kwhannahhh的个人专页

大圍除咗火車站附近嘅食肆其實行遠少少去田心村附近其實都有好多選擇～今次試吓呢間食日式料理嘅你間舖頭望落似家庭式經營 但係Menu都有唔少選擇價錢又幾相宜 平日仲有學生優惠～～⭐️十和田便當 $88便當都幾豐富 有黑椒照燒雞件、燒菠蘿、蒲燒鯛魚腩、螺肉、咖喱飯個人覺得個薄燒鯛魚腩最出色！🐟有啲似鰻魚汁嘅味道 但係口感更加好😋配上燒菠蘿都係幾特別嘅配搭 咖喱飯係比較辛口嘅日式咖喱🍛成個便當整體都好豐富 😆男仔食都會夠飽！⭐️ 北海角切雜錦魚生丼 $72呢個魚生丼有三文魚油甘魚 同埋其他螺類仲有啲蟹籽玉子青瓜～～🥒食落都口感都幾豐富！魚生都新鮮～😋飯嘅量都唔少，最後都食唔晒～⭐️ 特選燒物盛 $92四款串燒都幾出色😋😋有椒鹽燒珍寶牛、鹽燒雞肉大蔥串、鹽燒雞肉軟骨串另外嗰個冇記錯嘅話應該係雞肉～🙈份量好足之餘都好夠風味✨✨如果大家想食串燒都可以嚟呢度試吓～整體評分：⭐️⭐️⭐️⭐️家庭式日本餐廳 份量好足如果黎開呢一頭都可以試吓～…查看更多

前排同朋友放左學係西營盤附近搵嘢食見到呢一間好多人排隊，又有學生又有打工仔咁！喺呢一區來講價錢都幾實惠所以就同朋友決定試吓！ ！🥰Menu 選擇超級多又有撈麵湯麵又有飯！嘢飲方面有特飲冷泡茶同汽水～～仲有好多小食都好吸引所以我同朋友就揀咗幾樣嚟試吓！！🤍 炭燒沙嗲串燒（雞肉）超級驚喜用炭爐上菜🥰就算唔係即刻食到熱辣辣！！！🤍 菜脯蛋炒蘿蔔糕第一次聽呢個組合一見到已經好想試因為有菜譜口感勁豐富！！ 炒過嘅蘿蔔糕特別香！推薦推薦～～😋😋🤍 炸皮蛋餃又係好創新嘅配搭～ 三隻大大隻！唔怕熱氣嘅你一定要試吓🤍 咖央手抓餅咖央醬 加埋花生碎芝麻椰絲甜甜的熱辣辣好食～🤍炸肉飯好想知啲咩所以叫咗一個試吓！原來即係炸五花腩肉🥹 好邪惡但係好滿足haha🤍 巴剎雞撈麵點少得試吓佢哋嘅招牌雞呢～雞肉非常之滑！！ 份量亦都唔少撈麵顏色均勻 老闆仲介紹可以在架加枱面嘅醬汁🤍 冷泡茶每杯茶都係預先包裝好～入邊仲有一個茶包啱晒戒糖嘅我😋😋整體評分: 🤍🤍🤍🤍 今次真係食咗好多嘢全部都冇失望喺呢一區來講價錢亦都非常相宜！！感覺到老闆用心經營大家要來支持下～～…查看更多

已經好耐冇喺香港食過KFC今日一食 真係好 難 食 ！食完仲要兩個人都肚痾😅首先唔係好明 點解而家所有好多餐都set左一定係蘑菇飯，唔可以轉白汁雞皇飯但明明又有啲餐係可以轉🥲 完全唔知點解個蘑菇飯一打開係咁嘅樣正常應該係淋汁係啲飯面頭但一打開係俾人撈勻左咁嘅樣😧有冇人可以幫佢地解釋下😢另外 隻雞下脾仲細過啲雞翼😥😥😥。。整體評分：（一粒星都冇）唔好食都唔緊要 仲要肚痛。。。冇咩事真係唔會再食🙏🏻…查看更多

