草妹的个人专页

點了3個餸:1.蜜汁火方一上枱，我就問經理：「呢碟真係蜜汁火方？」經理答：「係呀，我哋唔係做正宗上海菜啊！」我真係心中粗口都講埋，唔做上海菜買乜嘢蜜汁火方，仲要收我$188.呀。食落口，塊麵包皮未熟㗎。大家睇圖知我仲乜咁唔順氣。2.炸釀蟹蓋同朋友一人一半，佢食咗一啖，話酸嘅，我試咗少少都覺得有啲，我哋又搵阿經理返嚟，問佢係唔係用酸忌廉㗎。佢話唔係，咁呢啲我哋係退咗單嘅。3.龍蝦汁燴飯呢碟勁香勁好食。一上枱啲香氣就湧過嚟。個茶壺漏水嘅，第一杯茶係侍應幫我哋添，都已經流到成枱都係茶，但係佢冇換到茶壺，我哋都冇理，繼續添，結果成枱都係茶。環境嘈到拆天，好困聲。…查看更多

今日1200入去食，一個人坐了一張2人桌。15分鐘後，話有人等位，(但我碟意粉到左5分鐘咋)要我搬去一張已坐滿3人(佢哋識，傾緊計)的4人桌，中間完全無隔板，但3唔識7，點坐低食，所以我就拒絕左，打算讓一步，話俾多10分鐘我食完個意粉。但一分鐘後，個收銀員就走來逼我走，話有人等位。我再次拒絕但她已拎起我碟意粉。我俾錢來食飯，點解要冒險？店舖無安排合適防疫措施就亂要人搭枱？佢哋是直接拎起我的食物去了4人桌，個感覺好無禮貌，佢亦覺得我是西客，一直唔好意思/對唔住都無。個收銀接觸完錢又直接接觸食物，好唔衛生…查看更多

我已經光顧過很多次，但服務愈來愈差。上次星期五多客，錯單/無冷氣/搭枱我都可以理解(雖然發誓以後都唔會再星期五去)，昨日星期二得3枱客都錯就好有問題。2個人去食，想叫個細的海鮮拼盤，問了一個男店員入面有乜，知道入面有蠔後就問可不可以換。之後有個女店員話可以，咁我就在紙上劃了細拼盤，同時個女店員就問幫你落左先。我就答好。到送到黎，食之前我覺得印象中好似唔係咁，就問了男店員這個是不是我叫的細拼盤，佢話係，咁我咪食囉。轉個頭阿女店員走來話這是大的，話出了廚房佢哋唔會再用，潛台詞想我要了這個大的，又話我食了兩隻蟶子(但食之前我明明問過你同事)，佢說男同事新返工(我點知邊個新返工會答錯，成個區得果個新返工的男店員)亦說雖然我是劃細的，但佢問我的時候是不是要落個特盛，我答係(唔好話個客知唔知特盛點解，我一直問細的，當然以為你問細的，仲有我向女店員面前劃細的單)。最後佢換返個細俾我，但一句對唔住都無，係覺得我錯黑我面果種收走。我覺得咁做生意真係超級唔老實，點解唔係跟我劃的單？如果唔係我之前幫襯過，我根本唔會覺得怪而問男店員，咁就變成我錯？…查看更多

今日去食蟹，因為3個人，所以點了我點了匯豐2人份買一送一餐，外加一隻5兩公蟹，蟹粉小籠包，蟹粉鍋巴，脆鱔，仲有壺花雕。朋友說花雕比一般餐廳好喝。套餐分量幾多，有d我哋3個人分都好夠。頭盤的蛋好香，蝦爽甜。翅麻麻，無乜渣，我好似只吃到花膠蟹肉，但沒吃到翅。水多過渣好多，但的確有蟹粉味。主角大閘蟹d膏勁香滑，算多膏，我們一致認為比鴻星好，肥美d。蟹粉小籠包一般，但蟹粉鍋巴是是日MVP，不用自己拆但啖啖精華。滿足！單尾薑汁湯圓真的好薑，好辣，食完感覺真的驅寒了。服務很好，侍應叔叔很細心，很舒適的一餐飯。…查看更多

