Mirishoo的个人专页

平時帶小朋友上堂，一定經過駿業街，最近嗰度新開咗間檸檬冰室，啱晒我哋上堂後去醫肚！ 環境都寬敞，2點去到都坐滿咗8、9成，因為價錢合理、食物質素又高，連嘴刁嘅細妹都話想再encore。鮮茄菠蘿焗厚豬扒飯 真係無得輸，厚切豬扒肉質嫩滑、啖啖肉。炒底(飯)粒粒分明唔太乾身，仲有大大片菠蘿同蕃茄。 另外都有點 鮮菌芝士焗海鮮飯，份量都唔少，芝士味香濃。家姐話想食燒鵝髀(好識食呀)，好彩呢間檸檬冰室有燒味部，加咗$20 轉做鵝髀瀨粉，唔多肥膏，點埋酸梅醬一齊食太滋味。絶對係香港經典菜式之一，一定要試！ 細妹又想食雞髀薯角，即叫即炸又炸得香口，外脆內軟。經典黑牛 （朱古力雪糕加可樂）同 白雪公主 (雪呢拿雪糕加雪碧) 每杯都只係需要加$18，所以就咗俾小朋友開心吓，真係超大個杯，大滿足！…查看更多

屋企附近有間隱世cafe，食物水準高，性價比高，我哋一家都成日幫襯。窩夫係我哋必點嘅item，因為有蛋香之餘，仲整得外脆內軟。今次家姐就點咗 蛋沙律窩夫配雜菜沙律，兩球大大嘅蛋沙律同個窩夫都好夾，配埋蕃茄同雜菜沙律，好味又健康！而細妹仍然係口水雞忠粉，所以今次encore 香煎口水雞扒漢堡，另加$20 轉薯條，小朋友至愛。口水雞係辣嘅，雖然細妹係接受到，但唔食得辣嘅朋友仔要注意啦😆 成份漢堡比較大，真係唔可以手揸住食，超足料呢！上次食完慢煮牛意粉，今次就轉吓食 龍蝦濃湯意粉配虎蝦。意粉一樣保持水準，軟硬度適中。個龍蝦湯味超香濃，再配幾隻彈牙虎蝦，好滋味😋見到 日式炸豬排三文治 都好吸引，豬排炸得香脆，但入面都keep到肉質鬆軟。再用竹炭麵包夾埋蕃茄，解油膩又特別喎！大食嘅我哋仲叫咗個小食 手打雞肉蝦餅 😉 之前都想食，因為係Black Coffee自家製出品，將雞肉配彈牙蝦肉，好特別！兩個妹妹最後指定動作，一定要食朱古力控都like嘅 三重朱古力窩夫 做甜品！有朱古力粉、朱古力碎、朱古力雪糕🍦去夾住窩夫🧇一齊食，真係食到lam lam 脷！…查看更多

有時晚飯想斬料加餸，除咗白切雞、豉油雞外，依家我有多個新選擇，就係大熱嘅窯燒雞，真係皮滑肉嫩特別好味，依家觀塘就有外賣店。每隻窯燒雞大約兩斤重，每日新鮮醃製再高溫烤一小時。拎外賣時有錫紙封得密實，再有外賣袋裝住，確保安全。返屋企拆開仲有煙，聞到香噴噴，見到雞皮烤得金黃色，真係好吸引！如果太熱去用手拆嘅話，都有厚手套墊住。我同屋企人最鍾意食雞，見到整隻窯燒雞就話要親自撕。雞肉真係多汁又超級嫩滑，雞肉同雞骨一撕就拆到。…查看更多

