Mr.S的个人专页

我好耐好耐都無寫食評﹐但今次真係好有衝動令我寫一篇...星期日的中午﹐朋友約左我公司隔離街的一間新開兩個星期的coffee shop飲野12點入到去﹐一個人都無﹐有兩個staff係度﹐其中一位見我入來就好無禮貌的問我來做乜 我話約左朋友來﹐跟住就好串咁問我飲咩... ...我都未得閒睇menu!!!諗住坐低睇下個menu先﹐點知個staff仲要加多句“你知我地今日無野食﹐淨係得counter上面的cake咋呵"......ok...咁你係咪唔想做生意???  其實如果我唔係約左朋友我會即刻起身走囉另外兩位朋友來到﹐一齊order...有另外一位貌似老闆的女子又係串串貢的take order...我話想要一杯flat white, 佢即刻好大聲咁話“40蚊﹗”   我都真係唔知比咩反應﹐我睇左你個menu我都知道係$40...好似係唔比錢就係唔同你整...另外我果兩位朋友就想飲iced latte, 佢好快咁答你“我地無iced latte!!!"  又係O左嘴﹐凍飲佢只得Iced Coffee同Iced Chocolate﹐咁我果兩位朋友就叫左iced coffee...其實我唔知道果位所謂的老闆娘係唔識同人溝通定係點﹐其實佢果杯iced coffee都係iced latte的做法然後再加少少whipped cream+一細球的coffee icecream...另外我地再叫多一個chocolate walnut brownie 來試先講我杯flat white先﹐$40但果隻杯真係細得可憐﹐我係香港飲過咁多間都未見過咁細杯﹐for reference仲要細杯過茶餐廳的港式奶茶...仲要無拉到花﹐真係好無誠意﹐仲話自己係Australia+New Zealand style...我剛剛先去左澳洲工幹兩星期﹐日日去cafe坐低飲都唔會係咁... 味道無咩驚喜﹐標榜用紐西蘭的Allpress Espresso豆﹐但同大坑果間差一段距離﹐奶係用泰國的明治...Iced Coffee要$55﹐隻杯係幾大﹐相比起我果杯係抵飲D﹐但會唔會貴左D呢?Chocolate Walnut Brownie(好似$20)﹐朱古力味道淡﹐唔係好甜﹐walnut有少少益 :( ﹐但佢跟的vanilla ice cream就好好味﹐唯一值得讚的地方佢用的機器好靚﹐其中一部機係Air press的coffee/tea($35), 但就係全電動﹐我本身已經有Aeropress所以都知道大約運作係點...坐左兩小時﹐客人唔多﹐又開始肚餓﹐轉場再搵野食…查看更多

女朋友住荃灣﹐所以去青衣城好方便我同佢都好鐘意食池記的雲吞麵﹐ 最少一個禮拜去一次下午茶由兩點半開始﹐20蚊一碗雲吞麵+熱飲﹐實屬抵到爛之作﹐係波斯富街跟本唔會有呢D套餐 (旺角要23蚊)其實我食過好多樣野﹐佢淨係雲吞麵好食﹐其他都唔係太好南乳豬手無味菜飯乾真真炸醬D湯唔會分開上﹐D肉絲韌到咬唔開牛筋無味唔想失手就淨係食換雲吞麵好啦﹐記得加兩蚊要杯冰鎮奶茶﹐奶茶好靚~湯底有香又靚﹐多蝦子又有魚味﹐麵都唔錯夠彈牙﹐雖然無手打麵果種煙韌但係都好有水準﹐雲吞的size好正宗20蚊食碗麵都有XO辣椒醬任你點﹐個XO醬真係好足料肚餓食一碗又未夠飽﹐食兩碗又飽得滯﹐不過食兩碗都抵食!!!服務幾好﹐D阿姐好落力做野﹐就算下午茶時間都好多人食記住淨係食雲吞麵好啦...佢差唔多係全香港最好味的雲吞麵~ …查看更多

心血來朝渣住部車去左火炭大排檔﹐其實佢同一般的大排檔無咩分別﹐但係價錢就唔係大排檔價錢﹐比茶餐廳要貴D食物好普通﹐雞粥不外如是﹐豉油皇炒麵就油淋淋不過宵夜時間可以泊車係巴士站﹐方便駕使人士唔經過唔值得﹐車錢都蝕埋…查看更多

