鴨子的个人专页

食過幾次.先講服務,佢地唔係無禮貌,但係真係好亂,落漏單,上錯菜,再追佢(漏單)就連上兩個同樣既菜...有d waiter做到踢晒腳,但又有d得閒到企係度打牙骹...揮手都睇你唔到果隻.醉雞都算ok,麵食都唔錯,仲有$18一條既干煎小黃魚都幾好.叫左蒜泥白肉(應該係冷盤),上左檯見到好生,有d血水,唔敢食,叫佢換過一碟,再上黎係熱噴煙既白肉...即係dum入微波爐叮熱又上檯...咁仲算冷盤???小籠包第一次食ok,第二次食d皮好硬,唔係好得.仲有一次叫左蟹粉小籠包....天呀,咁都可以叫蟹粉小籠包?唔好講笑喇,放兩粒蟹粉響頂就算?東海果d真係啖啖蟹油架....本雞煲都ok,好似砂鍋雲吞雞咁囉,但冇津白. $88半隻雞鍋,都可以接受.蜜汁火方都唔錯,甜品都ok,但最怪係佢地d汽水,唔係放係雪櫃,而係放係kitchen個玻璃隔離,客人都可以一眼望到,kitchen入面咁熱,真奇怪!我叫左一個可樂,追左3次先上(佢地冷氣麻麻),佢地會倒落個好多冰既杯俾我,仲講明係唔凍既.如果唔係太yim尖,都可以食下既.…查看更多

前日去食,order左d件裝壽司,我order左2件蟹子同2件饅魚,好好味,quality好過元氣,元綠. 紫菜卜卜脆,壽司材料都好新鮮,好味!($14兩件)因為本人唔食生野,見到魚生壽司係會貴d,$20兩件左右.另外仲order左一個雞肉火煱,好味,有d菜,有d雞肉,有d蟹柳咁,四十幾蚊個鍋,都幾多料,味道都ok.仲order左個燉蛋,呢個就麻麻,元氣d燉蛋好食好多.總括黎講,都算唔錯,中價消費可以考慮.…查看更多

最近已結業,請大家留意.…查看更多

今晚同一班朋友去食,一行九人,一心想食海鮮(都睇左呢度食評先去), 有心理準備會好少海鮮種類.去到先知真係好少...得大路既龍蝦,肉蟹,鮑魚仔,蝦.味道係above average既,尤其是鹹蛋黃炒蝦好好味,值得一讚. 龍蝦芝士伊麵都人人讚好. 不過最大問題係服務.一共兩個職員serve我地,但係真係態度好唔pro. 1)我request兩對公筷,佢就拎一對黎,再問佢要多對,佢又拎黎,但問題過一陣就連食完既碟一齊收走,結果又得番一對,又要我再問過.2)我地食完d碟有殼(蝦,蟹之類),佢埋黎收時,係唔出聲撞到我,嚇我一跳,先至拎走.事後朋友話佢都有相同情況,食食下野俾人後面手肘撞一下(我地諗個職員唔係有心,而係粗魯)3)後來第二次換碟(我地仲食緊),佢居然唔係幫我地換,而係遞隻吉碟俾我地,要我地遞污糟碟俾佢,再自己放好乾淨碟(邊有人要客人自己落手落腳換碟架???仲要人地食緊野)唔可以話佢地冇禮貌,但問題係佢地做野好唔pro,真係好少出黎食野會有咁"那西"既職員,好似唔旨在份工咁. 一行人都好不滿,個個都話以後唔會再黎.…查看更多

中午飲茶,d點心好好味,食到lam lam ~ 豬骨湯餃子好好味,一定要試,湯底濃郁, 餃子係白菜餡,本來我唔鍾意白菜餃,但係佢整得好好味,白菜食落去好香,食指大動.其他點心都好好,好有水準.係價錢略貴.…查看更多

最好食係乳豬,脆卜卜,一定要食.叉燒都唔錯,我鍾意食肥叉.其他炒粉麵都唔錯,食得過.…查看更多

係嫁女餅食得落口,其他麵包餅乾都好難食!!!!麵包又軟又硬,完全唔合格!!!!…查看更多

service ok, 坐就坐得逼d,但雙皮奶好好味.…查看更多

鋪頭細,坐得麻麻地舒服,叫左食set lunch, 一陣又話冇呢樣,一陣又話改呢個我mind唔mind,我趕時間,佢地起菜又慢,個chef放左我個飯出黎,d waitress都唔得閒拎俾我,service唔掂,quality都係麻麻. …查看更多

我都唔知有上層,次次叫都係叫我坐下層喎!坐下層真係好逼,僅僅夠一個人行,d人又逼埋黎坐,好似沙甸魚咁.食物質數都唔錯,我唔會叫set lunch,次次都係叫手卷同小食,佢地既手卷貴過元氣好多,平均都係$24-28一個,食得三個(連加一)都一百蚊喇,不過我次次去都係因為想食手卷, 因為公司附近得佢一間.…查看更多

食物: 好味,同其他元氣一樣,冇乜分別.地方: 好細,我次次去都係一個人就易有位,但人多就要等,仲有因為鋪位細,又多檯,大家坐得好"逼".service:麻麻地.…查看更多

lunch hour叫左一個叉燒豬骨湯底拉麵套餐(送一碟日式餃子), 日式叉燒好好味(好過味千,別府果類連鎖店好多), 拉麵先係最正,爽口彈牙,個湯底又非常鮮甜,味千別府相比之下得個鹹字! 仲有個日式餃子本來我都係麻麻地想食,因為食餐日式餃子都係好油,但佢地個餃子香得黎又唔會太油膩,呢間日式拉麵真係我o係香港食過咁多間最有水準既一間! …查看更多

去過食晚飯,真係好鍾意,佢價錢唔貴,食物又好好味,食左炒蟹,咖哩牛腩,菜,炒飯等,好美味,service都好,成日心思思想再返去食. 有機會試下啦!…查看更多

食意粉,蛋糕都okay,不過佢地d 扒就唔係好掂,好un.…查看更多

唔好睇佢d野好似唔貴,上左檯先知非常細碟,好搵笨,因為如果要再叫多個main course先會飽,咁就會好貴,但食一個又點都唔飽....以後都唔會再去.…查看更多