hkfoodie_vic的个人专页

今日夜晚，我同朋友去咗呢一間位於康城附近嘅酒樓食飯，呢間酒家喺香港都有幾間分店，酒樓嘅裝修比較親切，座位好寬敞，位同位之間充滿空間。我見佢哋有做緊晚市優惠套餐，當中比較吸引我嘅就係佢哋嘅上湯焗西澳龍蝦以及脆皮吊燒雞。上湯焗西澳龍蝦龍蝦肉非常之飽滿，入口鮮甜，肉質大牙爽口。除咗龍蝦之外，呢度菜仲有配上稻庭烏冬，烏冬入口爽口，沾上上湯一齊食，非常滋味。脆皮吊燒燒雞燒雞嘅外皮燒得好香脆，皮下脂肪唔算多，雞肉質都好嫩滑，入口充滿肉汁。當我哋食完晚飯嘅時候，酒家仲會送上糖水，非常有心思。我對於今餐晚餐都幾滿意，特別係佢嘅晚市優惠套餐，價錢超值。…查看更多

今日夜晚，我同朋友去咗位於九龍站嘅中菜餐廳食飯，依間餐廳嘅價錢都幾親民，款式亦都好多。雖然我今日食嘅係晚餐，但我亦都有留意到原來依間餐廳係有做午市套餐。我今日就叫咗兩個煲仔菜同埋一個小菜，我另外亦都叫咗燉湯。燉湯用料非常之認真，有唔少材料，入口食得出真材實料。叉燒炒滑蛋滑蛋入口唔會煮得太過老，蛋香味濃郁，叉燒入口亦都唔會好韌，攞嚟送飯就啱晒啦。沙嗲牛肉粉絲煲牛肉醃得好入味，沙嗲入口亦都唔會太過辛辣，配埋粉絲一齊食，非常之有風味。整體嚟講，我覺得今餐嘅晚飯價錢唔算太貴，食物嘅款式亦都幾多。…查看更多

今日夜晚，我同朋友去咗呢一間位於觀塘嘅餐廳食飯，餐廳用咗唔少嘅木製傢俬，燈光非常柔和，成個用餐環境亦都好舒適。無花果鵝肝多士鵝肝入口充滿油香，配埋無花果可以解油膩。松露惹菌湯入口有香濃嘅松露味，配上其他嘢菌，口感好豐富。龍蝦汁蟹肉扁意粉意粉入口好彈呀，蝦汁嘅味道唔會太過鹹，加上蟹肉亦都幾鮮甜，幾好味。蜜糖鹹豬手配燒汁豬手外皮仲係好香脆，入口啖啖肉，幾好味。整體嚟講，餐廳嘅環境好好，座位同座位之間有充足嘅空間，唔會覺得好狹窄。…查看更多

今日中午，我同朋友去咗位於太子嘅呢一間壽喜燒食飯，餐廳有提供唔同嘅壽喜燒套餐，以及係一啲嘅小食。餐廳係一間日式嘅小店，室內裝修以木色為主調。吉列車海老吉列車海老炸得好香脆，蝦肉亦都幾鮮甜。壽喜燒套餐依度有唔同嘅牛肉以及唔同嘅部位提供，例如有封門柳，牛小排等等。牛肉亦都可以選擇來自唔同國家嘅牛肉，包括日本同埋澳洲等等。牛肉入口有牛脂嘅香味，肉味亦都幾香濃，除此之外，除餐亦都附上蔬菜拼盤，味道亦都唔錯。焗龍蝦尾龍蝦嘅肉質入口鮮甜，份量亦都幾多，適合同幾個人一齊食。整體嚟講，我覺得今餐嘅食物質素都唔錯，當中我就覺得龍蝦尾比較抵食。…查看更多

今日夜晚，我去咗依間位於荃灣廣場嘅湘菜餐廳食飯，餐廳喺銅鑼灣同埋荃灣廣場都有分店。餐廳提供一系列嘅湘菜，但同時亦都有提供其他菜式，所以無論平時食唔食辛辣嘅嘢，都可以嚟呢度食飯。前菜有唔少選擇，當中我比較欣賞嘅就係佢哋嘅蒜泥白肉烹調得好精緻，入口充滿油脂同埋蒜泥嘅香味。酸菜魚魚嘅份量夠晒足，入口鮮甜，肉質爽口彈牙，非常有風味。黃金海中蝦呢度菜整得非常之出色，蝦殼烹調得好香脆，蝦肉肉質好大，仲有唔少蝦膏添。薑蔥生蠔煲蠔肉入口清甜，調味亦都調得啱啱好，唔會太過濃郁。整體嚟講，今餐無論係前菜定係主菜都烹調得好出色。…查看更多

