小小恐龍's Profile

為咗慶祝，朋友就帶咗我去嘆私房菜，呢間榮哥私房菜位於官塘工業中心三期，大概有四至五張大枱，而枱同枱之間仲有屏風做間隔，私隱度幾好。｛榮哥自家甜酸齋 ｝先上開胃前菜，有甜酸齋同雙色木耳，甜酸齋好易入口，味道好到想買返屋企！｛本地水耕沙律菜伴芝麻醬、雙色墨魚仔、茶燻流心蛋伴黑魚子醬配厚切茄子｝墨魚仔爽口彈牙，流心蛋食落有淡淡的茶香，配上特製茄子，超美味可口！｛原盅燉川見陳皮海底椰鱷魚肉湯｝呢款清潤湯水真係好啱冬天飲，睇得到同飲得到嘅足料！｛黑松露醬炒花尾躉班球配鮮露筍｝爽口花尾躉班球啖啖肉，調味上主要用咗黑松露醬，增加香氣，加上清新爽脆鮮露筍，份量都好有誠意！｛蝦球水芙蓉｝爽口彈牙蝦球夠新鮮，配上滑溜蒸蛋同甘筍汁，好似食緊又鮮又甜嘅燉蛋！｛韓泡汁煮牛面肉配雙色蘿蔔｝入口惹味微辣，紅白蘿蔔同牛面肉都好入口，好啱送飯。｛荷香蟲草花牛肝菌蒸沙欄雞｝荷葉同蟲草花嘅香氣融入沙欄雞件。｛魚湯有機時令鮮蔬｝超新鮮靚菠菜易入口，配魚湯底鮮味十足！｛農坊獨頭糖心黑蒜炒飯｝榮哥特製炒飯，揀選嘅高質糖心黑蒜用嚟炒飯又香又甜，係會令人上癮嘅味道！Ü…Read More

今日去咗灣仔食一間非常特別嘅意大利餐廳叫AMA Ristorante by The Amatricianist，聽朋友講係食羅馬菜。餐廳樓底好高，空間感大，而且位於25樓視野廣闊，仲有打卡露台，牆上掛滿特色照片、海報，仲見到唔少名人食過。打開menu見到好多意大利文唔洗驚，每道菜式下面都會有簡介，同埋店員都好熱情會介紹，想揀自己鍾意食或者想試嘅菜式無難度！餐前包有兩款，可以配意大利橄欖油同黑醋食，温熱香軟！｛羅馬式燉牛肚 TRIPPA ALLA TRASTEVERINA $178｝其實好多羅馬料理都有內臟入膳，今次揀咗嘅燉牛肚，份量好多，用咗以紅蘿蔔、西芹、洋蔥等煮成嘅蔬菜湯燉煮，清新又開胃，灑喺上面嘅芝士更加係畫龍點睛！｛AMA特製番茄醬豬頰肉通心粉 MACCHERONI AMATRICIANA $288｝呢款橙紅色嘅傳統醬汁竟然有埋歐盟認證，以意大利風乾豬頰肉、番茄、辣椒、黑椒等材料煮成特製裝汁去焗通心粉，通心粉口感煙韌，味道非常濃郁美味！｛意大利馬蘭戈牛扒 MARANGO STEAK $398｝medium rare嘅馬蘭戈牛扒，250g夠兩個人share食，肉質軟嫩，肉汁豐富又齒頰留香，灑係牛扒上面嘅辣根有刺激嗆鼻香辣味道，同牛扒好夾！Ü…Read More

今日又約咗朋友去觀塘食一本食堂，我哋都好鐘意呢度坐得舒服又無限時！｛三文魚碎蟹籽沙律 $58｝超足料嘅沙律，一啲都唔吝嗇咁擺到成碗都係角切三文魚，配埋爽脆青瓜絲，幫我哋開晒胃！｛阿根廷赤蝦 $14/隻｝手掌咁大嘅赤蝦，鮮甜爽脆，啖啖滿足，仲要只係$14一隻，超抵！｛刺身拼盤 $68｝有三文魚、油甘魚、北寄貝、帆立貝、翡翠螺，款款都好新鮮。｛火炙左口裙邊壽司$15｝用火燒過之後迫出啲油脂，入口甘香，又帶啲啲焦香，超正！Ü…Read More

上個禮拜去開西營盤揾食，見到有間小店主打自家製手作麵包，感覺幾吸引又唔算太貴，因為舖頭堂食位置唔多，晚餐時間等咗一陣先有位。｛牛油果蓉吞拿魚沙律 $37｝自家製麵包扎實綿密又香，配上濕潤牛油果果蓉吞拿魚沙律好滋味！｛熱溶芝士肉醬珍寶熱狗 $42｝呢款麵包就比較鬆軟，芝士味唔算太濃，肉醬加埋珍寶腸超惹味，如果可以更熱更多芝士就好啦！另外加$10可升級做套餐，粗薯條即叫即炸，外脆內綿，日式薯餅除咗香口，內餡仲有蔬菜料，非常可口！｛手打黑糖珍珠奶茶 $22｝黑糖珍珠好高質，味道香濃，口感煙韌，奶茶茶味幾濃！｛宇治抹茶拿鐵 $19｝奶味較抹茶味濃，比較淡。Ü…Read More

