KinGxWonG0401的个人专页

環境幾好 食物賣相都唔錯有位應該係經理嘅小姐 做野好爽手又有禮貌 笑容滿面食物賣相雖然唔錯 味道比我想像中普通 冬陰功湯好多海鮮 入面啲蝦好好食 牛肋肉紅咖哩唔知本身都有加冬陰功 啲味蓋過哂 完全食唔到咖哩味😂 牛肋肉幾難咬可能為咗迎合大眾口味 比泰國當地或者香港一啲泰國人開嘅小店食物略為淡口 但係豬手又好咸😂好極端幾樣食物中 最好食係碟菜 好嫩口 調味適中最後嗌咗個甜品 味道係幾好嘅 但係事前雪定 雪到又硬 表面又有冰粒 有少少配唔上個價位😅食完飯有位員工嘅態度真係影響到全日心情 戴口罩嘅女員工 講野態度已經西 埋完單check緊有冇錯單佢竟然一手搶走張單連卡單塞俾我🙂用餐期間已經長期企門口㩒電話 餐廳請到佢都幾趕客…查看更多

經過咁多次襯住一次離開之前食個lunch嗌咗個雞set同魚set 超級驚喜第二次食到咁正宗嘅香料咖哩味 重慶大廈即刻不值一提 薄餅厚得黎唔會成口粉 彈口得黎勁香麥味 而飯粒幾特別 唔知傳統係咁定點 黎到覺得好靚 不過冇乜味唔洗擔心 啲米入口係一粒粒嘅口感 不過唔會好硬咬唔開主菜幾入味 另外每份會配埋炸蔬菜同埋一件辣啲嘅咖哩雞檸茶同平時嗰種唔同 比較清新？餐廳由印度人主理 感覺幾cool 不過睇得出女主人出身富裕家庭 cool得黎打扮得宜又有禮貌 除咗好食 佢仲有露天位幾悠閒 室內都濃濃印度風夜晚會有live show 不過好唔好聽就見仁見智 我住樓上就覺得有少少嘈🤡…查看更多

小份酸菜魚大份到有啲嚇親 魚肉好滑 不過湯底唔夠酸唔夠辣 仲幾油下 以主打酸菜魚嘅店菜黎講有啲失望 不過真心大份 一大班人一齊食諗得過唔洗驚餓椒麻砵砵雞大概有十串左右嘅小食 乜都有同雞冇乜關係😂😂值得一讚係雞腳冇骨（唔諗點拆啦）但係牛𦟌硬過擦膠有啲驚…查看更多

🤫好多年啱啱開張食過 感覺味道普普通通 加上隔離枱客食食下有隻壁虎由天花板跌落張枱到搞到有陰影唔敢再試事隔多年見佢仲存在緊決定再次挑戰椰汁燉雪燕好重椰香 入口順滑 甜度好適中 雪燕份量勁多 估佢唔到😱 連椰肉都帶少少清甜 淋淋地 唔似市面嗰啲硬到刮唔到嘅椰肉😂好食到清哂芒芒小丸子本來見到咁到咁少芒果汁有少少失望 點知個比例又分配得幾好 唔會多唔會少 小丸子份量多 芒果幾甜 最緊要芒果汁冇嗰種罐頭芒果汁味 俾like😋…查看更多

見正宗水煮魚、酸菜魚 價錢喺大角咀差唔多六十蚊應該正常啦友人就叫咗類似車仔麵嘅粉麵黎到 正呀！咁大份一份魚肉一份粉！一夾即散已經知不妙 一食落口乜粗口都出黎 晦到好似食咗啖粉落口友人碗車仔麵味道正常 但係蓮藕硬過我條命。。。…查看更多

店內環境比較擠逼 不過裝潢簡潔 幾好滷肉飯比想像中出色好多本來想點蚵仔滷肉飯 點錯咗淨滷肉飯🥲好彩真係好好食 安慰返但弱小心靈 溏心蛋啱啱好 蛋黃完全冇過熟鹽酥雞塊（？）套餐 炸粉幾厚好影響口感 忍唔住拆哂啲粉 雞肉肉質幾彈口 醃得好夠味 冇粉好味好多旁邊小小嘅涼拌都好好味蛋餅硬身咗少少 不過都幾好味飲品方面簡直嚇親 阿薩姆紅茶有陣古怪嘅鐵味 而珍珠奶茶竟可以好似水咁淡 真係好失望「這不是我要的台式飲品🥲」單以食品計$70-90有交易我覺得cp值幾高 可以再食😝…查看更多

