Foodietify的个人专页

今餐真係食得非常滿足 😋，由頭盤到甜品都幾有水準 💯，唔止賣相靚，味道都好有驚喜 ✨。頭先上枱有兩款湯，南瓜湯🎃 同 羅宋湯🍅。南瓜湯好滑，飲落唔會太甜，但南瓜味夠晒濃郁，仲帶少少奶香 🥛，飲完成個人暖晒。羅宋湯就偏向傳統西式做法，酸酸地好開胃 😌，入面啲牛肉、椰菜、紅蘿蔔都煮得啱啱好 🥕🥩，唔會腍到一pat，但又夠入味，飲完成個胃都打開晒 🍲。到主菜，兩款肉都超正 🥩🔥。是日精選威靈頓羊仔西冷真係整得好出色，外面酥皮焗到金黃色 🥐，一切開已經見到啲肉粉嫩嫩咁，唔會羶，仲要肉汁多到流出嚟 🤤，啖啖都好 juicy。另一款 美國極級黑牛西冷 都好有驚喜，牛味香濃 🐄，油花平均，咬落去外脆內嫩，做咗七成熟但仲保持到肉質嘅彈性 💪，係食牛嘅人一定會 like 嗰隻 🧡。飲品方面就試咗 佛手柑檸檬茶🍋，呢杯茶酸酸甜甜，帶少少佛手柑香氣，清新又解膩，飲完啱啱好中和咗主菜啲油香 ☕️。最後甜品係 香港乳酪配紅豆奶凍🍮，乳酪帶少少酸味，配埋紅豆同奶凍一齊食，好有層次感，唔會過甜，啱晒我呢啲鍾意輕甜口味嘅人 🍧❤️。總結一下，呢餐真係幾有驚喜 🤩，唔止味道正，成個搭配都諗得好細緻，啲菜之間互相配合得好好 👏，食完唔會有負擔，又滿足 🥰。真心推介，值得再嚟！👍🍽️…查看更多

呢間位於荔枝角D2 Plaza嘅燒肉餐廳，真係幾有心思，環境好有日式風味，唔係嗰種冷冰冰嘅，而係有啲溫暖感覺，啱啱好！啲裝潢用咗木頭同圓形圖案，唔會好過於浮誇，反而令人覺得輕鬆，食嘢嗰陣心情真係好好，好似係去旅行咁 ✈️🌸。講返食物，我今次點咗L1同L4嘅套餐，再加上龜甲牛肉同牛舌，嘩，真係唔讚唔得！啱啱燒上嚟嘅時候，肉片嘅油花分佈得好均勻，肉質好豐滿，簡直可以話係視覺享受 👀🍖。燒肉嘅質素真係頂得住，每一片燒完之後，唔會過焦，仲可以保留住肉嘅鮮味，同時又唔油膩。特別係龜甲牛肉，食落去超嫩，唔會太硬，唔使咬勁，即刻溶咗喺口，啲香味真係撲鼻過嚟 🤤🔥。而牛舌就更加無得輸，每一片都薄薄地，燒完就會有啲微微焦香，但唔會過頭，食落口就係又彈牙又入味，超開心 🥩👌！配菜方面，沙拉同湯嘅味道都唔錯，唔會過鹹，唔會搶燒肉味，沙拉仲係爽口清新 🥗。而啲白飯仲係好夠味好啱配燒肉食 🍚。總體嚟講，呢間燒肉餐廳真係值得一試，唔單止燒肉質素好，環境同服務都唔錯 😄。如果你係燒肉愛好者，真係可以嚟試下，尤其係龜甲牛肉同牛舌，超級推介！食完一輪之後，返來再食肯定冇問題，食到唔停 🍴💥！…查看更多

屋企人鐘意食中餐，所以屋企聚餐必揀呢間餐廳😆😆🌟燒鵝皇呢度嘅燒鵝真係一絕，皮脆得嚟唔油膩，肉質鮮嫩多汁，每一啖都食到鵝嘅原味，太正喇！🌟椒鹽九肚魚 炸到金黃香脆嘅九肚魚，灑上椒鹽，香口得黎唔會太重味，真係停唔到口！🌟芝士龍蝦伊面 龍蝦同濃郁芝士嘅完美結合，伊面Q彈，每條面線都包裹住芝士，絕對係奢華享受。🌟乳鴿 乳鴿烤得皮脆肉香，調味恰到好處，肉質鮮美得黎唔乾身，屋企人食完舔舔脷😋🌟脆皮豬大腸這個脆皮豬大腸外酥內嫩，一啲都唔油膩，配埋甜酸醬酸，酸酸酸甜甜仲好開胃！🌟杏汁豬肺湯 杏汁豬肺湯清潤滋味，豬肺腍滑無腥味，每啖湯都感覺到好滋陰😂😂。🌟菠蘿生炒骨 肉塊酥脆多汁，菠蘿嘅酸甜令人開胃，咕嚕汁味道恰到好處。食完仲有紅豆沙送，正呀！…查看更多