Outdark係來自釜山嘅韓國菜，無論口味定係員工都非常地道，香港店由2015年開業至今，仍然保持超人氣！尖沙咀分店係厚福街H8十七樓，位置都幾方便！店內裝修好多特別細節位，例如門口鎖牆、天花飾燈、造型餐盤等等，幾有心思，而每枱之間都有間板，私隱度幾高。我尤其欣賞佢哋嘅木枱同長木櫈，實在又舒服！｛蕃薯芝士條 $35｝拉絲芝士加上香甜蕃薯粒，係超邪惡又香口嘅前菜！｛雙拼炸雞 $192｝係outdark又點可以唔點炸雞，一次過想食曬甜辣同香蒜蜜糖炸雞，炸雞夠脆夠熱，兩款醬汁都平均裹住無骨雞件，特製嘅甜辣醬雖然唔算太辣但酸酸甜甜好惹味，而另一款醬汁嘅香蒜好突出，鐘意蒜味必試！｛烤牛肉炒粉絲 $98｝味道較為清淡健康嘅炒粉絲，用料新鮮，落咗好多紅椒、青椒、蘿蔔、洋蔥等，口感軟腍，小朋友老人家都食到。｛芒果梳打 $34｝朋友推薦嘅芒果梳打果然唔錯，清新嘅芒果味配炸雞好爽，仲要超大杯，好抵飲！Ü…Read More

呢排周圍都見到呢間咖啡店，門面顏色超鮮艷，以黃色紅色作為主色調，視覺衝擊好強！Flash Coffee其實源於印尼雅加達，之後逐步擴展版圖去到新加坡等其他東南亞國家，早排係香港插旗之後，各區嘅分店都越開越多。之前成日經過觀塘嘅呢間分店，今次終於試到！今次試咗一杯｛Flask Black $21｝、｛Macadamia Nut Latte $35｝，black coffee飲落香濃，前味較酸，後韻回甘。Macadamia Nut Latte嘅夏威夷果仁味唔算太濃，入口順滑！另外flash coffee仲推出咗多款特色咖啡，例如Nutella同奶醬多咖啡，個人嚟講好想全部試晒！另一個驚喜係竟然有｛Cookie DPT 嘅曲奇$40｝，送咖啡一流，如果有得加熱就更好啦！Ü…Read More

去上堂前又要揾食，今次就去咗豆漿大王食粢飯，平日午餐時段過嚟都要排隊，今日傍晚過嚟就好彩即刻有位！｛粢飯 $16｝之前都食過幾次，仍然甘高質，糯米飯入面包住香脆油炸鬼、肉鬆同榨菜，啖啖都有料，好味飽肚又抵食！｛炸銀絲卷 $22｝唔係到到揾到嘅炸銀絲卷，外皮金黃香脆，內餡香軟，蘸埋煉奶真係好正！｛姜汁熱豆漿 + $12｝食粢飯當然要配豆漿，今次揀咗姜汁熱豆漿，姜味同豆味都香濃，暖胃養生！…Read More

係Emax睇完戲諗住食埋飯先返屋企，可能因為過咗辦公時間同疫情關係，food court好多餐廳無開，除咗快餐之外，見到有間中菜館轉左做潮州菜，一於去試吓先！｛蝦子肉碎炆魚肚 $128｝原個砂鍋上好足料，魚肚厚身，煮到好軟腍，加上粒粒蝦子好鮮美！｛碧綠川椒雞 $108｝聽個名以為係川式會好辣，但原來係鹹香味為主嘅一道菜，嫩滑雞肉旁邊係炸到香脆透薄嘅珍珠菜，風味獨特！｛魚蛋紹菜煲 $108｝魚蛋好彈牙又鮮甜，奶白湯底非常鮮美，值得一讚佢嘅紹菜熬煮到好軟身入味。｛蠔仔肉碎粥 $108｝一大鍋肉碎粥加上超多蠔仔，豐富又足料，五至六個人share都夠，蠔仔粒粒飽滿，粥底鮮甜，淡淡麻油香加冬菜甜，我都忍唔到食咗兩碗！｛反沙芋頭 $68｝炸香的芋頭條外面裹上薄薄嘅糖衣，芋頭好粉，甜甜嘅砂糖外衣好上癮，再返啖鐵觀音，完美嘅潮州菜飯後甜品！呢間新餐廳價錢貼地，服務又周到，如果再經過附近一定再嚟幫襯！Ü…Read More

有同事派散水餅，好豪氣甘訂咗每人兩塊Cookie DPT嘅曲奇，見到都滿足！每件曲奇都好厚好大件，超邪惡！｛Red velvet white chocolate $40｝呢款係我其中一款最鍾意嘅曲奇，稍為翻熱，曲奇入面嘅白朱古力會半融，加埋鬆軟香甜曲奇，食到好上癮！｛White chocolate macadamia nuts $40｝曲奇好鬆軟牛油味好香，加埋夏威夷果，口感同味道好豐富！唯一可以改善嘅係packing，十塊會pack做一盒，而家疫情關係，如果有獨立包裝揀嘅話會更好！Ü…Read More

