Daddy2468的个人专页

生蠔即開即上碟，勁好食。熱食有鵝肝、片皮鴨、麻辣海鮮湯、最好食係羊架！ 煎到好香個肉又嫩。推介！鵝肝充滿油香，玩埋汁好夾。 片皮鴨好特別，放係薯片上一齊食，口感豐富，值得一試.甜品當然要食芒果拿破崙啦！ 真係次次嚟都要食，唔會太甜，酥皮又酥脆。仲有即製榴槤班戟及窩夫，窩夫仲可配 Häagen-Dazs 日左焙茶雪糕同咖啡芝士蛋糕味雪糕球。我忍咖到口食左2球..仲有多款Häagen-Dazs杯裝雪糕住揀，絕對超回本！…查看更多

難得喺深水埗呢啲舊區裏面，搵到一間特色漢堡包小店。玩面細細，但充滿美國餐廳特色。位置唔多，想食嘅就要等下。餐廳大概10個位左右啦！今次好好彩見到有位就去試吓。亦都見好多人買外賣！仲好多外國人渣車過嚟買添。侯斯頓漢堡，用咗美國安格斯牛肉造成漢堡，配上燒烤醬汁，加埋少少煙肉碎，好惹未啊！另外可以加$20跟餐，餐可以有一杯飲品再加薯條或沙律，不過漢堡份量好大，我怕食唔晒就冇加餐啦！我要咗個香草雞扒意粉，意粉軟硬適中。 香草夠香，雞扒肉質滑。真唔錯…查看更多

尖沙咀穩世西餐廳，要上二樓的，地下沒什麼大招牌，不易發現。其實是港鐵站2分一出鐘路，很易找到。 店內的裝修實在是少女浪漫風，非常適合一對情侶，或者一班閨蜜來吃飯聊天。很浪漫是日點了一個牛扒，牛扒10安士的，很大塊，也是$398 ，價錢尚算合理。而且煎得很好。medium 剛好，煎得濃濃牛肉香氣。內裡熟成剛好。帶點咬口，很美式的味道。不用沾什麼醬已很好吃！ 再來一份pizza. Pizza烤得很脆， 口味很搭。配上牛排，剛好夠吃。順帶一提，餐前麵包也烤得很好。外脆內軟！ 差點不小心便吃飽了... 要忍口才能吃到美食…查看更多

係深水埗返左工十幾年, 睇住文記車仔面係同一條街由1間開到4間, 睇住日日排長龍, 食飯時間起碼等半個鐘。 但經過門口見到要等咁耐, 見到入面個個位都係對住堵牆, 個個位唔知有無兩尺闊, 咁就一次都未食過。今日唔知食咩好, 就被同事慫恿試左一次, 仲要外賣, 不敢堂食, 點左個4餸試下, 8號韭菜餃, 12號柱侯牛腩, 13號秘制牛孖根, 35號韓國魚腐皮, 63號米粉, 80號蔥花, 湯底要清湯。韭菜餃—無特別, 合格, 牛腩--味道可以, 但份量太少, 得幾小粒, 牛孖根都炆得淋--贊, 韓國魚腐皮--無特別, 碗面60幾蚊, 加杯凍飲共70幾蚊, 整體同預期一樣, 味道無咩特別, 收費比預期高, 70幾蚊個午餐可以有好多選擇, 今次可能係比同事整蠱, 等我食完同事先話我知, 全公司同事都食過, 無理由我唔去試下, 但原來全公司都無人食過第二次….哈哈! …查看更多

早幾日，嚟到呢間佐敦嘅正品小館。俾餐牌上嘅杏汁燉白肺吸引左。 入到去發現都好多特色小食。感覺唔錯！涼瓜炒花膠，好特別嘅菜式，口感特別，花膠養顏，食得多又會膩，夾埋涼瓜一齊食，剛好中和左飽膩感覺。 好清新嘅配搭。 唔錯！ 值得一試！招牌杏汁燉白肺。 功夫菜，杏汁係鮮磨嘅。好香濃杏仁味，配上豬肺，好特別。超值牛腩飯餐。晚市都係$38，牛腩又多，仲有幾條菜，有埋冬瓜湯同飯，非常抵食！推介： 凍食馬友： 魚鮮肉嫩，咸味剛好，唔洗點醬已經好好食。…查看更多

小朋友最愛 💛 牛油玉子捲：看似簡單但係好食，好香牛油好邪惡。份量超多，我地咁多人都食唔晒。鐵板牛油帶子：牛油同帶子根本係絕配，面頭加上黑椒更惹味！六十幾蚊有咁多粒，好抵食！三文魚腩刺身：三文魚夠新鮮，大大件厚切。腩位又夠油。好想叫多碟。和牛豆腐野菜鍋：牛肉夠多唔算太肥，配埋雜菌同雜菜。仲有滑豆腐。好味。個湯底偏濃味，但送飯又剛好。 重頭戲！北海道十勝紅豆黑芝麻雪糕： 又係必點之選！十勝紅豆大大粒又香甜，跟埋幾粒白玉丸子。多重口感。重點係黑芝麻雪糕，芝麻味濃，好食。…查看更多

