RonYYY的个人专页

🍴 一人套餐 (燒鵝拼乳豬瀨粉+油菜+涼拌青瓜+老火湯) ($120) + 可樂 ($8) ⭐️⭐️⭐️⭐️💫燒鵝皮脆肉嫩，鵝油香濃但唔會過肥，蘸酸梅醬超開胃！乳豬嘅脆皮「咔嚓」聲，肉質juicy，無雪藏味，新鮮出爐果然唔同～菜心淋甜，蠔油份量剛好，解膩一流。涼拌青瓜爽脆酸辣，醒胃小食，同濃味燒味好夾！🍴 燒腩仔拼叉燒米粉 ($60) + 可樂 ($6) ⭐️⭐️⭐️⭐️燒腩仔肥瘦分明，皮脆到似餅乾，芥末醬係靈魂！叉燒反而有啲乾，但好彩蜜汁邊，焦香帶微燶，肉質鬆化唔黐牙～📝 總結一人套餐$80起：有湯有菜有小食，份量足，男仔都夠飽。雙拼自由配：可以自選心水組合，滿足貪心鬼。.............................. 天龍燒鵝 (昌業大廈)地址📍: 灣仔軒尼詩道354號昌業大廈地舖總評分: 8.2/10 .............................. 味道😋: ⭐️⭐️⭐️⭐️環境👀: ⭐️⭐️⭐️⭐️服務👨🏻‍🍳: ⭐️⭐️⭐️⭐️衛生🧹: ⭐️⭐️⭐️⭐️抵食💰: ⭐️⭐️⭐️⭐️💫…查看更多

最近試咗北角一間米線小店，今次試咗兩款招牌米線，整體有驚喜，同大家分享下～🍴 特濃新鮮蕃茄湯米線（雞肉絲+生菜+蘿蔔）$65 ⭐️⭐️⭐️⭐️湯底真係夠濃郁，飲得出用新鮮蕃茄熬製，酸甜自然，帶微微辣勁，好開胃！雞肉絲撕得夠幼，吸晒湯汁好入味；蘿蔔煮到軟淋，清甜無渣；生菜爽脆，加埋一齊食口感豐富。$65 呢個價錢算合理，蕃茄控可以一試！🍴 元祖金酸魚片濃湯米線（炸魚皮）$82 ⭐️⭐️⭐️⭐️金酸湯同一般酸菜魚湯唔同，酸得嚟溫和，帶少少香料香，唔會太刺激。魚片份量足，嫩滑無骨，追加嘅炸魚皮浸湯後半脆半軟，吸盡湯汁好過癮！如果鍾意酸辣口味，呢款值得一試～🍴 巴蜀狂惹雞翼 $29 ⭐️⭐️⭐️雞翼即炸上枱，外皮幾脆，蜜糖同黑椒嘅配搭算惹味，不過肉質未算好Juicy，可以再改善。如果鍾意香口小食，都可以試下，但未算必點。📝 總結* 蕃茄湯米線係必試之選，湯底真材實料；* 金酸魚片湯適合鍾意酸辣但唔想太重口味嘅人；* 雞翼中規中矩，可以一試但未算驚艷。
整體嚟講，小店湯底用心，米線質素唔錯！.............................. 貴緣小鍋米線 (和富) 地址📍: 北角和富道21-53號和富B樓B15-16號舖總評分: 8/10 .............................. 味道😋: ⭐️⭐️⭐️⭐️ 環境👀: ⭐️⭐️⭐️⭐️ 服務👨🏻‍🍳: ⭐️⭐️⭐️⭐️衛生🧹: ⭐️⭐️⭐️⭐️抵食💰: ⭐️⭐️⭐️⭐️ …查看更多

