lamkaka12的个人专页

今日同男朋友行荃灣, 都有一段日子無來荃灣了, 我地每次行荃灣必做一件事就係買皇廷餅店既麵包食!!我地兩個都係麵包怪, 餐餐食麵包都無問題的~我地次次唔係食pizza就係蒜蓉多士..再唔係就蛋沙律包....特別鐘情呢3款!!太耐無食..今次一口氣就買哂呢3款麵包Pizza ($5.5): 厚多士底, 多士面上好足料, 茄膏同芝士都好多, 個多士真係好脆, 平時去開d麵包店買既pizza多數都係普通麵包底唔會脆, 芝士茄膏都係得少少~所以呢個係我心目中最好食既pizza!!蒜蓉多士 ($7.5): 好長呀!!一個人食一個都飽呀!!個多士4邊都係脆架~唔單止面頭有蒜蓉, 側面都有!!個多士就算放耐左都仍然係好脆, 脆得黎唔會食完覺得口乾!!其實買0個陣仲熱熱地~係我返到屋企先拎黎食!!熱熱地0個陣d蒜蓉味仲香!!呢個又係我心目中最好食既蒜蓉多士蛋沙律包 ($7.5): 呢個包係最聚手!!真係好多料!!又長又大個!!男朋友食完都叫"超飽!!唔洗食晚飯喇!!" 佢太餓既關係..未影低就俾佢食左喇~其實個包好似熱狗咁, 入面就夾左蕃茄, 生菜, 仲有好多蛋汾律~呢個包真係幾健康架俾完錢~我地都好滿足咁話: "嘩~~d麵包好重呀!!" 我地兩個成日都諗如果屋企附近有皇廷餅店就好了!!…查看更多

同媽媽去完食品嘉年華再食完豆漿大王, 路過呢間我中學時期既早餐覓食之地, 以前返學就係買完個包就一路食住行返學校, 多數都係新鮮出爐好熱的!!尤其冬天返學, 食完個包真係覺得好溫暖, 上堂都精神d!!h薄餅 ($3.5): 好似pizza咁, 其實好多蔥, 對於我鐘意蔥香既人黎講真係好好食!!個包咬到中間仍然都係咁多料, 抵我地買左3個!!腸仔酥 ($3): 好香, 比普通腸仔包嬴左個外皮, 通常見d腸仔酥都會比較細個, 但呢個同其他麵包既size一樣拿破倫 ($5): 買完麵包行出鋪頭突然見到, 咁大個拿破倫只需$5!!買埋佢, 就試下好唔好食!!cream比較少所以較乾, 但料很實在!!好抵食咁多麵包, 不過一返到屋企3個人食就好快食哂其實如果唔係中學0係附近返學都唔會黎呢頭...畢竟小妹都係青衣人又平又好食, 仲要多款式既麵包0係青衣真係搵唔到今日可以懷緬一下中學時期既味道~真滿足…查看更多

今日同媽媽去葵涌運動場的食品嘉年華, 行左兩個鐘有D累就去上海美美豆漿大王食少少野, 其實中學時期就0係附近返學, 都好鐘意黎呢間食lunch, 貪佢d飯夠大碟熱咸豆漿 ($9.5): 豆味好濃, 料都好足夠, 有蝦米, 油條, 蔥同肉粒, 食完都飽飽地菜肉包 ($3.5): size好似細左d..兩啖就食完...味道一般話說我同媽媽兩個人只係叫左呢兩樣, 個待應好不屑咁....其實多有多食, 少有少食你d態度都唔好咁差掛....同場仲見到隔離檯有爭執, 3個女人問待應湯麵跟餐同散叫有咩分別, 可能中間又有d miscommunication....3個女人係咁話個待應老點佢....嘈到火紅火綠..最後3個女人食野0個陣個待應全程"怒啤"3個女人..仲同其他同事細細聲講佢地.....其實做得服務行業, 顧客永遠是對的..就算自己真係對, "怒啤"同講人壞話都唔應該0係樓面俾人見到.....真係影響其他人對呢間店既影象媽媽第一次來, 佢一離開間店就已經話"呢度d服務態度咁差既..如果唔係豆漿特別好應該無人會再幫襯"對!!!以前學生時期都係為左大碟同好味先來, 如果服務態度好的話一定會highly recommend…查看更多

向來都不太喜愛在普通美心餅店買麵包..因為麵包又貴又凍...以前在城大的美心是新鮮而且價錢比外面美心便宜..:)畢業後我一直都沒有買美心的麵包!!但之前見到廣告美心兩款雪山包外型真的很吸引, 今日終於都路過了, 美心的西餅姐姐都推介這款麵包我在猶豫.....流沙奶黃還是香芋呢?!?最後都係揀香芋, 因為這種味道的麵包比較少有, 小妹亦未曾吃過香芋味的麵包, 買了後滿心歡喜地期待吃這個包香芋雪山包 ($6.5): 拆開紙盤....竟然見到有一部份係沒有芋頭coat住..搣開一半.....好失望...芋頭餡竟然少得可憐..只有一丁點....再咬一口, 芋頭雖然幼細軟滑..但一點都不甜..只是未加工的芋頭那種味道...既然如此..新鮮芋頭來價很貴嗎?為何不放多一點?:(出乎我的意料...我未吃前是期待這個芋頭餡是很甜的, 但反而麵包面頭上的coating仲甜.........最後一點...這個包非常之油膩:(被美麗的外表騙了.......從中亦上了一課: "有外在美不等於有內在美"…查看更多

