肥翹franco的个人专页

係門口見平平哋30幾一碗米線，以前食過味道都算正正常常，就同屋企人入去醫下肚。大家見到咁嘅價真係唔好期待啲咩。入到去搵左個咬唔正嘅姐姐落單，嗌左4碗米線1個小菜。個姐姐仲“好好心”咁提我哋有2個米線包嘢飲凍飲加$3，我哋心諗嗌咗2碗燒豬軟骨米線 1碗三杯雞涼伴米 1碗排骨鹵米同埋1碟芹菜牛肉，唔通兩個豬軟骨米線送嘢飲？雖然都覺得奇怪，但係冇理由質疑個咁熟餐牌嘅阿姐啫？點知睇返單，唔單只落漏咗個米線，原來個阿姐仲自動自覺將2個米線加咗$8變套餐。有乜理由指住個單點嘅落單，個阿姐自己強制性改咗做套餐會係合理嘅？真係有！只要你黎食呢間嘢就有可能體驗到！我哋即時同個阿姐講返，佢死都唔認。最後一個疑似係老板娘嘅阿姐過黎同我哋理論，唔知佢係覺得煩懶得處理定點，好敷衍咁話取消2杯嘢飲。咁我哋都算啦，始終一開始都冇想嗌嘢飲。🤷到埋單比錢時，嗰個疑似老板娘嘅阿姐仲要用唔忿氣嘅語氣收錢。真係黎受氣受罪。🙄不過間嘢始終好平，$30幾一個米線，唔介意受罪嘅都係一個月尾嘅好選擇嘅。…查看更多

- services with an attitude- lack apropriate equipments to communicate with customers- refuse to speak louder- the lady on counter prefers to be on her mobile phone rather than serving the customer first…查看更多