🍴 招牌櫻花蝦雲吞拼魚蛋+墨丸蝦子麵 ($80)雲吞係每日新鮮自家包，櫻花蝦爆鮮爽口！配永樂50年老字號蝦子麵，蛋香紮實，煲熬足8小時嘅雞白魚湯，飲晒成碗都唔口渴！🍴 秘製慢煮牛腩+牛丸菜底 ($70)慢煮牛腩係自家炆製，淋滑得嚟牛味十足！朋友唔食魚，所以試咗雞白湯底，都超濃厚！掛湯力爆燈，港式情懷滿分！🍴 香脆魚皮 ($22)魚皮炸到金黃脆卜卜，蘸濃湯三秒入口，半脆半軟勁過癮！椒鹽鹹香帶微辣，送豆漿或冷萃茶都一流～🍴 壹品豆漿 ($12) + 冷萃烏龍茶 ($15)📝 總結麵家堅持用香港老字號麵條同自家製食材，雞白湯底真材實料飲得晒！店內裝修乾淨企理，懷舊得嚟有格調，無論係lunch快食定晚餐輕食都係理想之選，絕對係銅鑼灣有心小店！.............................. 麵家 (銅鑼灣)地址📍: 銅鑼灣登龍街18號V Point地下3號舖總評分: 8.4/10 .............................. 味道😋: ⭐️⭐️⭐️⭐️環境👀: ⭐️⭐️⭐️⭐️💫服務👨🏻‍🍳: ⭐️⭐️⭐️⭐️💫衛生🧹: ⭐️⭐️⭐️⭐️抵食💰: ⭐️⭐️⭐️⭐️…查看更多

🍴成人晚市放題 ($318+10%/人) ⭐️⭐️⭐️⭐️💫🦀 海鮮盛宴｜鮮味爆燈，必食之選 🍴 避風塘大頭蝦 大頭蝦新鮮彈牙，炸至金黃酥脆，再以蒜粒、辣椒爆炒，香辣惹味！🍴 古法鹽焗蟹蟹肉鮮甜多汁，鹽焗做法完美鎖住原味，揭開蟹蓋還有爆膏驚喜！🍴 金蒜炭燒廣島蠔蠔肉肥美飽滿，炭燒香氣濃郁，金蒜提鮮，蠔汁在口中爆發，海鮮控不能錯過！🍴 王牌燒乳鴿王 皮脆肉嫩，燒得恰到好處，肉汁鎖在裡面，搭配特製椒鹽，風味更上一層樓！乳鴿愛好者必試！🍴 鐵板鵝肝外層微焦脆口，內裡入口即溶，油香爆發！🍴 燒香草羊鞍肉質軟嫩，香草醃製入味，燒烤後帶微微焦香，毫無羊膻味，肉食愛好者必試！🍣 刺身 & 壽司｜鮮味滿分 🍴 赤蝦／螺片／北海道帶子／油甘魚／三文魚 刺身新鮮度極高，赤蝦鮮甜、帶子嫩滑、油甘魚油脂豐腴，三文魚厚切肥美，每一款都值得encore！🍴 松葉蟹腳 蟹肉鮮甜，輕輕一拉就能整條抽出，蘸點醋汁更提鮮！🍴 醉鮑魚鮑魚彈牙，酒香入味，冰鎮上桌更顯鮮甜，高級感十足！🍴 秘製醬油左口魚 魚肉細嫩，醬油醃製後鮮味更突出，入口即化，適合喜歡清淡鮮味的人。🍴 拖羅容伴吞拿魚／三文魚腩（拖羅油脂香濃，三文魚腩肥美，入口即溶，刺身愛好者必點！🍴 花之戀／三文魚籽軍艦 花之戀三文魚+蟹籽組合經典，三文魚籽軍艦爆漿鮮甜，壽司控必食！🍢 串燒 & 熱食｜惹味之選🍴 鹽燒牛舌牛舌厚切，炭燒後外脆內嫩，鹽燒簡單調味已足夠美味！🍴 芝麻雞翼外皮香脆，芝麻香氣濃郁，雞肉多汁，經典之選！🍴 七味蒜蓉醬大蝦大蝦鮮甜，蒜蓉醬惹味，七味粉增添微辣，超開胃！🍴 XO醬鵝肝和牛 和牛嫩滑，鵝肝香濃，XO醬帶微辣，層次豐富，高級fusion菜！🥬 蔬菜 & 小食｜清爽配搭🍴 牛油燒翠肉瓜（件） 翠肉瓜爽脆，牛油香氣十足，燒烤後更甜美，解膩一流！📝 總結餐廳提供海鮮新鮮、菜式豐富，由刺身到熱食都高水準，絕對是海鮮愛好者的天堂！.............................. 極尚大喜屋 (鱷魚恤中心) (觀塘)地址📍: 觀塘開源道79號鱷魚恤中心3樓總評分: 9.2/10 .............................. 味道😋: ⭐️⭐️⭐️⭐️💫環境👀: ⭐️⭐️⭐️⭐️💫服務👨🏻‍🍳: ⭐️⭐️⭐️⭐️⭐️衛生🧹: ⭐️⭐️⭐️⭐️抵食💰: ⭐️⭐️⭐️⭐️⭐️…查看更多