朋友留意到尖沙咀最近開左間新嘅韓國菜🇰🇷～嗰日係同朋友嘅紀念品 所以特別想回味下韓國菜～～又留意到係樓上鋪 相信會比較舒服!!再見到Openrice可以訂位 所以就一齊去試下餐廳係厚福街一間樓上鋪～～搭𨋢上到頂樓一出就係了～唔會太難揾！入到餐廳留意到佢地裝修都好用心🏮係模仿再韓國街頭嘅包車～餐枱同凳都係膠枱凳～十足去左韓國🤪其他牆身擺設都好用心好多細節！見到其他客人食飯前都會特登行去打卡～餐廳係自己用QR Code落單嘅 入面選擇都唔少👏🏻朋友放工遲黎cap低左menu比佢一齊揀～🤍拉絲芝士韓式炒雞 $128呢個上枱有驚喜！係真係一塊熱辣辣鐵板上枱～～焦香芝士超級香！真係拉絲～～雞塊都係大大件！調味都好夠仲有好多洋蔥🧅！中意芝士一定要試下🤍傳說中的部隊鍋（M）$146(+ 拉麵 +$15）部隊鍋係連Gas爐上枱嘅 黎嘅時候未滾～店員就同我地講要等10分鐘就食得🍜M size 部隊鍋本身包一個麵 但我地就再加左個～佢入面嘅配料比較簡單 主要係餐肉腸仔泡菜同洋蔥🍜份量唔多 如果唔夠食都建議叫多個麵/飯～⭐️餐廳有額外加一收費，但員工都好nice！⭐️整體評分: 🤍🤍🤍餐廳嗰日嘅氣氛唔錯 啱晒我同朋友傾計😄不過如果一班朋友多啲人就可能要叫多幾樣野一齊share食豐富啲～～ …查看更多

日式燒肉係香港嘅選擇都唔多，今次見到銅鑼灣有間有下午茶食😋仲有限時特價～ 所以就入去試下～日式燒肉係香港嘅選擇都唔多，今次見到銅鑼灣有間有下午茶食😋仲有限時特價～ 所以就入去試下～餐廳環境氣氛好好👍🏻老闆好好客～ 超級nice!!裝修都好光猛 唔會感覺到好大油煙好大味咁Menu選擇超豐富！！午餐可以揀丼飯 都有燒肉定食 肉種類繁多 就算係牛肉都有肉眼、牛板腱、牛胸腹等🥰仲有豚五花、豬頸肉、雞爽肉等，就算唔食牛都有好多選擇🥹🥹🥹枱上面嘅醬汁多到我一入門口就嘩出聲🤣懷疑市面上嘅燒肉汁呢到都有😹有辣有唔辣 🤍澳洲M2西冷牛扒 西冷牛扒大大塊～ 超正！😋和牛可能多數都食日本 但澳洲和牛其實都好正好有牛味🐮🤍日本A4和牛三角肉果然真係A4和牛🥹真係好香呀！完全唔係平時食燒肉食到嘅質素雖然份量唔多🥹但好食真係食幾件都好開心！🤍日本新瀉雞爽肉係比較少食到嘅部位～食落有啲似豬頸肉嘅爽口😋但形狀係似條狀 口感好特別！脂肪比例都比豬頸肉少～～🥰整體評分：🤍🤍🤍🤍地理位置方便 啱哂附近返工黎食飯 真係抵食！呢個價錢食到和牛通風嗰啲都做得好好 食完件衫完全冇味！最緊要係老闆真係好nice😆 好有親切感～…查看更多

以前大部份好食嘅美式burger都集中哂係港島區🥹終於而家尖沙咀都有了！！今日同朋友係mira行完街就試下食Burgeroom🍔🍔🍔Menu選擇多到又選擇困難😹基本上你講得出嘅配料選擇都有🥹我地就叫左兩個Burger share+一份Fries~🤍軟殼蟹漢堡 Soft Shell Crab Burger $115當我哋仲擔心緊唔知點樣分兩份🤣餐廳好好咁樣幫我哋切開咗一半👍🏻軟殼蟹勁大份 大過個麵包一倍有多🥰醬嘅比例啱啱好 加埋咁大舊軟殼蟹都唔會太油膩～～蕃茄同生菜都好fresh! 🤍特量芝士牛肉漢堡 Mega Cheese Burger $115特量芝士果然非常震撼🥹係黃色嘅cheddar cheese!!!牛肉漢堡口感十足 牛味都好豐富兩層蕃茄同埋生菜令就算係特量芝士都唔會太油膩🤍 旋風薯條 Twisted Fries $30以為得一杯唔係好多點知我地都食唔哂～非常香脆嘅扭扭薯條～～整體評分：🤍🤍🤍🤍地理位置方便 而且座位好夠 一大班朋友嚟食都唔怕！餐牌極多選擇～ 份量又十足想食美式burger一定要試呢間！…查看更多