難得辣得幾過癮嘅川菜地方幾大 坐得舒服 價錢又合宜不過唔知係咪中午人手唔夠 除咗上菜有啲慢 仲錯得有啲離譜嗌咗個過午餐過橋酸辣粉 等勁耐上菜得個酸辣粉😂同staff講完諗住一陣就有 點知係重新等過🤣🤣🤣然後發現…啲配料都幾求其 冇諗過呢個價錢會有金色炸魚蛋🤦🏻‍♀️不過除咗人手唔夠 川菜食物味道真係好ok 無論係午餐嘅水煮牛定單點嘅酸菜魚都夠麻夠辣 份量好足 魚肉又滑 價錢合宜不過人手方面真係要處理下 員工工作個樣都人寬容啲…查看更多

呢間新開嘅大欖串燒超出色嗌咗最貴嘅set c埋單都唔洗$400/1包龍蝦、鮑魚、日本蠔、元貝、大蜆、蝦龍蝦好大隻 勁多膏 肉質結實啖啖肉🤤日本蠔一啲腥味都冇 食落口爆哂汁 😢可惜同其他海鮮放埋一齊都係要燒 俾塊檸檬落去意義不明全部海鮮都好新鮮 除咗蝦 食落口有少少晦不過仲係彈口除咗本身每枱都有嘅孜然粉同辣粉 記得去配料區配搭個人口味任食方面唔算少 基本肉類同蔬菜 大部分串好哂方便燒 幾貼心 仲有少量水果同甜品有幾款特別想推薦一口和牛 超嫩一定要食 牛仔骨 係呀竟然有牛仔骨😋雞翼 釀得好入味 而且肉質好飽滿 完全冇雪藏味尖椒 呢個係我估唔到有得燒嘅😂唔係平時嗰隻綠色唔辣尖椒 而係翠綠尾端有勾辣尖椒 雖然幾辣下 但係啖啖肉連皮都好嫩口牛油金菇 好大份一啲都唔手軟 如果覺得唔夠味可以去配料區加料 連牛油都有得添😉手機點餐有少量炸物同燒好嘅食物炸物雖然款少 不過幾高質 炸雪糕一啲都唔厚粉 炸芝士夠融之餘唔會好濟熟串燒得三款 有韮菜 菠蘿 茄子 菠蘿意想不到咁淋咁甜 亦都冇諗過茄子呢啲咁費時嘅食物會燒埋俾你 不過真係有啲耐 要一開波就嗌😂熟食唔多 得兩款 有是日餐湯同糖水 不過冇乜人飲 可能食串燒都已經夠熱😂飲品款式唔算多 不過雪櫃夠大 長期有人補唔會有唔凍嘅情況服務都好好 侍應友善 座位寬躺 整體黎講覺得幾物超所值 有機會要再食👍🏻👍🏻👍🏻…查看更多

肉蒲團鐘意打邊爐嘅朋友可能會失望喇 原本見到間野啲牛冒哂煙咁 自助配料幾豐富 丸類唔係常見嗰啲 啲菜又新鮮又唔常見嘅冰菜任夾 諗住實有驚喜啦 點知嗌麻辣牛湯底個湯底乜味都冇 麻辣淨係得辣椒油味🥲煮咩都好似過熱水咁熟食除非好餓 唔係都唔建議試值得讚下係牛肉幾有牛味 雞子好大粒 蠔唔腥 蝦都新鮮仲有教主代言嘅無糖汽水任飲👍🏻不過打邊爐好緊要嘅湯底真係差啲 希望淨係麻辣湯做得唔好 其他係有味啦🥲唔睇重湯底嘅朋友都值得去試下…查看更多

安平燒肉大家都唔陌生 但係維持一直嘅水準真係一啲都唔易最近疫情造福人群 1400入座竟然可以last order到1750 1800離座嗌咗最貴嘅plan 牛肉推薦和牛同三角牛肩肉 肉質較淋 滿滿牛味又juicy 但係牛舌就差少少 有啲部位比較難咬海鮮類 魷肉同蝦非常出色 一啲都唔晦 勁彈口麻辣元貝都唔錯 好夠辣但唔夠咸 有隻有汁嘅魚（忘記咩名）甜甜地 好滑😛雞肉唔會有雪藏味入口滑嘟嘟 調味亦都好到位出面自助嘅蜆湯就唔掂 除咗冇蜆味就乜味都冇疫情期間有部分食物飲品供應唔到有啲可惜 例如麻薯小枕頭、蝶豆花茶 希望下次黎會有返🥺…查看更多

