 肉質嫩滑，泥味唔算好重。我哋一行五人，叫咗五道菜加埋飯凍飲，最後埋單都係$471，好味又抵食！🤩🤩🤩…查看更多

<AMBER> 📍中環🔸 Signature item 簡直係西太平洋嘅海嘯 🌊🌊🔸無論由服務到到食物都冇得挑剔 🎖️最近生日就揀左bookmark以久嘅位置於置地廣場，隸屬於文華酒店嘅<Amber> ✨✨Weekend lunch full experience，轟頂！！！！！！✨✨Full experience 6-courses lunch menu ($2,318 + 10%)，包左入星級廚房體驗 + 用膳 🥰廢話唔多講，無論服務同食物質素都真係一流！！！米芝蓮 ⭐️ They are well deserved it !!! 記錄一下，最有記憶點嘅兩個菜式。季節海鮮蕃茄凍湯 — 🐠🦐🦞海鮮凍湯做底，🍅中間鋪上清甜嘅蕃茄、上面再加層泡泡 🫧🫧🫧，最頂鋪上一境濃縮蕃茄脆片。凍湯份量唔大，但係每一啖都有不同嘅層次同味道，蕃茄嘅鮮味令到海鮮味更為突出，同時又唔覺得喧賓奪主，真係大師功架，冇得彈！！！🥴💕*Signature item* 魚子醬海膽龍蝦 — 用呢三個食材為主調嘅appetizer，可以話係Amber最出名嘅一個item。一啖落去，魚子醬嘅鹹香，簡直係整個西太平洋一夜轟落嚟 🌊🌊🌊，隨後海膽嘅鮮甜令到撫平鹹鮮嘅棱角 … 最後緩緩嘅龍蝦mousse輕輕帶走一切，突然峰迴路轉，魚子醬嘅海鮮味回湧入口腔，令人欲罷不能 🩵🩵🩵🩵🩵 男朋友就覺得有啲大兜，食得多會膩 ⋯ 餐廳另附上一片天婦羅紫菜，夾住食就冇咁膩。（大大力推薦，無憾 👍🏼）本身擔心Fine Dining食完會肚餓，最後6-courses + 甜品真係飽到上心口 🥰 係難忘嘅體驗。…查看更多

<車水堂> 📍中環🔸鬧市中的地道車仔麵🔸價錢貼地，打工仔飯堂放工頹頹哋，為求快食晚餐，早啲返屋企休息 😴 就去咗平時食晏都會去嘅車仔麵。餐廳環境適合獨食，自己一個食頹頹哋都唔會尷尬。識食一定係食油麵 🍜 返工咁辛苦，放工絕對唔能夠唔能夠待博自己，五餸：咖喱魷魚、金錢肚、鮮豬紅、蘿蔔和豬軟骨 😌中辣湯底的辣度恰到好處，唔會掩蓋食材本身的鮮味。個人推薦咖喱魷魚 & 金錢肚，鍾意佢夠晒脆口感，增加左成碗麵嘅層次。鮮豬紅的肉質鮮美，車仔麵必選！仲有白蘿蔔，無根又清甜，食晒成碗麵都唔會覺得油膩。全清，爭啲連湯都飲埋 😆買單都唔使$100，中環嚟講算係好抵食啦～ …查看更多

<Sepoy Mess>📍 Kowloon Station 🔸 They know what Hongkongers favor! 🤤 🔸 Strongly recommend their soft shell crab roll. 🦀 TGIF~!!! 🥳 Last Friday, we visited a place in Elements. The vibe of the restaurant is quite chill; we saw lots of people enjoying happy hour here. 🍻 **Grilled Octopus ($188)** — The grilled octopus was perfectly charred, tender, and flavorful, served with a zesty lemon dressing and herb sauce. 🐙💕 **Soft Shell Crab Roll ($178)** — Strongly recommended for those who love pickles 🥒, which create a great balance with the fried soft shell crab. **Chicken Tikka Masala ($178)** — My friend can't handle too much spice 🌶️, so we ordered the Masala. The perfect blend of spices creates a rich, aromatic experience, while the meat is tender. **Garlic Coriander ($30)** — Soft and chewy. 💛 …查看更多