PorterEnjoyEat的个人专页

假期早上出去處理一啲私人野，見時間早就去正記食個早餐。正記早餐係太和黎講算係好食，不過近幾個月有唔少餐廳開，所以其實佢都唔係唯一選擇不過見到佢唔駛等位就入去食，貪佢早餐大大份點左個歐陸早餐 雞扒煎得好酥脆 肉質夠嫩唔會好乾 個方包都好脆 烘得唔錯奶茶就一般質素啦 反正目的都唔係為左杯奶茶我又唔會太介意見到好多評論話依間餐廳服務差 作為街坊既一定知道佢地啲服務係差既 不過早餐同埋午餐算抵食所以都多人幫襯所以唔想受氣既我好多時都買外賣算啦…查看更多

今晚同幾個朋友去食飯 本身想去打冷 但有朋友介紹依間良心小店 話佢既紅棗糕好出色入到去未光申 但侍應姐姐同我講最好Book位 因為好full 之後就見識到坐低佢就介紹幾款野食俾我地 除咗蝦因為朋友無叫 另外兩個都叫左先講總結 樣樣野都好好食 而且服務都好好 佢會問你野食好唔好食 同你傾幾句 令到成個用餐過程都好舒服 價錢唔貴 佢野食既size岩岩好 每樣都可以試吓 好鍾意既一間小店PS：紅棗糕無影到 但真係好好食花雕醉雞：特別想講下花雕雞 因為好香酒味 雞肉好滑 大大碟好足料 食完唔夠喉不過佢賣哂…查看更多

今日同朋友約左去元朗國食Lunch未拎簽證其實有啲驚驚地係元朗廣場附近慢慢行過去去到依一間小店，朋友介紹話依間既麵幾好食同朋友麵好早到所以唔駛點等位，入面唔大 大約15-20人可以坐到啦坐低就唔諗啦即時叫左個撈粗黎試下，聽聞佢雞球係最好食既黎到已經好吸引因為佢個色好靚又光澤，有啲撈粗太乾唔好食 但佢唔會 夠哂濕潤 而且味都好足夠雞球唔會炸到鞋口同埋老 食落去仲有肉汁 好好食望落去好似得好少咁 但食下食下都夠飽啦週末一定要去光顧既小店…查看更多

今日唔想出街食 去左買個外賣返屋企食見到佢啲午餐都唔貴 所以叫左個外賣因為用app既關係 Order完就預時間落去就可以啦去到都仲有啲早 咁我就等左一陣啦咁個app show夠鐘我就問下得未啦門口個四眼佬就唔應我機 咁算啦我就去買啲野再番黎番到見到個餐係度 想拎個餐就問佢係咪我既我係咪拎得 佢望一望我電話個Order No.野都唔講句就擺手示意我拎 咁我以為佢拎起俾我啦 但佢又無拎wor我咪問佢我拎得啦？佢就話：你咪拎囉叫左個鰻魚炒飯 我覺得炒得幾香既 但服務態度真係差 唔會再食啦…查看更多

今日收工約個朋友食晚飯，佢介紹依間餐廳，話又平又好食，咁就同佢去試吓。見到佢個裝修都好靚，一般食擔擔麵既餐廳都會係比較街坊形式既，但佢依間完全唔失禮，放係置地廣場唔會格格不入因為收工比較早既關係，去到都即時有位。留意如果晏少少既話可能要等耐啲，因為我地走既時候都多人啦我叫左個千層豬扒擔擔烏冬，話係招牌。幾有趣既係用烏冬整。本人唔鍾意炸豬扒浸落去個湯度，因為會唔脆。而且個湯底都唔夠甜，花生味都出既，啲肉碎都好食但整體無我想像咁好食埋單都唔夠$100有找，中環黎講算平啦下次未必會再食啦…查看更多

