so_good的个人专页

繼續係豬扒系列，利申都隔咗成十日先再食㗎，只係對上一個post遲出咋🤪一心諗住堂食就可以食到最熱辣辣、最香脆嘅炸豬扒飯，亦係對炸物表達尊重🫡平時屋企炸嘢食，感覺到嗰股熱氣騰騰，都總要攤一攤先夠膽開動，但係今餐我只係影咗兩張相、聽咗一分鐘電話，豬扒連同成碟飯就已經變得微暖，入口冇難度🫠落單到上枱唔夠5分鐘，上枱嗰吓亦唔覺得佢好熱，望住眼前「製作需時 請耐心等候」嘅招牌，真係份外諷刺🥲不過都要讚吓個豬扒真係又厚又大塊，肉腍得嚟，冇我最驚嘅嫩肉粉味，而且外皮夠脆，如果再多啲椒鹽味就更好，依家似係避風塘口味多啲🤔同上一間唔同，呢間碟飯嘅份量係大到要打包走，可以一餐當兩餐食🍚…查看更多

上上回講到，農曆年後專程去上環食科記，結果摸門釘，時隔差不多一個月喺執念驅使下，再去會一會佢，今次仲要由公司行45分鐘去食，以增加肚餓感，多謝好同事陪我🤔🫶🏻 但明明我嚟過、拎住地圖都仲要帶錯路🥲豬扒飯上枱一刻，真係忍唔住諗：好似又被網上嗰啲厚厚豬扒相片呃咗🥲不過輕過簡單調味嘅煎豬扒的確幾好食，有家常感覺，食起嚟口感唔算好鬆軟，但對絕唔韌，配上甜甜嘅豉油汁+生蛋黃漿，好快就成碟飯食晒😋同枱嘅泰國（？）遊客360度咁影相前，有先抹乾淨碟邊，反觀自己就肚餓到求其影兩張相就開吃，真係好似有啲唔好意思😅…查看更多

唔使去日本，都食到令人開心嘅爽口牛舌，仲要咁近我屋企，有啲後悔唔早啲的起心肝嚟食🥺🍄👅 #大啡菇拼牛舌芯拼牛舌尖 $98 + #紫菜飯 $10連鐵板上枱，「咋咋聲」令人食慾大增😆幼得嚟厚身嘅牛舌芯，切開嚟係恰到好處嘅粉紅色，爽口又有油脂香🤤牛舌尖外面脆脆哋，肉質好腍，對鍾意爽口牛舌嘅我嚟講，就冇咁吸引了🙈大啡菇比預期中薄身，但都好juicy 👍🏻墊底嘅洋蔥，煎熟咗再配甜甜哋牛扒汁，好味到我最初嫌碗飯太多，到成碗食晒🧅🍚如果有得成份都揀晒牛舌芯/牛舌增量，肯定更加滿足，shut up and take my money ！🥹…查看更多

行咗成日山，第二朝再四點起身返工，理應放工就衝返屋企昏睡，但出乎意料之外咁早獲准放工，唔去遠少少/要排長龍嘅餐廳食好嘢，又覺得對唔住自己條脷😋一心諗住食同事推介嘅科記豬扒飯，點知新春暫停營業，到21/2先開返🥲都已經專登嚟到上環，冇理由空肚而回，索性求其亂行，睇吓有冇其他豬扒飯補數😆路上唔少食肆都冇開門，見到諸勝堂門口有大批人排隊，招牌有隻豬仔，以為係食日式豬扒，有理冇理照拎咗號碼牌排隊先，結果原來係主打滑蛋同叉燒😅好彩餐牌上又真係有中式豬扒飯✌🏻xo醬相當惹味，豬扒亦夠軟腍，可惜咬開豬扒就見到粉紅色，不禁令一心想食真正軟腍厚豬扒嘅我，有少少失望😞不過整體嚟講都幾好味，而且配上沙律菜，幾清新🥗…查看更多

十幾年前同屋企人去澳門玩，食過兩餐葡國菜，午餐係有名氣嘅葡國餐廳，好食係好食，不過貴夾唔飽，反而晚餐隨意搵嘅一間、似菜餐廳格局嘅餐廳，真正又平又好味，食到好滿足，所以一直都對傳統葡國菜，留有一個好好嘅印象😆多年後再同朋友重遊澳門，多謝介紹傳統老店，令我又可以一嚐正宗嘅葡國菜滋味😍…查看更多

