Kidae的个人专页

之前慶祝聖誕節諗咗好耐餐廳見到有人介紹東歐餐廳諗住未食過東歐菜就試吓點知有驚喜 好好食😋入到去見到啲裝修好靚好似真係去咗烏克蘭咁芝士焗牛舌盅真係必食！好腍好好食芝士味又唔會太搶味配埋個酥皮一齊食好正基輔炸雞扒之前未食過含得意試下一切開好多牛油流出嚟幾香但食落冇乜牛油味🤣伴碟薯片都好好食古法香燒豬肋骨切嘅時候覺得好腍但食落又覺得有啲韌🙈下次應該唔叫呢個烏克蘭風味蜂蜜蛋糕呢個好好食鍾意甜品嘅記得要試…查看更多

知道係AK同哥哥開嘅第三間餐廳慕名去試下 不過有少少失望朋友兩個人五點幾去到冇乜人排隊 都有一兩張吉枱點知入咗去阿姐職員問完幾多位又叫我哋出返去搞一輪又叫返我哋入去第一下嘅觀感已經唔係太好入到去坐低職員擺低menu一輪嘴講完就走剩係聽到手機落單其他乜都聽唔切本身想試新年限定產品發現網上menu冇去問先知冇晒下次如果可以喺客人坐低嘅時候就講埋會好啲少少失望啦 焗住揀本身menu啲嘢揀咗原味卷蛋同芝麻刨冰卷蛋造型幾得意 但味道真係好一般唔知係咪雪得太耐太凍啲cream都幾硬唔係好夠滑卷蛋都係有少少太硬冇乜蛋味芝麻刨冰就好少少 芝麻味都幾香煉奶建議可以俾多少少如果唔係冇乜味🙈幾鍾意佢中間嗰個豆漿味雪糕呢個可以一試 打卡同味道都OK我覺得成個用餐過程啲服務員先最有趣會同啲熟客傾到冇serve其他客人應完你之後冇即時過嚟結果轉個頭認錯人去咗隔離枱😂新年呢一排話有得抽獎但係唔知點解唔係俾錢嘅時候抽埋追問嘅時候佢話要等隔離枱賣埋單到時再一次過俾大家抽獎我真係搲晒頭咁如果人哋7點先走咁我咪有排等？連隔籬枱都好疑惑忍唔住追問後尾應該有個高級少少嘅聽到我哋喺度呻選擇去追問返個店員嗱嗱臨俾大家抽晒獎職員嘅Service太差真係會好倒米因為對AK都幾有好感所以佢三間餐廳都有去試但係三間餐廳嘅職員都真係麻麻哋用AK嘅名氣開咗個頭 希望都可以keep到食物嘅質素同好啲嘅Service呢間甜品舖應該未必會再食不過推薦拉麵舖日慕家俾大家喺三間入面相對保持到質素嘅一間…查看更多

好耐之前同朋友食過一次都OK點知星期六去食就中伏餐湯好鹹我飲咗兩啖就冇飲個蒜蓉法包又勁硬…頭盤揀咗酸忌廉脆煙肉薯條點解冇相？因為佢賣相差到唔想影🙂酸忌廉兩大pat就咁撻喺度脆煙肉係碎粒狀食落係冇味薯條極油 好似翻炸咁啖啖油🥴全晚最正常就係碟意粉牛肝菌帆立貝忌廉汁意粉中規中矩正常發揮但粒帶子又係煎到微燶重點嚟啦叫咗個西冷牛扒7成熟嚟到切開一嚿係全熟咁諗住通常兩邊會熟少少所以又切多一嚿 結果又係全熟不過個staff幾好 講完就話換過塊點知轉頭又嚟話大廚問5成得唔得因為扒中間厚 7成熟嘅話兩邊就會全熟心諗明明成塊扒厚度都差唔多OK fine咁我話5成都得之後切開第一嚿 望落係得3成俾朋友睇都話點睇都係3成真係唔知大廚係唔識煎定特登玩嘢🤷🏻‍♀️我真係好少寫食評通常都係中伏先特登寫希望大家避開唔使中伏…查看更多