難得同朋友黎到大角咀呢頭～ 見到呢間裝修好有氣氛嘅泰國菜～見到Menu選擇又好多 就行左入去試下！餐廳裝修誠意十足～ ～就算係隔離用嘅膠板都印左食物圖案🤣🤣其中冇兩張卡位仲要係模仿泰國嘅督督車😍店員好熱情😆推介左我同朋友食二人套餐見到真係好抵食 我地就叫左個～～二人套餐但可以揀3個主菜🤣真係飽到傻🤣如果比較細食嘅女仔記得唔好叫兩個主食🤣⭐️ 招牌焗黃咖喱麵包軟殼蟹超heavy但勁好味🥹🥹🥹原隻軟殼蟹！大大份咖哩汁完整一個麵包盒 啱哂食咖哩汁～⭐️ 鮮蝦炒金邊粉呢個又係超大份😹勁豐富嘅料～味道唔會太咸 都唔會太油膩👍🏻👍🏻⭐️ 泰式小食拼盤(小)呢個拼盤😹寫住小 我地以為真係每樣少少點知 咁多款野食 仲要每樣大大件🥹🥹🥹牛油雞翼最驚喜！唔會太油 又好香脆～～整體評分：🤍🤍🤍🤍🤍環境有氣氛 員工勁nice食物高質又大份！值得更多人認識的一間泰菜😆…查看更多

尖沙咀咁多野食 每次都揀到好頭痕🤣🤣🤣今日同朋友試下呢間日式火鍋🍲佢就係mira隔離 係馬路邊有入口 好方便！今日同朋友book左平日夜晚 餐廳都坐滿！餐廳入面都唔會太嘈吵 環境舒適～今次叫左鴛鴦鍋 一邊係麻辣 一邊係椰子雞麻辣都幾辣！唔食得辣嘅要小心🔥椰子雞清清地 又足料！推介！醬料區選擇超多 名牌清晰～ 唔怕落左咩都唔知🤭熱盤食物選擇唔多 但全部都係熱住！唔怕啲野食凍哂又唔衛生～～個人推薦肉燥飯⭐️😍😍😍熱辣辣自己裝飯～ 可以想食幾多裝幾多～仲有冷盤前菜小食！多款水果都係切好哂😍勁方便！甜品選擇真係食過咁多間火鍋最多🥹首先有一大櫃蛋糕🍰泡芙😍獨立包裝嘅乳酪 豆腐花 布甸！仲有自助軟雪糕+大量配料🍦🍦🍦仲有仲有！雪櫃雪條櫃🤭 真係太多款 脆皮朱古力雪條&榴槤雪糕&低卡水果雪條全部都有😹😹😹完全選擇困難飲品櫃仲有冷泡茶！各種汽水！仲有幾款酒🥹連維他奶都有😍真係食呢啲都飽😹😹ok終於坐低打邊爐🤭各款肉類 海鮮 都有好多款 肉質味道都唔錯 每份份量都唔會太少！整體評分：🤍🤍🤍🤍🤍以後打邊爐都會揀呢到🥹無論肉類 前菜 甜品 飲品 選擇都係多到傻左🤭價錢仲要非常合理！⭐️…查看更多

兆萬有好多餐廳 今日就同朋友揀左呢間韓燒試下～佢有兩個價錢嘅任食套餐～ 貴少少嘅主要係多左啲熟食！用餐時間有120分鐘 啱哂一班朋友慢慢傾計餐廳飲品係自己攞嘅 都係任飲🥰夏天加埋食燒肉 飲品任飲好重要！！連啤酒都任飲！超正！其他嘅生肉同熟食 都係自己食落張卡再寫數量落單～牛肉同豬肉嘅選擇都好多 就算唔食牛肉都唔怕～～無論係牛肉定豬腩肉肉質都幾新鮮😆😆即使係醃肉都唔會太濃味覺得最有驚喜嘅係鰻魚！好少有得燒鰻魚🙈 熱辣辣食超正～叫左幾樣熟食 覺得大部份都唔錯🤪🤪🤍辛辣麵一上枱好大煙熱辣辣！麵質煙韌又夠辣～🤍冷蕎麥面朋友最愛！有蛋絲青瓜 口感清新！🤍醬油鵪鶉蛋好驚喜😍😍 質地有少少似鐵蛋但味道口感好夾 好想一粒接一粒咁食🤣🤍泡菜煎餅主要都係麵粉 口感一般 如果可以多啲菜就更好😆整體評分：🤍🤍🤍扺食韓燒！選擇又多～～座位又多～ 啱哂一大班人黎😍😍…查看更多