價錢非常進取，但總算令我久違地食到真心覺得好好味嘅新加坡菜，暫時成為心目中香港蝦麵嘅第一位🇸🇬🥺·🦐 優質蝦麵 $115麵底係滲滲，即係米粉溝油麵，我向來都覺得要佩配濃味嘅湯底，先至好味，呢碗蝦湯+豬骨湯，甜得嚟夠濃味，神來之筆係湯底本身嘅豬油同乾蔥，食落每一啖都齒頰留香🤤🤤🤤作為配料嘅蝦雖然細隻，但又爽又甜，食得出係新鮮蝦，除咗豬油渣之外，其他配料真係較普通🤔·🍜 娘惹濃厚叻沙 $115因為驚辣，喉嚨會頂唔順，所以只分咗友人一小碗嚟食，麵底係煮得夠腍嘅米線，個湯濃得嚟充滿椰子香味，帶少少辣，隱約都好似食到啲蝦味，又係一入口就忍唔住大叫「好好味呀」，好彩有同朋友嚟，先至可以一次過試晒兩款咁好味嘅麵🥰·🍞 咖央多士 $45呢個真係不得了，從來「咖央味」同「櫻花味」都係我心目中嘅謎之味道，永遠都諗唔到究竟即係點樣嘅味，但今次香脆嘅多士，夾住厚厚一層咖央醬，一入口嗰股椰子香，就好似終於令我定義到乜嘢係「咖央味」🤯不過真係要趁新鮮食，食晒碗麵再食剩低嗰件，就腍咗失色不少😟·🥤 青檸冰茶 跟餐+ $18都係因為驚又咳又爛聲，所以只敢偷雞飲咗幾啖，青檸應該要督吓佢先出味，我哋冇做呢個步驟，變相只係一杯茶😝但呢杯都絕對唔係普通茶，而係充滿香料味嘅泰式茶底，下次我一定要自己叫返杯😎…查看更多

選擇困難症患者最鍾意「我全部都要」，想食天婦羅拼刺身、壽司、烏冬等，全部任君選擇，拼到啱心水為止🥰另外都有各款定食，連鰻魚飯都有，喺平價餐廳見到，都幾驚喜，友人都覺得算唔錯，不過唔記得咗影低🫠🍤🍣 什錦天婦羅壽司定食 $72 跟麵豉湯 🥤🍇 提子梳打 + $5天婦羅蝦2件、蔬菜天婦羅3件整體嚟講夠香脆，冬菇等蔬菜表現比蝦更出色，一啲都唔膩🍻壽司：三文魚、鯛魚、吞拿魚、劍魚腩、熟蝦、帶子一分錢一分貨，當然唔會可能預計會有勁高質嘅壽司魚生，不過都難免有少少失望，平平哋想過吓口癮就無妨🤔…查看更多

坐低咗之後，就突然多咗好多人嚟排隊，好彩行得快🤣 🐷🍜 豬軟骨咖喱烏冬溏心蛋 $79坐忘兩大多人食之選— 咖喱 + 豬軟骨 ，果然係非常出色🤯豬軟骨炆得極軟滑香腍，有黏口嘅感覺，而且份量大足，食極都仲有一大嚿😋咖喱係有甜味嘅日式咖喱，一啲都唔辣，配上偏身又易掛汁嘅烏冬，食到𠽌𠽌聲🤪 雖然整體偏濃味，但有大量爽口嘅椰菜絲同粟米粒，食完自我感覺仍然係清新健康😌聽講十五種蔬菜嗰款咖喱都唔錯，有機會再嚟試吓😆…查看更多

🐷🍜 金武士豚骨拉麵 $78重口味怪揀咗特濃湯底，第一啖入口覺得都幾香豬骨味，拌勻啲黑蒜油之後，就更香😋不過之後就……食到揸著筷子發吽哣🫥，回過神之後，忍唔住諗：入嚟之前望過吓，見佢open rice 正評多達三位數，唔通係自己眼花，睇多咗一個位？😵‍💫講唔出係咩原因，可能個人本身已經熱親，又或者其實唔太肚餓，成碗麵冇任何問題，叉燒同豚角煮亦夠腍，但硬係冇覺得「好味」🤔最後內心一邊抱住不解，一邊成碗食晒，務求唔好浪費🥺 🧄🐓 蒜香雞軟骨 $38唔好講性價比高唔高，想食就食😤手多多落啲炸蒜落碗麵度，好似又再好食咗少少，係要一個人食，先唔使擔心口唔口臭嘅問題🤣🤐一於冬天凍啲時，再嚟幫襯，畀多次機會，唔想因為季節因素，就影響咗對呢間餐廳嘅印象🧐…查看更多