一早同朋友行完山，出返嚟舊區搵嘢食，竟然發現以前聯和墟舊街市竟然活化咗！見到好多人排隊等呢間餐廳，一於試吓啦😋是日餐湯+$5只要選擇假日午市套餐，加$5就有餐湯。今日係粟米濃湯，啖啖粟米蓉😋All day breakfast $96炒蛋嫩滑、芝士烤大磨菇味道香濃、沙律菜配黎麥好清新，中間仲有杯鮮果乳酪，大滿足☺️燒澳洲安格斯肉眼扒$138肉眼扒燒到外脆內嫩，咬落去充滿肉汁，配埋燒汁好惹味👍配菜仲有炸雙色炸薯條，脆卜卜好可口。加外再加配凍鮮奶咖啡、巨峰梳打☺️行完山飲凍冰冰一流😝夏威夷風情薄餅$145因為見到其他人叫pizza食，心思思又叫多份🤣🤣餅底非常脆口、一啲都唔韌，菠蘿同芝士蕃茄醬配搭得非常夾，酸酸甜甜好開胃👍飯完好飽，非常滿足😌俾大家睇吓其他餐牌做吓參考啦😊…查看更多

探朋友新居，順勢試吓樓下西餐廳-Chef Ben. 門面裝修同店內擺設都睇得出有心機。餐廳有二人套餐$298 ，價錢非常吸引，又有兩個主菜所以就試吓。主菜分別揀左廚師發辦牛扒🥩同埋班柳廚師發辦牛扒係-裙邊扒，超級嫩超級多汁，烤得啱啱好，食落好滑，味道好濃厚，有牛味！魚柳 皮脆肉嫩size 就細咗啲 但share 食就好夠。 薯條係任食，你鍾意食薯條唔夠食嘅朋友係可以任加！第一次食鮑魚意大利飯，估唔到個口感好夾，個飯偏硬但岩我！另外就加咗無骨雞翼，成晚就非常滿足最後不得不提，餐廳凍檸茶超級大杯都係任飲！…查看更多

約咗舊同事係金鐘食飯，同事即刻大力推薦呢間高質人氣泰國菜。餐廳環境優美舒服，係聚會既好地方👍餐前小食炸蝦片$18最鐘意泰國菜有炸蝦片，一食就停唔到口，脆卜卜充滿蝦味😁泰式椰子雞湯 $128因為朋友唔係好食得辣，今次一於挑戰無辣版泰國菜😆。呢個椰子雞湯真係好驚喜，小小酸酸甜甜，非常開胃，而且好足料，有菇有雞，好快清曬😆。馬莎文咖喱牛腱 $138牛腱好嫩滑入味，馬莎文咖喱即使唔食辣既朋友都大讚好味，每一啖薄餅都要點滿曬汁🤣濃濃醬汁帶點堅果味👍泰式豬肉炒河粉$118呢個炒河粉又係驚喜之作，豬肉爽滑、河粉彈牙滑溜，炒完充滿鑊氣。餐廳仲好細心，要加味歡迎隨便加😂泰式炒通菜$88炒通菜基本上係泰菜不可缺少一環😆今晚兩個人都食得好豐富，大飽口福😋😋😛…查看更多

星期一Blue Monday, 梗係要食好啲為自己打氣🤭約左朋友食一人任飲任食火鍋，盡情放肆下🤣🤣有六款餐，今次就揀左精選牛肩胛。一嚟到除左馬上落單叫肉食外，一定唔好錯過出邊蔬菜區同小食區。我次次食親都覺得佢啲蔬菜好新鮮、款式又多👍仲有啲肉丸、獅子狗任食。冷盆區亦都有沙律、壽司、泡菜食完飯一定唔可以錯過嘅甜品區，除咗有蛋糕泡芙等，呢度仲有雪糕、爆谷🍿同雞蛋仔㗎，未打邊爐前已經食咗兩杯爆谷同雞蛋仔😂😂除咗食物之外，呢度飲品仲好豐富，正呀👍今次叫咗蟲草花雞白湯，湯底滋潤及清香雞湯味。打邊爐當然唔少得壽喜燒湯底啦，百搭湯底整咩都好食。呢度仲有另一個驚喜，就係響鈴啦，碌兩秒食落去脆卜卜家！牛魔當然重點係牛肉啦，佢個牛肩胛嫩滑，食落去好有牛肉味👍另外都仲有豚肉同羊肉，岩曬食肉控🤣整體嚟講職員太多優先，會主動加湯同收碟👍環境亦都好舒服☺️…查看更多