今日夜晚，我去咗尖沙咀嘅韓式餐廳食飯，呢間餐廳非常之受歡迎，我啱啱嚟到嘅時候，就已經見到餐廳出邊大排長龍。餐廳有提供唔少嘅韓式湯水，例如海鮮湯，牛肉和餃子湯等等，都幾有特色。海鮮薄餅海鮮薄餅煎得好香脆，入口唔會覺得好油膩，調味亦都好足夠。招牌海鮮拉麵呢個拉麵嘅材料都好豐富，入口亦都唔會覺得好辛辣。蛋卷蛋卷真係好足料，份量又夠晒多，入口有香濃嘅蛋香。除此之外，餐廳亦都有提供其他韓式菜式，例如韓國炸雞等等，另外，我亦都留意到有唔少韓國嘅顧客。…查看更多

今日夜晚，我去到呢一間位於荃灣廣場嘅日式餐廳食飯，餐廳有提供唔同嘅晚餐餐單，選擇都幾豐富。肉類方面，有提供牛扒，豚肉，以及係魚肉等等。飯同埋意粉嘅選擇都幾豐富，例如有咖喱飯，扁意粉等等，都幾有特色。炸蟹肉球拼薯餅蟹肉球非常足料，每一啖都食到鮮甜嘅蟹肉。照燒三文魚魚皮烤得好脆，肉質鮮甜，仲可以配埋其他配菜一齊食。日式照燒雞pizzaPizza嘅表皮焗得好香脆，入口唔會覺得太油膩。開心果巴斯克芝士蛋糕芝士蛋糕入口有香濃嘅芝士味，證明真材實料。整體嚟講，我覺得今餐嘅食物好高質餐廳成個用餐環境亦都好舒適，座位夠晒闊落，食物質素對得住佢嘅價錢。…查看更多

今日夜晚，我同朋友去咗銅鑼灣食飯，依間餐廳提供一系列嘅特色菜式，安裝包括海南雞，麥片蝦等等。奶油麥片軟殼蝦麥片蝦粒非常之酥脆，蝦肉飽滿彈牙，入口肉質好紮實，鮮甜可口。另外，呢度菜有唔少隻軟殼蝦，烹調得幾出色。蟹肉炒飯炒飯炒得好香濃，米飯粒粒分明，加上用咗唔少蟹肉，令到成個炒飯都食到蟹肉嘅鮮甜味。榴槤爆漿一個甜品好有特色，麵包烘得好香脆，榴槤亦都夠晒入味，入口有榴槤嘅香味，適合鍾意食榴槤嘅人。美祿爆炸呢個特飲都幾有特色，有唔少嘅配料，加上入口唔算太過甜，成杯飲品亦都好大杯。整體嚟講，今晚嘅食物會各有特色，價錢亦都唔算貴。…查看更多

最近同成班好朋友去咗觀塘嘅「御膳」慶祝聚餐，餐廳好貼心，師傅特意為我哋設計咗一份好有特色嘅餐單，每道菜都令人好驚喜！😋首先上枱嘅係「蒜蓉粉絲蒸蟶子皇」，蟶子真係好大隻，食落完全冇沙，仲好鮮甜！配上濃濃嘅蒜蓉同滑溜粉絲，真係超級惹味！🧄接着就係「極黑豬叉燒」，用咗豬柳梅部位，即叫即燒，表面燒到微微焦香，入口軟嫩又多汁，仲帶少少甜味，好正！🐷然後係「菊子魚」，呢道菜用咗原條沙巴龍躉2斤，配上特製柚子醬汁，味道清新又帶啲酸甜，魚肉好滑又好鮮，好開胃！🍋 推薦！！！仲有「避風塘炒大肉蟹」，蟹肉份量十足，炒得好香口，加上大量炸蒜，蒜香味好濃，食到停唔到口！🦀最後仲有「炸子雞」，雞皮金黃香脆，睇得出係用油淋熟，唔係炸，入面嘅肉好嫩滑，一啲都唔油膩，仲保留到豐富肉汁，好出色！🍗成餐飯每一道菜都好有心思設計同烹調，味道又好，大家都食得好開心！如果你都想同朋友試吓呢啲特色菜，可以打電話 搵師傅幫你設計餐單！👍…查看更多

今日我去咗呢一間位於荃新天地嘅潮州菜食飯，餐廳有多款特色點心，甜品，飯面等等嘅選擇。我留意到佢哋仲有唔少特色小炒添，例如煙熏豆腐，鹹蛋黃菱角，燕麥荷花瓣等等。我自己就對佢啲點心比較有興趣，我分別叫咗抱抱蝦餃，黑蒜蝦燒賣，麻婆豆腐小籠包，每款都幾有特色。抱抱蝦餃蝦餃造型好精緻，皮薄餡靚，蝦肉爽口彈牙。黑蒜蝦燒賣燒賣有好大舊蝦肉，用料十足。麻婆豆腐小籠包依個小籠包入口有少少辣味，呢個諗法非常之創新。鳳梨雀仔製作得非常精緻，入口有香濃嘅鳳梨香。鮑魚東坡肉飯米飯吸收咗東坡肉嘅精華，非常好味。整體嚟講，我覺得今餐嘅點心好有特色，餐廳嘅製作好認真，每款都令我好難忘。…查看更多

