JKWY的个人专页

好少去九龍城, 去問嗰頭有嘢整就上open rice望下有邊間推介. 老公揀咗呢間, 話有人讚過燒牛胸, 反正未食過呢樣嘢就試下.7點就到, 所以唔洗等位. 不過一拉開張chair, 就有條前人食完嘅米粉喺上面, 張枱都唔係抺得好乾淨. 反而係個厠所就幾整潔泰式鳯爪 - 夠辣, 不過有雪藏味青咖哩豬 - OK蒜蓉包 - 冇乜蒜蓉味, 不過焗得啱啱好燒牛胸 - 等咗好耐, 第二啲嘢都差唔多食晒先黎. 睇到個樣其實燒得幾好.. 不過.. 係燒脂肪... 一咬落口, 啲肥油爆晒出黎, 真係想吐返出黎. 好可怕... 有幾粒唔係脂肪就係筋, 咬極都咬唔爛嘅筋. 好奇怪嘅一味餸.…查看更多

好少到元朗, 咁啱星期六要去睇啲嘢, 特登去之前喺openrice search下有咩好食. 本身搵咗喺呢間新明皇隔離嘅西餐廳, 但係去度見到個menu, 一啲都唔吸引. 又開始落啲雨, 就過咗隔離呢間新明皇試下.坐底見到佢喺廻轉帶上嘅壽司, 好唔新鮮, 有款有啲多多糖, 而啲腐皮壽司嘅腐皮嘅色仲好怪-淺黃色, 已經覺得唔對路. 之後老公食咗一碟魚生壽司, 佢就即刻話, 唔係好掂 :(我地再叫咗個蟹柳冷面, 啲蟹柳雖然大條過喺超市買到, 一條條獨立有張膠紙包住嗰啲, 但味道同嗰啲係一樣嘅. 點嗰啲豉油淡而冇味.:(每人再叫咗個手卷, 個手卷可能因為即整嘅關係, 所以係最OK, 不過都係好一般.…查看更多

今日中環排隊諗住買平價澳門船飛, 實在太多人, 等咗成個鐘條隊都冇乜點郁過. 醒起朋友話附近有間骨肉茶好好味, 所以決定放棄排隊, 去食個late lunch.到時下午3點幾, 只有一個枱客, 佢個裝修, 令我以為自己喺大陸. 叫咗個$138二人餐, 啲份量好多.原味肉骨茶(細) - 我都幾鐘意飲肉骨荼, 灣仔嗰間係我嘅至愛. 同嗰間相比, 我依然覺得灣仔好味啲. 呢間啲湯嘅葯材味濃好多, 好重當歸味. 味道偏咸. 而且係冇油炸鬼跟.砂鍋馬拉盞炒通菜 - 呢個唔錯, 份量好多, 啲味好濃, 有啲魚碎, 同出面食嗰啲唔同. 喇沙湯麵 - 入面有米粉同油麵, 好多料, 個味都OK海南鷄 - 啲鷄皮好黃之外, 冇乜特別, 一般白飯2碗 - 實在太多嘢食, 只係食咗1碗, 呢個餐足夠三人份量. 一過要加大個肉骨茶 甜品 - 喺雪櫃度"but"咗2碗雪耳木瓜糖水, 一般…查看更多

星期五放工, 想食烏冬, 醒起之前經過黃埔美食坊有呢間烏冬店, 就去一試.我哋到時只係6點10, 所以完全唔洗等位, 到走時7點4, 差唔多坐咗8成.冷烏冬(大) 加芝麻汁 $29 啲烏冬質地好煙韌, 啲芝麻汁又好味, 不過食得多幾啖, 就覺得咬到有啲牙骹軟 黑虎湯烏冬(黑芝麻湯) $48 浸咗湯嘅烏冬比冷食林啲, 但質地都OK, 個湯都幾好海鮮天婦羅什錦菜餅 $38 :( 見到個樣就已經覺得係一件會食損口嘅炸物. 覺得太大舊, 要整開細細件黎食, 又整到成長枱都係碎. 味道冇乜特別, 唔會再試炸魚餅 $25 :) 一條長型嘅墨魚餅, OK服務幾好, 隔離有枱客人, 自己話XXX(唔記得係咩菜), 唔好食, 企喺隔離個waiter聽到, 主動走去個客度, 話換過一碟俾佢. 反而個客人答: 我食咗件架啦喎... waiter話: 唔緊要, 我換過俾你.…查看更多