餐廳位於商場內，有卡座都坐得幾舒服，侍應都服務周到。🍴 小炒自選套餐 (開胃前菜+經典川菜+家常靚湯+川式小炒)($288) +可暢飲無酒精飲品 (+$28/人) ⭐️⭐️⭐️⭐️🍴蒜泥白肉蒜泥白肉口感爽脆，肉質鮮嫩，蒜味濃郁卻不過分，搭配得宜，是一個很好的開胃菜🍴酸菜魚酸菜魚的湯汁酸中帶鹹，魚肉鮮嫩，口感爽滑，給人一種清爽的味覺享受，是一道值得推薦的經典川菜🍴青瓜皮蛋湯青瓜皮蛋湯清淡可口，清熱解毒，湯汁清澈，青瓜清脆，蛋香四溢，是一道溫暖胃部的家常靚湯🍴粉絲蝦煲粉絲蝦煲的湯汁鮮美，蝦肉彈牙，粉絲入味，是一道風味獨特的川式小炒，值得一試🍴暢飲無酒精飲品可供暢飲的無酒精飲品種類豐富，特別推薦西瓜鮮果茶，清爽怡人；百香菠蘿氣泡，口感獨特；新會小青柑普洱，香氣宜人總括來講，以上的食物質素整體上屬於中上水平，每道菜都有其獨特的風味，搭配合理。此外，服務態度良好，整體用餐體驗令人滿意。值得推薦給喜愛川菜的朋友們。.............................. 烏蠅館 (寶琳)地址📍: 將軍澳寶琳欣景路8號新都城中心二期2樓2024-2027號舖總評分: 8.6/10 .............................. 味道😋: ⭐️⭐️⭐️⭐️環境👀: ⭐️⭐️⭐️⭐️💫服務👨🏻‍🍳: ⭐️⭐️⭐️⭐️💫衛生🧹: ⭐️⭐️⭐️⭐️💫抵食💰: ⭐️⭐️⭐️⭐️…查看更多

