Antonia C的个人专页

前排同男友講起我地都未食過omakase(廚師發辦)😆 佢即刻搵左個list俾我揀🤩 精挑細選之後揀左：「竹」‼️等左兩個星期終於有得食😋唯一美中不足就係book唔到吧檯位😢✔️前菜：日本蠔伴土佐醋啫喱+ 巴馬火腿田園沙律啫喱酸酸地又滑😋加上隻蠔本身肥嘟嘟，又唔會太重金屬味😋兩樣加埋好清新+好開胃‼️某人懶得同人講唔食得蠔，益左我食多隻😍✔️刺身：中吞拿魚腩、白身魚、帆立貝口感幾好又夠鮮，不過片檸檬嘅味好霸道😂連啲白身魚同中吞都有⋯中吞都好肥美，差不多入口即溶🤤✔️季節料理：咖哩牛腩真係估佢唔到⋯其實個牛腩本身都幾腍，咖哩甜甜地都好味😅不過感覺佢係亂入⋯搞亂左個口入面嘅味✔️壽司：赤身吞拿魚、深海池魚、牡丹蝦、蟹肉、鮑魚伴肝醬、太卷、玉子燒、海膽、白身魚、大吞拿魚腩🤣唔逐件講，樣樣都好鮮😆最愛海膽同大吞，鮮！鮮！鮮‼️呢兩件真係食完唔想咁快食下一件住😆 蟹肉都特別，似係撈左蛋黃醬🤤 個玉子燒好得意，成件蛋糕咁😆口感都係蛋糕🤣個鮑魚伴肝醬要撈勻啲醬嚟食，味道比望落去個感覺好🤪✔️味噌湯都幾好飲嘅，但我唔記得咗影⋯😢 入面有兩粒丸子✔️季節雪葩：柚子味雪葩好清新‼️凍凍地又酸酸地可以清返個口入面唔同嘅味😋 為呢餐劃上一個好清新嘅句號🤩總結一下，食物係幾好嘅🧐不過服務就可以統一啲😅有啲侍應上菜時會介紹下佢上左啲咩(有時中有時英)，有啲就冇講到係乜😅 環境都好好，嚴格遵守1.5米距離👍🏻 埋單盛惠位位$980😆暫時有買一送一，都叫做可以一試嘅🥰 不過我就唔會再返頭食喇，留quota試其他🤣#下次搵間book到吧檯位#我想知自己食緊咩#同埋唔想食喱腩#omakase #foodie #yummy #camerafirst #吃貨 #廚師發辦 #運動就是為了吃更多 #相機食先 …查看更多

我同朋友仔一經過呢間店嘅時候，基本上已經第一時間俾佢啲蛋糕吸引左😆但嗰陣我地仲係空肚冇食過嘢嘅狀態，唯有食返啲熱嘢暖下肚先😅呢間就約好左下午茶去食#藍莓芝士蛋糕 係毫無懸念下即時揀好左嘅🤣因為我同朋友仔都好鍾意食芝士蛋糕🍰呢間都冇令我地失望，真係好香奶味‼️至於另一款諗左好耐，因為貪得意下有諗過食辣椒朱古力蛋糕，但又驚中伏😆紅絲絨又好似唔係太合口味🤔結果聽店員介紹揀左 #蜂蜜焦糖蛋糕☺️果然冇介紹錯‼️一入口好清新嘅蜂蜜味，唔會係覺得甜到膩好假嗰種😆中間啲焦糖食到後段會覺得甜左少少咁，但係飲啖嘢再食就冇問題😋至於飲品方面，見到有款叫做 #熱情果瘦身茶，即刻揀啦😆嚟到原來係梳打，同我想像中有啲差別😅熱情果少少酸，但偏淡味，至於梳打就好夠氣😂 但係性價比頗低⋯下次唔會再揀⋯朋友仔嘅 #抹茶latte 都係偏淡⋯而且說好的拉花唔覺有😂 又係冇下次的有人未食嘢之前話可以兩個人些牙四款蛋糕🤭點知最後先食得兩款🤭又要再約時間嚟試埋佢喇😆下次可以專攻蛋糕了#飲品可以忽略#蛋糕食得幾多得幾多#試盡佢#真係好好味#foodie #yummy #camerafirst #cheesecake #吃貨 #相機食先 #運動就是為了吃更多…查看更多

