QueenQueen15的个人专页

難得有時間去食下午茶，想食餐蛋三文治，經過呢間餐廳，見下午茶時間唔多人，可能係平日日子，入去諗住睇下餐牌再考慮入唔入去，點知竟然發現有滋味三文治餐，「鹹牛肉滑蛋三文治+黑糖牛乳紅豆冰」$25.9黑糖牛乳紅豆冰，稍甜，額外加左啲水，又幾好飲喎！鹹牛肉滑蛋三文治，三片包，有埋烘烤，滿滿既蛋，蛋滑，有牛油香味食完都好飽，有機會或者都會去食多次！…查看更多

今年情人節正正撞正農曆新年，所以預早慶祝，今年放低唔到個囡，要取消原本預約好既high tea，轉為要搵一間適合的親子餐廳。呢間集團式既餐廳，食物唔錯，價錢合理，原本去食tea，點知原來係要3:00先開始，早左又無問，無食tea。Tea抵食。講返食物先，order左個拿坡里繪手撕豬肉螺絲粉 $94個粉好多醬，味道唔錯呀alfafa 海鮮飯 $142味道唔錯，都幾大碟，海鮮都足叫餐可以加$36 享用黑松路薯條普普通通，都夠脆餐加$36 享用香烤雞翼每個餐都包飲品及 可選湯或招牌沙律，湯及沙律都好味呀！忘記影沙律相🙈佢地做緊member promotion,可以即時join左，傳入現金即時找數，仲有積分及coupon送，所以食飯時記得即時做埋member,會抵左。…查看更多

要去深水埗個邊做野，搵間餐廳食個Lunch，食午餐時間周圍都多人，好在呢間去到甘岩有人食完，好快就有位呢間既Lunch大件又好食，選了12oz T骨扒午餐 $77 凍飲+$3嘩！塊扒好大塊，食落都👌🏻，唔會太熟太難咬，呢個價算抵食啦另外我就order左黃金豬扒配白飯$64（凍飲+$3）嘩！個飯有成3塊豬扒，炸得脆，豬扒又唔鞋，正喎，同樣，呢個價錢甘大份又唔差，抵食佢兩碗汁入面都會有啲洋蔥、西芹甘，汁味道都👌🏻…查看更多

真係好耐無食過放題、自助餐呢啲嘢啦，今年老公生日就去大刷一番選擇咗呢間食午餐放題，因為有泰式日式料理，網上又有得預約。唔選晚市，夜晚食太飽真係幾辛苦，再加上中午食會平點😆都算不過不失，刺身新鮮，虎蝦好大隻佢仲有得加$138任食生蠔同海膽帶子，不過我地唔好呢兩樣，所以就無另加啦！其實仲有其他野食，但忘記影相，佢個燒帶子好大隻，好食架！出面仲有甜品、日式雪糕、韓式雪條、任飲茶水盒裝罐裝飲品啤酒等。每人消費$252，食放題黎講都合理價啦！…查看更多

難得出去食lunch，但唔知食乜之制，係佐敦未試過呢間新裝修後既餐廳，再者睇埋餐牌，價錢係呢條街都算較平民，就選中呢間餐廳餐牌上好多款式都配埋餐飲，我地都係選擇咗焗飯焗拿破倫鮮茄豬扒飯 +餐湯+餐飲$52有拉絲芝士，都算大碟，比較焗雞扒飯，雞扒大塊多啲啦！奶茶就一般，因為奶茶面浮起左好多一點點既茶渣🙈焗芝士咖喱雞扒飯+餐湯+餐飲$52（凍飲+$3）雞扒都幾大塊，多芝士，炒飯底，飯唔會濕身，汁都唔錯凍奶茶就好啲，唔會有茶渣浮面，正常係喎個飯仲有包埋湯（無影相，揀左羅宋湯，味道都👌🏻），所以成個餐都算抵食啦！食完都飽到夜晚。…查看更多