尋日行完街想打下邊爐，屯門市中心抵食之選就一定係牛一啦，初初拎位都見好似無咩人等咁樣，點知行到過去已經多左好多人，無辦法啦咁唯有行住街等位啦大約等左半個鐘就有得食啦，其實都算好快揀左晚市食90分鐘 因為都係快食，揀美國安格斯牛 盛惠$198加一入面汽水任飲，蔬菜丸都係出面自己拎，所有野都有蓋既都算衛生肉都叫見得下人，平食就無咩要求但求飽肚，所以黎咩都係隊哂落去個爐度就算啦其實食一個鐘都飽哂嫁啦 最後食埋個雪糕就走人…查看更多

最近有興趣想試吓生酮，因為可以減肥之餘又可以令個人更加健康。但係香港要搵一間生酮既餐廳真係唔容易。上網搵到依間餐廳，出開中環就同個生酮既朋友去試吓星期六下午Lunch時間去到，人都唔算多，可以即時入座。入到去覺得好靚叫野食係用QR Code點餐 都好方便，而佢地餐牌都寫好哂邊啲食物係生酮既，所以都好方便咁選擇同朋友叫左個Pizza同埋椰菜花飯share，兩個都好好味Chicken Cauliflower Rice：啲汁好香，同啲Cream好夾，椰菜花飯都好爽。不過估唔到係雞槌，用刀叉唔易食到，同埋分量有啲少，食完唔多夠喉Parma Ham Cauliflower Pizza：用椰菜花做Pizza底，不過唔夠脆邊，但好足料，好好食。芝士好香，同埋佢既茄汁唔係cheap野，好香蕃茄味下次有機會再試吓佢個蛋糕，見到好靚不過朋友唔想食就唔食現場都有唔同既生酮麵包買，難得既一間有姿勢有實際既好店…查看更多

今日係屋企懶洋洋唔知食咩好 上網搵下有咩地方去見到有依間Cafe 好多人話環境好靚打卡一流不過因為太懶唔想出去 又見到外賣app原來可以Order 叫左個All Day Breakfast同埋一杯Americano黎試下 如果Ok既下次可以親身去體驗一下All Day Breakfast：都幾豐富，仲有個包無影到，不過都係一般麵包，同埋黎到都唔好食所以最後都無食哂煙肉有啲太鹹，煙三文魚比較少，但整體都唔錯既咖啡就一般，可能因為外賣黎到都出哂水，下次會再去店舖試吓…查看更多

今日無野做周圍行，順便上網搵下有咩靚既Cafe坐下chill下，俾我搵到依間咖啡店，細細間幾舒服佢有窗口bar位可以坐，望住出面輕鐵駛過都好寫意入面有keep住播歌，聽聞係有黑膠唱片機播既，音質特別好叫左個All Day Breakfast同埋個甜品All Day Breakfast唔記得左影相，但係整體還可以，叫左牛，偏乾，煮得太熟叫左窩夫，好好味，外脆內軟，雪糕應該係自製嘅好食叫左個cold brew，好飲 但貴左啲啲人唔算多 可以黎Hea下聽歌睇下書…查看更多

最近無得去旅行 無得番出「鄉下」Shopping 之餘，更加慘係無得去食日本野引起就會想食下拉麵，即刻同女朋友走去食番個霸嗎拉麵，貪佢唔駛排隊又叫做唔錯咁樣一去到就有得坐低 但係俾人話我肥咗 所以最後無食到拉麵，而係散叫左一碗湯底，一碟炒野菜，兩隻溫泉玉子同埋一碟紅燒豚肉，自制左一碗「拉麵」俾自己雖然無食到麵底，但係都可以食到佢個個湯底好濃郁，好香豚骨味。而野菜以芽菜為主，好爽，用黎當「麵」豚肉真係好好食，一碟有四塊，太多食唔哂啦至於玉子正常野 無咩特別總結係一間唔錯既拉麵店用黎解解思「鄉」情…查看更多