十幾年前我係泰昌的fans﹐細細個的時候同阿媽係巴士站等車﹐總要阿媽買光蘇餅同沙翁返屋企食90年代末﹐後來光酥餅同沙翁都唔好味了﹐但係蛋撻依然好味﹐熱辣辣的出爐﹐D蛋係中間仲係震震的﹐超級好味但係自從搬左鋪之後而家唔知點解越食越唔好味﹐又貴到離譜!!! (5蚊一個)其實要與時並進唔太難﹐但係退步成咁好難再有人龍買你D蛋撻﹐況且你都無其他野好食...附近仲有好多比你好食比你平的蛋撻﹐ABC﹐檀島﹐蛋撻皇....個個都有一定的水準﹐又唔使咁貴添...泰昌...我已不再愛你...Sorry…查看更多

金鳳杯凍奶茶真係好靚﹐比起新蘭芳園的假奶茶冰冰好得多但係金鳳除左杯奶茶其他野都係好一般﹐但係淨係飲杯奶茶又好唔抵...14蚊...加10蚊的話就多好多野食...火腿菴列+餐包或菠蘿飽+一款麵我喜歡星期日早上同女朋友去食個早餐...貪佢朝早係春園街有位泊車又唔會抄牌(過左中午好難搵位泊) 泊係門口都OK套餐的菠蘿飽可以加三蚊轉菠蘿油﹐我的至愛~火腿庵列比較油﹐少蛋﹐少火腿...唔係一個好菴列﹐唔喜歡可以就咁要煎雙蛋﹐不另收費upgrade去菠蘿油...個皮太甜﹐但係牛油大大片﹐抵﹗﹗﹗ 唔食菠蘿飽的話餐包都好靚麵可以揀公仔麵﹐米﹐通﹐意...公仔麵係福字伊麵﹐跟沙嗲牛同肉丁較為可取﹐不過同好味拉唔上任何關係...只不過係跟餐所以先食埋佢食完可以買一D外賣麵包西餅...雞批賣$6.5﹐個餅皮好靚但係無咩餡料﹐下次要買個影相比你地睇蛋撻係酥皮﹐幾靚﹐但唔夠檀島好雞尾飽D餡多到爆(唯一一個係有多餡)個餐係好抵食﹐所以為左杯奶茶都會隔個禮拜來一次服務同環境係九流﹐態度差﹐不過你當佢地唱歌算啦﹐D位窄到無得再窄﹐食完快閃…查看更多

係中環想搵間平的餐廳食晏已經比以前難左好多唯獨是沾仔記...依然係屬抵食之作正鋪係麥奀記對面﹐但每次我都諗都唔諗就入沾仔記...咁多年的支持係有原因麥奀貴10蚊一碗﹐點都說服唔到我入去食以前同屋企人住多數都係買外賣生雲吞(果時廿幾蚊)﹐而家自己住就會行落去食碗頂下肚由以前10蚊碗食到而家的16蚊﹐無辦法...呢家街度10蚊一碗的真係唔好味粒雲吞大粒得來又好鮮甜﹐麵同湯底唔係強項﹐但係算交足功課﹐十幾蚊又可以過下雲吞麵癮千企唔好叫菜...果日我叫左碟通菜﹐D腐乳又唔香﹐D菜老到全部都係渣﹗﹗﹗ 同埋威靈頓街比大鋪好食好多﹐行多少少都要行上去…查看更多

來親Sogo﹐都不自禁要落basement的超市來到超市﹐又會不自禁的跟住麵包的香氣走去DONQ睇下有咩飽想食...十幾年前已經開始食呢間D麵包﹐一向都好有水準﹐特喜愛其牛角包同蟹柳沙律三文治近日經過睇睇﹐發覺價錢已經漲到一過唔係好想買的地步﹐求其一個包要十一二蚊﹐再加上牛角包有大量反式脂肪﹐所以好多時都係得個望字...:(食個下午茶餐都唔使20蚊﹐所以久唔久獎勵自己一次回味一下咁會開心D~…查看更多

