xypiggy.eat的個人專頁

#20251028 📝📍 #自己人 @gaginang.hk 沙田沙田正街2-8號新城市廣場三期2樓A238號舖 🍽️荃灣楊屋道1號荃新天地UG樓UG43&81號舖九龍城啟德協調道2號AIRSIDE 7樓L703A號舖➖➖➖➖➖➖➖➖➖➖➖➖➖➖➖➖➖#泰味魚皮 $79💭 通常食開呢啲魚皮都梗係配麻辣，呢個配上泰式既酸辣同樣都係咁夾，然後佢除左魚皮仲有啲芽菜同蓮藕粒，唔同既爽脆令到個口感好豐富🇹🇭.#羊肚菌燉螺頭 $69💭 呢度既中式燉湯好高質，望落清澈但係飲落味道濃郁，入面夠晒足料，瘦肉、紅棗、羊肚菌樣樣都一咬就個充滿湯汁，最正係連螺頭都有兩塊幾揼本🐚.#小小梨子 $49💭 飲茶唔係退休人士既專利，返工既朋友夜晚想飲下茶呢度都幫到你，啲點心款款都有啲特別，好似呢個梨以為佢只係唔同形狀既咸水角啦，點知佢連個餡都唔同，用黑椒配牛肉令個點心有小菜既感覺🍐.#雪茄春卷 $49💭 蝦春卷就聽得多，用水煮魚整春卷真係第一次食，咬開的確係平時食一煲水煮魚果陣味，還原度勁高，而且佢仲好精緻咁係個頂位落左啲黑芝麻，搞到食果陣真係好似食緊雪茄跌灰咁，可以扮下大爺好盞鬼🐟.#金魚戲水 $49💭 上枱既時候成個藝術品咁，真係好似有兩金魚係度游緊水，用尼打卡一流，食落入面係好紮實既蝦餃，側邊個芡好重瑤柱味，咁樣食連豉油都唔使點🐠.#蟹粉芙蓉餃 $89💭 睇價錢都知係高級既餃，好在依家沙田店新開張，去到11月3號都有全日同中午點心半價優惠，咁就可以放膽叫尼食下，面頭係撈左咸蛋黃既蟹粉，底下係蛋白芙蓉，一啖擺入口軟棉棉好舒服🦀.#黑蒜蝦燒賣 $49💭 要飲茶點可以唔食燒賣，黃色皮既燒賣實在見得太多太無新意，今次食個黑色皮既代表黑蒜，陣蒜味好突出但唔係臭味，而係有陣甜甜地既味道，令成粒燒賣都昇華左去另一個層次🧄.#麻婆豆腐小籠包 $49💭 另一個估都估唔到既配搭就係呢個用麻婆豆腐做餡既小籠包，雖然入面無平時食開果啲小籠包咁紮實，不過依然咬開會爆汁，保留左小籠包既精粹🥘.#梅汁金不換沙白 $119💭 呢度除左點心有優惠之外，5:30後叫小菜都有85折，於是叫左個沙白食下，梅汁味道唔算好出，最出係啲金不換，然後底下又有啲咸酸菜，咁樣fusion都幾特別🌱.#蝦乾香蔥麵 $69💭 望落好簡單既撈麵，但係往往越簡單就越難覺得佢特別，醬油好夠味，麵質唔會太淋有嚼口，面頭啲蔥同蝦乾爆到出晒味好香，話係唔特別既，但係好味囉🍜.#爆珠馬蹄椰子水 $29#新鮮黄皮油柑汁 $32💭 本身呢度有收茶芥，只要每叫一杯野飲就可以免一位既茶芥，油柑汁酸酸地，解膩又開胃🍊椰子水超特別，啲馬蹄係粒爆珠既入面，咬開就食到爽口既馬蹄，可以當埋糖水咁食，勁正🧋.#沙田美食 #🐷在沙田 #荃灣美食 #🐷在荃灣 #九龍城美食 #🐷在九龍城 #🐷_食…查看更多

#20251017 💛📍 #牛丼家 @gyudonya_hk 灣仔軒尼詩道229-233號怡明閣地下B號舖 🍽️柴灣｜旺角｜屯門均有分店➖➖➖➖➖➖➖➖➖➖➖➖➖➖➖➖➖#芫荽醬汁牛肉飯 #M $43 🥢 #特盛芫茜 💭 呢個芫荽飯勁有誠意，面頭既芫荽碎係海量咁多，綠得非常之靚🟢跟住落一層就係秘製芫荽醬煮既牛肉，個芫荽醬都係好多芫荽，再撈少少辣椒，所以煮出來個牛係有少少辣同好香芫荽味，唔係坊間就咁加啲鮮芫荽做配料就算，呢個有用芫荽煮過真係有啲料再到🌿去食呢個既朋友仔著綠色衫去仲可以獲贈一碟芫荽令個飯再豐富啲，可惜做到10月31號咋，希望佢之後會再出啦💚.#灣仔美食 #🐷在灣仔 #柴灣美食 #🐷在柴灣 #旺角美食 #🐷在旺角 #屯門美食 #🐷在屯門 #🐷_食 …查看更多