去完旅行例牌都派下手信🤣正所謂：「物輕情義重」😂希望舊同事們唔好嫌棄啦😂都係想搵個藉口約你地食飯姐👭👭上次想去乜子食晚飯，點知等左個半鐘⋯入到去仲要乜都賣哂⋯結果食左KFC⋯今次靚女同事就醒目喇‼️搵間有得book位嘅，一去到就入去傾計😍約出嚟其實都係旨在吹下水，對食物要求唔高🤭誰不知今次就有驚喜喇‼️見到餐牌上面嘅奶昔賣相非常好💯對我呢啲相機食先嘅人嚟講就梗係唔洗諗即刻揀啦😆大家好跟隊型，叫哂唔同款嘅奶昔嚟影相😂因爲得4個人嘅關係，仲有芒果奶昔試唔到，不過睇圖唔算太特別🤣唔試應該都冇損失👭分別叫左 #曲奇奶昔、#特濃朱古力奶昔、#綠茶紅豆奶昔 同 #士多啤梨奶昔🥛上檯真係好正😍好適合影相📸試完咁多杯之後，我都係覺得我杯綠茶紅豆最正😋有奶味又有茶味，味道又唔會太甜👍🏻至於小食方面，散叫嘅 #煙三文魚芝士焗大啡菇 真係色香味俱全💯😋好上鏡之餘又好好味😍 跟餐加嘅 #芝士焗西蘭花 🥦同 #煙肉芝士焗薯角 都唔錯😋薯角呢啲熱氣嘢比較啱我🙋🏻‍♀️我地總共叫左兩個主食開心些牙😆鴨胸長通粉比較濃味，符合我嘅口味👍🏻黑松露意粉都彈牙有咬口😃總括嚟講，呢個晚餐真係冇得彈💯‼️飲品小食上鏡又好食😆店員又好細心，經常加水同執檯，方便我地影相傾計😆唯一就係所有嘢即叫即整會等得耐少少，不過傾住計咁等啲時間好快就過啦🤣 冇睇價錢底下亂咁叫都係每人$125，性比價高到離哂地呀😋下次約人傾心事都會再去👭Oslo Cafe📍: 九龍城南角道15號地舖#啲飲品靚到喊#手殘求其影都唔會差得去邊#樣樣都好味#其實仲有個湯都好正#不過冇睇頭所以冇影到…查看更多

前排爸爸媽媽慶祝結婚週年紀念🥰因為媽媽鍾意食海鮮，所以入左西貢慶祝🦞我又跟埋去痴餐🤤 叫左三人餐打底，再另加左幾款餸🦀真心超滿足先講講今次試嘅新口味先🤤蒸鮑魚就食得多喇🤭但係 #椒鹽鮑魚 我就真係第一次試，口感出奇地夾喎😮外面酥脆咸香，內裡彈牙鮮甜🤤每人得一隻實在唔夠喉🤣#龍蝦芝士伊麵 都相當出色☺️啲芝士多到好似湯咁浸住啲伊麵🥰啱哂我呢啲芝士控😆 #蒜蓉粉絲蒸扇貝、#椒鹽賴尿蝦、#薑蔥炒蟹 等等都一如以往咁惹味🤤爸爸每次嚟都一定會加個 #海膽炒飯☺️大大兜食得過😚下次唔知可唔可以試下雙份海膽炒呢😋另外仲叫左個 #酥炸生蠔，但呢個就表現麻麻😣外面個脆皮無味，蠔又比較細隻😕冇下次了🤦🏻‍♀️差啲唔記得個 #酸薑皮蛋，都幾溏心架😋#搭免費車入去#慳左嘅車錢夠食多款海鮮#最後人均消費470#食到咁多款海鮮抵哂啦#仲打包左海膽炒飯當晚餐#foodie #yummy #seafood #camerafirst #吃貨 #相機食先 #運動就是為了吃更多…查看更多

