JohnLI3716的个人专页

下午茶一於喺位於荃灣近路德圍叫台蔡滷肉飯，呢間嘢專門食台灣嘢我一坐低環境幾好裝修唔錯，我老婆即刻就叫咗個芝麻雞湯配滷肉飯，我自己就叫左一個麻辣滷肉飯，小食就叫咗一個甜不辣，加一杯白桃茶，味道唔錯可以再試多次。…查看更多

Lunch食乜好一於就位喺牛頭角嘅超人燒鵝嗰度買咗盒三餸飯，去到都多人排隊因為中午時段，即刻叫咗個扇貝蝦仁蛋同埋蜜糖豬扒三餸飯，$42雖然唔包嘢飲但係都抵到爛，啲餸多到你淨係食餸都飽肚，覺得呢間三餸飯係高質既我會再食多幾次試吓其他嘅餸！其實嗰度唔單止淨係食餸，講明超人燒鵝梗係有燒味嗰啲啦我又一日食咗佢嘅叉燒排骨飯都可以，雖然post到相但係我都可以覺得值得一提，嗰度好多人如果想去試吓就要趁早排隊！…查看更多

今日lunch喺位於荃灣綠楊坊嘅元氣嗰度食壽司，一坐低就叫咗10幾款壽司total食咗三百幾蚊，質素OK嘅唔係算差，中規中矩嘅日本壽司，食食吓唔講以為去咗日本添。…查看更多

晚餐一於喺位於新蒲崗呢一間食馬拉菜，一坐低就即刻叫咗個喇沙河粉配豬頸肉、同埋嗌咗個豬頸肉飯、之後叫咗一串燒雞肉同埋燒牛柳粒，價錢181味道中規中矩，食完之後不過不失。…查看更多

一於就去位於荃灣嘅老爺鮑魚雞煲嗰度食個晚餐，一坐低就叫咗個麻辣雞煲仲要係大辣，之後叫咗冬瓜、毛肚、羊肉片、肥牛同埋鯇魚片，而嘢飲就叫咗珍珠奶、茶鳳梨茉莉、青島、嘉士伯、可樂。感覺全部都一般食個氣氛。…查看更多

早餐食乜好一於就係位於荃灣近地鐵站嘅吉野家嗰度食咗個平價日本嘢做早餐啦，即刻叫咗一個牛肉丼加溫泉蛋，另外仲叫咗一碟牛肉添，之後加杯凍檸茶走甜，份量啱啱好食完之後唔講以為自己去咗日本。…查看更多

今晚晚餐係位於竹園商場嘅半島冰室嗰度食，一坐低想即刻叫咗3個菜，分別係帶子炒蛋，枝竹牛腩煲，海鮮豆腐煲，我哋三個人食每人一個菜份量啱啱好，覺得整體係好食嘅，我會再返嚟食！…查看更多

今日下午茶係位於荃灣嘅荃灣中心，店名叫做米癡線係專門食米線嘅一間店舖，一坐低就即刻嗌咗個麻辣米線咁我叫餸就係雞肉、蟹柳、同埋滷水豬軟骨，同埋叫咗佢個四川雞翼、蒜泥白肉，同埋加咗杯凍奶茶，價錢唔貴都係$90鍾意食米線嘅你又行開荃灣嗰邊可以去試吓good…查看更多

今日lunch係位於荃灣嘅地鐵站附近昌安大廈既雲川風嗰度食咗米線同雞翼,一坐低就叫咗碗麻辣酸辣小辣嘅米線加咗牛展同埋雞片，另外一碗要咗蟲草花湯底嘅米線呢碗就加咗豬頸肉，另外小食就要咗一份大嘅四川雞翼。感覺可以一試。…查看更多

今日放lunch去咗海怡半島商場入面嘅牛奶冰室嗰度食，喺門口等咗5分鐘之後一坐低諗都唔諗就即刻叫咗佢嗰個叉蛋飯，隨即叫埋跟餐嘅凍檸茶，我覺得個蛋好正叉燒都唔錯下次放lunch可以再翻兜。…查看更多