今次去九龍灣淘大商場嘅「千海水產海鮮火鍋放題」食餐勁！同平時逼逼狹狹嘅火鍋店完全兩回事，坐得舒服，啱晒一家大細。即撈活海鮮區絕對係全場焦點😍，成個小型海鮮市場咁，擺滿生猛海鮮✨。最開心就係可以一齊撈海鮮，蝦蟹上枱時仲生猛到彈起🦐🦀，職員會勤力撈走狀態唔好嘅海產，保證新鮮。而且不停補貨，任撈任煮，海鮮迷必到！🍴2小時自選時間晚市成人放題 ($348)今次我哋試咗「胡椒豬肚鍋」🌶️🥣，個湯底熬到奶白色，胡椒味香濃得嚟又暖胃，豬肚處理得乾淨又爽口，一啲異味都冇！用嚟打邊爐唔單止辟腥，仲更加帶出海鮮嘅鮮甜，尤其係滾蜆同蝦嘅時候，鮮味層次即刻提升，正到不得了🤤！海鮮款式多到眼花：* 🦀 蟹類：肥美藍蟹、花蟹、三點蟹，蟹肉鮮甜飽滿* 🦐 蝦類：大頭蝦、九節蝦、基圍蝦，隻隻跳跳紮，蝦肉彈牙* 🐚 貝類：大大隻鮑魚、蜆同螺，啖啖肉鮮甜肉類都絕不輸蝕🥩：* ❄️ 澳洲M5和牛雪花均勻，入口即溶，牛味香濃* 🐂 美國牛肩胛片肉質軟嫩有嚼勁，食肉獸福音熟食區驚喜不斷🎊，無限encore必點：* 🐦 皇牌燒乳鴿王皮脆肉嫩，肉汁豐富* 🔥 川味燒鮮蠔肥美麻辣，夠晒開胃* 自助區仲有避風塘炒蝦、麻辣小龍蝦、燒腩仔等，款款精彩飲品選擇多到誇🥤：紙包飲品、罐裝飲品、冷泡茶🍵全部齊全，鍾意飲酒嘅更有清酒、白酒、燒酒、生啤🍺任飲，真係飲到飽！最後甜品環節🍮一樣滿足：有精美甜品櫃🍰，仲有任食Häagen-Dazs雪糕同雪條🍨，食多兩杯已經回本！📝 總結千海水產無論環境、食物質素、服務都出色👏，性價比極高，特別適合朋友或家庭聚餐。即撈海鮮加高質熟食絕對係回頭首選🌟！.............................. 千海水產海鮮火鍋放題地址📍: 九龍灣牛頭角道77號淘大商場3期2樓S154, S162及S155-S158號舖總評分: 9/10 .............................. 味道😋: ⭐️⭐️⭐️⭐️💫環境👀: ⭐️⭐️⭐️⭐️💫服務👨🏻‍🍳: ⭐️⭐️⭐️⭐️💫衛生🧹: ⭐️⭐️⭐️⭐️抵食💰: ⭐️⭐️⭐️⭐️⭐️…查看更多

最近同朋友食飯慶祝，我選擇左極尚大瀛喜呢間放題餐廳，真係一次非常愉快的用餐體驗！🍴 晚市放題 ($298+10%/人) ⭐️⭐️⭐️⭐️放題種類繁多，刺身、火炙壽司、串燒、燒物、天婦羅，應有盡有。特別推薦：刺身：藍鯨吞拿魚、三文魚、帶子，全部都非常新鮮肥美燒蠔：肉質鮮美加埋炸蒜實在令人驚喜另外期間限定嘅菜品都充滿驚喜，楊枝甘露小丸子，自助區嘅甜品選擇都好是豐富，包括Haagen-Dazs雪糕同埋啲小蛋糕，絕對係完美嘅結尾。最重要係無限量嘅飲品選擇都非常之多。整體嚟說，性價比極高，即使係兩個人都可以試到多款不同的美食。無論是新鮮嘅海鮮定係美味嘅甜品，都能滿足到。我強烈推薦比鍾意日式放題嘅朋友們，一定唔好錯過！.............................. 極尚大瀛喜日本料理 (觀塘)地址📍: 觀塘觀塘道414號1亞太中心5樓總評分: 8.8/10 .............................. 味道😋: ⭐️⭐️⭐️⭐️💫環境👀: ⭐️⭐️⭐️⭐️💫服務👨🏻‍🍳: ⭐️⭐️⭐️⭐️💫衛生🧹: ⭐️⭐️⭐️⭐️抵食💰: ⭐️⭐️⭐️⭐️💫…查看更多

🍴広島県の牡蠣沾汁麵 $138這家旺角店特別推出的拉麵款式除了慢煮叉燒外，還有主打的廣島牡蠣！牡蠣風味非常香濃，搭配麵條口感絕佳，整體味道讓人非常滿足，絕對值得一試。🍴雞白湯拉麵 $95慢煮叉燒有2塊，賣相一般，拉麵質地係幼身，湯頭表面有一層奶白色泡沫，食落不過不失。🍴唐揚炸雞 $35 炸雞做得外脆內軟，入面雞肉仍保持肉質鮮嫩。🍴可樂x2 $10each.............................. 一生懸麵 地址📍: 旺角通菜街73號地舖總評分: 8/10 .............................. 味道😋: ⭐️⭐️⭐️⭐️環境👀: ⭐️⭐️⭐️⭐️服務👨🏻‍🍳: ⭐️⭐️⭐️⭐️衛生🧹: ⭐️⭐️⭐️⭐️抵食💰: ⭐️⭐️⭐️⭐️…查看更多