早排公司好豪爽地安排專人係澳洲飛過嚟同我地上training📝足足兩日full day📖不過一啲悶場都冇，好多互動環節🔎學到好多嘢上完之後，公司為左獎勵我地認真學習🖊Book左間酒吧俾我地輕鬆下🍹正呀‼️第一次同同事飲酒🍻傾計都放好多😈對於平時係公司入面嘅自閉仔（即係我）嚟講，終於覺得自己係team嘅一分子🤣前後飲左兩杯酒🍹圖中嗰杯唔記得左叫咩，但係好香菠蘿味，勁易入口😈女仔們要小心啲，唔好飲太多😈第二杯就叫Chocolate Party（唔記得影），呢杯係用bailey’s溝‼️冇得輸‼️同場女士一致好評😍我下次有幸再去都會再叫（不過我十年都唔去一次酒吧😅）另外，為防飲醉，我都食左好多雞翼打底🤭（迷之聲：為食就為食啦，扮哂嘢🤣）真心推薦🤤新鮮熱辣，超香脆‼️送酒真係一流呀🤤#人地個個盡情劈#我就密密食#一人清左一籃雞翼#仲食左好多薯條#再聽左好多真心話#好開心#毒毒表示終於融入到#有以前上調酒堂嘅感覺#foodie #yummy #cocktail #drinks #吃貨 #運動就是為了吃更多 #雞尾酒…查看更多

難得平安夜有得早放🥰一放工就見到男友係樓下等我🥰行左陣街，終於買到對啱心水嘅波鞋👟搵左好耐了⋯行到五點幾，我又餓餓地🤔就諗住walk-in去食龍蝦🦞因為之前太遲book⋯爆哂🤦🏻‍♀️就搏下食唔食到早場🤣結果成功左‼️不過就要六點半交返檯#葡式莫奈芝士醬炒龍蝦 *配意粉$398/1lb🦞我覺得不過不失啦🤔個調味幾好食，辣辣地咁🍝意粉係扁意粉，可以沾到多啲醬，夠惹味👍🏻但隻龍蝦就麻麻地喇⋯男友話佢食嗰隻鉗係好水嘅⋯至於龍蝦身就我覺得唔算好彈牙⋯不過佢所有部位都處理，用刀叉已經食得到👍🏻呢樣加返分#無敵海鮮大餐 *配沙律/湯+兩款配菜$318呢個我覺得抵食🤣因為可以食到好多唔多款嘅蝦蝦蝦🦞仲有蟹🦀呢度個龍蝦尾反而彈牙過上面所謂嘅活龍蝦⋯配埋牛油真係超正🤤蒜蓉蝦真係要趁熱食🤤熱辣辣超香，過多陣嗰陣油味就會膩到你頂唔順🤭炸蝦都唔錯，幾脆卜卜，炸粉又唔算厚👍🏻蟹腳就好削⋯但有男友剝俾我食就加滿分💯#南瓜湯 & #芝士鬆餅全餐最好味🤣入面有一絲絲嘅南瓜肉🎃清清甜甜咁🤤連平時討厭南瓜嘅男友都飲左半碗呀🤤至於個鬆餅⋯聞落都有芝士味⋯但食落就😐只可以講口感唔錯囉，外脆內軟🤣不過我地冇再refill嚕🤭估唔到雖然睇落唔算好多嘢食，但食完成餐都竟然真係飽🤣可能有情飲水都飽左🤣#foodie #yummy #lobster #Christmaseve #merryxmas #camerafirst #吃貨 #相機食先 #運動就是為了吃更多…查看更多

由於港島區食午餐都貴貴地👉🏻👈🏻加上平時食飽飽都鍾意訓返覺先做嘢😆所以絕大部分日子都係帶飯食🍱難得同事叫到，咁我就出去同佢地一齊食飯吹吹水啦🤣佢地一心諗住去飲湯，點知發現都幾唔抵下😅原來午餐都係冇做套餐😅只係買飯時叫埋湯就減$8⋯真係多謝哂喎⋯湯嘅款式又唔多吸引⋯價錢又貴⋯完全揀唔落手至於啲飯其實都冇乜特別，不過唔算太貴😅可以接受嘅😂揀左個蟲草花蒸雞飯，點知變左蟲草花排骨飯⋯算啦🙆🏻‍♀️反正都係差不多味⋯啲蟲草花都好𡁻😂個飯整體偏細，幾啖就食完左😝（睇下隻羹同個碗嘅比例就知⋯）點知揀完飯之後發現原來個個都有叫湯，我齋食飯又好似好寒酸🤣咁唯有再研究下餐牌啦😝望望下，原來有燉甜品😍即刻揀左鮮奶燉花膠($48)😋呢排開始天氣乾燥，食返啲膠滋潤下就啱哂🥰 估唔到幾足料👍🏻撈到原隻花膠仔，啲鮮奶都好漿口，甜甜地咁🤤好想一啖就清左佢🤤 食完呢個飯後甜品真係大滿足😍#返工日嘅午餐都食花膠#感覺好豪#但其實抵過飲湯好多#同事們冇一個滿意啲湯#一係太重薑味#一係就冇味#鮮奶燉花膠 #無得輸#foodie #yummy #camerafirst #吃貨 #相機食先 #運動就是為了吃更多…查看更多