外賣平台有半價優惠order🤣今次order另一款飯及飲品十八歲雞扒飯 $23（原價$46）賣相同味道個汁都👌🏻，不過係白飯淋左啲啦凍越南三式冰 $12（原價$24）未有提供飲品特別要求：甜度或冰量，但飲品都唔會太甜，幾好飲，不過啲三色係爽口既，唔知係咪越南嘅口味係咪甘呢，自己就比較鐘意煙靭口感多啲！今次有提供餐具，而飯既等候時間就慢左少少啦！11:30落order,諗住都未有甘多人食飯，平台通知拎得，去到都要等一陣。…查看更多

話說因今日比較忙碌，就去了就近麥買個外賣午餐食，至好食既豬柳蛋包，仲要特價，正都一段時間無食麥麥啦！買外賣一打開個紙袋，有點失望，份量有點少既薯條，又忘記問拎茄汁，少了點綴，另外個豬柳蛋漢堡塊豬柳真係薄過舊時的:(，還好有優惠是特價餐，始終比較鐘意食豬柳蛋漢堡。買左柸加大港式熱奶茶，通常都比較偏向茶味，所以都會喜歡加多一個奶仔再飲。質素較舊有的有點偏差，物價高漲吧！不過今次覺得有點失望。或許太忘，不愉快體驗，個counter取餐員工態度有點……查看更多

從來都無試過係外賣平台購買，今次第一次，原來外賣平台訂購，會做優惠，真係抵食！第一次就選購呢間，因為外賣自取竟然有半價招牌雞髀紅腸飯 $23 （原價$46）平平凡凡，普通一個滷水雞髀紅腸飯，（如果大食仲可以外賣平台點選多飯）正常飯都好足夠越式咖啡$12（原價$24）還好唔會太甜，都幾好飲（點算無得選擇要求少甜走甜、少冰走冰）唯一唔好就係無提供餐具！呢間餐廳外賣平台上，無論飲品或食物有好多款選擇，等候時間又短，讚呀！要抵食就記得下載外賣平台”D” 或 “F”apps啦，個飯加埋特飲都係$35…查看更多

台灣最出名不離夜市既鹽酥雞腿、鹽酥雞粒、鹽酥炸豬扒…今日Lunch就黎到呢間位於尖沙咀既台灣飯店，座位幾舒服，幾岩吹水既地方，店內有限制寫住用餐時間60分鐘，但因為唔多人，應該都唔會趕人走掛。不過我地都係食完飯就走啦，無over時間。上到去店員會比餐牌你自己可以座低慢慢揀完再出去cashier購買。必食推介：士林鹽酥大雞腿飯$68配飲品：珍珠奶茶 +$6 （大大柸）雞腿夠脆，熱辣辣，睇個樣已經好吸引，另外每款飯都會有少少菜附送，好有色彩甘其次order左台灣鐵路大排骨飯 $68配飲品加$6 珍珠奶茶（大大柸）呢個飯既大豬扒，就比較無甘吸引，不過都幾大塊，豬扒都幾好食，係唔夠雞腿吸引P.S: 大家入店買飯前，記得掃描左枱上既QR code,登記左做會員先，可以即時有個鹽酥雞粒送，又有得儲分，抵好多，我就豬左，買完先入會，要留返下次食個免費小食啦…查看更多

今年無得去旅行，生日就選擇了韓國烤肉，好掛住韓國旅行既時間🥺事關平日時間去食，所以得三枱人😆呢間啲肉都幾新鮮，雪花牛好滑，中午時段仲有午餐，不過今次主要食燒肉，所以無叫午餐。包埋小小自助區，自助區提供有泡菜、酸蘿蔔、酸青瓜、生菜等。食韓燒最重要就係有無限量既菜提供，不過淨得生菜提供，無其他菜種類提供。濟洲五花肉 $180牛五花 $158真雪花牛肉 $228迷你海鮮泡菜餅 $40午餐時段，如叫午餐都可以享用到自助區，都算抵食。…查看更多

