vivien opium的个人专页

不想胡亂盲撐黃店，本人食過和記某啲食品係唔錯，介紹一下:蒸餾咖啡 - 唔錯，好飲過好多餐廳 & Starbucks (Starbucks black coffee、americano 差到1個點)炸魚薯條 - 下午茶餐可以揀炸魚配薯條，個炸魚比到我驚喜，通常間間茶餐廳都有炸魚薯條，質素無論吉列豬吉列魚吉列甚麼都一樣hea & 乾，但和記個吉列魚唔hea，真係有魚味，自己嚟試，試咗就知；海鮮胡椒粉絲湯飯 - 真係signature，可以叫佢走飯多粉絲，堅正；因為要喺茶餐廳落手落腳剝蝦殼蟹殼，非繁忙時間食呢個就好啲；豉椒排骨煎米粉 - 呢個都好食，但記得叫佢少汁，否則啲汁浸淋啲米粉，同埋米粉要煎脆啲(唔脆不如食返炒米粉，對嗎？)；另外我試過吉列豬排、焗豬排飯，啲豬排就一般囉。另外要讚呢間和記餐廳食完唔口乾👍🏾完。…查看更多

個人認為對burger有要求的話就要去餐廳食，連埋飲品、加一，百幾蚊一定要，都唔捨得成日食。第1次幫襯，原來所有burger只要加$10就變set，有薯條、飲品，例如我揀咗cheese digger $73，轉set先係$83，唔駛加1服務費，如果有質素就真係平到笑！我再加$10將普通薯條轉芝士薯條，埋單共$93。鋪頭嘅音樂揀得好，風格同鋪頭襯到絕，等食物時，聽住音樂、聽到open kitchen 煎漢堡扒嘅“自子”聲、聞到煎炸香味，呢個moment好正，令人更期待，咩疫情、市道低迷嘅沉重心情都暫時唔記得，好療癒。之前試過burgeroom嘅魚包加蛋，果舊蛋實的的又老又硬，火都嚟，2 ediots呢塊蛋好得多！如果生少少更好！漢堡扒最想讚，夠fresh 、鬆軟，homemade 嘅味道係平價連鎖店嘅工廠式生產2%牛肉98%化學添加劑的急凍貨式做唔到。薯條ok，但芝士醬較淡味，煙肉碎唔多，下次會食返普通薯條。飲品揀咗black coffee，非常普通，不要有期望。好想好想再去，個burger好鬼正。…查看更多

多款飯/麵都想試，我揀喇沙帶子雞球湯麵。強調我係未食過喇沙，唔知好食嘅喇沙係點，只能用個人口味去評分:帶子好似手指頭咁大，上桌時僅僅熟，幾好；雞球嘅肉好滑，無乜調味，淡淡地，我鍾意；落單時忘記問係咩麵，or有咩粉麵可揀，嚟到先知係油麵(我唔鍾意食油麵☹)大家落單時記得揀要咩粉麵；最想讚個喇沙湯，唔係hea湯，湯加埋配菜係成個麵嘅靈魂: 紅辣椒、芫茜、芽菜、䓤、青檸，全部要晒，味道先完整，令整體味道畫龍點睛，下次落單要講多配菜。食完個麵到此刻相隔2個鐘，都無口渴，唔錯；小食揀咗蝦多士，跟餐$25，都好的骰吓，味道ok ，建議餐廳配埋蛋黃醬會無咁單調；蝦多士係懷舊小食，唔係度度有，價錢合理的話，香港人應該支持吓，否則越嚟越少食店做呢啲懷舊小食㗎啦。一碗喇沙 + 蝦多士 + 餐茶 = $83…查看更多

開咗咁耐，而加先第1次食。喺餐廳食burger，仲要灣仔，不輪檔仔還是正式餐廳，有埋薯條飲品，百幾蚊走唔甩。Jollibee呢個價錢滿足我食burger+薯條+炸雞嘅癮食到我好開心，質素當然不能同百幾蚊果啲比，但我覺得唔差喎。個包我試雙層牛肉，好軟熟，鬆鬆軟軟，單叫$25，配埋餐先30幾蚊，呢個價錢呢個質素我唔上嚟讚吓佢過意唔去；好過死人麥當勞啲死人包好似比人踩咗腳咁扁晒。jollibee 嘅包的的骰骰，仲好，我可以試埋炸雞。炸雞我無點個醬，我覺得唔夾，而且唔點醬都好食，都juicy，軟滑。薯條係幼切，夠脆，不太多鹽，可惜唔係原切薯條。都係果句，呢個價錢，ok！burger set 轉black coffee $36單點1件炸雞 $17…查看更多

旺角、尖沙咀、佐敦都試過好幾間土耳其小店，食完都唔係好有印象，唔係特別好食/甚至唔好食，但呢間真係我地由頭食到尾，每一道菜都好食而且食完無口渴（食過某啲土耳其餐廳，食到好鬼口渴）土耳其啤酒淡淡地，都ok；homemade 乳酪係咸嘅，咬到粒粒乳酪碎，好飲。以現今嘅物價，我地2個人坐得咁舒服、咁嘅食物質素、食咁多嘢先係$700，我覺得抵食，希望呢間餐廳努力加油，捱過疫情，比更多香港人食到有質素嘅土耳其菜。…查看更多