#20251024 📝📍 #大池記大排檔 @dachikiltd 九龍城啟德沐寧街10號Oasis Place地下D-F號舖 🍽️旺角西洋菜街103-109號地舖➖➖➖➖➖➖➖➖➖➖➖➖➖➖➖➖➖#潮式鹵水拼 $38💭 坐低見到menu帶有張寫住全日優惠，啲野超抵叫，每枱限叫兩款，咁筍當然要叫下，豬頸肉同平時見到既唔一樣，都係爽爽地不過充滿膠質，豆腐好滑，蛋唔好睇佢好似白雪雪，其實都好入味，呢個價錢有三款鹵水真係未見過🤑.#椒鹽蒜香骨 $118💭 每一舊都大大舊咁，因為佢唔係淨係得肥豬肉，而係舊舊都有連住啲骨，好似排骨咁，啲肉先會又彈牙又易咬得開，再加埋用椒鹽炒咁惹味，簡直係無得輸🤤.#海皇銀絲雜菜煲 $138💭 食左肉梗係要食返啲菜，唔想叫什菜煲就岩，永遠都係咁豐富，海鮮有蝦、有魷魚🦑菜就有芥蘭、西蘭花同白菜仔，食完飲多兩啖清甜既菜湯就very good🥬.#九龍城美食 #🐷在九龍城 #旺角美食 #🐷在旺角 #🐷_食 …查看更多

#20251021 📝📍 #Lizto @lizto.hk 荃灣楊屋道1號荃新天地地下G75A, G76C & G76D號舖➖➖➖➖➖➖➖➖➖➖➖➖➖➖➖➖➖ 🥢 #是日餐湯 💭 叫dinner set就會送個餐湯，是日靚餐湯係蕃茄忌廉湯，望落色水橙色咁已經好靚，雖然blend得好幼滑但又飲到有啲蕃茄皮可以咬下，酸酸地幾開胃🍅. 🥢 #蒜香燒粟米配單骨雞翼 +$28💭 粟米同雞翼就咁食係好似普通左啲咁，但其實呢碟野個主角係果兩個醬，做得極出色，白色係酸酸味味既乳酪醬，同粟米雞翼都好夾，最正都係個紅醬，係呢度廚師用大纜都扯唔埋既西瓜同辣整出尼既醬，有西瓜既清甜但又辣辣地好得意🍉. 🥢 #辣肉腸炒八爪魚配香草包 +$58💭 用切左粒既辣肉腸、粟米粒，再加啲菜脯粒炒同樣都係一粒粒既八爪魚，用尼送飯食一流😂所以廚師都特登係側邊配左4塊包仔，炸到好似油炸鬼咁，兜啲料上去一齊食就岩喇🐙.#花椒日本蟹肉意粉 $148 🫧 #手工意粉 +$10💭 呢碟野西餐得尼又帶啲中餐，面頭鋪滿左好似瑤柱絲既肉鬆，底下層係滿滿既蟹肉，仲有啲櫻花蝦同露筍，食落有海鮮既咸香又有淡淡花椒既麻，加錢升級左做手工意粉食落更加彈牙，非常yummy🍝.#銀鱈魚配馬賽魚湯汁 $238💭 另一款主食叫左個無咁飽肚既鱈魚，煎到個皮脆卜卜，然後啲魚肉好滑嫩入口即溶咁濟，再配埋個同樣都係魚既湯汁，食入口就係鮮味，旁邊襯左啲蔬果同薯仔，有菜有肉好健康🐟. 🥢 #蘋果菠蘿石榴羽衣甘藍汁 +$31💭 跟餐加野飲可以減$15，好少見用羽衣甘藍既整果汁，不過佢陣味唔係好出，所以唔使驚有草青味，最出既都係番石榴味，之後就係蘋果同菠蘿既甜，加埋都有啲特別🍹. 🥢 #胡蘿蔔蛋糕 +$58💭 除左加野飲可以平，加甜品都可以減$30，叫左個好傳統既英式甜品，蛋糕部分做得好濕潤，面頭白色唔好以為係cream，其實係酸酸地既乳酪忌廉，岩岩好中和到個蛋糕既甜，面頭仲有少少nuts，令個蛋糕口感更加豐富，滿足🍰.#荃灣美食 #🐷在荃灣 #🐷_食 .#香港美食 #香港必食 #香港探店 #香港打卡 #香港旅游 #香港手工意粉 …查看更多

