jasontam529的个人专页

今日返工叫外賣黎到，一打開當堂嚇親乜嘢蠔仔肉碎飯？搞到好似冰鎮奶茶咁，杯凍好立克得返啲冰另一杯熱奶茶就成杯坐左係另一盒蠔仔飯入面，點食啊大佬？最後叫佢退錢，但係已經蝕左食飯時間，奉勸大家一定唔好幫襯！送外賣果個都睇下個餐送到客人手上係乜嘢樣，咁都可以交俾個客，炒左佢好過啦！其實叫608受氣都唔係第一次，之前又係試過返工4:30叫外賣，要求5:30送到，結果我過咗食飯時間都未送到嚟，打去又話單較多所以慢咗，其實做唔到咪岀聲囉，應承得就要做到，咁樣點做生意？結果返工成更無食過野！成篇一粒粗口都無講過我已經覺得自己好克制！…查看更多

好耐已經無打過食評，不過最近去左一間係黃埔新開既火鍋站，覺得好食之餘店主重俾足心機去做，所以都想寫下食評其實一大班人去用餐，除左食物質素外，餐廳環境都非常重要，今次餐廳食物質素固然係高，然而用餐環境都十分舒適，岀街火鍋我最怕就係用餐之後個身有「火鍋味」，但是今次用餐既餐廳不單單是坐得舒適，用完餐後更唔會有一股「火鍋味」係身上，除此之外，餐廳侍應的態度都非常有善，並且為我們所點選的火鍋配料提供合適既意見。食物方面，其實毎一款火鍋配料及餸菜都可以見到店主極用心為客人揀選食材，因為簡單到一碟響鈴都食得岀佢既質素比平時食到既更高層次，如果要我揀邊樣最好食，我就覺得炸蠔係最值得推薦，因為今次既炸蠔本身啲蠔夠晒肥美，而且無話食落太多粉既感覺，做到外層鬆化，內層鮮嫩多汁今次用餐非常難忘，小弟誠意推介大家去試一試👍🏻…查看更多

上網見到有人話大坑有間星馬餐廳好好食，今日終於有機會去食熱情既老闆娘介紹我地飲呢杯石榴梳打，果然不負所望，味道新鮮，甜度適中先黎既係馬拉盞炒椰菜，餐廳所用既唔係一般既椰菜，而係椰菜苗，所以口感十分鮮嫩，加上餐廳特別既馬拉盞，口感味道係第二度食唔到！話明肉骨皇又點可以唔食肉骨茶，呢度既肉骨茶飲落有回甘既味道，加上配料十足，值得一試食星馬食物點可以唔叫啦唦，我地點左一客花甲啦啦，啦沙味道十分夠，不太辣，花甲鮮甜，值得推介最後呢隻大馬橋底豬手就一定係重點推介，外脆內軟既口感，加上味美既味道，無得彈…查看更多

今日去完書展，行左去謝菲道搵好野食，行到去銅鑼灣，見到有一間好吸引既泰國菜餐廳所以就決定左食呢間拳王泰國餐廳^_^行到熱辣辣，叫左杯龍眼冰，杯龍眼冰唔太甜，好清涼，絕對係消暑解渴佳品泰國生蝦隻隻都晶瑩剔透，爽口彈牙飛天通菜週時都有得食，呢度既通菜條條都咁嫩，火喉啱啱好，好食食泰國菜唔少得串燒，好多時第二度食既串燒會因為燒太耐而令到肉質變韌，呢度既串燒唔會太燶，唔會韌，口感啱啱好，配埋特制醬汁，絕對值得推薦焗黃金蠔好味道，芝士蒜蓉無得輸！泰式燒軟殼蟹係呢餐其中一個我覺得一定會再encore既菜，因為新鮮炸起，雖然炸過，但係仍然可以食到軟殼蟹既軟，真正做到外脆內軟，淨係睇伴碟既青瓜切到咁簿就見到誠意十足最後係蛋包泰式炒金邊粉，睇個賣相就見到幾有heart，係另一個一定要encore既菜…查看更多