同朋友去咗响觀塘(地鐵站行過去8分鐘左右)嘅森.湯咖喱，有吉列豬扒同多款湯咖喱、烏龍麵選擇，係我哋好喜歡嘅食堂😜我地各自點咗一碗 香煎大蝦 同 香煎帶子 咖哩湯烏龍麵，咖喱濃度夠而且唔太辣，大蝦同帶子都先煎香再放上麵上面，有紫菜同粟米做配茶，真係可以清晒成碗！見到有串燒set 而且係日本 岩手縣雞，即刻點返個 燒之鳥 串燒套餐，價錢只係$100就有6串👍🏻 我哋揀咗個set有雞翼、雞軟骨、雞肉、翠肉瓜、雞髀菇、秋葵，另外一set就比較多內臟。雞肉肉質嫩滑又低脂肪，但燒完就香口唔油膩！為食嘅我哋另外加左兩個小食，芝士年糕係外面炸香嘅皮包住溶化咗嘅芝士加煙煙韌韌嘅年糕，而 魷魚卷 就好似獅子狗卷包住條魷魚鬚，兩款都好味😋最後仲叫個 伯爵茶味刨冰 share，香濃嘅伯爵茶醬汁淋上綿綿嘅刨冰上🍧，上面有兩粒小丸子🍡，而裡面都有寶藏…有一粒粒細小嘅煙靭麻糬而且仲有開心果碎！天氣太熱啦，食完涼浸浸，感覺好爽😄…查看更多

呢間打卡一流嘅餐廳 就响灣仔地鐵站附近，一入去就係條長長、鋼琴琴鍵嘅樓梯，已經忍唔住影影影🤭 入到去整間餐廳都係以黑白手繪圖畫做設計，而且仲係pet friendly添！我哋點咗兩個前菜，酥皮焗田螺 同 自家制墨西哥焗脆薄片Nachos 作為開胃小食。有酥皮包住田螺焗，一口size又超香脆！而nachos，有層厚厚嘅芝士鋪上面焗，佢當薯片咁食。我就狂點牛油果同cream cheese醬，正！另外嘅main course我地都top up咗沙律、餐湯加drink嘅set，好豐富！西班牙紅花海鮮意大利飯 份量超大，有鮮蝦同帶子，risotto 汁夠creamy。 紐西蘭西冷牛扒 我只係叫咗medium rare，因為家姐細妹都想share，肉質夠tender，火喉控制得幾好，肉汁都鎖住响入面。小朋友嘅重點就梗係甜品，兩個異口同聲都話要食waffle同雪糕。見到餐牌有新甜品，就試吓港式style嘅 奶茶味麻糬waffles ！旁邊有奶茶味雪糕，而窩夫上面鋪滿咗奶茶味麻糬，嘩，好有質感呀！配埋充滿蛋香嘅原味waffle，食得好滿足！打卡又點會無杯drink？呢杯 Signature drink - Rose Tea超有feel，淡淡嘅玫瑰味茶，解渴之選！ Popcorn latte 都趣味性高，見到popcorn已經搶住食。一層奶一層咖啡一層foam，真係飲出層次…查看更多

繼續放暑假mode飲飲食食relax吓！我哋成家去咗 炑八 食韓燒，可以滿足我哋嘅食慾之餘，又可以滿足小朋友 想玩 波波池 嘅願望，一舉兩得！我哋大人一邊燒、一邊睇住玻璃房裡面嘅小朋友玩，舒服!  要重點介紹個 菠蘿豬肋肉拼牛肋條，兩款肉件醃好就放响空心菠蘿入面，肉件好𣺉入味，食完仲可以叫員工切左個菠蘿燒嚟食，好正！另外都燒咗個 外裙肉，薄切好快熟，入口即溶，我又鍾意用生菜包嚟食，減低油膩感~除咗點牛、豬肉之外，我專登叫咗個兒童餐，造型超可愛，係 “爸爸享愛啤酒造型飯團 “ 用咗小朋友愛吃嘅芝士、火腿嚟整，食得特別開心~想講碟 辣炒泡菜豬肉 好惹味，每件豬肉都有少少煙煙韌韌嘅肥膏夾住，口感好好!食燒肉一定要order杯冰凍果茶! 今次就飲 士多啤梨果茶 同 手打鮮橙茶，下次可以再encore~細妹玩完 又話要食甜品，最後佢同家姐幾分鐘就KO咗個 棉花糖朱古力迷你pancake :) …查看更多