#20251017 📝📍 #宏發燒鵝餐室 旺角亞皆老街50號地舖 🍽️中環皇后大道中149號地舖➖➖➖➖➖➖➖➖➖➖➖➖➖➖➖➖➖#燒味拼盤 $258💭 去完旅行一定會勁掛住香港既野食，燒味一定係其中一樣，要食就要食返正宗既，呢間係旺角交通好方便，望到啲燒味花多眼亂樣樣都想食，唔想諗就叫個拼盤啦，入面有齊燒鴨、油雞、燒肉、燻蹄同紅腸，樣樣都有岩晒有選擇困難症既朋友仔😙.#原隻鵝髀飯 $108💭 食豪啲咁叫左個燒鵝髀飯，仲要好豪咁叫左免切，成隻揸住食幾威，影完相有啲後悔，好彩姐姐話可以斬返😅燒鵝髀啖啖咬落都充滿鵝油香，點梅子醬食簡直係絕配，有時真係應該對自己好啲～.#常餐 #叉燒飯 $50💭 叉燒斬得咁大舊以為會有啲鞋，點知咬落超淋身，仲要每舊都好juicy，少少燶邊至係最高境界😎燒味飯除左燒味，當然飯都好重要，值得一讚係佢個飯煮得岩岩好，就咁加色都已經好送飯🍚. 🥢 #例湯 🥢 #忌廉 +$8 🥢 #熱檸茶 +$8💭 叫餐燒味飯都會送個例湯，是日靚湯係青紅蘿蔔湯，飲落有陣陣既燒味香散出尼，另外跟餐仲有茶記野飲可以加錢要☕️傾落先知原來佢地自己係香港有工場，接近有30年歷史tim，唔怪得咁好味啦🤤.#旺角美食 #🐷在旺角 #中環美食 #🐷在中環 #🐷_食 …查看更多

#20250917 📝📍 #銘陽車仔麵 @ming_yeung_noodle荃灣荃興徑17號地下C號舖➖➖➖➖➖➖➖➖➖➖➖➖➖➖➖➖➖#銘陽自選 #米粉 $12 🥢 #辣醬 #炸蒜 🥢 #咖喱辣魷魚 $15 🥢 #瑞士雞中翼 $13 🥢 #惹味豬紅 $10💭 路德圍呢度一向都多野食，次次尼都係掃街，原來呢度有間野都好正😊標榜全店食品都無添加味精，辣醬揀左小辣但係都唔惹少，食食下都要飲返啖凍野解解辣🥵想講佢啲餸全部都超入味，雞翼同豬紅隻甜係浸係個湯度食到最尾先食都仲係度，咖喱魷魚又係，可以醃到啲咖喱色都入晒肉，勁好味🦑.#銘陽自選 #招牌鮮切麵 $14 🥢 #沙嗲醬 #炸蒜 🥢 #麻辣金錢肚 $15 🥢 #手工香菇餃 $12 🥢 #陳皮魚蛋 $10 🥢 #紫菜 $9💭 另一醃試左個佢地既招牌叫鮮切麵，望落個粗幼有啲似河粉，食落又有啲似刀削麵果種感覺咬口，金錢肚又係入晒味唔使講啦，重點係佢唔韌，淋到一咬就斷咁濟😎佢有幾款手工餃揀，香菇比較似素餃果啲風味🍄‍🟫陳皮魚蛋同紫菜都係正常味道，不過值得一提係佢魚蛋個份量都幾多下，抵食🍜.#椒鹽金沙骨 $42💭 點諗到車仔麵檔會有呢啲咁有鑊氣既野食，呢啲應該要係大排檔先食到架嘛，金沙骨咬落好淋，一咬就咬得開，啲椒鹽包住晒成粒金沙骨，好夠味又好惹味😋.#腐乳通菜 $18💭 見個菜先$18，兩個人尼每人自己碗麵叫個菜做餸都一樣價錢，不如叫碟share食仲有汁揀，呢度可以揀通菜、生菜、菜心，汁就有蠔油、腐乳、腩汁任意配搭，本身想試下腩汁通菜咩味，後尾理智都係揀返腐乳通菜，因為出街先食到😂. 🥢 #芒果奶茶 +$15 🥢 #朱古力珍珠 +$15💭 呢度除左麵正，野飲都係一大賣點，幾時有試過飲住台式野食車仔麵，佢所有野都可以加珍珠或者紅豆，朱古力珍珠好新奇，芒果奶茶完全係復刻左細個食芒果布甸陣味，好似多左個甜品咁幾正🍮.#荃灣美食 #🐷在荃灣 #🐷_食 …查看更多

