Bowie_c的个人专页

點左「雞扒親子飯+凍奶茶 = $53」！由於小妹男朋友好鍾意食雞扒，所以食晏成日都會嚟呢度食！晏晝時間都比較多人，但係大約等五至10分鐘就有位👍🏽有圖片可見圖片的雞扒非常大塊，充滿着好多雞扒汁，非常好味，果然係雞扒之王！個飯另外有啲配菜同雞蛋，令過返更加豐富，唔會剩係得肉類！配上佢特製嘅姜蓉，令白飯更有味！如果喺佐敦返工嘅朋友仔，食晏可以嚟呢度一試，個人都幾推薦！…查看更多

呢個「芋圓」真係不得了，芋圓既口感好粉，完全無煙銀可言，唔似平時既芋圓不特止，而且難食！椰汁又好淡茂茂，食左一半已經唔想食！「宇治金時」，鋪滿好多野果，紅豆，小丸子！刨冰嘅份量都算多，綠茶雪糕夠濃味，價錢適中！…查看更多

由於係外賣店，所以店面比較細，但係有右邊有一張小小嘅枱可以坐！雖然店舖細，但係五臟俱全👍🏽甜品嘅種類都好多，呢個只係其中一頁！點左「芋圓仙草2號 = $28」，可見芋圓嘅份量非常多，每一粒嘅咬口都非常煙銀，甜味適中！仙草嘅份量都好多，唔會有好膠嘅感覺，同芋圓非常夾👍🏽令我好想下次再嚟過！「比利時三重朱古力心太軟=$38」，呢個價錢非常抵食👍🏽心太軟係樓心心太軟，非常好味，濃濃嘅朱古力味配雪糕，好過好多出面嘅糖水舖！但係唯一比較唔好嘅地方係，士多啤梨醬汁太多，因為個人太鍾意食士多啤梨味😂…查看更多

由於係鰂魚涌返工，所以成日見到門口有好多人排隊，今日決定一試！12點鐘已經有好多人排隊，需要排隊攞位，如果食飯時間有限制嘅朋友，可能就要識得有啲趕急！係排隊嘅時候，店員已經幫你落定order ,方便你一坐低就有得食！門口貼左，限時30分鐘成，認真誇張🤨「滑蛋叉燒飯+熱檸水=$56」，上菜速度非常快！有圖片可見，每塊叉燒都好大，佢嘅日本雞蛋真係滑蛋，配上少少蔥花，淋上甜豉油，望落已經非常吸引啦！識落都一樣，蛋汁加上豉油汁加上軟綿綿嘅飯，果然係越簡單越好食👍🏽叉燒好熱咬口，每一舊叉燒都有啲叉燒汁，非常好食！果然，多人排隊係有原因㗎！…查看更多

店舖樓底高，裝修偏向簡約風，波珠柔和嘅音樂，環境偏向寧靜，系一個下午茶傾計嘅好地方，因為感覺好舒服，好輕鬆！點左個下午茶套餐「黑松露蘑菇意大利飯+鮮果汁 = $88」，盛果汁嘅器皿非常得意，好似一個燈泡仔咁！黑松露蘑菇意大利飯充滿黑松露味，入邊有好多蘑菇，飯嘅份量都好多，我一個人食唔晒！每一粒飯都充滿好香嘅黑松露味，非常好味👍🏽同朋友傾左三個鐘計，店員都冇好不滿嘅態度，確實係一個傾計嘅好地方👍🏽…查看更多

點左「泰國炒金邊粉」，係好傳統嘅金邊粉，有豆卜，芽菜，蝦，花生碎等既配菜！每一條金邊粉都有好香濃嘅配料味，味道非常均勻，係好好食嘅金邊粉👍🏽「白鳳爪沙律」，鳳爪嘅份量都好多，辣辣酸酸甜甜嘅醬汁，令人非常開胃，感覺清爽，但由於味道偏辣嘅關係，食唔到好多😂另外佢配上好多鹽焗果仁同腰果，幾得意😂👍🏽食泰國菜必點嘅「海鮮冬陰公湯」，呢個冬陰公湯係我飲過最好飲嘅！一邊嘅配料非常多，有鮮蝦，魷魚，番茄仔，蛤，菇！佢嘅味道唔算好辣，小小酸，味道溫和，好易入口，而且可以解啦，令人飲完又好想繼續飲👍🏽係非常成功嘅冬陰公湯！…查看更多

由於夜晚比較多人，所以要預先book位，可以揀坐室外或者室內👍🏽叫咗個一隻雞既雞煲小辣，雞煲一嚟到就聞到好香濃嘅配料味，配搭左好多芫荽同聰，望落非常惹味，食落非常入味！雞件斬得大細啱啱好，容易入口但係一隻雞嘅份量唔算大，如果可以多啲肉食就好啦😝由於帶咗小菜嘅關係，火鍋配料點得唔多，淨係叫咗午餐肉同烏冬，佢嘅午餐肉係好厚切嫁👍🏽小菜方面點左「Wasabi牛肉粒」，雖然款式比較創新，味道都正常，牛肉粒嘅肉質易咬口，但係洋蔥嘅份量就太多啦！另外點左「香蒜椒鹽豆腐」，碟餸一放落你已經聞到好香嘅蒜蓉味，非常吸引！豆腐嘅份量都非常多，好啱一家大細一齊食！可惜嘅地方係，豆腐食落去偏淡，無乜椒鹽味！…查看更多

