ANGEL^_^的个人专页

今日同朋友想食tea 之後，先去行大館同半山。行到一半，見到雲咸街都幾多嘢食，所以睇吓有咩想食吓先再行.行到中間，見到Baan Thai 餐廳都好cozy,所以同朋友入去試吓。坐底之後，店員都好友善，話俾我哋聽依家係Happy Hours,可以飲杯cocktail 先，我就叫咗Aperol Sprit ,朋友就叫咗泰式奶茶，我唔係太肚餓，我哋share 牛肉沙律同菠蘿炒飯。牛肉沙律酸酸辣辣好開胃，個菠蘿炒飯都好好食啊！！食完本身都想食甜品，但真係太飽了，所以無食到，留番下次嚟先再食！！…查看更多

我哋去食係平日嘅下午茶時間，2個人唔使等位，我哋食咗2個set.都有7折。食到中途，唔小心整跌杯凍咖啡，因為係我唔小心倒咗杯咖啡，所以即時order 番杯，但佢哋同事原來抹完枱之後，即刻落單送番杯咖啡俾我，好細心喔。同埋雖然好多客，但都不時執枱，同加茶。食完埋單，食埋粒糖，300元左右，抵食之選！多謝Hinson同事送杯咖啡俾我！！…查看更多

呢一區多左好多高級食肆，呢間成日行過，今日終於可以試到喇。今日我哋一行三人，叫咗2個Set Dinner,加多一個牛柳250g。仲有叫咗3杯Happy Hours,嘩，每杯都係＄30元，好好味。Service 都好好，雖然佢哋得2個staff,但你需要佢時，佢都會照顧到每一枱。同埋佢都會recommend 佢哋嘅飲品同食物。見到隻杯無水，就會主動嚟refill, 好helpful. 呢間餐廳已經成為我哋飯堂list 之一，希望快啲可以同多啲朋友再嚟食！…查看更多

我哋一行7人加埋BB,唸住搵個地方食中秋節飯，好彩當日book 枱都仲有，去到睇到有個2個餐都幾抵食，屋企人又唔想唸，咁就叫set 餐，有湯羹，有魚，有雞，有飽魚.......我哋都係叫咗半席，佢哋好好啊，一碗碗嗰啲，都有俾多一碗我哋，等我哋唔使爭!食到最尾，仲有半隻雞同炒飯，已經無影相了🤣炒飯好有檴氣，仲有綠豆沙糖水，糖水不太甜，啱晒我家2老喇。服務都好好。下次都會再唻幫襯😀…查看更多

今日我好朋友生日，所以食番餐好嘅!睇到呢度有蠔食，cp值又高，評價又唔錯，所以一於嚟試吓佢。我哋點咗個2人套餐$650,再加1打生蠔，有平有貴，但都好好食，無話將貨就價，套餐有沙律，生蠔，日本枝豆，芝士海膽多士，焗扇貝，黑松露芝士焗大啡葫，西冷牛扒，千層麵，酒浸海蜆。仲有一枝白酒啊。食到飽飽!呢度舖仔細細，好快就坐滿喇，記得要訂枱先。服務都唔錯啊，有幫我哋換碟，收嘢，加酒，雖然佢得3個staff,但都手快快。下次同多啲朋友仔嚟，食多啲嘢。…查看更多

宵夜揀呢度，因為佢都收1點，要就我哋啲夜收工搵宵夜食。同埋要慶祝朋友生日。我哋6個人，叫咗$168套餐，有6款海鮮，有波士頓龍蝦，鮑魚，中蝦，蜆，蚌，樣樣都係即叫即蒸，都唔使等好耐，差不多每款等8分鐘，有啲快啲，有啲耐啲。我哋仲加咗湯，係燉湯，好鮮味好足料㗎，抵加。每款海鮮上枱，都有人幫我哋分餸，好好服務。食到最尾，仲有八寶飯，自己點餸，鍾意食乜就點，以為好小份量，食吓食吓都幾多。值得推介。如果叫$268嗰set,仲有甜品送。…查看更多

星期五食Lunch ,灣仔真係好難搵到位，好彩同事醒目有訂位。呢間日本餐廳，係正我哋office 隔離，啱晒我哋嚟吹水食飯，啲位好好坐。而午餐都好多選擇。我哋一行4人，食咗壽司定食，牛肉火鍋定食，西京燒定食，同千色魚生飯。一叫完，就有個沙律食喇，沙律好新鮮，仲有蘆薈喔。差不多等咗5 分鐘，啲主菜都嚟喇，我哋開心share 食，啲waiter 都好醒，主動問我哋係咪share,俾啲share 碟我哋，又主動加茶。最後，仲有甜品雪糕。畫上完美嘅一餐。我哋會再嚟㗎!😀佢個晚餐都好似好抵食，下次試吓先掛住食，都唔記得影食物喔。剩係影咗個Menu!…查看更多

好朋友生日,之前睇過食評都ok,又有人唱生日歌攪氣氛!所以2日前便Book了呢度.一行三人,七點慢慢由地鐵站行過嚟,行咗十分鐘度,由侍應帶我哋坐SWING CHAIR!坐低之後,開始唸吓吃乜!!討論完之後,點了4樣:~Spanich salad~mushroom and cheese bread~carbonnara ~cheese and pineapple pizza首先,他們會有一籃面包,有4個,可以點黑醋或者牛油吃.之後輪到個4款菜:~Spanich salad,D菜很新鮮,有清甜的梨同合桃碎,好好味.~mushroom and cheese bread:有好多mushroom ,同芝士係面,焗到剛剛好,又熱又正.~carbonnara:今次要咗濶旦面,同煙肉+洋葱的組合,出奇咁夾.~cheese and pineapple pizzaizza係薄批,有辣肉腸係中間,面頭新鮮菠蘿同芝士,清新得嚟又不會覺得無嘢食.之後坐了一陣,侍應還拿着一個Tiramisu行出來,仲播埋生日歌,朋友好開心.生日蛋糕上仲寫咗名添.總括來說,他們都很細心,由Book位開始,我問有無生日蛋糕,他們都很有耐性解釋,仲係當日打嚟comfirm我明友個名.又不停加水同換碟,又關心地問吓D食物好唔好食,我朋友都很滿意呢一餐呢!!…查看更多

今日突然好想吃豬潤面,所以由香港島過海食!!嚟到都係4点幾,好彩唔駛等!!當然叫了豬潤面吃啦!嘩!叫完唔駛三分鐘,就有得吃.果然豬潤好正,有D薑片同絲,連個湯底都好好味,值得去再吃.:)…查看更多

星期日,打完Tennis,好肚餓,所以黎左‘山頭火’食!!好多人,要排45分鐘,但排到差唔多時,侍應拿Menu給我,叫我揀咗先,一入去便可以快D入單,於是我揀咗‘餃子定食’- 有白飯×1,辣麵豉拉麵×1,半隻蛋,餃子×6!!一入到去,侍應會給一杯凍水,然後覆柯打,跟住等.......嘩!一上枱,好多嘢食!首先,白飯係珍珠米,好香.餃子好juice,辣麵豉拉麵不太辣,但麵豉味好香濃,好好味,我連湯都飲埋!雖然好多人係出面等,但侍應都很好,沒有被趕住走的感覺!!但如果係綠茶便更好了!!…查看更多