其實晚餐諗住開開心心同屋企人去食位於黃大仙竹園商場謝金大班，其實我同我屋企人一直都覺得間餐廳係OK，因為之前一向去呢度食都正正常常，但係有一段時間冇去食之後就。今日係我出面食咗20幾年最嬲嘅一次，我同我家人一坐低有一個阿姐服務態度十分惡劣，吹我哋落單都算，唔小心講錯菜單個名就喺度發脾氣同鬧人其實係人都知嗰個菜單我哋想要啲乜我哋道埋歉佢都好似俾人佔咗上風咁。之後食完酸菜魚、梅窩肉、炒雞絲飯、啫啫雞，唔知佢係唔係轉左廚房定比其他人接手，完全係適合想患上三高嘅人去食，要雞無雞味，要魚無魚味，要豬肉又冇豬肉味都唔緊要，最嬲果下係上嗰盆酸菜魚上嚟嗰陣時，酸菜魚D湯係好熱咋嘛，我知佢係唔小心上得快得滯搞到啲湯倒左出嚟重要倒到我嘅大髀度，佢之後擰轉身就走咗去扮晒嘢乜都睇唔到仲要一句對唔住都冇，算啦我睇開D今日我係黑仔，下次真係倒貼都唔會再去呢間街邊檔都不如嘅餐廳食。…查看更多

今日下午茶係位於荃灣嘅新之城入面食咗個譚仔三哥，肥牛鹿茸菇米線:肥牛：鹿封菇：竹笙:砂砂湯底：10小辣：少米線自選米線：：魚片,雞肉;番茄湯底：4小辣：少米線蒜泥白肉(細）奶蓋芒果爽椰香金露;冰凍奶茶：走甜，少冰食完都係覺得荃灣嘅譚仔三哥係好食啲，同埋我哋食呢個時間冇乜人都唔使排隊。…查看更多

Dinner喺位於灣仔廈門街嘅蘇棧度食呢一間係專門食泰國嘢，咁我哋一坐低原本係細枱嘅之後大枱有位就即刻幫我哋轉過去坐，服務態度都非常好，咁我哋一坐低就即刻叫咗佢出名既燒豬頸肉、柚子蝦沙律、炒雞肉金邊粉、青咖喱牛肉、水蜜桃牛奶同埋泰式奶茶，食完覺得間嘢既水平係算優質，我覺得個豬頸肉配備嘅自家製醬汁係一流，豬頸肉燒得外脆內軟，而青咖喱牛肉配薄餅食感覺十分地道，同埋最值得一提係雞肉炒金邊粉，食落唔油口感好香，加埋嗰兩杯嘢飲簡直係享受，唔講以為自己喺泰國食緊嘢。大力推薦🫡…查看更多

今日lunch梗係喺位於荃灣嘅綠楊坊商場2樓嘅euro gogo嗰度食嘢啦咁我哋一入到門口即刻嗌左以下幾樣嘢：熱低因咖啡、凍檸茶、蜂蜜雞翼、芝士鮮茄汁海鮮闊條麵、同埋半份千島海鮮薄餅，場地唔算大但係呢個時間都有位坐，首先講杯咖啡我覺得係幾好飲但係冇得走甜轉凍嘅，凍檸茶就正正常常出面茶餐廳嘅感覺，Pizza我就覺得唔錯嘅但係我會鍾意厚底嘅Pizza，蜜糖雞翼都OK雞翼算大隻，重頭戲黎啦個意粉幾好食好足料，值得一試。…查看更多

Lunch一於喺位於荃灣嘅路德圍附近有邊一間山西刀削麵，呢一間之前都成日去食，今日行過見到冇乜人終於可以去回味下，一坐低就即刻叫咗個麻辣牛腩、麻辣牛肚同刀削麵，另外飲嘢方面就係凍檸茶同埋凍豆漿，食完個牛肚同牛腩覺得個麻辣醬汁係唔錯，D刀削麵有口感我都唔多講，最緊要係個刀削麵嘅湯底啦，呢碗湯底清得黎係好濃郁，所以食完覺得會上咗癮，會再去食多幾次，如果想食呢間分店，最緊要識揀時間去食，因為荃灣呢間分店係最正宗，繁忙嘅時間係最多人排隊。…查看更多