同朋友黎到尖沙咀 想揾間可以坐低傾下計嘅餐廳真係唔係咁容易🥺所以揀左間單價高小小嘅西式餐廳～餐廳係要搭𨋢上去的～ 就算係lunch hour都唔會要排好耐𨋢～餐廳環境主要採用日光 如果坐窗邊應該會幾舒服！Menu選擇好豐富！🤪🤪🤪有Pasta / Salad / Burger等等～～～🤍泰式青木瓜大蝦軟殻蟹沙律 $128大大隻完整嘅軟殻蟹😍😍😍襯埋沙律菜就唔膩啦～～口感豐富！～～🤍牛肝菌意大利飯 $188意大利飯粒粒分明～仲有好多菇茹洋蔥！🤍Iced Latte $32份量剛好～ 奶同咖啡比例👍🏻👍🏻🤍菠蘿青檸梳打 $38唔會太甜～ 夏日之選！整體評分：🤍🤍🤍餐廳環境好有氣氛 夜晚黎應該更舒服！食物選擇好多！！！又有甜品😍啱哂幾個朋友想坐住傾下計～～…查看更多

長沙灣呢頭可能除左D2大家都比較少去揾唔同野食～～但今日就同朋友揾左呢間新開嘅靚靚cafe😆Menu選擇豐富～lunchtime都有好多pasta 同甜品比大家揀😆當然唔少得咖啡啦☕️☕️☕️我就同朋友share左兩份pasta試試！🤎脆炸軟殼蟹咸蛋黃蟹籽忌亷意粉 $92如果以上個名提及嘅材料你都中意 就建議一定要試下！！仲要原隻軟殼蟹🤭如果自己一個食真係爆哂quota😹真係好豐富😋😋😋我同朋友都好中意忌廉汁 加埋蛋黃真係冇得輸 係滿滿的creamy咸😋差啲lam埋隻碟😆🫶🏻🤎蒜香法式奶油蘑菇燴鮮蝦帆立貝配日式珍珠飯 $85又係濃濃的忌廉😋😋😋日式珍珠飯入口粒粒分明！好有口感😆😆帆立貝超大粒！😍其他配料都極多 令成個飯都好有口感完全係白汁人嘅天堂😆😆😆🤎Mocha滑滑朱古力+靚靚拉花！🤎Matcha Latte係香濃嘅抹茶🍵 又有好靚嘅拉花～～整體評分：🤎🤎🤎🤎🤎又打到卡又好食嘅cafe!!啲pasta真係令我好想再去食🥺完全係白汁放題！🫶🏻🫶🏻🫶🏻…查看更多

今日係同朋友嘅一個重要嘅紀念日～ 揀左間成日都排滿人嘅餐廳一齊試下٩(˃̶͈̀௰˂̶͈́)و嗰日平日夜晚黎到都好多人～ 我地book左枱都要等大約半個鐘~不過令我地對佢更期待😆😆😆入到餐廳裝修好靚好有格調😍😍😍就算人多都唔會好嘈！🤎泰式炒金邊粉 一上枱就見到好靚嘅蛋包住😆熱辣辣！味道唔會太咸或者太油～ 蝦都好爽口🦐🦐🦐🤎蒜蓉炒貴妃苗叫左一個平時少見到嘅菜～咬落爽口之餘又好juicy😋😋😋🤎香芒軟殼蟹米紙卷冇諗過有8舊咁多！！薄薄嘅米紙包住爽口嘅菜軟殼蟹香脆得黎芒果又可以解膩😋😋😆🤎青咖哩雞+薄餅青咖哩真係好出色！！辣得黎仍然有椰奶香😍😍😍薄餅係外脆內軟！唔係平時食比較油嗰款印度薄餅！😋😋😋🤎燒西冷牛扒我本身都以為個牛扒可能會乾~~點知黎到係燒得啱啱好！有燒烤風味得黎仲好有牛肉味😍😍😍整體評分：🤎🤎🤎🤎🤎真係好中意食泰菜！😍見到相都想再食！環境舒服 如果book到枱真係好啱一大班朋友一齊食！🫶🏻…查看更多

