tszyan10852的个人专页

喺app叫外賣3人餐，揀咗香煎蠔仔蛋、沙嗲金菇粉絲肥牛煲、及金銀蛋浸時蔬，跟三碗湯三個白飯$196。金菇肥牛粉絲煲，一塊完整肥牛都冇，圖中嗰塊肥牛碎已經係成兜最大塊，簡單啲講就係食咗一兜芡金銀蛋浸時蔬就正常，粒鹹蛋黃幾香口，係啲菜污糟咗少少，有唔少黑色一點點黐住。香煎蠔仔蛋都中規中矩，煎得夠乾身，啲蠔仔就冇乜味同埋都係偏少。仲有就係... 有一碗湯冇關實個蓋，一拎起成個蓋打開咗，再個袋底濕晒。…查看更多

話說間店開11:00，我同細佬搭正11:00就行入間舖，個後生女職員就黑晒面唔理我地，然後慢慢走去開燈再問我地有無訂枱，仲補多句下次11:00我好入黎，但明明我地入舖果陣就係11:00，不如你瞓醒先好開工啦，一係唔想人入就lock咗對門。我之前寫過一篇食評讚不絕口，不過咁嘅服務質素一定無下次，一間好嘅餐廳就咁衰咗喺員工身上，今次食物質素係維持到水準，不過幾好食都唔會再黎。老實講，一個侍應出得萬幾蚊糧，多嘅二萬幾，其實我唔會期望有咩好嘅服務，但我唔會接受無禮貌嘅服務👋🏻…查看更多

之前已經食過3間分店都做得好好，不過始終佢而家越開越多分店都會有啲擔心一入去坐底，服務員就主動介紹餐牌，原來而家多左啲set，跟埋湯同烏冬，$318/set，食到飽一飽。每舊壽司都好好食，連個卷物都做得好好，甚至好過唔少阿媽家姐，特別鍾意由赤身食到中拖再食大拖，感受果種變化烏冬都好滑好彈牙，美中不足係碗麵豉湯，之後飲咗幾次都飲唔番第一次咁重魚味另外提一提服務員都幾好，成日都好快好主動幫手加茶同收碟…查看更多

店舖位置有點偏，星期六晚去食都係得幾枱客，但啲食物真係唔錯，希望可以頂得住盅入面係牛，唔記得菜式名🤫，港女打卡一流，啲蝦片脆卜卜，不過冇乜蝦味，啲牛醃料幾好味，不過啲牛碎濕濕咁，口感差少少。斑斕撞奶好好飲，斑斕味唔會太搶，味道好夾。豬肉鬆法包，穩穩陣陣味道唔錯zdw燒魚有驚喜，平時通常食泰式燒魚，原來越南製法咁唔同，夾好多香料同埋會比較濕身，味道同質感都幾好，啖啖肉見到隔離枱食，我地又叫個黎試下，朋友話平時數量有限，賣晒就無，啲蜆肉大大粒脹卜卜。斑蘭布丁，個樣都幾嚇人好重斑蘭味，不過個質地比預期實少少，唔係好似平時食開嘅日式布甸或者芒果布甸嘅質地。…查看更多

雖然被隔離枱兩個跑來跑去嘅小朋友嘈住晒，呢到嘅食物質素可以令到我開心仔🤭叫左兩款意大利飯主食，油鴨比外脆內嫩，安格斯牛牛都幾有牛味同埋幾滑，兩個飯唔同調味，但係都唔錯唔會太鹹太heavy。咖啡就正正常常啦，無乜特別，不過有唔同款不過有唔同種類嘅咖啡Cocktail可以試下，朋友叫咗杯Orange Expresso Tonic話幾好飲。另外叫左個炸魚仔，啲粉夠薄又脆脆地，個芥末醬都溝得幾好，最後食多個髒髒提拉米蘇，完滿🥰…查看更多