呢間以火鍋和烤魚聞名的火鍋店性價比頗高，真係會食到好飽。🍴 極尚鮮味烤魚+羊腩煲+火鍋放題 ($318+10%/人) ⭐️⭐️⭐️⭐️麻辣味清江魚：烤魚嘅魚肉鮮嫩，麻辣醬汁香氣四溢，辣度適中，食過返尋味。蕃茄薯仔濃湯鍋：湯底屬於正常，冇太大驚喜。胡椒豬肚雞鍋：湯底以胡椒為主，味道濃，雞肉鮮嫩，豬肚爽口，適合冬天時食。另外火鍋的配料選擇豐富，包括新鮮的海鮮、各種肉類（如牛肉、豚肉）、多款蔬菜、豆腐和粉類，可以自由搭配，滿足不同口味需求。餐廳仲提供無限添飲，隨時可以享用清涼飲品。.............................. 二鍋頭 (嘉芙中心) 地址📍: 尖沙咀漆咸道南53-55號嘉芙中心1樓 總評分: 8/10 .............................. 味道😋: ⭐️⭐️⭐️⭐️環境👀: ⭐️⭐️⭐️⭐️服務👨🏻‍🍳: ⭐️⭐️⭐️⭐️衛生🧹: ⭐️⭐️⭐️⭐️抵食💰: ⭐️⭐️⭐️⭐️…查看更多

東港城入面好隱蔽嘅角落原來有間好大嘅泰國餐廳，晚市都算好多人，真係唔上網睇都唔知！🍴 泰式海南雞飯 ($82) ⭐️⭐️⭐️⭐️雞肉好嫩滑，配搭埋雞湯同油飯好襯，而且份量啱啱好。🍴泰北清邁雞髀咖喱湯麵 ($78) ⭐️⭐️⭐️⭐️佢比較似係咖喱撈麵，入邊有大量配菜，包括炸乾蔥、榨菜、脆米等等，令到口感好豐富，適合超級重口味人士！隻雞髀都炆到好入味，啲肉一夾就已經離骨，但又保持到嫩滑。🍴泰式冬陰功湯 ($98) ⭐️⭐️⭐️⭐️💫用左正宗嘅湯鍋上菜，好有風味！仲要真係辣辣地好足料好惹味！有時其他餐廳食嗰d可能會好酸唔正宗，呢個唔會。🍴 馬拉蓋炒通菜 ($98) ⭐️⭐️⭐️💫份量少左啲，雖然通菜炒得好入味，但收得比較貴。.............................. 泰國婆  (坑口)地址📍: 將軍澳坑口重華路8號東港城2樓238號舖總評分: 8/10 .............................. 味道😋: ⭐️⭐️⭐️⭐️💫環境👀: ⭐️⭐️⭐️⭐️服務👨🏻‍🍳: ⭐️⭐️⭐️💫衛生🧹: ⭐️⭐️⭐️⭐️抵食💰: ⭐️⭐️⭐️⭐️…查看更多

呢幾日凍凍地，放工好攰又唔想買料，揾左呢間好多人介紹嘅人氣火鍋店，果然名乎其實！🍴 SRF美國極黑和牛片 ($298/人) + 鴛鴦鍋 ($48) ⭐️⭐️⭐️⭐️💫我哋揀咗胡椒豬肚鍋同埋冬瓜瑤柱豬骨鍋，兩款都好足料，而且飲得出唔係味精湯，就咁飲啲湯都已經好夠味。揀咗呢個第二級嘅肉類價錢，啲牛肉質素幾round都keep到👍🏻 個人最鍾意SRF和牛，肉味濃得來又唔算太肥。除咗生肉之外，仲有得嗌熟食，包括BB乳鴿、芝麻炸雞翼、黑糖麻糬。芝麻雞翼一定要叫，炸得好脆又夠大隻。自助區都有好多選擇，蔬菜類都有成十幾款。而飲品就有成四五個雪櫃嘅選擇，有自家製嘅冷泡茶同埋珍珠奶茶，好特別。至於甜品方面有Häagen-Dazs、Mövenpick雪糕、楊枝甘露、芒果布甸，好多好多選擇！！整體嚟講CP值好高，絕對會再嚟過！.............................. 牛站(駅)麻辣火鍋放題 (觀塘)地址📍: 觀塘觀塘道414號1亞太中心6樓總評分: 8.8/10 .............................. 味道😋: ⭐️⭐️⭐️⭐️💫環境👀: ⭐️⭐️⭐️⭐️💫服務👨🏻‍🍳: ⭐️⭐️⭐️⭐️衛生🧹: ⭐️⭐️⭐️⭐️💫抵食💰: ⭐️⭐️⭐️⭐️💫…查看更多