又到2月既情人節及生日日子，訂咗枱食個tea慶祝，呢度食tea set之如，另外仲有得出去自助甜品bar拎雪糕、窩夫、pan cake、macaroon、朱古力等，幾抵食呀！情人節版Tea Set甜點賣相幾靚幾特別咸點食物都唔錯，唯獨黑色個件比較咸，包有啲乾身左事關食左自助bar甜品，最後要外帶呢幾個scone，但醬就拎唔到走啦！呢兩個撻原來係咸點黎以下就係出去自助bar拎既甜品，雖然唔多款式，但窩夫、pancake即時製作很美味，仲有自家製既肉鬆味雪糕，食落味道都好特別，幾好味。食完呢啲自助bar甜品，真係超飽…查看更多

疫情再加生完baby，都好耐無出去撐枱腳。適逢要割愛賣埋部電單車，最後一次既出車，梗係要去搵個special lunch食下。所以去左呢間burger店食，呢間係特別在burger有得免費轉菠蘿包。不過黑仔，剛放低車入去order，咁就被被抄牌，變左呢餐好貴😢講返食物先：首先揀左佢既Fish Burger All Day $148梗係要轉菠蘿包啦，特別啲嘛！個包入面有兩塊炸魚，都好大份量呀！食落好有口感，再加埋其他配菜，食完真係可以好飽，味道唔錯，炸得夠脆另外就揀左最基本既Classic Beef Burger $98同樣地選擇菠蘿包，牛肉都多汁，唔會煎到乾哂係可以burger加$30有埋薯條同飲品，薯條夠脆夠熱，咖啡都幾好飲堂食係要加一啦！…查看更多

疫情下，無得去台灣旅遊，咁就食個台式午餐定食回味下台灣風味😆呢間店食台式定食抵過食台灣麵食，兩款食物差唔多價錢，但定食多配菜，感覺健康好多。鹽酥雞翼滷肉飯 $92個定食仲包埋碗紫菜貢丸湯，睇落賣相豐富，難得多蔬菜，呢家外出食飯都無乜邊度會附有多菜。鹽酥雞翼幾好食，新鮮炸出凍翡翠檸檬茶 $32平凡既一柸檸檬茶，味道👌🏻另外朋友點左個凍愛玉鐵觀音檸檬茶 $35佢就話柸野好酸，最後佢只飲左一半就無飲啦！佢order左個紅燒牛肉麵 $82 （忘記影相）佢表示普普通通，整體都可以，但無乜特別…查看更多

食過好多餐廳既公司三文治，最抵食，大份，又足料，莫過於係super sandwiches 既公司三文治。做會員購買有9折，今個月會員優惠-買三文治套餐有芝士肉醬薯條送，超抵呀經典公司三文治$70+$7熱奶茶（另再有9折）三文治內餡豐富，份量大，一人會食唔哂送既芝士肉醬薯條，好味呀！公司三文治太大份，第二個餐要order細份啲啦！所以order左燒烤菇芝士熱烘三文治餐$70+$7（凍奶茶）同等價錢，但份量相對細好多。都好食喎，兩片包有用牛油塗抹後再焊脆，入面芝士有拉絲。加埋會員既芝士肉醬薯條。…查看更多

原本網上見OpenRice 食評訂座喫麵，見網上食評有show出至愛食既松子桂花魚菜牌，適逢K Dollars就快到期，就決定去呢間食。點知到店內座低打算order時，店員話兩間唔同，點王家沙既就唔可以點喫麵菜式及無優惠。目的為食松子魚，最後放棄優惠吧！🙈因為得兩人食，只點選一飯一魚松子桂花魚$248主菜確實唔錯，熱辣辣，食落魚肉唔會硬，汁唔會太酸，幾好食家鄉金腿炒飯$108因為太晏，肚餓，忘記相機食先😆呢個飯就真係一般，金腿應該指雞肉？啲雞肉好淡，無味，成碟飯無咩料，唔太值呢個價囉！店員對使用K dollars系統應用程式既知識低，使用k dollars卡時，竟然話要全數夠比單價先可以使用，攪到我地用唔到啲分，要再去行搵其他店舖用。其實事實係店員不懂使用方法，根本張卡就似credit card甘，係可以部分用k dollars card，餘額再用其他方法payment 囉…查看更多