姑姐仔的个人专页

食物出品味道非常好 平民價錢 但食物質素很高 有心思 每日午餐晚餐都有不同 廚師有心思 無味精 老火靚湯 美味飯堂 會再幫襯 多卡位 坐得舒適 價錢扺食 地點方便 鄰近地鐵站口 沒有任何附加費 值得推介…查看更多

食飽飯同老公漫步回家,經過湯丸皇個衰佬話中左馬仔請我食糖水,多謝晒跟住去到叫左個楊枝金露 我就叫左個南瓜露加湯丸老公食o既楊枝金露清甜,d芒果仲好甜,一d都唔酸 連老公一向唔食甜野都覺得好好味...南瓜露就唔係太甜 d芝麻湯丸皮好有咬口 唔黏牙 個阿姐話d湯丸係用唔知幾多成白芝麻同黑芝麻所以特別香口好味,食完好耐齒夾仲有芝麻香味留低 好好味個賣相仲好有創意添....大家睇下.....…查看更多

收工見有少少口痕想食野,但又唔係好肚俄想食北京的餡餅...就行左去買,....去到見到門口有人排隊我又走去排隊買餡餅食,o係我排隊等緊時 見到老闆娘同一個阿姐好忙咁煎緊野跟住睇睇下,佢地一邊收錢 收完錢跟住又去摸下個餡餅同d煎餃 =. =''老闆娘仲要"辣"到隻手指...見佢擺去口邊吹一吹....跟住又去摸返d餡餅同煎餃..嘩....衛生到佢丫....都係食第樣好d~~最後都係叫左件炸豬扒同豆漿d豬扒香脆又鬆化 豆漿就個人覺得偏甜但豆味夠,唔錯!:)d野雖然係好食,不過衛生就不敢恭維喇....老闆娘開左十年 都改善唔到祖國的習慣~…查看更多

今日去開油麻地探朋友,走時記得有一間日本野在渡船角於曷同老公走左去食我地叫左個刺身拼盤 辣肉蜆仔飯 串燒拼盤 杜庭烏冬 ....仲有個瑩光魷魚 我記得o係好耐之前食過幾次都好好味今次都唔錯無退步到...仲多左好多新野添可惜我最鍾意的希靈魚無貨丫...唔係就算完美了不過個刺身拼盤都好新鮮 d牡丹蝦都好大隻好甜瑩光魷魚d味怪怪地...係咸的,我就唔係好岩 但老公就岩食,烏冬係老公的至愛 係哩個最好食 份量細左少少 係個飯咸左少少,其他都俾滿分可惜真係太飽 想試下個火燄帶子都食唔落了 埋單都係四百幾蚊. 又唔駛我俾,當然覺得抵食啦…查看更多

老公接收工原本想食日本野 不過門口排晒隊又唔想等行過對面食越南野 老公叫左個火車頭 我就叫左個香茅豬扒飯個火車頭四十蚊 細得可憐== 個湯底就唔錯 其他野都係好普通 豬扒好香口 我癿得幾好食^^食完埋單 單上砷寫o既都係越南字@o@奇怪要收我地百幾蚊原來係調轉左張單 下次真係要小心呢.....老公食完出黎都未飽…查看更多