聽聞油麻地有一間很特別既車仔麵店，今日放工去左試下咪以為車仔麵得豬皮蘿蔔魚蛋呢啲選擇，村爺爺既車仔麵竟然有蠬蝦蠬蝦伊麵底平時大家係酒樓食得多，車仔麵版既蠬蝦伊麵大家一定未食過，車仔麵既湯底係蠬蝦湯，100％無味精。個車仔麵餐重可以揀兩個餸，我揀左豬大腸同魚皮餃，沙嗲汁好夠味，但又唔會蓋過餸本身既味道！…查看更多

今日同老婆去街，行到攰攰地就去左Channel 3食晚餐，我地點左兩份小食同兩個主菜忌廉白酒青口，有忌廉既好味就預左，不過除左忌廉味外，白酒既融合帶出左青囗既鮮甜忌廉芝士煙三文魚波，芝士既濃配上了煙三文魚既清甜，味道清新澳洲M3和牛西冷牛排，黑醋襯托岀和牛既味美鮮嫩，加上燒茄子同翠玉瓜既清甜，配合得天衣無縫…查看更多

就係用呢個鍋蒸海鮮大大隻蜆，蚌，螺隻隻肥美鮮甜豆腐滑，豆腐好滑，點少少豉油已經好好味魚子醬蒸帶子，對我黎講係一個新鮮既combination, 特別好別，完全冇腥味蟶子，大隻，啖啖肉，又彈牙好大隻既生蠔，就咁薑葱蒸都好夠味鮑魚都好新鮮，肉質彈牙龍蝦肉質嫩滑，同樣都好新鮮翠綠介蘭，一睇都知好食，爽脆蒸和牛片，唔un 又唔騷重點，南瓜豬骨粥，仼何調味料都唔洗落，已經好夠味雖然舊豬骨冇乜肉，但成鍋粥都好正！…查看更多

再一次食蒸汽鍋，今次去左間實惠啲既！貝殼盛盤，貝類夠大隻同新鮮，好好食蒜蓉蠬蝦，肉質爽口，鮮甜，啖啖肉蟶子到，大大隻，啲粉絲索晒蟶子既肉汁，係精華所在北韓鮑魚，唔知點解要係北韓，總之好彈牙，正！生猛大元貝，雖然熟左，但係佢好似重好生猛咁叫我食左佢美國石蠔，好重海水鮮味，好食到震瑤柱鮮椎山粥，索晒啲海鮮既鮮味，好味到極點…查看更多

放大假想同女朋友食豪啲，聽朋友講九龍城新開左間食蠔既餐廳，放是就去左試下！每枱客人無論食乜都會有既前菜，開一開胃^_^我地點左個set dinner deluxe，都幾多野食，好多款式餐係包左兩款生蠔，我地點左廣島Iwakaki蠔同日本珍珠蠔Kumamoto，廣島蠔比較鮮味同豐滿，可以食到啖啖海水鮮味，至於珍珠蠔就較為鮮甜，味道同樣ichiban除左蠔，餐廳既刺身都非常有水準，set dinner既刺身包括呑拿、三文魚腩、北寄貝同帶子蟹子沙律入面既蟹子好足料，啖啖都咬到蟹子清酒shooter蠔，成隻蠔吸收晒清酒既香味，但又保留到蠔既鮮味，我女朋友就點左煙燻蠔，賣相ok日式蠔湯，一句講晒，清甜！燒丈元貝，啖啖肉，無得頂！廣島蒸蠔，一樣咁好食，一樣咁鮮甜江田島蠔烏冬，烏冬勁彈牙，配合蠔湯，絕配！最後黎個熱辣辣既榴槤炸彈，外脆內軟，為呢一餐寫上完美既句號…查看更多