星期日放假 同朋友短聚一下想搵個地方飲杯咖啡食個All Day Breakfast，荃灣都有好多唔同選擇 但我鍾愛Beans 因為食過好多次都有讚無彈，食物質素高又唔貴，岩哂一班朋友去食。一行4人，因為我心儀食All Day Breakfast 所以一坐低已經叫定先朋友食一個Pizza加兩個意粉share 我就無特別食就唔影啦Deluxe All Day Breakfast:一睇就知夠哂豐富，食完即刻飽哂黑松露炒蛋好食，好香黑松露既味，但有少少太熟窩夫都好香，好軟身 中間會脆身 幾好食飲品我叫番佢送既咖啡，都係好香豆味整體黎講係一間好唔錯既餐廳去荃灣食Cafe一定首選美中不足係星期日多人要等位同埋入面坐有啲逼會準時叫你埋單走人不過為左食餐好既無所謂啦…查看更多

最近主力去買外賣食比較多 一黎怕人多 二黎怕疫情 今日放假 揀左依間位於工廠大廈既一間Cafe 內裡環境非常好 但我只望一望就走 因為我買外賣外賣左呃Like全日早餐 料又多 賣相又好睇 真係可以用黎呃Like 價錢大眾化 食材好新鮮 而且樣樣食物都好好味 特別係個牛角包 真係好好食 好酥脆 黑松露炒蛋都好正 不過少左DD姐另外叫左杯即磨咖啡 好好飲 不過下次如果奶糖分開會更好 但咖啡好香 下次有機會可以再試多D佢地唔同種類既飲品整體來講環境好大 適合一班人黎聚會 下次再試吓堂食先…查看更多

今日放假同朋友約到去旺角好好食個Lunch傾下計搵左間係旺角M1酒店既一間餐廳唔睇都未必會知道有依間餐廳既存在不過餐廳裝修好靚 好岩一眾文青黎打卡呃Like如果想影多D入面既景 建議可以叫侍應安排坐靠入面一D 會多D佈置會影到依度D野食既名都好得意 各自叫左幾個share先講下All Day Breakfast 非常足料 佢依個價錢絕對係非常抵食 出好多出面餐廳都平 而且多士夠脆 不過有不足就係包無果醬 煙三文魚唔會太腥南瓜帶子意大利飯帶子唔會有急凍味 好爽口 好大粒 而且飯都好入味 份量都好足 正常胃口既人一定食得飽依間餐廳都坐得好舒服 而家周圍未必有太多人 所以唔駛怕會俾人趕走靚景美食 可以係平日好悠閑咁坐一個下午 非常好既一間餐廳…查看更多

今日同朋友難得約出黎食晏大埔可以平食又無咩人既地方無咩 相信薩利亞都係大家兒時既好選擇人流明顯比之前少左 位都唔駛等就有得坐好鍾意佢既午餐因為料多 野食豐富同我朋友一人叫左個午餐蒜蓉牛油漢堡一如以往好冧 又多汁 不過肉味好似無之前咁重 不過蒜蓉味好足 而且鐵板出到黎都好熱 所以食落夠哂熱 雞蛋都煎得好甜 整體都好保得住水準平日無咩選擇時 依度都係一個充滿回憶 又平既好地方 雖然味道對比之前可能有點回落 但係最緊要份量同埋價錢Keep到 性價比一流…查看更多

因為番工就腳 通常番工前都會黎依度食早餐 貪佢多選擇食開茶餐廳都離不開整碗麵 加個炒蛋多士依度早餐好就好在配搭多 可以奶醬多 可以占醬多 我就最愛占醬多 夠哂醬唔會蜻蜓點水奶茶好飲唔會太苦 凍飲想環保又可以唔要飲管個粉都好足料 早餐而家唔駛$40都好抵而且非常夠食 有時食完中午可以食少D都夠頂不過有時番工前人會比較多 可能要等多一陣先有野食 所以如果要去就要預多少少時間 唔係一陣趕頭趕命就唔係咁好啦 食早餐梗係慢慢歎先好嫁啦…查看更多