成日經過都想食呢間, 門口睇落幾企理, 仲有阿蘇張相, 今日lunch終於試下.因為我地十二點一個字左右, 所以唔洗等位(食完走時已經要等位)叫咗以下食物清湯腩飯 - 飯同腩分開上, 一個飯碗裝滿5,6舊腩. 係好足料, 不過發覺原來見到咁多肉都幾得人驚.咖哩腩飯 - 賣相好OK, 食嗰個人都話OK筋腩河 - 河粉質地幾彈口, 不過好多油, 連條菜都冇. 啲筋有啲唔係好林料又真係好多, 不過食得太多肉太滯, 如果唔鍾意啖啖肉嘅人, 就唔好試.另外啲味精都幾勁, 食完好口渴…查看更多

上星期爸爸生日, 佢話想食抓, 打去尖東dan rayn, full 晒, search open rice, 見尖沙咀啱budget 同啱地點而又有位嘅得呢度, 雖然見open rice嘅評語唔係好得, 但一行6人都未有人試過, 就去試下啦.去度樓下, 已覺得佢唔係好起眼, 我地行電梯上去, 原來上到4樓, 仲要行, 層樓梯(走時就搭笠), 上度去... 只有6,7枱客.. 唔洗book都得食物一般, 唔難食又冇話好食到要推介但服務就真係... 冇服務可言1. 我地首先2人上到去, 佢俾咗2杯水我地, 之後另外4人到齊, 到嘢食黎埋, 要問先有水2. 嘢食一次過上咗2,3碟, waiter竟然放低嘢食就走... 要叫佢地, 先俾啲細碟仔我地分嘢食(仲要個個waiter唔知埋咗去邊, 手舉咗幾分手先見到)3. 我地切旦糕, 又係要叫要等, 佢先識拎碟... 點知... 佢俾咗碟, 又冇俾叉... 又要叫, 又要等你話個個忙到死, 好多枱客, 做唔切, 出呢啲錯都算. 間嘢都冇幾枱客, 啲watier 唔醒目到呢個程度, 我俾緊呢個價錢就expect 好啲嘅服務…查看更多

我每星期日食完晚飯都會經過糖蓮子, 因為佢裝修好簡單, 而且我每次經過都冇乜客, 覺得係"又開多間糖水舖, 呢間嘢成日都冇人食, 又開喺啲咁嘅位點會有生意... ..."琴晚決定走入去一試. 望緊門口個menu時, 老闆娘已經好熱情咁叫我地入去試, 一入去, 冇客(可能因為仲早, 未夠9點, 到我地走時, 都坐咗8成)老闆娘極力推介佢個心太軟(冇喺menu, 不過貼咗啲推介紙仔喺牆上), 我地叫咗一個朱古力梳乎里, 同埋心太軟.朱古力梳乎里 $28 -- 等候時間: 十分鐘我第三次食梳乎里呢樣嘢, 第一次喺出名食梳乎里嘅太平館, 覺得好好味同好好睇(睇住佢脹卜卜之後又lup落去), 第二次喺紅磡都會食自助餐覺得唔好食:(. 呢次糖蓮子呢個, 賣相花咗啲心思, 有朱古力味, 整體黎講都OK心太軟 $35 -- 等候時間: 廿分鐘 :( 我覺得老闆娘應先同人講要等咁耐, 食晒個梳乎里都仲要等跟心太軟一齊上嗰個綠茶雪糕都OK, 睇落似薄荷雪糕咁淺色, 食落清清地但又有綠茶味, 同Häagen-Dazs 嗰隻綠茶好唔同. 個心太軟又真係好好味, 外面個薄皮有少少脆脆地嘅感覺, 入面嗰層蛋糕超級鬆軟, 中間個心有濃濃嘅朱古力味 - 貴價朱古力 (我見啲報紙介紹佢係用酒店用嘅上等料, 原來冇吹水)老闆喺報紙推介度話自己最鍾意brownie, 同埋話佢啲綠茶原料親自由日本搵返黎, 所以下次一定返黎試佢個brownie同綠茶奶凍…查看更多