女朋友話想食蒸氣煱好耐，今日終於有機會帶佢去食了，我地點左個二人餐最多野食既c餐，每位598加一一開始有花甲皇、海沙白、馬刀貝、鑽石蜆同海花螺，全部都好新鮮，啖啖肉，每一口都有海水既鮮味之後有黑松露帶子，呢種蒸的方法既能食到黑松露既味道，又能保留帶子既鮮味食海鮮唔少得食蠔，唔洗我講大家都可以望到隻蠔有幾肥美鮮甜南非鮑魚口感彈牙多汁，非常鮮嫩👍🏻呢隻南非開邊蝦蝦，佢既肉係一排一排既，口感爽甜，好食！跟餐我地點左跟和牛，和牛入口即溶，牛肉味濃，正去到最尾成個煱既精華去晒最低既南瓜豬骨粥到，又綿又有海鮮味，超好食…查看更多

泰國人海南雞週圍都有分店，其實我都唔係第一次幫親佢，不過下午茶就係第一次原來佢地既下午茶餐都幾扺食，一個餐有小食，有個麵，有杯飲品，如果要特飲就加十蚊。小食我點了春卷，新鮮炸起，外脆內暖。主食係喇沙，有點辣，不過可接受最後點了椰汁珍多冰，𣎴太甜，配合喇沙有少少的辣一流…查看更多

星期日岀旺角行街，想食下石頭煱飯，於是就去左'首爾'了午餐會有湯同泡菜跟餐，我點的是雜錦海鮮石頭煱飯。我其實很怕食辣，首爾的泡菜不太辣，易入口，味道不錯，湯就不過不失，不太鹹，但沒有驚喜。石頭煱飯十分足料，雖然賣相普通，但勝在夠味道，飯焦不會太硬，海鮮又多，算係幾抵食…查看更多

近期興海膽手卷，我呢啲新界人唔想岀到旺中咁遠，放是就去左有平民商場之稱既葵涌廣場食！一去到，已經見到有𣎴下十個人排隊，我落柯打之後都等左十幾分鐘先有得食。我今次叫既係海膽三文魚子手卷，如圖中所見，海膽同三文魚子既份量唔算太多，27蚊抵唔抵食就見人見志！…查看更多

入左將軍澳接我個親愛的放工，佢話好鬼餓，最初我提過食老麥，見佢扁晒嘴咁，就決定搵間茶餐廳食下野^_^去茶餐廳我多數都飲凍檸茶少冰少甜，呢杯茶不過𣎴失啦⋯⋯重點係呢度，無乜茶餐廳既下午茶餐有椶食，重要幾好食，呢個咸肉椶既豬肉肥瘦適中，咸蛋黃唔太油，正！我呢啲大胃王，嚴食㯶唔夠飽，加兩蚊有多個碗仔翅，抵到爛整体黎講，呢餐下午茶唔錯，值得推介！…查看更多

放假去接女朋友放工行街街，行到去亞士厘道，心血來潮想食放題，就行下行下睇下邊度有行食，結果就俾我地搵到呢間嗚Fusion^_^話明放題，刺身當然唔少得，三文魚生好新鮮，鮑片鮮甜味美，榮螺juicy得黎又有咬口，成盤刺身好有質素大家估唔估到呢碟係乜東東呢？呢碟其實係麻醬波菜，估唔到佢地既味道係咁夾嗚Fusion係有啤酒飲既，呢味炸雞軟骨配啤酒無得頂！呢道天婦羅既種類都唔少，有蝦，南瓜，蕃薯，香蕉等等.......大家有無試過食放題既蒜香牛肉粒硬到咬唔到，嗚Fusion既蒜香牛肉粒不但肉質鮮美，而且非常鬆軟，令我好少食放題會encore呢味蒜香牛肉粒炒雜菜看似毫𣎴起眼，呢道既炒雜菜十分惹味，絕對值得一試鐵板煎青口絕對係主打要食既餸，青口唔會煎到好乾，食既時候依然食到青口既鮮味，外脆內軟，口味無窮另一個主打要食既就係煎牛脷，牛脷肉質好淰，但岀面又煎到脆脆的，口感好正係尖沙咀如果要食放題，我一定會再去嗚Fusion！…查看更多