上回寫左青衣餅店既老婆餅與豆蓉餅, 尋日媽媽又買左另一間位於石籬櫻島既老婆餅同豆蓉餅俾我食, 仲買左一條朱古力味既瑞士卷老婆餅 ($2.2): 個皮好似焗過左龍, 面頭黑左d, 但無損味道...皮薄餡多, 冬蓉餡甜度適中, 仲咬到爽口既冬瓜粒, 呢樣暫時係我第一次食到既老婆餅口感!!豆蓉餅 ($2.2): 呢個餅好難會做得唔好食既, 皮薄餡多, 好夠甜!!朱古力瑞士卷 ($10): 本來係最滿心歡喜見到既瑞士卷, 因為好少麵包店既朱古力瑞士卷面頭會鋪上朱古力粒, 十蚊一卷都有朱古力粒, 可見佢既誠意!!可惜一打開個盒, 塊皮就痴住左..搞到個瑞士卷甩皮甩骨咁...:(.....味道方面都幾好, 忌廉都好多!!所以一次過都俾我同細佬食哂......美中不足就係濕左d..所以切落去唔會好似平時瑞士起咁乾淨利落..成檯都係碎..仲食得好狼狽如果瑞士卷乾身番少少就perfect, 價廉物美!!黎緊再繼續試唔同餅店既老婆餅與豆蓉餅~…查看更多

小丸了係由細食到大既一種小食, 中學時已經有呢間野架喇, 以前0係附近返學成日都黎買, 咁多年冇買今日行過就買黎食下啦!!返到屋企都仍然係熱熱地章魚小丸子 ($12/6粒): 隔左陣先食個皮仍然仲脆又香, 沙律醬都好夠, 木魚碎好多, 食到最後都仲有好堆淨~總結黎講呢個小丸子係「久遺了的味道」, 若然燒汁多點的話就錦上添花!!每次經過日之船都有好多人排隊買, 証明呢度既小丸子有一定程度質素…查看更多

媽咪每日放工都會買呢間既麵包俾我第二日做早餐, 有時佢買到返黎都忍唔住食左今日的早餐係:全麥包 ($5): 細細塊既麥包, 非常軟熟, 仲好足料, 有好多粒粒好好咬口, 麵包皮仲有好多芝麻!!好食!!0係屋企可以搽少少煉奶咁食~yammy!!椰絲包 ($3.5): 用鍚紙兜焗的, 外層焦焦地好香, 椰絲唔會太甜, 成個包都係好好食, 好想食多個呢度既麵包真係好平好抵食!!…查看更多

中午去左大家樂買外賣, 大家樂出名一哥焗豬扒飯, 今日突然想食就買左, $32一個焗飯唔連餐飲真係貴......打劫咩...上年成日黎食飯記得都唔係咁貴...:(快餐果然快餐..買左飛好快就拎得走!!快快趕返屋企開飯一哥焗豬扒飯 ($32): 打開就好香茄汁味, 個汁都好夠, 炒飯底好香, 仲有好多洋蔥!!豬扒又出奇地淋!!算係咁啦!!:)…查看更多

今日食左好多麵包..!!路過青衣城又心思思買左山崎山崎麵包多數都唔會熱辣辣, 所以新鮮麵包同pack左既麵包都差唔多某次經朋友介紹呢個美味捧好好食!!結果一試就上癮..次次去山崎都要買一條新美味捧 ($8): 長長既麵包, 餡係好似奶黃咁!!甜甜地好好食!!d餡令我食到上癮!!呢種麵包好似比櫃入面既新鮮麵包軟一點!!不過$8一條就貴左少少之前試過買黑糖美味捧,餡只係普通既蛋糕cream, 麵包無黑糖味............所以可以解釋美味捧永遠都係最快俾人搶購一空, 而黑糖味永遠都仲有好多貨…查看更多

青衣青怡花園有兩間麵包店, 呢間係後期開既一間, 小妹多數都0係對面"名家餅店"買麵包多D!!因為我覺得呢度d麵包既顏色比較白...無咁吸引..對面0個間焗得好靚!!不過呢度有好多cake同埋中式餅係對面0個間無的呢排"老婆餅"上癮, 媽咪0係唔同餅店都有買過俾我食, 唯獨係屋企附近呢間未試, 一於就試下 老婆餅 ($3): 比起荃灣同石籬$2 一個0個d...呢度反而仲差...d餡濕左dd 豆沙酥 ($3): 呢個好食好多!!好夠甜!!可能小妹鐘意食甜野!!以我經驗....呢間麵包店最好食既都係韮菜豬肉餅同凍櫃d食物…查看更多

