為食小王子622的个人专页

今日天氣凍凍哋，去咗明廚食羊腩煲同金湯雞煲翅。最近試咗好多唔同嘅羊腩煲，佢哋嘅羊腩煲足料好味，羊腩一啲都唔「蘇」，正！金湯雞煲翅餐牌寫係四位份量，我哋五個人食好夠食。雞湯夠晒濃郁，牙楝翅真材實料，又抵食又好食，推介👍🏻…查看更多

喺朗豪坊行完街同班朋友去食宵夜，喺OpenRice search 到呢間明廚，就係朗豪坊斜對面，即管試吓。同行6人，一致認為好食。食海鮮、廣東小炒，飲返杯冰凍啤酒好地方。佢哋嘅火焰奄仔蟹係必食推介，大大隻爆哂膏，油鹽煱再加酒香味，真係好食😋之後再給叫咗幾個小菜，馬友煎肉餅好香口，好彈牙我估計應該係加咗墨魚膠。唔會太鹹，不過缺點係要等好耐，吹左兩次先有得食。佢哋個明廚第一炒（即係小炒王）都好有特色，加咗炸銀魚仔，足料。最尾仲叫咗個蒜蓉粉絲蒸扇貝，一個字正！簡單得來夠晒大隻，新鮮好味。🤤 不過又係等得比較耐，可能星期六晚人多，我哋又趕住去下場係咁催菜，啲侍應都好有禮貌冇黑面🤣。係整體來講非常高質，價錢合理，會再返嚟幫襯👍🏻…查看更多