因為一月是媽媽同弟弟生日，所以請佢地食自助餐。訂位已備註是慶祝生日 ，酒店打電話來時亦有同我講話有一件小蛋糕俾生日的人。但果晚，即使去到最後俾錢，都是無影的。食物方面，真係無論是凍海鮮，熱盆定湯都是無味架！其實真的好高難度。甜品部個姐姐，新手，煎pancake睇住佢煎爛，煎燶左好多塊丢垃圾桶，街邊小食店煎得靚佢好多。雪糕櫃又是搞笑位，雪糕櫃度門是向內，正常理解是要職員拎俾你，但由於得姐姐仔(係啊，無錯，都是煎pancake果個負責)無時間，我見好多人都自己走入去拎。侍應方面，不夠人手，我張枱最高紀錄放左10隻以上的碟無人收，應該15分鐘無侍應經過過我個位。Jw op正式終結在我的自助餐名單。…查看更多

每次經過都被龍蝦包吸引，今次終於買到！麵包有烘過，外脆內軟，微暖，口感超好。龍蝦份量多，汁的份量也剛好，沒有四處流的毛病。可以再吃👍🏼價錢合理，職員細心有禮，值得一讚。…查看更多

今晚放工前突然好想食吉列豬扒，下班後便坐的士到世貿了，到達豬扒店門口，發現無人排隊，心中不免有點忐忑，是市道不好，價錢太貴還是質素下降令人龍不再？坐下來，有人送上茶和椰菜，不知怎的，覺得椰菜沒以前爽脆清甜，就很一般。點了一客大蝦拼豬扒，等了一會就有了。一口氣下去，好吃，皮肉沒有分離，也沒有濕濕的感覺。很快吃完一碗白飯，想添一碗，通知了侍應卻很久沒有送上，等飯再來時，剩下的吉烈物已冷下來，味道打了折扣。麵豉湯味濃，內有一蜆，但紅麵豉不是我的茶，喝了1口就放棄了。西瓜已過造，不甜了，也很無可奈何。人手不足，眼看眾多侍應已很努力服務，仍有被待慢之感，希望他們能有多點人手吧。另，筷子變成了即棄木筷，很不環保，也變得像在吃快餐，會價位不相配。…查看更多

朋友介紹來這裏，環境不錯，飲品多樣。湯底是卜卜蜆，我估有半斤。套餐的手打丸非常好食，有鮮味又爽，墨魚鳥結糖很特別，入面有些切碎了的軟骨。如果丸入面不包芝士會更為討喜。台式拼盒對比下非常失色，而且咸芋丸有些怪怪的。安格斯牛好嫩，但牛味差點。魚片響鈴好大舊，但真的好脆，浸完湯都脆。任點部分有白膳片，脆肉鯇片和脆肉鯇腩，好正。蟹柳有8寸長，食完好飽。台式腸都試唔到。飲品很有特色，有倒插汽水的果汁冰沙，有盆栽飲品，建議快些飲完盆栽飲品，初時飲好正㗎，d 扮泥的Oreo 餅又脆。一融左冰會變得超難飲，d Oreo 會變一坨坨，好噁。服務很好，店員熱情有禮，但又不會過度服務，真的很有去了台灣的感覺。…查看更多

環境正，座位望到海，如果餐廳高d風景仲好。一去到就攻海鮮，但不知怎的，龍蝦的膏被人挖了出來，每隻開邊龍蝦的肉都有條坑，好像俾人食過一樣。 無想過五星級酒店放d咁既野出來。如圖，我食左6邊，不同時段出去拎，都是咁。但我肯定本來一定有膏，因條坑是好大條。而且到了8點左右，蟹就無refill，只得一堆無乜肉的蟹殼(麵包蟹d腳)在冰上面，真是覺得好灰暗。唯一可取的是黑魚子幾鮮美，我填左d黑魚子入龍蝦條坑度扮是膏安慰自己。其他野我無乜點食，因一心打算凍海鮮吃到飽。是最後食左2球雪糕，但朱古力口味無哂，一開頭巡視是有的，到我食的時候變左雲尼拉。餐茶我飲凍檸茶，好明顯茶底唔夠用狂加水出來的成品，飲下去淡而無味，仲要是比同枱早我一小時叫凍檸茶的朋友(佢果杯已融哂冰)的茶底淺色好多。另，我是w hotel member,75折，但我都有匯豐卡，78折。。。我為什麼當初會花2000幾買member。。。…查看更多