$298/12件壽司的lunch set，全部都好好，特別推薦： - 海膽一食就知日本貨 - 赤身好軟身好濃味 - 隻蝦都好爽口好重蝦味$218/10件，性價比無$298咁高，同埋有少少失望嘅係隻鮮北寄貝唔太爽口同無乜味，不過整體都唔錯😋另外仲加左個promotion option，$65有赤身+中拖+大拖，都係赤身最驚喜，中拖有少少油得黎亦都有魚味，反而大拖最普通。環境都幾舒服同乾淨，服務不過不失，服務員都會主動收拾同加茶👍🏻…查看更多

見呢間野好多訪問同報導就去試下, 一食之下完全感受唔到有擺心機落去做, 我叫左個三餸, 除左豬腸唔錯之外, 其他野都好一般, 個湯偏淡, 雖然用左真豬紅, 可惜忟得唔夠, 入口只係有陣微微血水味另外叫佢個芥蘭苗, 但係黎左芥蘭苗個媽媽, 又老又多渣, 仲要未熟晒....味道一般都唔係問題... 最大問題係間野聲稱做街坊生意, 但係價錢一啲都唔街坊, 呢個價錢... 我情願食附近嘅文記, 任你點, 或者再行遠啲去太子有兩間都好食過佢...…查看更多

食過好多次沙嗲牛麵, 除左有一次煮濃左, 每次都好好味, 味道調得好, 啲牛又唔會乸到淋晒🤤 奶油豬外脆內軟, 炒蛋都好食~不過最近個公仔麵底轉左, 無咁好食, 希望老闆會見到呢個post可以入返之前果隻麵🥺餐廳環境都唔錯, 見到有人話入面好嘈, 我又唔多覺, 裝修都唔錯, 不過啲櫈成日都有麵包碎, 希望可以清理得密啲。順帶一提, 入面取消左wechat付款同埋播緊ViuTV, 更加令呢間餐廳變左做我嘅first choice😘…查看更多

早幾日去左食早餐 10:45到 啲員工個個仲hea緊 叫幾次先有人落單叫左一個A餐一個C餐 等左15分鐘A餐個通粉都未黎 追佢果陣話漏左單 個老闆娘仲講到係我地問題先漏單 明明我就講得好清楚 如果講漏左個餐你地又點會上到件多士比我呀之後就話無晒通粉 叫我轉其他 其實其他野我都唔岩食 焗住轉左個米粉 米粉黎左之後我食到左幾啖 佢走黎加返$1落張單 原來米粉貴一蚊因為佢漏單我先要焗住轉米粉 竟然走黎加返我錢 仲要轉果陣唔講 我食食下先走黎加 其實錢唔係問題 但係而家佢好似呃我錢咁 如果唔係我朋友叫我算 我真係同佢嘈講返啲野食 我朋友個麵同埋我個米粉都完全無味 粉還粉 湯還湯咁 真係勁垃圾 難食到我食左唔夠一半就食唔落 而且價錢絕對唔算平都唔知點解可以咁多正評…查看更多

真心唔明點解會有咁多正評首先講服務 好差 啲staff個個西口西面 有個唔知係經理定老闆嘅男人西到爆 其他staff都唔係好 成日叫佢地都聽唔到 環境已經唔大 條走廊好迫 咁都可以聽唔到 得個幫手蒸野嘅staff態度OK野食就正常嘅 性價比唔高 叫左最平果個$398餐海沙白: 好細粒花蛤皇: 正常 有少少鮮味生蠔: 無味 仲有兩隻有好多沙元貝: 唔錯 有鮮味龍蝦: 唔錯 有膏有蝦味花蟹: 又係無乜味 仲有少少阿摩尼亞味...墨丸: 好味 又彈牙又有墨魚味上次去左間喺附近嘅 性價比高好多 服務好好 仲有啲野食可以任叫 相比之下 呢間真係可一不可再…查看更多