#20250814 🤍📍 #畢打奧餐廳 @better_ole 上水符興街35-39號地舖 🍽️粉嶺和豐街22-26號地舖➖➖➖➖➖➖➖➖➖➖➖➖➖➖➖➖➖ 🥢 #酥皮龍蝦湯 +$36💭 呢個湯同個豬手係一個套餐，本身跟既係普通餐湯，不過可以加錢轉佢做酥皮龍蝦湯或者酥皮周打海鮮湯，龍蝦味好濃，酥皮都好香牛油味，係略嫌個味道偏咸，一個人飲晒有啲難搞🦞.#燒雞泡魚乾 $99💭 趁未齊人叫尼食住過下口癮都唔錯，食落無咩特別，就係平時想像到既味道，側邊仲有放左兩粒青瓜同啲少少沙律菜，咁就無左半隻碟既位，係幾揦脷🥶.#避風塘雞中翼 $69💭 講到唔抵又點只個雞泡魚乾，呢個雞翼都一樣技倆，4個人尼食都分唔到一人一隻，然後個底就全部都係薯角😥至於味道就正常，辣粉既味有啲太過，無左避風塘應有既惹味🐔.#焗法國田螺 $79💭 呢個份量終於正常返，原隻田螺比埋專用叉咁食有啲高級，香草同蒜既咸味可以撈啲薯蓉尼食中和返，而且價錢都合理，結果覆桌多左一碟tim😂.#燒德國咸豬手 $159💭 豬手算係佢地既招牌菜，原隻上要自己切，個皮有少少硬，不過底下係充滿骨膠原都幾好味🐷其實呢間野主要應該sell情懷，見佢社交平台有好多舊相，餐廳環境都保留左五十年代果種英式味道，尼打下卡都唔錯🇬🇧.#上水美食 #🐷在上水 #粉嶺美食 #🐷在粉嶺 #🐷_食 …查看更多

#20250913 📝📍 #辣得喜米線專門店 @chillies_chill_hk 西環石塘咀山道4-16號業昌大廈地下7號舖 🍽️天后威非路道2-10號金都洋樓地下8號舖➖➖➖➖➖➖➖➖➖➖➖➖➖➖➖➖➖#豬扒雞翼撈大光麵 $62 🥢 #蔥油撈 💭 大光麵簡直係香港既歷史文物，依家就算係茶餐廳都越尼越少有得食，難得見到梗係要懷緬下，揀左蔥油撈所以勁香蔥味，豬扒大大塊，咬落好夠味而且超鬆化，雞翼同樣都係少見既脆漿炸法，咁樣炸令個雞翼keep到juicy，可以食得返好開心🤤.#自選一餸米線 $39 🥢 #鮮蠔仔 +$3 🥢 #胡椒湯 +$3 🥢 #紅薯粉 +$2💭 第一次揀自選米線可以砌到個咁既麵出尼，其實就係潮洲蠔仔粥既變奏版，可以轉唔同麵底都幾有新意🍜啲蠔仔大粒得尼食落好鮮好多汁，仲要係佢食極都有咁多，食完飲下個湯一樣好味，相信冬天飲佢會更加正，可以暖埋胃tim🦪.#麻辣牛𦟌 $48💭 個牛𦟌究竟係點做到厚切但係啲筋位仍然透光，咬落相當淋身，平時食開牛𦟌通常都係滷水咁整，用麻辣真係有啲新意，配埋面頭啲酸菜同花生食係幾好味🐮.#酸麻辣片頭墨魚鬚 $48💭 基本上佢個味同牛𦟌唔相差好遠，有得一次過試晒兩款野就岩晒啲有選擇困難症既朋友仔，片頭同墨魚鬚兩樣都係爽到不得了，就咁食定幫個麵加餸都一樣咁正🦑.#上湯雜菜 $42💭 成日都提住自己要飲食均衡，有得散叫菜就唔使浪費個麵既quota去揀，呢兜菜勁豐富，有生菜、蘿蔔、木耳、豆卜同竹笙，佢係大碗到幾乎同碗麵一樣咁大碗，真係要搵啲frd一齊share先好叫🥬. 🥢 #紅豆冰 +$6 🥢 #涼粉冰 +$6💭 連大光麵咁懷舊既野佢都有，野飲又點會淨係得啲檸菜檸水咁行，紅豆冰同涼粉冰都係兒時回憶，下午茶時段尼有得唔使加錢就有得飲tim呀🥳.#西環美食 #🐷在西環 #天后美食 #🐷在天后 #🐷_食 …查看更多