好味既泰國菜食極都唔厭，今次朋友生日就一齊再encore NARA Thai Cuisine☺️蝦片$15呢到既蝦片我超鍾意食呀，香脆又有香濃蝦肉味，會食到停唔到口😂😂香脆蝦餅（3件）$58作為蝦迷嘅我，食完蝦片又點少得蝦餅😂蝦餅炸到脆卜卜得黎又唔鞋，啲肉仲爽口彈牙👍黃咖喱軟殼蟹$198+印度薄餅$35呢個黃咖喱軟殼蟹真係必食推介，軟殼蟹酥脆唔油膩，仲有蟹香肉味，一碟有好多件蟹肉！黃咖喱醬汁濃厚惹味，配埋印度薄餅，簡直一流👍薄餅沾上黃咖喱真係冇得彈😝菠蘿肉鬆海鮮炒飯$126原隻菠蘿炒飯真係賣相相當吸睛😍新鮮菠蘿入饌，配埋提子乾、腰果、大蝦、肉鬆等，層凍豐富，而且飯粒粒分明😋俾大家睇吓我哋幾豐富😊除咗以上呢幾款，餐牌仲有好多唔同類型泰國菜俾大家試吓…查看更多

大圍新強記真係一間好方便嘅餐廳，正正響地鐵站隔離。渣車的話門口都有代客泊車40蚊。兩個人食今次叫咗三個餸，份量都好大好多，最後都要打包。而且上菜速度極快，師傅好手勢。第一味燒鵝王（例牌）$190，例牌份量都唔少，鵝香肉嫩，脆皮厚肉幾乎每次嚟都係必點菜式。椒鹽九肚魚$128，又係新強記招牌菜之一。九肚魚味道唔會俾椒鹽蓋過，熱度岩岩好，脆身。份量多，食唔晒最後打包第二日放入氣炸鍋反煮都係同一質素第三味冬日菜式 蒜子火腩大鱔煲$238，第一試嘅新菜式，估唔到鱔同火腩可以係咁夾。有驚喜，同樣份量大 兩個人係食唔喵哂。今次我就全散叫，俾埋個餐牌大家做個參考。 …查看更多

週末到郊外行吓，竟然發掘到間隱世日式小店，一於體驗下悠閑慢活生活☺️入到黎好好彩可以坐到榻榻米，欣賞埋門外庭園🥰蕎麥冷麵$68鰹魚汁非常鮮味，有京蔥、海苔、山葵加密蕎麥麵，估唔到簡單嘅食材配搭起來可以咁清新好味😋蛤蜊巧達濃湯配麵包$78入口順滑，融合鮮甜既蜆肉同濃厚海鮮湯，再配上香脆嘅麵包，停唔到口👍🏻。烤比爾芝士配吐司$68真係好驚喜，原磚芝士上，芝士仲多過麵包😝真係芝士迷必點👍🏼燒飯團茶漬飯$58飯團好香脆，配埋三文魚肉、漬物，真係好日本小店餐點，香脆得來仲有淡淡茶香。黃豆粉年糕$78日本年糕配雪糕、黃豆粉、黑糖蜜真係好夾，再加埋pancake底，真係必食甜品之一🤗Dirty$48呢度嘅咖啡出晒名，一於試吓杯dirty，濃烈、香濃，帶有微妙的甘香。Cafe Mocha $42清香濃郁，配埋庭園風光真係有別一番滋味。總括嚟講，環境十分舒服，真係可以食下野傾吓偈坐足一日🤗…查看更多

去開元朗做野，又點會錯過搵好東西吃既機會呀！今日行過門口，即刻俾佢嘅沙冰吸引住😍🤟🏻餐廳款式好多，樣樣都想試吓，仲主要lunch唔洗加一😝泰式無骨海南雞$108泰國菜有點少得海南雞，雞肉嫩滑👍🏼泰國冬陰功湯（小）$108最愛冬陰功湯嘅酸酸辣辣，份量十足串燒拼盤（雞肉豬肉）$98豬肉雞肉各有三串，配埋自家制醬料一流，香濃花生味好惹味👍🏼👍🏼飛天炒通菜$78鍾意食辣嘅朋友就唔好錯過飛天炒通菜，香香辣辣👍🏻特級芒果沙冰$38你會芒果沙冰真係不得了，除咗份量十足，打卡一流，真係好飲，但係又唔會太甜👍🏻菠蘿沙冰$38菠蘿沙冰感覺好清新，帶少少菠蘿味酸，泰國菜真係好夾。Lunch真係好豐富😍😍仲有，服務員態度好好👍🏻又同我地介紹沙冰同醬汁👍🏻…查看更多