今日鋪米線癮又嚟啦，經過尖沙咀見到呢間米線舖好吸引就入去試吓，點知好有驚喜！🍴 手打牛丸、魚肉春卷、豬頸肉重慶酸辣米線 ($73) + 雞絲、冬菇、蘿蔔清湯小鍋米線 ($59) ⭐️⭐️⭐️⭐️我叫咗個重慶酸辣湯底，酸酸辣辣好開胃，夾埋彈牙嘅米線真係好易就清晒一碗！餸就揀咗幾款多人推介嘅，牛丸、魚肉春卷都好好食。但講到最推薦都係豬頸肉，好香口而且外邊炸到脆脆地，真係食到唔夠喉！朋友就嗌咗個清湯，睇返招牌寫住所有湯底都係慢火熬煮六個鐘，難怪都讚個湯底夠鮮！佢都覺得全部餸比得好足料，尤其讚個蘿蔔好鮮甜。🍴 生炸泰式雞翼 ($36) + 生菜 ($16) + 凍檸茶 (+$8) + 凍奶茶 (+$8) ⭐️⭐️⭐️⭐️外皮炸到好脆，入面肉汁仲保持到，必食之選！生菜正常水準，食完辣野食d菜係正確嘅選擇。值得一提嘅係杯奶茶，因為係老闆娘親身去學沖奶茶，而且係用幾種茶葉沖製，係正宗茶餐廳嘅奶茶，所以係必叫！.............................. 雲香園小鍋米線地址📍:尖沙咀漆咸圍1-3號多福大廈地下B號舖總評分: 8.4/10 .............................. 味道😋: ⭐️⭐️⭐️⭐️💫環境👀: ⭐️⭐️⭐️⭐️服務👨🏻‍🍳: ⭐️⭐️⭐️⭐️衛生🧹: ⭐️⭐️⭐️⭐️抵食💰: ⭐️⭐️⭐️⭐️💫…查看更多

原來蘭桂坊都有間咁樣嘅餐廳，我地都真係第一次試。4 Course Set Dinner ($468) 🍴 極品海膽魚子醬伴生蠔 (+$38) ⭐️⭐️⭐️⭐️生蠔好新鮮好大隻, 上面有魚子醬同埋海膽, 個人認為就咁食隻生蠔就已經足夠。🍴 法式澳洲活龍蝦湯 (+$48) ⭐️⭐️⭐️⭐️龍蝦湯比較味濃, 上面啲泡只係裝飾之用, 入面冇一粒粒嘅龍蝦肉, 但係個味就非常足夠。🍴 黑松露忌廉半熟帶子薏米飯 ⭐️⭐️⭐️⭐️💫賣相幾靚，而且比想像中大碟，味道做得恰到好處，中間粒帶子仲要好大粒好有口感，係全餐最好食。🍴 傳統法式牛柳⭐️⭐️⭐️⭐️牛柳軟嫩多汁同冇筋，而且真係做到五成熟效果，可以一試。🍴朱古力撻⭐️⭐️⭐️⭐️細細粒一啖入口，朱古力味好濃，夾生果食中和返剛剛好。🍴 原隻海膽雪糕⭐️⭐️⭐️第一次試咁特別嘅配搭，海膽嘅鮮味配搭牛奶雪糕原來都幾得意🍴LM Lychee Martini ($158) ⭐️⭐️⭐️⭐️💫呢杯係signature嘅Cocktail, 嚟嘅時候有啲乾冰喺上面噴煙, 好有氣派, 飲落去有荔枝味, 配上Martini嘅口味非常夾！.............................. L'AMOUR 地址📍: 中環蘭桂坊德己立街58-62號協興大廈地下A&B號舖總評分: 8/10 .............................. 味道😋: ⭐️⭐️⭐️⭐️環境👀: ⭐️⭐️⭐️⭐️服務👨🏻‍🍳: ⭐️⭐️⭐️⭐️衛生🧹: ⭐️⭐️⭐️⭐️抵食💰: ⭐️⭐️⭐️⭐️…查看更多