每次同佢哋食飯都會係相機食先，今次都唔例外📸可惜今次間野上菜速度慢，冇辦法一take過影到所有食物嘅全相😂由於上次間越南野環境實在太嘈雜，完全傾唔到計😂今次我特登揀咗一間好寧靜嘅Cafe🥰間嘢靜到我哋變咗最嘈嗰檯😂我哋一人揀咗一樣主食，然後share😍有明太子意粉、瑪嘉烈手工薄餅、南瓜辣肉腸意大利飯同黑松露薯條🍟我個人最欣賞係黑松露薯條，因為佢個醬係分開上，唔會浸淋左啲薯條💯又可以自己控制味道嘅濃淡‼️薯條又炸到外面脆卜卜，裡面好香薯味🥰真係食過返尋味至於其他主食，例如薄餅我就覺得一般般，因為我都係比較鍾意食厚批🤣佢呢個就太薄脆啦🤣南瓜同辣肉腸陣味亦都唔係好夾😆明太子意粉就還可以，不過太膩😂飲品方面，我就覺得賣相有驚喜嘅😍因為全部個樣都好靚，味道就正常啦🥰有人話個朱古力有少少阿華田嘅味道😂我嗰杯飲第一啖都覺，不過我個凍焦糖爆谷朱古力個賣相都贏曬啦，味道又有乜所謂😂‼️大家影咗一大輪，先俾我飲🍿🍫至於個花茶仲可以幫我地續飲添(加水)🍵#凍焦糖爆谷朱古力#黑松露薯條#以上兩樣必點#仲有富士山飲品可以打卡#愉快三小時#foodie #yummy #camerafirst #吃貨 #運動就是為了吃更多 #相機食先…查看更多

同男友係尖沙咀行行下街諗起仲未食過佢，就諗住去搏下啦😂起步嗰陣大約五點左右，我仲傻更更問男友，如果一去到有得直入的話，食唔食好？好似太早喎🤣佢話去到有得你入先算啦😂拎飛後發現仲要等成百幾個號碼⋯結果就去返尖咀行下驚安，當望梅止渴啦🙈由唔餓行到個肚打哂鼓，六點幾諗住應該差不多啦⋯慢慢行返去😆好彩仲未過我地個號碼，等多廿個就有得食😂結果等到六點九時，佢直頭截埋飛🤣好多人摸門釘了⋯好彩我地早去拎飛‼️由於用餐時間等60分鐘，所以一入到去我地就捉緊時間點食物🤤怕熱嘢等得耐，第一時間就叫左腐皮烏冬同茶碗蒸🥰點知唔洗5，分鐘就射左出嚟🤡（用運輸帶送到你面前）👍🏻個茶碗蒸好有驚喜，有原粒帆立貝同蝦‼️ 至於烏冬都好煙韌👍🏻另外，我覺得海膽都好值得點🥰$17大大啖，有埋飯同脆脆紫菜🤤大拖羅都好肥美，不過迴轉帶上面嗰啲靚過直接點餐出嚟嗰啲😭好後悔點左⋯仲有貝3味都好抵食‼️赤貝好有海水鮮味👍🏻其他壽司都係物有所值嘅🤤同男友總共食左13碟壽司🍣真係超飽超滿足😍全程都係用左半個鐘😂仲有時間嘆下茶同望下人地嘅戰況😂發現原來我地戰鬥力都幾驚人⋯埋單連加一總共$347🤑性價比係幾高嘅，同價錢食本地其他壽司店應該食唔到海膽同大拖羅🤤想試就要安排定時間拎飛喇⋯因為佢個apps預約已經排到11月2x喇😧Sushiro HK (壽司郎）📍: 佐敦彌敦道348號彌敦坊UG樓#係門口已經諗定食咩#一埋位即刻叫嘢食#唔洗急最緊要快#食到捧住個肚走#衛生一流#廁所雖然得兩格#但係都超乾淨冇異味#foodie #yummy #camerafirst #sushiro #吃貨 #運動就是為了吃更多 #迴轉壽司 #相機食先…查看更多