#20250909 📝📍 #星聚軒 @starcuisine_hk佐敦彌敦道219號莊士倫敦廣場8樓 🍽️葵涌葵昌路72-76號Life@KCC 9樓九龍城啟德沐寧街10號Oasis Place 1樓G號舖➖➖➖➖➖➖➖➖➖➖➖➖➖➖➖➖➖ 🥢 #餐前小食 $15 🥢 #茶芥 $15/位💭 去開佐敦，就係地鐵站附近搵野食，一坐低乜都未叫已經會比碟小食頂住口癮先，陳醋雲耳酸酸地好開胃🤤個茶壺仲有個小火爐㷫住，唔會食到半路啲茶唔夠熱，全個配套都有份高級既感覺😂.#兩小時任食大閘蟹 $498/位 🥢 #蠔皇8頭鮑 💭 呢個係逐個人頭送，每人一碟好似去飲既感覺，鮑汁好濃郁，鮑魚切開好少少黏刀既感覺，咬落彈牙，再加上側邊舊嗦嗦聲既西蘭花，係好味既🥦. 🥢 #小米燴海參 💭 同樣都係按人頭送既限量菜式，呢個絕對係是日最有驚喜，淨係個湯頭已經勁吸引，啖啖都係香濃既雞湯，然後每羹都有啲類似藜麥既小米，有得飲又有得咬，呢個高分💯. 🥢 #大閘蟹 🫧 #清蒸 #花雕 #鹽油焗 💭 尼到今餐既重中之重當然就係大閘蟹，有三種煮法，清蒸最常見，原始既食法最能夠食到蟹既味道，點蟹醋食就更加帶出到個鮮甜🦀花雕聞落好香，有啲似醉蟹咁，食落就散發好淡好淡既酒香，驚酒味既朋友仔都可以試下🍶鹽油焗就最惹味，食膏既時候連殼吮簡直停唔到口呀🧂. 🥢 #紅燒乳鴿💭 本身個餐應該要係任食片皮鴨，後尾經理哥哥過尼話啲鴨唔太靚問轉乳鴿好唔好，有得轉梗係好，無理由食啲唔靚既野架嘛😅乳鴿啲肉好紮實，唔會太咸味道岩岩好，仲好juicy tim🦆. 🥢 #糯米飯 💭 如果驚淨係食蟹唔夠飽，咁呢個餐就絕對唔使擔心，皆因佢有得任食糯米飯，雖則話佢係任食咋，但一樣有齊臘味、冬菇果啲非常足料🤗. 🥢 #黑糖糍粑 #大良鮮奶卷💭 除左片皮鴨同糯米飯，甜品都係任食，叫左兩款炸既，新鮮炸起熱辣辣，糍粑就sell煙韌，鮮奶卷就sell滑捋捋，可以滿足鐘意唔同口感既朋友仔🥛. 🥢 #熱情果椰汁糕💭 另外又叫左個新奇有趣既糕點，椰汁桂花糕呢啲就經常有得食，第一次試個椰汁糕上面係配熱情果，兩樣加埋酸酸甜甜估唔到又幾夾架喎🍮. 🥢 #薑茶湯圓 💭 食大閘蟹最後點都唔少得要叫返個薑茶飲下，湯圓係花生餡，細細粒不過有流心效果🥜薑茶股辣勁好足，可以暖下胃很好🫚原來呢度除左大閘蟹放題，仲有中式私房菜食，啲手工點心即叫即整tim，下次真係要試下😏.#佐敦美食 #🐷在佐敦 #葵涌美食 #🐷在葵涌 #九龍城美食 #🐷在九龍城 #🐷_食 …查看更多