多謝表哥，表哥萬歲🌟雖然我哋關係似朋友，我亦經常老實不客氣，但對於表哥竟然會覺得，我出post時會將佢改叫做「友人」，而唔係尊敬地稱呼為「表哥」，深表不解及遺憾🥲🥗 野菜沙律：嚟自沖繩縣嘅水雲菜🐟 季節刺身：油甘魚、竹籤魚🍣 本日精選壽司：配上松露油同鹽嘅鯛魚 同埋三鬚魚 壽司🫐 香煎鵝肝伴藍莓醬🦐 澳洲野生虎蝦🌱香草牛油北海道帆立貝🐂 厚切美國牛肉🍚 櫻花蝦炒飯🥬 炒雜菜🥣 麵豉湯🍨 芝麻雪糕早幾日睇到個meme ：👤網友A：我剛想到一個叫「 #逆渡假 」的概念，也就是你去一個很爛的地方，做一些很鳥的事，這樣當你回到家的時候，你就可以重新感受到生活的美好。👤網友B：有啊，我通常叫它「工作」·睇到之後即刻笑咗，但又有啲唏噓🥲本來預咗今日嘆完美食就要返工，好彩最終獲安排放假，先造就到美味、開心又輕鬆嘅港島遊，充實到好似真係去外地旅行，不停趕景點行程咁🚩…查看更多

🧀🍪 Blue Cheese $50用足夠食個晏嘅價錢，買一塊曲奇，內心其實有暗暗鬧咗自己一句「是咪癡線」🤯不過佢大塊又厚身，食落更加覺得，唔係普通一塊隨便就啪入口嘅曲奇，將佢當成係喺餐廳、要用刀叉享用嘅一份甜品都不為過🤩軟滑嘅藍芝士 內餡，氣味相當濃烈（直接話臭好似太過分🤭），但一入口就化成鹹香，中和曲奇嘅甜味🤤曲奇應該唔止用麵粉整，食落既有我愛嘅軟曲奇風味，又有燕麥、合桃少少脆嘅口感，即使拎返屋企食都仲係好正🥺…查看更多

大埔墟熟食中心名物🌟好耐之前喺ig 碌到，已經有興趣，但又未至於吸引到要山長水遠嚟食，既然 #表哥推介 兼且順路就試吓啦🤓🐷🍜 炸豬扒上海粗麵 $44外皮香脆，有啲似台式嗰種用蕃薯粉開嘅炸漿🤔 豬肉有微微蒜香味，雖然夠腍，但可能因為較薄身，偏乾冇乜肉汁，近骨/有少少肥嘅位置就好食🤤上海粗麵冇預期中嘅麵粉香味，有啲失望😟本身想食東記，點知去到摸門釘🥲唔緊要，聽講世記係兄弟店，照食無誤講開豬扒係名物，想試嘅炸醬又賣晒，結果一行五人通通嗌豬扒麵，總共十塊豬扒，就算再好食，都太過分了 🐷🐷🐷🐷🐷 應該叫吓其他配菜交換吓🤣不過誠如表哥表弟所言，要專程嚟食嘅話，應該就不了🙈…查看更多

兩個閒日會放假嘅人，竟然會喺星期六排一個鐘隊買食雪糕👽除咗因為coupon 魅力之外，一年見一次但都唔會dead air嘅好傾氣氛，亦應記一功🤓可選脆筒🍦$59 mini (兩球）$79 large （四球） 🍨🍨🍨 排名有分先後✅ 開心果味 ✅ D24 榴槤味✅ 榛子味✅ 香蕉船味✅ 士多啤梨味✅ 苦到打冷震嘅朱古力牌仔知道自己唔捱得苦，專登唔揀任何朱古力味，結果都係失守😂…查看更多

大食之選，我全部都要🍺🍜招牌麵 $63甜酸齋 魚皮餃 咖哩魷魚 牛腩 雞翼 溏心蛋揀咗腩汁同埋辣醬，撈勻後非常惹味，自從小學之後，就冇再遇到個湯濃味到，可以揀油麵嘅車仔麵了，滿足😆…查看更多

一心衝住忌廉筒而來，結果見個個都買布甸，唔執輸又買返個先✌🏻🍮🥚芋頭麻糬布甸蛋撻 $13食相太難睇，冇辦法影到中間啲餡靚一靚，所以唔影了🥲 蛋撻外皮係我鍾意嘅曲奇皮，稍稍偏鹹，中和咗本身蛋漿嘅甜味😋 麻糬唔係預期中嘅煙韌，而係軟軟糯糯，呢種口感更啱我口味😆 最正係入面嘅芋泥，有芋頭香得嚟唔會太甜，如果大坨啲就好了🤤🥛 忌廉筒 $11本身封口嘅忌廉，係靚靚擠花，長途跋涉破壞咗了🥺🌸 外層酥脆，入面擠滿軟滑嘅忌廉，食落鹹鹹香香，仲好似有陣咖啡味，唔知係錯覺，定其實係烘焙品焦焦哋嘅味呢？☕️…查看更多