粉嶺聯和墟近年多左好多特色小店，前排見到滿屋定食開張，今日就特登去試吓。餐單款式好多，又多小食，揀左一輪最後揀左呢幾款試下😋呢到定食基本上可以包熱飲，同A/B/C湯或小食組合任揀一款，真係好豐富！🌟冬陰功澳洲安格斯牛小排金邊粉$105湯底濃郁，酸酸辣辣，牛小排好嫩滑👍🏼小食加左八爪魚，炸南瓜餅、日式炸帶子鬆鬆脆脆👍🏼🌟蒲燒日式鰻魚定食$105鰻魚真係好厚好大條，鰻魚汁再配埋溫泉蛋真係冇得彈😋今次個定食配冬陰功湯、廣島炸蠔、泰國炸蝦餅👍🏼飲品方面加配左青檸梳打，醒神開胃🌟泰式海鮮沙律$55沙律材料豐富，有大蝦，花甲、青口，酸酸辣辣冰冰涼涼好開胃👍🏼🌟燒豬頸肉拼盤$65呢個拼盤認真抵食，燒嘅豬頸肉香脆可口，仲有雞肉牛肉豬肉串，醃得好惹味，食肉獸表示大滿足。俾大家睇吓全部嘢食，好豐富😆其實餐廳仲有好多款嘢，餐牌都影唔曬，影幾頁俾大家參考吓啦😁…查看更多

今日又到左食燒肉嘅時間，燒肉真係百吃不厭😋今日入咗去屯門shopping，行完街街肚餓要醫肚，見到屯門時代廣場有燒肉放題就即刻入去幫襯😆一坐低好快手送上幾款燒肉頭盤，包括：美國牛小排、美國上級牛肋肉、骨付牛肋肉、和牛粒，燒完之後牛肉味濃厚，咬落去一啲都唔韌，正😛配埋溫泉蛋，牛肉飯一流👍🏼牛肉款式除咗原味仲有好多其他味，例如鹽味、辛味醬汁、燒肉汁、日式竹炭燒汁味、味噌等等，亦有牛脊肉、牛板腱等位置揀；唔食牛嘅朋友，亦都可以食豚肉、雞肉等等。我最鍾意係食燒多春魚、燒完脆卜卜好正😋餐廳仲有自助區，有沙律、青菜、螺肉、中華沙律、雪糕同飲品區自取。整體嚟講，餐廳坐得舒服，上菜速度亦都快，人肉類多味道可以揀😋…查看更多

話說喺荃灣做完Spa，肚仔餓又到搵好嘢食嘅時間。行過麻辣年華，即刻俾佢麻辣烤魚、串燒吸引，有齊我嘅至愛，即刻入去試吓！今次叫咗個麻辣青春二人餐$598，個套餐好抵食，頭盤有冰鎮滕椒魚皮，烤魚有烤江團魚，其他燒烤類有兩隻生蠔、羊肉牛肉雞肉同魷魚各兩串，仲包兩杯飲器！🌟烤魚熱辣辣嘅烤魚係呢間餐廳嘅絕對招牌，燒完嘅烤魚配上新鮮配菜同麻辣汁調味、令烤魚嘅口感更加豐富，最重要烤魚入口嫩滑少骨！🌟燒生蠔生蠔好新鮮，配埋單蒜蓉醬汁超級惹味！🌟燒烤串燒燒烤肉類，配上孜然粉，真係食極停唔到口。🌟冰鎮滕椒魚皮魚皮爽口，醬汁微微酸辣👍🏼🌟水果茶、青檸金橘梳打呢兩杯重量級飲品，簡直係配埋烤魚一齊食嘅最佳配搭，用料新鮮👍🏼🌟麻辣小龍蝦見到有小龍蝦，叫左一份黎試吓。第一次食，小龍蝦肉質爽口實正、仲有粟米，青瓜等配料，加埋個醬汁和味道好豐富😋整體嚟講，餐廳服務好好，份量十足，會再次encore😁👍🏼…查看更多

行開北區走一走去彩園邨，地點就在火車站旁邊 非常方便。見到一間門口裝潢與別不同的博多屋台就被吸引入座。菜單相當豐富，一份兩人套餐就能讓你試吃到很多好吃的！包括我最愛的當然是它的招牌豚骨拉麵，湯頭香濃，配上Q彈的麵條和叉燒，超回味的。豆腐沙律大大碗。拼盤內嘅骨肉串新穎有創意。 關東煮🍢都有六塊不同種類，值得一讚。壽司入口出奇地新鮮又好吃，壽司拼盤$128 有十塊壽司，劍魚，三文魚都特別推薦。店員服務態度也十分友善，讓人覺得很舒服。總之，這裡的料理十分美味，吃得滿意又飽足，推薦給所有想要品嚐日式料理的人！…查看更多