#20250903 📝📍 #禪 @zen_by_tera 沙田沙田正街18-19號新城市廣場一期1樓109號舖 🍽️馬鞍山鞍祿街18號MOSTown新港城中心(4期)2樓2130號舖➖➖➖➖➖➖➖➖➖➖➖➖➖➖➖➖➖#美國安格斯牛肉月見蛋丼飯 $138💭 一睇隻蛋個色水就知係靚蛋，用左隻叫曉既生食用蛋，雖然唔係蘭王蛋咁出名，但係撈埋用越光米煲既飯食一樣無得輸，再加埋啲滿佈係面既安格斯牛肉，薄薄地勁易咬開，同時間又超重牛味，極度推薦🍚.#吉列大蝦4隻白咖哩烏冬 $118💭 白咖哩有啲新奇，原來佢個底都係平時常見既日式咖哩，特別在佢面頭有層薯蓉忌廉，撈勻食有啲沙沙地既薯蓉口感，仲有啲奶香味，係出面未食過既，幾驚喜，連埋4隻大蝦無論點咖哩汁定就咁食都好好味🍤.#炭燒雞串6串 $48💭 照燒汁同雞串係絕配，雞肉一啲都唔韌，超易就可以咬開尼食，叫開丼飯用尼加餸自製串燒雞肉丼都唔錯，而且佢呢個價錢有6串又唔算貴喎🐔.#唐揚魷魚鬚 $68💭 超大碟既魷魚鬚，呢碟野一個人尼食絕對搞唔掂，建議真係有返兩三個人一齊share食會好啲，魷魚鬚好貼心咁切到一口size，一啖一粒停唔到口，最正係佢個醬有加埋黑松露，平時出面食要額外加錢架嘛，搞到成件事即刻高級晒🦑.#牛油清酒煮蜆 $88💭 本身成碗野散發出尼係勁香既牛油香氣，襯蜆都好夾🧈然後佢有個唔知係咪官方既二食，發現將面頭個檸檬唧啲汁落去酸酸地可以去咁啲油膩感，又係另一個風味🍋啲蜆彈牙入味，而且入而有勁多隻，食極都有咁好著數🤑.#芒果楊枝甘露Pancake $128💭 第一次食tera就係比佢個梳乎厘pancake吸引左，今次食副線都要叫返份，蛋味好濃郁，切開鬆軟，彈下彈下空氣感好足，芒果同西柚酸酸甜甜，解膩一流，就算自己食晒成份都無難度🥭.#沙田美食 #🐷在沙田 #馬鞍山美食 #🐷在馬鞍山 #🐷_食 …查看更多

#20250906 📝 📍 #元氣家 @dumplinghouse20226旺角染布房街5C號地舖➖➖➖➖➖➖➖➖➖➖➖➖➖➖➖➖➖#日式叉燒拉麵 $58💭 個湯係佢地既主打，慢慢煲左5個鐘既豬白湯充滿骨膠原，飲落甜甜地，不會好似平時拉麵咁好咸同好漏，啲叉燒每片都用火槍輕輕燒過，有啲心思，配料有紫菜、腐皮、半隻溏心蛋同幾條筍，都幾豐富🍜.#手工巨型湯餃 $62 🥢 #粟米豬肉 #芫茜豬肉 🥢 #櫻花蝦湯 +$3 💭 呢間野前身係餃舍，所以餐牌都保留左餃子既元素，原先仲驚得6隻會唔夠飽，點知佢個巨型真係好巨型，隻隻都漲卜卜爆晒餡，試左芫荽同粟米都好好味，湯底加左錢要櫻花蝦，比起原先個湯底更加鮮甜，飲既時候仲有啲櫻花蝦咬下，正🦐.#麻醬抄手 $18💭 一碟有兩隻，平時紅油抄手食得多，配麻醬有啲特別，面頭有啲好似XO醬咁令到個味道有更多層次，入面個餡係好傳統既椰菜豬肉，咬落爽爽地，不妨一試🥟.#椒鹽雞翼 $18💭 同樣都係兩隻既小食，生炸真係無得輸，新鮮滾熱辣咁上枱，千祈唔好一尼就食咁心急，真係會辣親咀仔，咬開外脆入面勁juicy，唔怪得可以做到由彩虹屋村商場殺入旺角啦🐔. 🥢 #低糖豆漿 💭 叫餃子本身送豆漿，叫拉麵都可以加錢有，低糖唔太甜幾好🥛原來佢地新開張做緊優惠，逢星期一晚8:30後拉麵半價，$29就食到，咁平真係去邊搵呀🤩.#旺角美食 #🐷在旺角 #🐷_食 …查看更多

