k3kkai的个人专页

之前食過覺得服務同質素都唔錯，母親節就想同屋企人去慶祝，點知實在令人太失望。當日因為母親節，要book枱就要落$500訂金，仲要一早就比定晒菜單，咁利苑一向都係價錢唔算平，貴啲都預左。6點鍾入座7點45分要交枱，ok冇問題。樓面服務唔錯，但上菜既速度真係好差，當晚叫左9餸1湯，最先黎到既唔係前菜亦唔係湯，係炒斑球😅之後就上炒蔬菜😅有冇搞錯？上下雞鴨都好啊 上呢啲？真係求其上啲野比你食就算，然後每個餸都隔好耐先上，食下停下，上轉白飯都等左15分鐘，個湯都食到一半先有，最離譜係要我7點45交枱，但7點10分都仲有三個餸未上，仲要係雞鴨同蝦啲主菜，啲雞鴨係咪即叫即殺？成餐飯食到大家冇晒癮，仲要食物味道一般，成$300一煲湯煲到好似茶餐廳例湯咁鹹。咁大間酒家，好似未做過大節日咁，亂七八糟，水準又維持唔到，上菜既次序都亂到咁，我明大節日會差啲唔出奇，但我諗唔係差到咁掛😅好失望…查看更多