呢間放題成日都見到有廣告出嚟😂某日又見到，咁啱男友又問我生日想食咩，卒之忍唔住叫佢訂位試試😆生日食好啲，加咗$98食生蠔同海膽帶子，仲有得任飲Asahi‼️呢間用電話落單，同男友各自努力揀嘢食💯我成餐喪啪蠔🤤全晚食左廿隻倒🤣大大隻，食到好膩😆飽到上心口😍海膽帶子食半打就停手了⋯無味嘅⋯其他嘢都冇咩可取之處⋯總結呢間如果唔加錢任食蠔同海膽帶子嘅話，真係冇咩好食🤣但加埋就三百幾蚊一位，食自助餐都得了🙈🤣瀛豐放題料理專門店📍: 銅鑼灣駱克道491-499號京都廣場10樓#有了你開心啲#生日蠔一次#之後食樹皮等去旅行#生日願望日日爆數#做sales係咁市儈#下下都講錢#快啲搵夠收山#六合彩又中唔到…查看更多

又好耐冇出帖喇🙈冇計⋯工作忙過以前好多😭每日啲腦力用哂係跑數度⋯無心機再寫文😖但係咁落去都唔係辦法⋯唔可以俾份工蠶食哂我嘅生活😤我決定要重新拎返枝筆⋯係keyboard先啱😂呢間真係咁啱路過先會試食，主打豬扒🙈我叫左肉燥豬扒撈粗😂男友就揀左蔥油豬扒飯😂上檯嗰下真係嘩一聲，好似好大塊豬扒咁⋯點知原來係好厚炸粉先啱⋯有半塊都係炸粉💩至於上面啲炸蒜完全乜味都冇⋯好神奇😆男友碗蔥油豬就同我調轉，咸到_ _😂 到底係點樣做到架😂酥炸魷魚鬚都唔弱，一樣係冇味嘅😂點左喼汁勉強擺到落口咁啦⋯不過$38食啲咁嘅嘢⋯唉⋯又中伏😂 我就嚟可以改名叫 #試伏器#曾經的IT狗#試伏器伺服器#食嘢都係掛住啲生意#要開始搵返生活嘅平衡#為美好生活飲杯#下個帖會更好#foodie #yummy #camerafirst #吃貨 #相機食先 #運動就是為了吃更多…查看更多

最近決定左同男友去跨年旅行😍 所以要開始勒緊褲頭儲錢去狂食狂玩🤤 早幾日去旺角睇完旅行嘢之後就要搵嘢醫肚🤣要抵食夾大件，熟食中心一定係我首選‼️$32 已經可以有齊菜、肉、飯同飲品😍我豪啲啲加左$2飲凍檸茶😂 我叫左 #金針雲耳蒸滑雞 ，雞有雞味而且幾滑😂份量都相當充足👍🏻菜就偏硬，如果可以淥耐啲就好喇😅飯都係略硬，不過我鍾意😆凍檸茶就甜左啲，但係都有茶味🤤呢個價錢真係冇投訴啦☺️#平靚正#抵食夾大件#營養均衡#有菜有肉又有飯#加8蚊有靚湯#窮人恩物#foodie #yummy #camerafirst #吃貨 #相機食先 #運動就是為了吃更多…查看更多

呢間又係全公司瘋狂叫我一定要試嘅小店😂仲話必食豬潤腸粉🤤不過我平時返工都係自備早餐，所以都冇咩機會試🤣同埋間舖長期都好多人排隊，冇咁多時間可以係度等男友都知我恨食呢間皺皮腸粉恨左好耐，有日嚟接放工嘅時候，提議我不如試下啦😍好好彩衝到過去嘅時候買到最後一份 #黑米豬潤腸粉🤤‼️由於比較多人買嘅關係（睇相都見到人山人海），我地等左半粒鐘先到手😂佢門口個石磨擺設隔離放左啲調味料，可以自己任加😍分別有 #炸蒜、#荽茜 同 #辣椒乾粒🌶️由於我本身比較重口味嘅關係，所以落左好多炸蒜同🌶 豉油方面可以選擇另上或者倒埋落去，為免索得太勁會咸得滯，我地都係另上算🤣拎到返私竇開餐嘅時候，一打開好香蒜味🤣估唔到周圍行左大半個鐘都仲係好正🤤食落除左咸香嘅蒜味之外，仲辣到我噴火😍🌶 好刺激，好正‼️至於腸粉本身都相當出色，唔好睇佢個樣咁皺皮，食落好滑捋捋架👍🏻豬潤切到薄薄小片咁，好彈牙‼️不過就唔係好覺黑米腸同原味腸有咩分別😅可能啲調味太濃搞到蓋過左本身仲可以加$2配豆漿，聽講都幾好飲🤤不過我嗰陣啱啱食完雪糕，廢事個肚咁脹就冇追加了😅#自備餐盒減一蚊#我冇帶到#但今次個盒用完已經洗乾淨左#以後可以慳一蚊了#支持環保 #你我做到#又或者企定定堂食都可以減一蚊嘅#但個位置唔太容許 #好鬼迫#皺皮腸粉 #黑米腸粉…查看更多