放學後一個人揾lunch食～ 見到呢間雲吞麵就諗住行入去食啲冇咁heavy嘅野！Main Menu有一頁～基本款都有齊～😌牆上面仲有其他特別款 但應該都係長註款！最吸引到我就係佢個麻辣千層峰😍😍😍但我一個食唔到咁多就冇叫了！下次再試～但總括黎講價錢好合理～我叫左個自選三拼～ 可以試多啲😆🤍雲吞牛筋豬肉丸米粉 $56雲吞同豬肉丸每樣三粒！～😍牛筋就有一條碗咁長的🤣米粉份量偏少～ 啱哂怕肥嘅女仔們～男仔食可能就要加底了餐廳名令我好期待佢地嘅雲吞😆雲吞入面有完整蝦肉！材料十足雲吞皮夠薄又夠滑～ 唔錯唔錯～豬肉丸口感彈牙！牛筋都好夠諗～😋🤍凍豆漿 +$5加左杯凍豆漿我飲開無糖 但呢杯有糖都唔會太甜～～整體評分：🤍🤍🤍係有好多選擇嘅雲吞麵鋪😄餸嘅份量都好足～ 黎附近都可以一試！…查看更多

作為餃子發燒友🥹 真係見到餃子都忍唔住試下餐廳裝修係中國風～ 用嘅都係木枱木凳～有別於其他餃子餐廳！佢地有好多涼菜、小菜如果朋友唔中意食餃子都有可以食拌麵/飯～🤍酒香醉雞翼超濃酒味！凍嘅小食夏天食就啱哂☀️仲好大隻🥹🫶🏻🤍口水雞翼上面嘅口水醬好惹味🤪 唔會太辣🤍爽口醋木耳只係附加小食份量都咁多🥹 下面仲有好多青瓜～🤍千層醬豬耳 $29我同朋友們最中意的！😋😋😋好少見到咁樣形狀豬耳 大大舊好正🥰🤍孜然羊肉煎餃 $63好正嘅羶味🥹 煎餃大大隻 但唔會太乾或者太硬皮🥰～上菜熱辣辣又夠脆！🤍蕃茄雞蛋冬蔭公湯餃 $49 +轉湯底新奇嘅組合 有蕃茄口感 又有甜味！冬蔭公湯 酸辣比例啱啱好😋 都唔會太咸！用鐵窩+蠟燭上枱仲可以keep住唔會凍💯🤍芝士牛肉煎餃 $63超豐富餡料！中意佢有洋蔥～ 好有口感！有芝士味但仲keep到牛肉味～整體評分：🤍🤍🤍🤍🤍餃子大隻 味道選擇多～小食份量好足！係好有心嘅小店🥰…查看更多

今日有啲時間 黎到The One行街～一個人想食下啲平時冇食過嘅餐廳就見到The One樓上呢間Fusion餐廳 就入去試下！餐廳係半開放式 門口有啲枱好似自修室咁🤣雖然好似少見咁樣嘅枱～但如果想自己一個人靜下 食飯想睇下劇 其實真係幾正🥹🥹🥹每枱枱面都有一set水同餐具～好方便！店員會主動拎menu過黎再介紹下有咩推介 之後就用QR Code落單！(咁就唔怕唔識用英文同店員落單啦🤪🤪)🤍美國黑毛和牛丼青森温泉玉子 $98一上枱就有好香嘅炭燒味！和牛大約有4塊～ 食落就係和牛級別嘅香味🥹好正～牛肉上面嘅蒜片香脆～ 令成個飯更有層次感飯用左日本米 有口感之餘仲有好多汁撈飯！一啲都唔會覺得唔夠餸/唔夠味！仲有沙律菜伴碟～ 可以解下食左咁多牛嘅油膩感！🤍Iced Latte $42少有地叫凍latte都有奶蓋面！份量唔少～ 味道方面唔酸～ 又唔會太多奶～整體評分：🤍🤍🤍🤍 無論係用餐體驗定味道都100分🥰啱哂想自己chill下嘅時候食啦😆…查看更多