#20250902 📝📍 #隆姐泰國美食館 九龍城衙前塱道2A-B號地舖 🍽️九龍城南角道21-23號地舖➖➖➖➖➖➖➖➖➖➖➖➖➖➖➖➖➖#泰式炸春卷 $70💭 叫小食有掙扎過要蝦餅定春卷，最後決定春卷係因為見佢有4條全部一開二，變相有8舊🤩每條都炸得好香脆，入面有粉絲、木耳、紅蘿蔔絲、椰菜絲，仲有啲芋絲，咬落口感有脆有爽又有粉，好豐富🫔.#泰式辣椒膏炒蜆 $140💭 見到佢上枱真係忍唔住「哇！」左聲，第一次見用咁大隻蜆，佢係大過隻碗咁癲，size拍得住啲大青口，食果時點下啲辣椒膏汁更加正，完全唔辣反而甜甜地，係大人細路都食得👍🏼.#鹹豬肉炒椰菜苗 $88💭 一開始有比佢個名嚇親，以為鹹豬肉會好鹹，點知食落口好似燒腩仔咁肥瘦相間，有肉得尼又有油香，椰菜苗嫩口之餘帶啲爽爽地，索左啲豬既香氣更加吸引，會一啖一啖食唔停🥬.#咖喱大包 #海鮮 $198💭 呢度啲野食比起其他新泰國餐廳尼講係比較平🇹🇭啲份量都比較大，呢個咖喱大包絕對係好例子，完全係jumbo size咁，個咖喱都好多料，海鮮有蝦、魷魚、青口，配料有洋蔥、薯仔等等，難得食呢啲個包仲keep到軟熟唔會乾到好似餅乾咁，用較剪逐啲逐啲剪落尼點汁食，好玩又好味✂️.#是日甜品 💭 埋單先知原來仲有甜品送，真係估佢唔到，紫薯西米露唔會死甜，散發左淡淡粟米既清香，好窩心☺️原來呢間野開左超過廿年咁耐，見佢個個姐姐都講晒泰文咁就知正宗，望多兩望發現有蔡瀾推介話每次尼都必點鴨肉撈麵，下次一定要試下先😎.…查看更多

#20250806 🤍📍 #樂園素食 @paradiseveggiehk 銅鑼灣謝斐道535號Tower 535地庫B04號舖➖➖➖➖➖➖➖➖➖➖➖➖➖➖➖➖➖#平日晚市90分鐘 $188/位 🥢 #冰鎭咕嚕肉 #原盅燉湯 💭 呢個價位係素食自助餐尼講其實算貴，應該七成都落晒啲租度🙈但佢地都識做既，有送啲野令人覺得抵啲，咕嚕肉上枱並無冰鎮，不過味道係唔錯，用菇扮肉連啲纖維口感都好似，可惜有限量供應😅燉湯都好高質，無肉所以個湯頭超清，而飲落又超甜，難得地兩樣送既野都值得食晒😋. 🥢 #冷盤 💭 有個沙律吧有啲粟米、車厘茄、沙律菜、生果等等，仲有唔少前菜小碟，特別在有隻蒟蒻扮既魚生，望落有三文魚、吞拿魚，食落口感彈牙幾得意，仲有係素食自助餐未見過既海葡萄，高級🍣. 🥢 #點心 💭 作為聲稱全港唯一既素點心放題，咁佢點心既數量令人有啲失望，數埋都係得四五款，當中有素燒賣、雜菌餃、芋頭餃、粉果，再數已經係平時飲茶都會見既蓮蓉壽桃包同薑汁糕，無咩驚喜🥟. 🥢 #關東煮 💭 呢度有個corner係食咁多間素食自助餐第一次見既，就係有麻辣味同蕃茄味既關東煮，新鮮滾熱辣咁煲住，啲丸同平時食既都唔太大分別，係煲得耐食落口感有啲發姐🍢. 🥢 #熱食 💭 熱食主要都係啲炒飯、炒麵同埋啲不同類別既炒菜，有通菜、大白菜、椰菜花、娃娃菜等等，仲有唔同既瓜果類，例如啲苦瓜、青瓜、芋頭之類，都幾多選擇🍚. 🥢 #炸物 💭 出面咁多野食之中，能夠登上心目中覆桌排名既大多數都係啲炸野，可見佢啲炸物係比較出色，素春卷呢啲就例牌野啦，有個用腐皮卷到成隻雞翼咁去炸都好得意，最推薦係有個咸蛋黃炸菇真係超好味，食左一次之後幾乎每次再出去拎野都會夾返兩舊食下🍗. 🥢 #湯品 💭 除左送果個一次性既燉湯之外，出面都有啲老火湯任飲，雖然無落肉不過飲落都好有屋企味道，然後有個南瓜羹，飲落就係碗仔翅陣麻油味，一試無妨，但唔多吸引會再拎🎃. 🥢 #甜品 💭 有中式又有西式揀，中式有啲糕點例如桂花糕，又有綠豆沙，西式就都係啲cake例如brownie果啲，食到尾聲已經開始飽到上心口，好在佢細細粒可以試唔同款，仲可以拎沙律枱啲生果自製雜果涼粉，正👍🏼. 🥢 #飲品 💭 少見呢啲素食自助餐有咁多野飲揀，咖啡、鮮奶、熱茶呢啲有機就得，佢仲有凍豆漿、熱羅漢果茶同洛神茶揀，實有樣岩飲啦🥛.#銅鑼灣美食 #🐷在銅鑼灣 #🐷_食 …查看更多