最近聽講換左老闆轉左廚師。作為街坊嘅我即時要拜訪下！ 今次一家大細去食晚餐。去到已發現作餐牌終將更換喇，以往舊餐牌真係食到背得熟。黑松露忌廉白菌意大利飯： 有淡淡嘅黑松露醬香味，忌廉汁香濃，仲好多芝士，每一啖都拉絲咁。喜出望外。仲有個中式嘅，香滑海南雞配例湯。海南雞肉質真係超滑，浸雞時間控制得唔錯，剛好離骨，雞骨仲見紅，所以好滑。個海南雞油飯先係重點，唔算好油但夠咸香。轉手前食物質素都唔錯，係杯咖啡淡如水，令我唔想再去。而家杯咖啡有改善左。街坊們如我，又多個選擇喇！…查看更多

上環呢間平時好多人，今日見唔洗排就去試下。 點心都唔錯。 鮮蝦腸粉： 腸粉皮薄蝦夠爽口懷舊春旦燒賣： 燒賣肉質新鮮，中間仲有大大隻蝦，唔錯蛋白杏仁茶： 麻麻，冇乜杏仁味，好甜..唔見有蛋白，但夠滑懷舊芝麻卷都唔錯，如果爽啲更好…查看更多

去到尖沙咀想搵野食真係唔容易。周街都係人，想簡單食下野都好難！ 幾經辛苦先搵到位，😌🤣🤣呢間都好多人排， 本來想叫2碗，但見人地個個呢碗真係好吸引。八餸茄濃湯粉 ， $69好大碗，夠晒2個人食。 蕃茄湯底非常香濃，通粉又唔會淋晒，好好食。 估唔到平時唔食粉嘅小朋友都啱口味。 而且碗料非常多。配埋滑蛋，真係好惹味，牛肉夠林，最好食係啲菇菇，吸晒湯嘅精華。小朋友都食到唔停口。啲丸都好爽口。認真抵食。尖沙咀簡單輕食，好選擇…查看更多

天氣熱辣辣最好就係食米線㗎啦，出完街唔想轉買兩碗米線返屋企食！外賣唔錯喎，湯同面都係分開嘅。份量都好多。不過麻辣米線唔算太辣，怕辣嘅人都食到。 配料都夠多， 份量大，價錢平…查看更多

焗咖哩雞扒飯, 咖哩唔算辣, 咖哩味好香, 喜出望外嘅仲有一層厚厚芝士, 這一點在其他地方食比較少見, 雞扒夠嫩滑又厚, 唔會又霉又硬, 例牌配有少量薯仔, 整體又香又惹味。…查看更多

午餐外賣一般都係叫啲炒粉面飯, 或者午餐, 常餐咁, 都係啲咩扒+咩汁+餐肉呀火腿呀或加隻煎蛋, 都無咩特別。今日試左個” 西冷牛扒配炸蟹鉗黑椒汁+意粉” , 心諗個名咁好聽, 嚟到都應該係果啲行貨例牌飯, 打開一睇與別有點不同, 先試個餐湯, 有不少蔬菜西芹, 味道唔錯. 比較少見嘅配菜, 係顏色鮮艷的小甘筍+脆肉瓜, 急不及待已食曬啲配菜, 仲有兩顆炸蟹鉗, 平時唔係去飲都好難有得食, 嚟到仲脆脆地, 收貨啦。西冷牛扒香, 滑, 淋 成隻叉咁長, 1.5CM 厚, 味道很好, 加埋杯餐飲熱咖啡, 非常滿足。…查看更多

招牌推荐 滑蛋叉燒飯, 今個月第二次翻食, 貫徹味道一致, 不負我望, 很好。叉燒夠淋唔會又乾又硬,炒蛋很滑不會過熟過硬, 加上蔥粒很香, 應該每客即叫即做, 加上叉燒, 整體不錯。不用花巧, 簡而美味。…查看更多

今日試左深水埗區一間瀨粉店, 點左個魚皮餃水餃鯪魚球清湯瀨粉。瀨粉比一般街市買果啲比較粗, 有口感, 少少似米線, 清湯味道OK, 配有少量花生, 芽菜, 木耳絲, 鯪魚球新鮮彈牙幾好食, 魚皮餃穩陣之選, 水餃是夏日瘦身版內含大部份係木耳絲, 3樣餸各3粒, 外賣加兩蚊, 共$48。凍飲加$9, 無叫到, 自己另外去7仔可以買支大汽水。…查看更多

本來叫左到會！點個竟然甩底！十幾個人有大有細， 餓到3點先話冇飯食！ 不得了！叫外賣啦！ 叫咗好多嘢食呀，常餐沙嗲牛肉麵，跟埋煎蛋嘅，不過啲沙嗲牛肉超級鹹！ 大人都真係食唔到！ 小朋友就天加啦！ 過完水先食得！ 但個牛肉都夠淋，唔算好差嘅。 叫左幾個炒粉麵。 雪菜肉絲炆米又幾好食喎。有朋友話太淡無味，我自己就覺得剛剛好啦！叫咗個西多士， OK啦！外賣總係好難保持好食嘅！ 有一個星洲炒咪，星洲炒米又真係冇乜味，太淡啦，有顏色囉！似乎冇落鹽，但都夠足料嘅！係我嘅情況之下，算好好食啦！…查看更多