由油麻地站行去兆萬中心嘅方向一定會經過，今次係第一次食呢間拉麵店，呢間都幾受歡迎！二人套餐 ($218) ⭐️⭐️⭐️⭐️💫🍴濃厚蝦湯拉麵個湯底非常濃郁，啲蝦嘅份量一啲都唔輸蝕，令到個湯嘅蝦味非常之濃郁，非常有海鮮嘅味道。另外片肉嘅份量非常之大，而且切到好薄，所以食落完全唔韌。值得一提嘅係，溫泉蛋做得非常之靚！🍴神匠蝦汁拌麵 ⭐️⭐️⭐️⭐️💫呢個有啲驚喜，包括炙燒豚肉，蛋同埋櫻花蝦乾，麵質有少少煙韌，唔會整到太腍，掛到好多湯汁，而且份量啱啱好。🍴溏心蛋 ⭐️⭐️⭐️⭐️溏心蛋一分為二咁上菜，完全清晰見到入邊個蛋黃係半熟嘅狀態🍴日式炸餃子 ⭐️⭐️⭐️⭐️餃子有5隻，炸到好脆，直頭脆到有d硬，但好彩入面肉汁仲保留到，唔錯。🍴可樂x2 (+$8).............................. 麵屋神匠地址📍: 旺角彌敦道562號地下B號舖總評分: 8.4/10 .............................. 味道😋: ⭐️⭐️⭐️⭐️💫環境👀: ⭐️⭐️⭐️⭐️服務👨🏻‍🍳: ⭐️⭐️⭐️⭐️💫衛生🧹: ⭐️⭐️⭐️⭐️抵食💰: ⭐️⭐️⭐️⭐️…查看更多

唔係上網見到都唔知有間居酒屋喺度，雖然喺中環，諗住會好細間坐得好迫，但原來都算坐得舒服！餐廳有好多串燒嘅選擇，價錢適中，值得一試。🍴唐揚雞軟骨 ($58)🍴梅子蕃茄 ($58) 🍴螢光魷魚漬 ($58)🍴牛蒡片 ($45)🍴豬頸肉 ($48)🍴雞肉大蔥 ($38)🍴免治雞肉棒 ($58)🍴三文魚腩串 ($38)🍴帆立貝串 ($52)🍴辣炒牛肉烏冬 ($108)開胃菜梅子蕃茄食得出好新鮮，酸酸地好開胃。螢光魷魚就細細條，不過有少少鯹。雞軟骨就細細粒脆卜卜，唔錯。串燒方面我地都叫左好多款，全部都即叫即燒，所以都要等15分鐘先上菜。免治雞肉棒d肉整得幾實，唔會好鬆散，唔錯！最後個炒牛肉烏冬都幾唔錯，唔食得辣嘅朋友最好唔好叫，因為都算辣，不過辣得嚟會令到人好想繼續食！煙煙韌韌好惹味，推薦！.............................. 星橋居酒屋地址📍: 中環嘉咸街35-39號嘉豪大廈地舖總評分: 8.4/10 .............................. 味道😋: ⭐️⭐️⭐️⭐️💫環境👀: ⭐️⭐️⭐️⭐️服務👨🏻‍🍳: ⭐️⭐️⭐️⭐️衛生🧹: ⭐️⭐️⭐️⭐️💫抵食💰: ⭐️⭐️⭐️⭐️…查看更多