由細食到大既麵包, 自從有A-1, yamasaki, 東海堂起....成日都係食呢d大型連鎖麵包店既包, 到最後..其實呢d"平民"麵包先最好食呢度d麵包陪住我大, 以前去公共圖書館溫書總有一個新鮮出爐既麵包提供我能量!!仲記得0個陣天氣好凍, 拎住個芝士火腿包一路行去圖書館一路食, 岩岩出爐既芝士係溶溶的, 真係非常好食, 呢度全日都keep住有麵包熱辣辣新鮮出爐!!!比起大型連鎖麵包店所賣的冷冰冰麵包,感覺更加新鮮今日突然想食朱古力三角西餅!!咁就落街買啦朱古力三角西餅 ($3.5): 仍然都係我細個食開既味道!!好鐘意層朱古力coating, 蛋糕唔會好乾菠蘿包 ($3.5): 比起出面賣既包, 呢度既菠蘿包真係大個, 又軟熟, 個菠蘿皮又脆又香!!最重要的是..拎到返屋企仲暖暖的!!!!真係好好食記得細個生日時媽咪都會0係度訂生日蛋糕俾我!!依家有切開既件裝cake買!!下次要食返先!!…查看更多

約左男朋友食晚飯!!!滿心歡喜咁諗下去荃灣邊度食!!成日都食小巴黎既凍檬!!今次想食特別d!!經常路經荃新天地見到呢間野..每次心思思想試但都係好多人排隊,今次見到都唔洗排就二話不說走左入去!!門面咁靚,理得佢好唔好食,份量多少都要試一試先叫了左心願同男朋友兩人叫左一個意粉,一個pizza,一杯飲品以為好夠....價錢都超出我地既budget....誰知...我地真係太過高估呢間餐廳既份量叫左餐好快就黎左..........茄汁肉腸意粉,要粗意粉唔洗加錢,感覺上好似食多一d野咁...但事實都唔係...兒童餐size....泡菜煙肉薄餅........泡菜既pizza幾特別.....以為叫細size都夠...點知真係咁細...朱古力飲品.........以為份量都正常...點知d冰超大粒..同個杯差不多大既冰棟到成個杯都係....真係飲得既兩啖都吞哂..可惜可惜..其實杯朱古力係幾好飲食完之後....埋單130幾....好似無食過野咁.....最後返到屋企都係食左碗飯先叫飽終於都叫了結心願...等闊綽時再黎食過啦..哈哈隔離檯有個男人叫待應俾支tabasco佢叫左幾次...待應都唔知咩叫tabasco..搞到個男人有d火…查看更多

與舊同學聚!!順便補食生日飯!!放左工趕頭趕命返青衣,只因為沙律bar到9點就會無之前同男友食過一次!!感覺唔錯!!今次介紹朋友來試急急腳黎到...叫左兩個main dish!加$28可以享用沙律bar,一杯飲品,一個餐湯!!3個女仔兩個餐都好足夠!!待應好快放低兩個空碗叫我地快d去裝沙律,因為就快9點依家都好少地方有沙律bar了!!沙律最正都係d薯蓉同蝴蝶粉!!哈哈!!淨係d薯蓉都食到5成飽..因為友人疊到d薯蓉好高墨魚汁意粉!! 墨魚汁好香!!份量都唔少芝士海鮮焗飯!! 比較普通...芝士味唔濃..橙汁......佢聲稱係"鮮榨"...但點解我唔覺??羅宋湯...友人說是普通由於俾個薯蓉用哂肚既quota...今次無食waffle!!總括而言!!黎UCC都係加$28食沙律先抵!!!環境唔錯!!唔會好似一般餐廳"趕頭趕命"...呢度可以慢慢享受一餐..買"環境"都抵返既…查看更多

剛剛睇完醫生!!冇胃口..又要食得清淡..即刻諗起係去一粥麵..次次病都去買粥食..粥好味d都刺激自己食慾啦!!外賣一放低張單好快就拎得!!!柴魚花生豬骨粥($18): 粥底好綿, 亦都好多料!!有柴魚,花生,豬皮,豬骨....因為腸胃炎唔敢食咁多d料...碗粥都幾大碗食唔哂!所以之前分左一半俾媽媽!!媽媽話d豬骨好香!!成個粥都好好食!!平時會加錢配腸粉!!呢度d腸粉係好滑好好食!!雖然比起出面粥鋪既粥貴d!但呢度d粥有質素!!值回票價…查看更多

是日友人生日, 買了這個芒果味的生日蛋糕, 其實我地幾個次次生日都會買波菲的蛋糕, 因為又好食又靚其實我唔記得個蛋糕名exactly係咩~個蛋糕$69!!又唔太細~4人份量岩岩好呢個蛋糕俾我地好大驚喜, 芒果混合左甜甜的啫喱狀物體, 不會太甜, 但味道好夾!!內裡的cheese饀亦都好清新~吃了一啖都覺得有幸福的感覺!!可惜的是....旁邊的白朱古力邊都太甜了...所以我地每人象徵吃了一塊就放棄!!死黨~祝你生日大快樂啊!!!!…查看更多