事先聲明，本人真係好少食拉麵嘅😂因為好多時拉麵都配豬骨湯底（特別係啲劣食店😂），好怕嗰陣豬味🤢我真係唔太鍾意食豬😂但係男友話呢間拉麵店我會揀到自己啱食嘅湯底，就陪佢試下啦👫一入到去，店員就指示我地用點餐機揀完食物先安排座位😆本身坐Bar檯位，但係個轉角位嚟，好難擺嘢😂一見後面對窗位有人走，即刻轉位😂坐低先發現原來窗外仲有位，但係冇冷氣⋯呢個天氣我會寧願唔食都唔坐嗰度😂好彩我地嗰日唔多人姐我揀左 #灸燒豚肉激辛雞白湯拉麵🍜其實唔想揀豚肉🙈但係好想試辣湯底，唯有硬食啦🙈但係我冇揀錯架‼️個激辛雞白湯真係辣得好過癮‼️🤤雖然辣到我不停灌水，但係我都係忍唔住一啖接一啖咁食😍痴線架‼️而家打字都回味緊🤤 同埋佢個豚肉可能浸左係辣湯度，唔覺有臭豬味🐷😂男友就揀左 #慢煮薩摩雞雞白湯拉麵🍜佢好抵錫咁同我交換左一片肉😍嘩‼️不得了🤤薩摩雞肉超嫩超彈牙‼️我好驚喜呀😍可惜辣湯底冇得揀配雞肉，除非特登加，但係我又食唔到咁多肉🤦🏻‍♀️如果下次男友同我成份肉對換就好喇😈店員俾左印花卡我地👏🏻消費滿$150就可以有一個印花，每次惠顧最多可以拎兩個印花✌🏻儲夠五個印花就有得換一碗拉麵喇🍜我有信心好快就儲到免費餐🤤#李泳豪嘅餐廳#幫襯嗰日見唔到佢#但係過幾日係第度撞到佢#激食雞白湯#慢食薩摩雞#以上係必食#自己諗下點砌啦#foodie #yummy #camerafirst #吃貨 #運動就是為了更多 #相機食先…查看更多

同事們一路都話去呢間叫雞好正🤣但係佢正價時段都幾貴下，建議我等到下午茶時間食會平好多😆但好多時未等到兩點都餓暈左喇🤣所以講左半個月都未試過終於有一日忙到唔得閒正常時間食lunch🤣捉左同事們陪我去食🤤一去到⋯冇哂粉皮😨好失望呀‼️我期待好耐嘅 #口水雞配粉皮⋯唉😭唯有配烏冬啦一上檯見到全部即棄塑膠用品🙈真係覺得好對唔住個地球🌍 但叫左都要食架啦🙈食落果然係好掂‼️啲雞好滑捋捋，個汁就堅係高汁😍既麻且辣，第一啖唔算太辣，之後愈食就愈辣到流得多口水🤤 辣度我覺得大約係譚仔小辣咁上下啦🤔而烏冬份量都夠飽肚怕辣嘅朋友仔有福喇🤣佢跟茶餐會送埋一杯自家製飲品🥤um⋯⋯味道好特別😂聞落好香菊花味🌼但係飲落同水冇分別，好彩唔洗加錢，濕下口都ok由於佢座位唔多，同埋係摺檯同摺凳，堂食唔算好舒適😌如果有機會再食，我會外賣返公司食算嚕🤷🏻‍♀️反正點都係用即棄塑膠餐具#大大力推薦口水雞#希望下次食到粉皮#40蚊有埋飲品#叫雞都要等特價#觀塘下午茶餐之選#我親耳聽到好幾個人話唔要飲品#可能飲過知瀨嘢…查看更多