以前細個成日嚟食芝士麵，由＄29食到佢$45😂雖然係下午茶，但係鋪頭依然多人！牆上面貼滿好多明星光臨既相，可想言之新記係幾咁好食👍🏽「芝士豬扒撈丁+熱飲 = $45」,大家見到滿滿嘅芝士醬汁鋪滿成個公仔麵，新記嘅芝士汁係好香濃而且唔會太鹹，即使放涼左再食都唔會杰撻撻👍🏽公仔麵條條分明，同芝士汁配搭得非常好味！豬扒又唔會太肥，份量都多，食完碗麵啱啱好，如果可以多啲面就好啦😂鍾意食芝士嘅朋友，非常推薦到「新記」一試！…查看更多

小妹係星期一既16:00到店，店內既客人都幾多，好好彩有位👍🏽但由於天氣太熱既關係，柴太郎淨係早上同17:30之後先會落舖頭，無緣見面！下午茶餐有幾款，我點左「沙律+日本玄米茶 = $82」!見到盛放食物既木盤印有柴犬既樣，非常可愛😍沙律既份量都幾多，配上蒜蓉包，香脆可口👍🏽店員都非常有禮貌，推薦愛犬人士到此一遊👍🏽…查看更多

因為入座時間係星期六既13:30，所以比較多人，等左大約10分鐘！奧海城既simplylife地方比較大，裝潢都有用心，好岩傾計！set lunch有好多選擇，「主食+沙拉+面包 = $118」，小妹點左個「黑松露磨菇意粉+沙拉+面包」！沙拉酸酸味味，非常開胃👍🏽配左硬既法包，有好豐富既麥味，因為個人鐘意硬面包，所以非常推薦！「黑松露磨菇意粉」有豐富既蘑菇👍🏽好香濃既芝士味同黑松露，每條意粉都好入味！食完有啲飽😂…查看更多

「壹碗麵」有多類型的麵，例如湯麵或撈麵！小妹點了「蔥蓉鹹香雞湯QQ麵+熱羅漢果茶 = $64」！鹹雞的份量適中，當中配有香甜的蘿蔔及炸蒜！鹹雞配上雞蓉味道不錯，不會太多雞骨！值得一提嘅係白蘿蔔，非常鮮甜多汁，好值得另外叫一碟蘿蔔小食👍🏽成碗面嘅主角「QQ麵」沒有口感，麵身偏硬，下次會選擇其他麵！…查看更多

有照片所見，牆上掛着一幅香港經典電影嘅角色的壁畫，非常有共同回憶！小妹點左「羅麥雞翼撈通粉 配 羅麥炒蛋多士 = $56」，炒蛋同多士比較乾身，唔太吸引！另外「羅麥雞翼撈通粉」嘅雞翼充滿瑞士汁味，非常入味，而且有四隻，分量相當足夠👍🏽但係通粉就相對唔夠瑞士汁味，如果通粉可以入味啲，成碗野就會更加出色！…查看更多

久仰大名嘅「華星冰室」，順路經過所以決定一試！大約兩點到餐廳，唔需要等候都可以入座！小妹點左個「營養餐 = $36」，炒蛋有豐富嘅蛋汁，香滑而濃郁嘅蛋味，令人一試難忘！火腿沒有什麼特別，就是普通嘅火腿！多士好凍適中，熱度掌握十分好，唔會太燶，趁熱食配上牛油非常可口！「茶走」，茶味香濃，溫度同甜度都掌握得非常好，下次會再叫「茶走」👍🏽…查看更多

因為天氣炎熱，所以想揀一啲開胃嘅晚餐！喺旺角內街經過見到呢間又凍烏冬食，諗都唔諗就想試吓👍🏽我同男朋友點咗個「自選二人前」，（包括汁煮牛肉，厚燒玉子，浸娃娃菜，兩個加大凍烏冬，一杯柑桔青檸及雪碧 = $157）「加大凍烏冬」份量唔算多,會想去自製嘅汁，清涼爽口，係夏天特別開胃👍🏽「汁煮牛肉」好似吉野家肥牛咁，充滿着牛肉汁！「厚燒肉子」的厚度非常厚，好香甜的蛋味同蛋汁，非常推薦👍🏽…查看更多

朋友介紹「皇茶冰室」的奶茶非常好飲，咁啱路過所以決定一試！店舖嘅裝修有別於其他傳統嘅冰室，時尚簡約，座位既空間非常鬆動！店員嘅態度好熱情，不停介紹好食嘅食物俾我，都好有禮貌！午餐時段到冰室，點左一下「鮮茄焗豬扒飯」😍餐廳完碟餸上，熱辣辣香噴噴，飯上面鋪上一層芝士，鮮茄汁同埋大大塊厚豬扒，外表非常吸引！店主仲好細心照顧到一啲好鍾意食芝士嘅人，另外送上芝士粉（第一次食冰室可以自己落芝士粉）！芝士同鮮茄汁加埋飯非常好食，味道唔會太酸，而飯係粒粒分明嘅炒飯，非常可口👍🏽厚切豬扒嘅肉質非常嫩滑，唔會乾爭爭之餘，係成個飯嘅精髓！另外，男朋友點左「焗咖喱牛腩飯」，個飯一黎到已經聞到好香嘅咖喱味，佢嘅咖喱味香濃之餘帶有小小辣，令咖喱味道更為突出！牛腩份量多而且恔得林容易入口，配上乾身嘅飯粒，非常可口👍🏽估唔到冰室嘅焗飯質素咁高，非常推介！最後，終於飲到朋友所推介嘅奶茶！雖然外表平平無奇，但係飲落就知道茶同奶嘅份量掌握得好好，茶味香濃得來又滑，冰塊數量唔會太多之餘，甜而不膩👍🏽果然係冰室嘅招牌奶茶！奶茶迷不妨一試！…查看更多