放工經過觀塘又想食韓國嘢，我通常都會去呢間 Chimac 買外賣返屋企食，呢間係一間性價比好高嘅餐廳，價錢非常之相宜又好食，準備外賣速度都十分快。今次點咗個 蔥蒜醬油無骨雞腿肉 6件無骨嘅套餐，包咗薯條、酸蘿蔔同兩罐飲品，超抵食，只係$59！每件雞都炸得非常之Juicy，外皮又唔多炸粉，咬落去啖啖肉！呢個蒜香味醬油點可以點綴落乾身嘅雞皮度，食落唔會有油膩感。薯條雖然份量唔係好多，但佢係厚切嘅，而且攞到返屋企都唔會淋晒除咗炸雞，通常都會嗌多個 韓式泡菜蛋蓋炒飯，兩個人食就啱啱好. 呢個飯用Kimchi炒，好惹味但係又唔太辣，係會越食越想食.   仲要有埋淨泡菜同埋瓜條做配菜，上面仲有一層滑滑嘅炒蛋，只需要$47真係好抵！呢間舖頭行返去APM都只需要5-7分鐘，一啲都唔遠、地店方便！…查看更多

今日帶細妹食好嘢，有waffle 食嘅Black Coffee真心推介😋因為一路都想食Waffle Burger，細妹成日經開都話要食waffle with chocolate ice cream，一於嚟個大解放🧇！小食 水牛城雞翼🐥 又無想像中咁辣，細妹自己差唔多KO咗成碟，因為香口又滋味嘛。另外點咗個 慢煮牛面肉配蒜蓉炒意粉🍝 俾細妹，平時長期都揀飲擇食嘅佢，都話牛肉超腍、可以食好多(唔通屋企都要買個慢煮機😏) 分開上嘅意粉炒得好乾身，啖啖都食到好香嘅牛油蒜蓉味，加埋牛肉汁又另一種層次😉而我嘅waffle burger都超出色呀！香煎口水雞扒 肉身嫩外皮煎得香，個汁感覺越食越辣，但可以接受👌🏻 用窩夫去代替普通漢堡包，味道似雞蛋仔，中和返雞扒個汁，難怪咁大份我自己都食得晒😝 最後一定要有個甜品做總結！呢個 三重朱古力窩夫配朱古力雪糕 係會搶嚟食😜 一件件嘅窩夫裡面有暖暖嘅香濃朱古力醬，就好似心太軟嘅感覺，而且加上cream、朱古力碎，真係好邪惡但又會食唔停。雖然只有兩位店員，但煮食物、沖嘢飲都好高質！你睇吓我杯 榛子鮮奶咖啡 同 細妹杯 鮮奶朱古力 都拉晒花，好有心機仲好好味🤤 值得再encore👏🏻…查看更多

上星期搵咗間有情調嘅餐廳慢慢enjoy dinner傾吓計。太子酒店SAVVY係响海港城3樓，上網睇係超過8000平方呎，裝修時尚得嚟，佢又有酒吧又有餐廳。睇餐牌後最後都決定點二人套餐，因為可以試吓印度菜式之餘，仲有小食、餐湯、主菜等，真係超豐富，價錢一啲都唔貴，我哋慢慢享受咗三個鐘。小食就有素肉餃、蟹肉餅，加素菜湯，先開開胃口。素菜拼盤上碟時溫度keep住熱，我特別喜愛個印度薄餅，真係好鬆軟; 拼盤仲有豆腐、各式香料炒豆、奶酪同咖哩，香料味道好傳統，亦可配印度飯中和一下，感受到異國情調。食到呢度已經飽左一半，但主菜三文魚煎得好香，外脆得嚟肉質好juicy! 大啡菇鋪上芝士焗，蒜蓉菜心都炒得好香，中西菜式夾住食。再講多次，二人套餐都只係$798，仲有咁多嘢食，環境舒適，真係超抵！最後都忍唔住點多兩個甜品，藍莓芝士蛋糕、咖啡豆蛋糕(少許alcohol），精緻亦不太甜，為整頓晚餐劃上完美句號。…查看更多