今日夜晚，我同朋友去咗呢一間專門食羊肉嘅餐廳打邊爐，餐廳嘅羊肉由內蒙古運過嚟，非常之新鮮。餐廳也提供多種唔同羊肉選擇，例如羊上腦，羊後腿，羔羊肉等等。唔同部位嘅羊肉，有唔同特色嘅味道，例如羊上腦就有少少奶香味，羊肉入口充滿肉香。我自己比較鍾意嘅係羔羊肉，入口有淡淡嘅脂肪香味。除咗羊肉之外，餐廳仲有提供唔同嘅海鮮，例如蝦同埋蟶子，啱晒鍾意食海鮮嘅人。除此之外，仲有串燒可以選擇，有燒蝦，燒鱔，以及係燒羊肉。串燒燒得好香脆，加上表面焦脆，更加突出到肉嘅油香味。依度仲有提供一系列嘅打邊爐配菜，當中梗係唔少得丸類同埋餃子類啦，選擇都幾豐富。最後，我哋仲叫咗啲甜品。甜品嘅選擇都幾多，有多款唔同款式嘅糖水，例如紅豆沙，種類都幾多。…查看更多

今日夜晚，我同朋友去咗呢一間位於宋王臺嘅火鍋店食飯，餐廳樓高兩層，有多間包廂，私隱度好高。呢度嘅調味料種類幾多，有多種唔同嘅配料俾我哋選擇，適合唔同喜好嘅人。鍋底方面，有好多唔同嘅選擇。今次我哋叫嘅依個椰子雞湯，材料十足，湯底鮮甜，可以先飲幾啖湯，先至開始打邊爐。刺身方面，呢度提供嘅款式都幾多，鮑魚入口鮮甜，證明用料好新鮮。我哋另外叫咗牛肉，牛肉嘅味道偏濃郁，脂肪唔會太過多，質素唔錯。另外我哋亦都叫咗椒鹽鰻魚，鰻魚入口充滿魚油香味，非常之惹味。整體嚟講，我覺得今餐嘅食物質素唔錯，餐廳嘅位置亦都幾方便，令到成餐都幾有驚喜。…查看更多

依間位於中環嘅居酒屋，啱啱開業冇耐，今日經朋友介紹，專登過嚟食晚飯。依間居酒屋又提供一系列嘅菜式，包括前菜，串燒，海鮮，以及係甜品等等。照燒雞丼雞肉入口彈牙，肉香味突出，雞肉經過燒香之後，帶有焦香味。飯團飯團嘅表面燒過之後，頗為焦脆，仲可以配埋紫菜一齊食。牛舌牛舌嘅份量都唔少，入口多汁，油脂味頗為突出。原隻燒雞腿雞腿幾大隻，外皮燒得好香脆，仲依然保持到雞肉嘅肉汁，非常好味。整體嚟講，今餐每樣嘅菜式都唔錯，烹調得幾好。…查看更多

呢一間位於旺角嘅牛肉火鍋放題店，啱啱開業冇耐，我今日就趁住今晚得閒，就專程同朋友去打邊爐。我哋就叫咗佢嘅手切牛肉放題，呢個放題提供唔同部位嘅牛肉，包括五花趾，雪花等等。呢間餐廳主要嘅賣點，係佢哋會即場喺店舖內切牛肉，再奉上比顧客。牛肉嘅擺盤非常精美，每款嘅牛肉都有佢嘅特色，例如雪花就比較有油脂香味。除咗牛肉之外，呢個放題仲包括咗其他食物，例如蝦滑，墨魚滑等等。小食方面，有反沙芋，雞翼等等。雞翼製作得認真，入口有香濃嘅南乳香味。飲品方面，選擇亦都幾多，當中有奶茶，烏龍茶等等。另外，雪糕嘅款式亦都好多，種類五花八門。整體嚟講，今餐嘅食物質素好好，牛肉亦都好有特色，適合鍾意食牛肉嘅朋友。…查看更多

尖東海旁一向有唔少餐廳，我今日就同朋友嚟到呢一間位於尖東海旁嘅越南餐廳食飯。餐廳環境好優美，裝修好靚，燈光亦都好有情調。餐廳嘅食物都幾多款式，有湯，前菜，燒菜，海產等等。烤扇貝扇貝都幾大隻，入口清甜多汁，唔會煮得太過乾。串燒沙嗲串燒燒得又香又脆，肉質彈牙，有淡淡嘅燒香味道。沙嗲醬汁調得好好，入口唔會太過辛辣。烤鮮鴨配酸甜椰子醬鴨肉烤得好香脆，皮下脂肪唔算多，配埋酸酸甜甜嘅醬汁，非常惹味。整體嚟講，我覺得今餐嘅食物都幾有特色，加上餐廳採用嘅食材都唔錯，所以每道菜式嘅味道都幾好。…查看更多