Shirley Ssy的个人专页

買咗一杯無糖少冰嘅蜜桃冰茶，拎嘅時候已經發現有半杯冰🥲咁就盛惠三十八大元飲完都仲有接近半杯冰，明明已經嗌少冰，如果冇嗌少冰可能全杯都係冰嘢飲嘅味道係正常嘅，不過飲幾啖就飲完咁解。如果下次再買，我都只會買走冰嘅飲品，費事再俾幾廿蚊買杯冰…查看更多

食物和咖啡的質素還好，但沒有洗手間，最近又要去到k11, 真的不方便叫了一個三文魚bagel及一個牛肉千層麵，味道正常，但店內的座位有點迫，加上沒有洗手間，附近有更多更好的選擇，不會再光顧…查看更多

一早book咗枱慶祝屋企人生日，準時去到得返高枱，冇得轉台😢Reception 聽到我問有冇其他枱就即刻黑面，問佢攞水加水都要三催四請先肯俾我，長期都要舉勁耐手先有人理我地，淨係咁樣嘅服務態度已經冇下次，然後因為個場好細啲枱好迫，所以好嘈，嘢食幾好食都冇下次。至於食物質素就真係麻麻哋，份量都正常食得飽嘅，但就比較咸，尤其係啲意大利粉，連個牛肝菌釀炸雞胸都好鹹。叫咗一個卡邦尼薯仔麵團，超級無敵鹹，食咗一粒已經唔想繼續食，質感都好奇怪，真係一舊粉團，完全唔好食。個黑松露意大利粉都好鹹。叫做比較好記嘅個牛扒，但係得四細舊，唔係好抵。至於甜品，個Tiramisu都幾好食，但係個奶凍太甜，唔建議大家試總之係呢個價錢呢個質素呢個環境，唔值亦冇下次。…查看更多

有日同男朋友喺旺角唔知食咩好，見呢間咁多正評諗住黎試下，點知中大伏😢叫咗一個意粉同半隻燒雞，加錢轉咗一個做餐，見到佢個湯我真係呆咗，佢用咗隻好可愛嘅貓貓杯嚟裝，但係佢只係裝咗1/4杯左右（可能都冇）嘅湯俾我😅之後嗰半隻烤雞黎到，我哋呆咗😧佢嗰兩嚿雞仲細過KFC嗰啲雞，然後再加一pat仔薯蓉同少少蘆筍粟米仔就上碟，個汁又唔好食，食完又唔飽，完全唔值咁嘅值錢。（近鏡影可能唔覺佢咁細，實物係真心細。我好鍾意食燒雞，佢真係我食過最迷你嘅烤雞)至於個意粉，係味道正常份量偏細嘅意粉，而個洛神花茶嘅味道就好似加咗花瓣嘅熱水咁🤯 但係我見到其他枱嘅嘢食，例如佢個豬肋骨同薯條，離遠睇個份量好似正常少少🥲 如果大家都真係想試呢間餐廳個人建議千祈唔好嗌佢個燒雞，真係幾啖就食完。環境方面，我哋嗰日由六點鬆啲坐到七點幾，間餐廳長期好似冇開冷氣咁，可能因為佢係開放式廚房又長期打開咗去後樓梯嗰度門，就算唔食嘢淨係坐喺度真係好熱🫠另外佢燈光亦非常之昏暗，如果我為咗影靚靚打卡相黎一定會好失望。當晚我哋兩個都食唔飽，只係想快啲食完快啲走，去第二度食嘢🫠完全唔理解啲好評喺邊度嚟…查看更多

早前喺社交媒體網站上見到有foodie介紹，話叫兩個主菜就可以有任食薯粒，適逢男朋友生日，佢又好鍾意食薯仔，就book咗呢間。book位嘅時候店員好nice，仲俾我揀坐卡位，我話我想到時喺甜品度寫happy birthday, 店員仲話到時前一日會whatsapp我同我confirm。 最後佢當日兩點半whatsapp我問我想寫咩，我亦喺四點回覆返佢。去到當晚，我哋大概6:32到達餐廳，嗰陣餐廳大概六成枱都有人。一坐低冇耐店員已經話因為比較多單所以要等一陣😧咁我哋大概6:40落單，之後就等到7:15度終於黎咗個意粉，再等多一陣個牛扒都黎了。味道方面都唔錯，個人認為薯粒有點咸，不過新鮮整起好夠熱亦好脆。男朋友就話薯粒係好食嘅，反而薯粒refill 的速度又唔算慢。而家睇返其他人嘅食評，見人哋等咗成一個鐘，發現我只係等咗半個幾鐘已經唔算好多😂我哋食到咁上下，店員突然放低咗甜品。我呆咗，因為只係得件蛋糕，冇任何生日裝飾，好明顯係遺漏咗。咁又冇理由咁尷尬叫店員拎入去寫返生日快樂再拎出嚟🥲雖然男朋友唔介意，但我真係有啲失望😢見到店員捧住一個有happy birthday牌、點住蠟燭嘅蛋糕俾隔離枱，感覺真係唔良好😢當晚見到餐廳只有一個廚師同一個店員，佢哋都非常忙碌，有時仲趕到就咁擺低啲野食就趕住去做其他野🥲同埋，如果上甜品前佢問一問，係咪可以上甜品了，而唔係行過嚟擺低就走，我會感覺好少少。可能平日黎冇咁full會好啲嘅會好啲嘅，當日餐廳都貼咗張紙寫full booking，冇得walk in我諗如果佢可以解決人手短缺嘅問題，所有野都會好少少。…查看更多