前幾日去咗 Banchan and Cook度，好鍾意個環境，坐得舒服、又有好多花花佈置，打卡一流！仲有水果味嘅水，好健康好想食年糕，咁就點個巴馬火腿卡邦尼年糕。個汁好濃仲有cheese，而且年糕形狀係長條好特別。份量好啱我哋，小食size之後可以再食其他。好鍾意帶子，所以order 甘筍汁帶子鮮蝦蛋包飯。個甘筍汁有surprise，味道似龍蝦汁味，所以好襯帶子同蝦。我通常晚飯都好少食澱粉質，所以叫個 燒醬油黑毛豬白切肉配大醬生菜！我最鍾意就係加埋粒粒生蒜粒同韓式辣醬，包住片肥瘦分明嘅黑毛豬入生菜、紫蘇葉一齊食，好正！見到有cheese cake，春日小甘筍芝士蛋糕 好得意，仲有小甘筍放上面做裝飾，餅底係carrot cake，好fresh。呢個嚐味套餐都幾抵，有小食、主食、甜品、兩杯野飲，杯桃香味乳酸梳打、同伯爵茶鮮奶咖啡都好飲！…查看更多

新年新開始，2024年第一日返工就去食餐好嘅！去咗充滿法國風嘅Eiffel Bistro食lunch，環境優雅。同事同我都點咗set Lunch，已包前菜、主食同飲品。見到沙律都幾特別，有雞心豆、橄欖同燈籠椒，食落好開胃。另外嘅忌廉香草意大利青瓜餐湯都好清新，仲可以用嚟配法包食。主食其實每款都好吸引，但我哋兩個都鍾情於牛扒，所以忍唔住都係叫頂級牛腹扒🤭 主廚完美控制到我哋點嘅medium rare要求，一睇顏色就知道perfect，外面煎得香而內裡肉質稔！薯條分量一啲都唔少，好彩有沙律菜🥗中和返🫢本來想叫埋蛋白檸檬撻，但今次太飽啦，都係留返下次再encore☺️ …查看更多

同喜歡韓劇嘅朋友聚餐，當然揀咗食燒肉，感受吓劇中主角暢快咁食食食😏 之前食過响德福嘅 濟洲燒肉，啲牛豬雞肉都超級入味、肉質鮮嫩，所以一定要再encore! 位於food court入口，店內坐位寬敞，食得好舒服。前菜都有幾款，可以任添。粟米芝士同泡菜蛋都係一樣，好味。大牛骨 係重頭戲，唔好以為係普通一口牛，上碟時已經好整齊切咗粒狀，同埋四面都略煎過。燒嘅時間都唔使好耐，可以做到鎖住肉汁而出面香口，醃製得好好味！食堂黑毛豬五花肉 每塊都厚切而且肥瘦分布平均，燒完後有煙煙韌韌嘅感覺！食堂蘋果醬油雞腿 呢碟雞肉真係大人小朋友都好啱食，醃肉嘅汁酸酸甜甜，好特別又開胃🤤朋友嘅 荔枝梳打 同我杯 濟洲特飲 都有好清新嘅水果味，而且中和吓食燒肉嘅飽肚感，一定要點！朱古力棉花糖 最後食返個甜品，成日都想食燒棉花糖。今次唔係夾麵包食，而係用朱古力消化餅夾住，好邪惡呀😜溶咗嘅棉花糖同餅乾一齊食，究竟係用嚟消化定增肥😂…查看更多