中秋前一晚心血來潮好想食個靚海南雞飯﹐見openrice好多人都推介﹐就約左兩個朋友去好時五點幾六點鐘打電話去訂位﹐八點鐘都合理去到果然好多人等位﹐好多大檯坐到出去走廊﹐好大排檔feel我地等左5分鐘就有位﹐好彩比左個入便鋪位坐今日勁肚餓!!! 3個人叫左好多野食!!!1. 海南雞半隻2. 串燒沙嗲半打3. 大頭蝦湯粉絲煲4. 肉骨茶5. 咖哩牛腩配Roti薄餅6. 辣牛筋通菜煲7. 雞油飯一碗海南雞好靚好滑﹐本身無咩醃料﹐要點醬先好味...但係我朋友話上次仲靚woh﹐碗油飯都非常好香﹐唔太油膩沙嗲就一般﹐無咩驚喜大頭蝦湯粉絲煲個湯底係蝦湯底好鮮味﹐大頭蝦就係一D普通的海蝦﹐但係好新鮮好甜﹐不過就油左一D同埋落左好多黑胡椒粒肉骨茶屬於一般貨色﹐唔太重味﹐好的係比較少油咖哩腩配薄餅唔錯﹐可惜個Roti好快就凍左﹐可能我地叫得太多野食啦辣牛筋通菜煲個牛筋好靚﹐但係太辣﹐好麻辣feel...太多黑胡椒粒同好多油係面﹐所以淨係食左D牛筋同少量的通菜就算...太飽啦﹐叫得太多野食的下場就係咁...幾好食﹐係環境麻麻...服務OK...出餐好快﹐唔使點等﹐最主要係價錢唔貴﹐下次一定再食過…查看更多

住係中環廿幾年﹐同九記只不過落山步行十幾分鐘﹐但係偏偏就對佢又愛又恨佢好的就係個無敵湯底+爽腩﹐配伊麵同河粉都係一絕﹐其實除此之外都無咩好唔好的又有好多...七宗罪...1. 星期日唔開2. 晚市七點三到八點半唔開門3. 中午12點半先開門落order4. 爽腩要4﹐5點後先有5. 態度囂張又寸寸貢6. 細圓檯要坐七個人7. 淨爽腩要$62!!!好...講返D野食先...其實佢個牛腩伊真係好好﹐幾乎可以話係天下第一﹐帕肥的朋友唔好叫爽腩﹐想食爽腩但係無的話都唔使驚﹐叫個腩伊要肥腩或者半肥瘦就可以...其實我覺得呢個都好靚千企唔好同佢講話要揀"靚"的﹐實會比人寸...如果唔指定要半肥瘦佢就比D瘦的你到時就唔好complain﹐因為瘦的會好韌爽腩係靚﹐但係超肥﹐湯底本身都肥﹐所以適可而止咖哩腩係將清湯腩淨低頭頭尾尾果D碎腩加牛筋炮製而成﹐想啖啖肉的朋友就注定失望﹐我都唔會推薦﹐因為佢係超級的咸!!!油菜係西生菜﹐無咩特別﹐但係會用清湯底浸住:)最近佢推出左肥牛麵﹐可以話係一個突破...不過唔會比27蚊試來得呢度就要預左態度唔好﹐所以快D食完走人算數...如果食一碗唔夠的話﹐二人同行可以叫一碗淨腩同兩碗淨麵﹐咁樣會飽肚D~久唔久一次的放縱﹐已經好滿足﹐因為食完好鬼滯~咁貴的清湯腩真係唔係個個杯茶﹐一位都要六七十蚊先飽肚﹐但係慘得過淨係得佢一千零一間??? haha…查看更多

有一日經過深水步諗起豬潤麵﹐就走左去食返碗叫左個潤牛麵﹐凍檸賓同埋咖央西多潤牛麵唔錯﹐豬潤靚﹐牛肉唔鞋﹐麵都唔係D爛鬼即食麵凍檸賓甜得滯﹐比例唔arm...D利賓納唔使錢咩?咖央西多就唔太好味﹐太甜﹐唔使再試地方就唔太好﹐太熱﹐唔夠冷氣﹐衛生好麻麻﹐不而久流﹐食完快閃果D如果下次經過都會再食﹐值得一試…查看更多

女朋友想食燉奶﹐我又想食茶餐﹐特登坐車過佐敦食澳洲入到去即刻就有位﹐店員亦非常有禮貌咁招呼你坐﹐個個都好好口...叫左一碗燉奶同一個常餐唔夠20秒就上晒所有野食﹐炒蛋配厚多士﹐叉燒通同埋凍奶茶佢的炒蛋真係好好味﹐有可能落左雞粉﹐多士屬水準之作﹐叉燒得幾塊少左d﹐但係個湯底係有味道幾好﹐唔會白拾拾無味道﹐奶茶正!!! 仲要跟碎冰...不過就細杯左D﹐想飲大杯就要order正價的凍奶茶 ($16)燉奶唔算係最好﹐但係比大部分的甜品店好得多﹐始終奶味唔夠茶餐廳來講佢的質素已經非常好﹐實在無得挑剔的地方﹐服務友善兼快速﹐就算整定都係新鮮﹐因為人流太多所以D野食唔會灘凍之前中午繁忙時間來服務態度都非常好﹐抵你受歡迎套餐30蚊有找﹐係碗燉奶貴左D﹐要18蚊…查看更多