經常有人提及彌敦粥麵，今天慕名而來，點了一碟蝦子撈麵。。。但麵是苦的，不是澀，是苦，都不知是蝦子變了，還是麵變了，多放了梘水也應不會是這樣的味道。麵上的菜心很清甜，又嫩，令不愛吃菜的我吃光了。麵就只吃了兩口。。。第一口覺得苦，再試一口都是就放棄了。撈麵附的湯沒有大地魚味，而且也冷了，口味有些味精，喝兩口也放棄了。看到別人吃粥，可是怕都是味精，打消了念頭。已中伏一樣，不要再中第二樣了。最好是入門口的叔叔招呼很好。…查看更多

服務好，侍應生主動幫忙拍照，又介紹食物。我們點左長腳蟹，帶子同蜆配檸檬汁，但食物一般，海鮮袋個帶子同d蜆甩哂殼，好像唔太新鮮，長腳蟹無乜鮮味，似普通自助餐果d幼身無味貨，一定要點個汁食先有味，不過內附的粟米好甜，好好食。薯仔一般，腸仔如果多d就好啦。反而個牛扒幾好食，medium就真是medium 😍又軟又有肉汁，意想不到。兩杯fruit punch麻麻，可以請侍應俾水。500幾1個人，會有更好的選擇。另，個女廁10級髒=_=…查看更多

下午行過看到不用排隊，以朝聖的心態買了一個回家。一打開，覺得有倒汗水，再切時覺得好像切緊吸滿哂水的海棉。用手拎起四分一件時，舊蛋糕是濕到令隻手都有芝士，但食落又無芝士味(絕！)完全不似食蛋糕，是食暖暖地，好濕的海棉。個感覺好差勁！一次便足夠了！…查看更多

跟媽媽,阿姨同姨丈一行4人在此午餐1. 印尼炒飯餐 + 沙嗲3串炒飯有一隻雞腿,一隻中蝦 一串沙嗲, 半隻蛋。味道很好, 炒飯中有一點點蝦~~雞腿也很好吃,肉厚啖啖肉,蝦看起來不錯, 但阿姨吃掉了, 不知味道如何。沙嗲不行, 肉都怪怪的, 像乾又像霉, 總之不是正常的肉質2. 海鮮炒河+魚丸湯海鮮炒河有很多海鮮,最驚喜是竟有兩大隻帶子!! 味道足, 每條河粉都有醬油, 但不知是不是微波弄的, 外暖內熱的~魚丸湯不飲沒有可惜的~3. 炸雞排蛋包飯蛋包飯有一隻雞腿, 一塊炸雞排, 是最受我們歡迎的。蛋包飯用茄汁炒, 味道酸甜, 外邊的咖哩汁好吃得令人停不下。炸雞排都很香脆~~!!…查看更多

午餐一個人, 想食好D就等了一會位~叫了一個海老餐另加一塊豬柳~對比同樣食吉列的大店, 結果令人失望海老三件- 大件, 有成7,8吋長, 但霉霉地~蝦唔新鮮真是騙不了人...切下去蝦頭已經掉了下來~豬柳-無味, 豬柳乾...而且不香~如果如其他店有芝麻供應, 可能比較好~菜-其實可以, 新鮮, 只是被大店更好的寵壞了舌頭, 覺得久了一點爽脆的口感飯-一般, 正常的飯, 不過我可能已是飯市尾, 已經是溫, 而不是熱的湯- 好飲所有食物一般...如果差不多價錢, 我不會再來. 平一點到THE ONE食午餐SET, 同樣價錢直接去各大大店好了~ 起碼飯軟芝麻香, 仲有件西瓜咬下~侍應好忙, 不會主張加水, 環境很吵...…查看更多

放半日走到近日好評好潮的宏去, 點了一個午餐加一件古古力馬卡龍~說真的, 拉麪平平無奇, 叉燒也顯得有點乾, 蘋果紅茶聞上來比喝的味道好~但甜點真的不錯, 抹茶蛋卷入口濕潤柔軟, 另加的古古力馬卡龍更是令自己後悔沒有一杯好的咖啡相伴~外脆內軟、香濃的味道比老佛爺更合心意~一顆馬卡龍足以令我再去, 如果其實有進步就更好了~…查看更多