PHI coffee 終於喺近屋企嘅MegaBox度開咗店啦！因為之前都係去開太古嗰間，依家咁近真係可以成日帶小朋友去食pancake。呢間新店都唔例外，橫裝一樣好靚，但就到聖誕亦特別多咗好多聖誕裝飾。細妹一入到去就要同熊啤啤影相。我哋坐嘅卡位有一隻大嘅熊啤啤陪食，枱面亦都有啡色小熊🐻 小朋友真係會食得特別開心！而家呢一期係做緊聖誕期間限定，有小熊cross over 龍蝦嘅聖誕menu。我哋都提早食個聖誕大餐，點咗一個 紅噹噹龍蝦意大利飯，一上碟已經聞到香濃嘅龍蝦汁，risotto 質感一啲都唔硬，龍蝦肉滿滿的fill up每啖creamy意大利飯。另外order個 深海中的龍蝦潛艇，個熱狗包外脆內軟，一樣有滿滿嘅龍蝦肉做filling。沙律菜特別鮮甜，而且酸酸甜甜嘅汁令到食慾大增。食完main course，細妹最期待嘅pancake終於嚟啦。呢個期間限定 聖誕老人疏乎厘pancake超鬆軟又fluffy，上面有芝士奶蓋配合，又有cream同白朱古力同士多啤梨碎，加上每啖疏乎厘蛋香濃，我同細妹爭住食😆襯返個環境，飲咗一杯 小熊的朱古力泡泡浴，好cute呀！幾隻小熊好似真係喺度浸緊bubble bath🛁 而我都將減肥嘅使命擺埋一邊，飲咗個 Tiramisu coffee💕 大家都好唔捨得離開靚靚嘅Cafe，一定要再嚟！…查看更多

就到聖誕又可以同朋友仔gathering食吓玩吓，第一時間就諗起有得玩又有得食燒肉嘅 親子餐廳！再嚟炑八食韓烤，大人就舒舒服服慢慢燒🥩，又可以望住playroom睇住小朋友放電，依家 觀塘 分店重開波波池，細妹同朋友玩得好盡興！小朋友除咗有得玩，仲有 聖誕主題兒童餐 應吓節。Ho!Ho!Ho! 聖誕老人🎅🏻飯團便當 真係好可愛呀，色彩繽紛。仲有另一款 聖誕小跑車 都係小朋友鍾意嘅炸雞翼、飯團🍙同魚糕串😋大人都要食好嘢，點咗個 人蔘雞湯 暖吓胃先。再order 塊靚嘅 韓牛前胸肉，雪花平均分布，肉質嫩肉脂香。而每次都會叫 牛小排，一碟有3種韓式秘製醬汁味道，用生菜包住食最滋味！另外燒到兩面都脆卜卜嘅 香烤豬五花，同香甜梨汁醃製嘅 梨汁雞腿肉 都好吸引！為咗小朋友開心，仲專登點咗 Kitkat 做主題嘅 朱古力趣脆窩夫，同埋Kitkat 朱古力忌廉沙冰，兩款都有KitKat朱古力條做配搭。如果想飲fresh啲嘅，都可以試吓士多啤梨奶昔。依家聖誕月份，就梗係要order一杯 聖誕薑餅人棉花糖朱古力 啦！晚飯其間我哋仲做咗個聖誕裝飾手工workshop，免費嘅👏🏻問開店員，原來聖誕節期間(23-26號)仲有聖誕老人出巡、表演魔術、派禮物，仲有薑餅人曲奇DIY！…查看更多

鍾意食牛嘅你千祈唔好錯過！搵到 觀塘 隱世美食💕尋日响成業街搵嘢食，見到有間新開食漢堡扒同日式丼嘅餐廳好吸引🤩食完真心覺得食物真係好高質呀，所以想推介吓，啱晒 觀塘友 同响附近返工嘅朋友仔。我同家姐分別點咗 手打和牛漢堡蘭王蛋丼飯 同 芝士安格斯漢堡蘭王蛋丼飯，最signature 嘅當然好味😋 第一眼就已經見到 橙黃橙紅色嘅 蘭王蛋 放咗响上面超吸睛🤩，味甘甜之餘用嚟撈飯簡直係一流！另外吸引點當然係手打澳洲和牛 嘅 漢堡扒，啖啖和牛油脂香充滿喺口腔裡面，配埋粒粒飽滿嘅日本米飯，絶配👍🏻 家姐點嘅 安格斯漢堡扒 入邊有夾心芝士，為漢堡扒增添不少色彩！另外隻醬汁係廚師特別秘製，好鍾意個 白味噌汁，佢係有日式醬汁味，但係加入忌廉嘅質感，咁特別一定要試👏🏻 最後如果你唔知揀邊一款配菜嘅話，就要試吓個 芥辣酸瓜！佢將芥辣加入酸瓜蓉之後，中和左個酸辣味，反而變得香甜、愈食愈開胃！…查看更多