#20250821 📝📍 良い日涮涮鍋 旺角亞皆老街8號朗豪坊13樓06號舖 🍽️鑽石山｜新蒲崗｜將軍澳｜杏花邨均有分店➖➖➖➖➖➖➖➖➖➖➖➖➖➖➖➖➖#厳選牛しゃぶ #ディナー食べ放題 $268/位💭 以往去親朗豪坊都係停留係4樓食果度啲餐廳，一直以為佢個最頂樓全部都係啲bar，食貴野既地方，今次行到上去先發現原來別有洞天，竟然有間一人一鍋係度😳. 🥢 #ペッパー和牛だし #生姜鶏だし 💭 一人一鍋最正就係可以自己揀自己想要既湯底，唔使驚住隔離啲湯底會瀉過尼，揀左兩個平時比較少見既，黑椒和牛真係成串黑胡椒係入面滾，辣得好過癮，生薑雞都有好微既辣，不過個雞湯味為主，兩款用尼淥肉都好夾🫚. 🥢 #肉類 💭 呢個餐本身有牛、豬、雞三款肉，尼得當然主打食牛，無咩肥肉但食落又唔會鞋口，唔食牛都有豬或者雞可以揀，夜晚尼食仲有得免費升級有牛舌任食，切得夠薄淥好快就食得，食落口感好彈牙🐮. 🥢 #炸物 💭 熟食基本上得三款炸野，有章魚小丸子、雞軟骨同炸餃子，係個熱櫃入面唔會比冷氣吹到凍晒，雞軟骨脆卜卜夠晒香口，最鐘意都係佢粒餃子細細粒，一啖一粒又唔使驚食幾件就頂住晒食唔落其他野，貼心🥟. 🥢 #自助區 💭 出面拎既都係啲丸類、菇類、菜類同麵類，粟米、蕃茄呢啲就必備架啦，好欣賞佢淨係綠色蔬菜都有好多款式可以揀，連西洋菜同皇帝菜都有，麵又有蕎麥麵、葛粉絲之類，唔使驚最尾唔飽肚🥬. 🥢 #甜品 💭 凍櫃有啲芝士蛋糕同慕斯蛋糕，細細件可以全部都試一次，最正係有自助雪糕機可以玩，有藍莓同牛奶味揀，小朋友先做選擇，要食當然要晒啦，唧左個扭紋既，再自己加啲配料整杯獨一無二既雪糕，好味🍦. 🥢 #飲品 💭 呢度唔似得其他餐廳係用罐裝或者紙包飲品，而係有汽水機可以玩自由斟，又有部機有兩款道地茶飲，要幾多冰自己控制，唔想飲凍野都有部咖啡機係度，要凍要熱悉隨尊便🥤…查看更多

#20250819 📝📍 #TheRightPlace @therightplace_m1 尖沙咀寶勒巷17-19號地舖➖➖➖➖➖➖➖➖➖➖➖➖➖➖➖➖➖#香辣蒜粉ShakeShake茄子條 $78💭 本身勁鐘意食shake shake薯條，所以一見到呢個已經比佢吸引住，茄子炸到入面仲好juicy，如果鐘意食淋薯條應該會好鐘意，而個蒜粉係老闆自家炒，唔會好辣不過超級香，係出面絕對食唔到，兩樣夾埋真係會令人食到停唔到口🍆.#輕煎北海道帶子咸蛋黃汁意大利飯 $218💭 咸蛋黃煮risotto真係第一次見，個咸蛋黃汁又係佢地自家blend而唔係交貨尼，啲配料仲用左豆角同玉子豆腐呢啲中式野，食落又出奇地完全無違和感，帶子大大粒，口感嫩滑得尼帶啲彈牙，味道煎過好惹味，估唔到食落同個飯會咁夾😋.#紅酒燉牛尾肉番茄羅勒巴馬臣芝士汁大通粉 $168💭 店員姐姐話佢地啲貨全部都淨係keep兩日，所以有機會尼到會發現想食既野賣晒，但都係為左想啲食材更加新鮮，就好似呢個牛尾咁，好香牛味，食落好淋身，不過又會有啲軟骨位咬落脆卜卜，而通粉亦十分掛汁，配埋蕃茄既汁食落酸酸地幾開胃🐮.#尖沙咀美食 #🐷在尖沙咀 #🐷_食 …查看更多