太耐無見朋友，佢終於返黎香港啦！知佢鐘意食泰國菜當然要去九龍城啦，其中有一間好旺又超抵食嘅泰國菜。｛肉碎生菜包 $78｝每次食生菜包都好滿足，爽马生菜加埋炒香肉碎，口感濕潤，少少酸辣開胃！｛炸蝦餅 $68 ｝炸到金黃脆身，蝦肉非常彈牙！｛泰式紅咖哩海鮮 $78 ｝超足料！香濃椰漿味中和返紅辣椒同其他香料辛辣味，加$28有8塊薄餅，蘸埋咖哩汁，非常惹味！｛青炒椰菜苗 $68 ｝呢款炒菜比較濕，但夠香幾爽！｛芒果糯米飯 $58 ｝必點嘅泰式，食泰國菜唔食埋芒果糯米飯會覺得空虛🤣芒果幾甜，我就比較鐘意煙韌紫米！｛泰式奶茶 $25 ｝｛青檸沙冰 $25 ｝青檸沙冰酸酸甜甜好解暑，好適合配濃味泰式菜！Ü…Read More

之前放假同家姐去咗檸檬冰室食個早午餐，大概11點去到近九成滿座，好多一家大細，好彩我哋都坐到張舒服卡位！原本想叫吉列魚柳點知冇貨，咁就叫常餐啦！｛招牌沙嗲牛肉即食麵 $35｝沙嗲牛比較甜，唔太重花生醬香，偏重鹹辣味，牛肉肉質幾腍，配上公仔麵好惹味！｛香辣蝦米雪菜肉絲米粉 $35｝餸菜份量好多，雪菜肉絲唔會太鹹，加埋蝦米味，層次幾豐富，不過米粉比較硬身，如果想食軟啲啲記得提早同店員講！每款醒神早餐都配牛乳炒滑蛋同丹麥多士，丹麥多士烘到夠熱香脆，有heart！Ü…Read More

峇峇娘惹位於淘大屋苑樓下，位置超方便附近街坊，早餐供應到12點，係其中一個假日早餐必要排隊嘅餐廳！｛榨菜手撕雞米粉 $33｝偏甜嘅榨菜同啖啖肉手撕雞，套餐仲有炒蛋同斑蘭咖央多士，炒蛋正常發揮，多士搽咗特別嘅斑蘭咖央醬，椰味幾濃！早餐包一杯飲品，今次就揀咗熱拉茶，茶味香加上煉奶，口感順滑，睇住啲泡泡好治癒😍Ü…Read More

原來做k11 gold member其中一個生日優惠係可以免費享用一份original soufflé，當然唔可以錯過！今日去尖沙咀食完飯就過咗去食甜品！｛Original soufflé $88｝全部pancake都係即叫即製，呢款original超厚身同充滿空氣感，蛋香味重，口感滑溜，加上牛油、忌廉同糖漿，邪惡又滿足！｛Crème brûlée $88｝係薄嘅pancake鋪滿燒脆焦糖，真係好似Crème brûlée，但蛋味相對較淡。｛Cafe mocha $45｝入口超香濃，送甜pancake超正！Ü…Read More

今個禮拜日過咗去K11睇手作市集，經過Ruby Tuesday 發覺佢哋換咗新菜單，其中加咗啲墨西哥菜，睇落都幾特別！｛Fish Fajita 鐵板鯛魚 $318｝定價都唔算平，不過有會員就可以試下，鯛魚主要用咗cajun辣粉調味，加上炒香紅椒、黃椒同芫茜，熱辣辣鐵板上，另外配酸忌廉、蕃茄、芝士、salsa同4塊tortillas，無辣味，客人可以根據自己口味包製卷餅，如果餅皮可以再烘熱啲就好啦！｛Chocolate Brownie 朱古力布朗尼 $138｝無咗最愛嘅chocolate chip cookie，tallcake又賣晒，所以試下新嘢。不過有少少失望，明明menu寫served warm但上枱都係凍，仲有啲硬，同員工反映咗之後，就換過一碟熱啲就比較正常，brownie 入面有合桃，但朱古力味同牛油味都唔算太濃，下次都係唔好哂quota😅。Ü…Read More

如果係尖沙咀食飯，又唔想係各大商場等位，我自己就鐘意行過去亞士厘道，呢度真係好多餐廳選擇，旺記冰室就係其中一間人氣之選！｛早B鮮忌廉雞湯鮑魚火腿絲通粉 $39｝早餐配鮮牛油多士同4.3牛奶炒日本滑蛋，平時超鐘意旺記嘅麥包，不過今次因為來貨問題只有白麵包供應，麵包烘得幾香，滑蛋就保持一貫水準。通粉推薦轉做公仔麵或者銀絲米粉，超掛湯，保證食過一定愛上呢個配搭！飲品推薦忌廉即磨咖啡，因為用咗鮮忌廉，口感更香同順滑，夠曬邪惡！Ü…Read More