Zoie Wong的个人专页

耐唔中都有外賣呢度嘅早餐，不過今次會係最後一次。呢日買咗個雙併早餐 炒米+蘿蔔糕（$32)見到跟餐飲品有新選擇，試下新嘢啦，要咗凍腐竹薏米豆漿（+$4)八達通俾完錢發現佢收咗$38，我話應該係$36，A阿姐堅持係$38但係冇解釋點計，我指住menu話32+4真係$36喎，A阿姐好似完全聽唔明我講乜，我追問$38點計，冇人答到我🙄呢個時候B阿姐出聲，晦晦氣氣叫A阿姐俾返$2我，A阿姐一邊俾錢我，仍然一邊不停講係收$38。$2事少，但係請好好地同客人溝通，解釋點計，而唔係不停講廢話。張menu寫得好清楚，定係其實menu寫錯？我唔介意你話我知。對住無法溝通嘅阿姐我成頭黑人問號。等外賣期間，A阿姐喋喋不休堅持自己啱，我只可以回應返同一句：「你張menu係咁寫」。突然B阿姐一句得埋嚟：「依家咪俾返$2你囉」，聽到呢句先係最嬲🔥🔥🔥。明明係你地收錯錢，就應該叫A阿姐唔好再出聲；如果你認為你地無錯，就講清楚點計，就係咁簡單，有咁複雜咩？講埋食物，加錢嘅腐竹薏米豆漿，腐竹已經融化得無影無蹤，同普通豆漿冇分別。雜菜炒米嘅雜菜變成銀芽。諗住幫襯多啲小店，唔好慣性食連鎖店，不過阿姐呢種不一樣的服務態度睇嚟都唔憂做，我都係去其他小店幫襯好了。…查看更多

同朋友一行6人冒住大雨慕名而來，拎左籌仲有三張枱就到。大約45分鐘之後嗌到我地籌號，不過係要分開4人枱同2人枱，唔係隔離，係隔住一條走廊嘅前後枱，係完全傾唔到計嘅兩張枱。我地問可唔可以迫啲6個人坐4人枱，因為見梳化位都好闊落，店員斬釘截鐵話「唔得」。再問可唔可以坐住先，等隔離嘅枱食完到時再調位，店員再次斬釘截鐵話「唔得，坐低左就冇得改」。其實如果唔歡迎大枱客，大可以列明只招待4人同枱，而唔係浪費顧客排隊時間，然後offer顧客分開坐，重點係完全無方案安排之後坐返埋一齊。已經浪費左接近一個鐘，毫無懸念決定轉場。一間餐廳無論幾好食都好，唔識尊重人都係會慢慢流失顧客，至少呢日有6個人永久blacklist呢間餐廳。…查看更多

九龍灣食飯愈黎愈貴，閒閒地一個午餐連飲品都要$50, 好彩仲有呢間比較平民既選擇，幾年黎加價都唔多，最重要係真心鍾意呢度既鹽酥雞同台式奶茶！每次黎必叫鹽酥雞，配飯$29, 配粉麵$28, 加$8有飲品，呢日叫左個河粉，有少量冬菜蔥粒粟米，有需要記得叫走青，河粉份量幾多夠飽肚！鹽酥雞有5,6件，都幾大件，另上唔會浸到淋晒，香脆惹味又唔會乾爭爭！熱胚芽奶茶甜度適中，胚芽健康又飽肚。$36真係好抵食！另外呢度可以分單俾錢，同朋友食都可以自己俾返自己個份，唔洗找黎找去，非常方便！…查看更多

Pepper lunch食到悶悶地，今次試下呢間日式西餐！單點白汁煙肉溫泉蛋意粉$46,加$5 有埋沙律，忌廉湯，飲品，沒有不轉餐的理由吧！溫泉蛋夠晒流心，不過冇咩蛋味，而且意粉整體味道都比較偏淡，不過可以任落黑椒同芝士粉補返數！相中意粉就係經過本人自行加料~沙律菜新鮮爽脆，配芝蔴醬，合格！粟米忌廉湯都係偏淡，不過$51黎講有個套餐算幾抵，而且份量多一定夠飽，係德福都幾難搵到呢個價錢有沙律主菜餐湯連飲品，所以我會返黎encore的！…查看更多

每次黎到西九龍中心foodcourt, 我對腳都會自自然然帶左我黎呢檔酸辣粉前面，佢既酸辣粉係我食過之中最岩口味，湯底酸辣中又帶少少甜味，好香唔係死辣，配料又俾得大方，薯粉下面收埋左好多豆卜，好似尋寶咁食極都仲有，$38連汽水係物有所值！ 加映一段小插曲，當日老闆娘同老闆應該有d嗌烚，老闆娘係櫃面怒氣沖沖咁向廚房既老闆連珠砲發，犀利既係老闆娘可以一秒變臉笑住問我飲啲咩，真係不得了！   p.s. 之前黎店名都係叫當家干鍋，今次黎到改左叫當家作煮，不過餐牌一樣冇改過…查看更多

 餐牌簡約，如果有圖片會比較好首先是海鮮拼盤，有帶子、青口、翡翠螺、大蝦、蟹鉗特別喜愛帶子和翡翠螺，很鮮甜但蟹鉗沒有味道，扣了些分數食完這頭盤10隻指頭都髒了，如果餐廳能提供濕紙巾便更好頭盤後便是香辣橄欖油大蝦蒜片意大利麵大蝦很香口，意大利麵也很惹味，但份量略嫌較少西班牙薄餅，餅底香脆，味道不過不失整體來說食物的質素不錯，員工服務態度殷勤，在這裡用餐感覺挺舒服的！…查看更多