之前去過荃灣嗰間 今次希慎食 唔知係咪因爲疫情所以唔洗排隊😋海鮮Pizza 同之前食一樣出色 牛骨醬炸雞 個醬幾咸下 以為係牛骨湯嘅味道 點知似bbq醬帶子泡菜卡邦尼 帶子嫩到令人驚訝 但係汁比較稀 亦唔係好食到泡菜味韓醬蟹肉芝士波個汁用真蕃茄煮成 好鮮 出色 但芝士波蟹肉太多 有啲乾 冇乜芝士味牛油果蟹肉他他(?)少見會配埋餅 餅好脆好香口 蟹肉都好多 牛油果醬冇乜味 美中不足叫咗三杯野飲 蜜糖柚子梳打👍🏻菠蘿茶士多啤梨mojito最深印象係士多啤梨mojito 藥水咁🤢…查看更多

諗唔到食咩行過好耐冇食嘅板長就入去幫襯下個茶杯有啲嚇人 舊到杯上嘅字都睇唔到下午茶幾抵 六十幾蚊 有壽司 小食 飲品壽司燒得幾好炸魚旗油脂幾多 炸到好香口朋友嗌咗個普通午餐仲叫咗份刺身 不過刺身質素真係唔值二百幾蚊魚同蝦都算新鮮 但係海膽唔鮮 雖然冇臭不過偶爾食個下午餐都算係個好選擇…查看更多

朋友生日揀咗呢間我有個壞習慣 就係試新野前一定睇咗劣評先見到劣評唔算多 講嘅都係牛扒要五成熟變全熟食物選擇唔算多 不過送到上枱都比預期好有杯幾特別嘅飲品加入咗青瓜 一放上位已經索到 真係好勁啲味黑松露薯條本身已經香 加埋個醬欲罷不能 最後嗌咗兩次其中海鮮意粉嘅帶子好大粒彈牙 蝦雖然大件但有啲唔新鮮 青口真係差啲 雖然用青口bb啲肉好食啲 但係細粒過蠔屎 放入口都唔知食緊乜嗌咗兩款扒 黎到冇想像中嘅五成變全熟唔亦好多渣 不過調味淡咗少少 伴碟個薯蓉估佢唔到 好少餐廳會調味 最多淋個醬喺表面 呢到竟然成個薯蓉溝好哂味抵讚…查看更多

蘇媽一直都好多人排隊 所以一直的唔起心肝去食近排少啲人排 終於約埋三五知己去試啲裝修同裝配料嘅器皿都幾特別 坐低後店員一人裝咗碗黑色水因為第一次食唔知咩黎就問個staff 點知佢話用黎洗手 當然係講笑啦坐低就會有碗肉骨茶 聽講仲可以再添咖央多士真係出色 可惜冇影相湯麵類唔錯 湯底唔算好濃但已經好夠味 配料亦算多一字骨煲到好淋 底下有啲豆粕、金菇 入哂味 啲肉骨啱哂我呢啲冇牙老人家串燒就差少少 牛肉好實 雞肉更加係又乾又實餐飲有傳統美祿恐龍 恐龍下蛋係咖啡加雪糕有杯綠色用班蘭造嘅飲品 顏色有啲嚇人 不過味道都唔錯不過整體黎講 都算出色 抵佢長期有人排隊…查看更多

唔知係咪因爲新開 間舖滿哂座周圍都一家大細心諗實冇伏啦見到有個隊排緊 又冇寫排乜 以為係等位 但係又有幾個人狗衝入去有位坐 忍唔住問店員其實排緊乜 原來係買一送一麵包嗌咗啲家常便飯諗住唔伏雜排餐啲薯菜多到成個底都係薯條 就咁放包茄汁喺扒旁邊 賣相真係有啲肉酸口水雞啲前菜 冇味咖！ 冇腌過都算 明明睇到有辣油都可以冇任何味 好彩啲雞仲有少少味 不過肉質就擦子膠咁唯一可取係炖湯冇味精味 不過有少少淡我諗唔係住樓上懶行都應該行兩步去愛文生…查看更多