有日行街先發現開咗就抽空試下星期六1點半左右都係等咗一陣裝修簡單環境唔錯等位嗰陣可以scan QR code落定單好方便揀咗兩個set lunch一個意粉一個pizza千祈唔好加錢食蒜蓉包😂焗得燶都算啦 係完 全 冇 蒜 蓉 味！連聞都只能夠聞到好弱既味食落係一舊普通既燶多士叫咗個日本魷魚明太子忌廉意粉賣相幾好魷魚同雜菌都多既不過嫌太‘結’影咗兩張相啲意粉已經變一舊叫呢個雞肉蛋黃醬pizza嗰陣仲同朋友講笑話似隔離和民個和風pizza點知食落去 咦真係一樣味架喎🤣不過幾好食我鍾意…查看更多

本身想去第二間餐廳但full晒朋友話記得景峰有間餐廳佢都想試就即管去試下七點幾去到等咗兩三個字本身都冇乜野排排下叫我入餐廳入面等入咗去企咗一陣又有個女staff叫我出去隊尾排解釋咗我哋係排隊頭同埋係另一位staff叫入黎先黑口黑面叫我行埋一邊 仲去同同事confirm之後又過黎問肯唔肯搭枱轉身諗住問朋友點知個staff嫌慢喺度倒數321去咁多間餐廳都未試過咁冇禮貌坐低食嘢已經覺得感覺唔好餐廳係自助形式餐牌、餐具同水都要自己拎之後再去落單落單既時候再次凸顯佢地服務態度有幾麻麻又係嗰個女staff 見佢落完前一個客喺度執單諗住佢執完先幫我落我就企咗喺度點知佢施施完執完一輪行來行去都唔落單後尾第二個同事行過黎 佢先肯擰返過黎同我落單終於order咗個黑松露雜菌意粉同黑麥啤鹹豬手豬手係要等35分鐘 好彩個意粉上得快聞落好香黑松露味但食落冇乜不過不失咁唔係太特別食完意粉等多陣隻豬手就到啦都幾大隻兩個人食唔晒食落有淡淡地既啤酒味幾特別係皮有少少太硬好難切總括黎講呢個價錢食呢兩樣係ok既不過服務質素真係不敢恭維未必會再幫襯🙅🏻‍♀️…查看更多

之前路過睇過menu覺得ok星期三晚6點幾7點去冇乜人不過7點之後就陸續坐滿晒裝修係幾靚，唔會坐得逼，上菜速度都快揀咗個刺身飯同蟹膏蟹肉茶漬飯set包沙律、湯同飲品揀咗個海蜇沙律點知其中一份有條頭髮😥同staff反映完之後就換咗份全新不過感覺上已經扣咗分刺身飯有一隻大蝦、吞拿魚蓉、三文魚同中華沙律質素都唔錯但啲飯就爭啲蟹膏蟹肉茶漬飯感覺食唔到蟹膏味道就不過不失叫合格下次黎就未必會再食總括嚟講性價比都ok兩個人買單都唔使300…查看更多

一向都對鰻魚情有獨鍾去開銅鑼灣順手search下有咩食一見到鰻工房就決定兜去試下裝修好別緻好似日本既居酒屋不過舖頭好細座得好少好彩我哋去得早七點之後開始排長龍舖頭細隔離枱又坐咗個男人成程都要背貼背坐有啲辛苦唯有拿拿臨食完快啲走叫咗個原條蒲燒鰻魚飯set有溫泉蛋同味噌湯仲有兩粒車厘茄不過唔鍾意茄所以冇試😂鰻魚好濃味 頭尾會有少少燶但係份量足咬落啖啖肉好正啲飯食剩三份一再問店員拎昆布湯撈埋變茶漬飯又幾好食喎…查看更多