mmc21b的个人专页

我好少寫食評 但呢間真係忍唔住要寫一寫因為牛角入唔到既緣故 去試一試新餐廳 一坐低有個精緻既頭盤 同有一個牛肋條 然後店長過黎幫我地燒 又教我地點燒牛最好食 個牛肋條一入口好驚人 非常juicy 可惜唔記得影相 其他既牛都好有牛味 我以為咁好食既頭盤 食完就無 原來每種肉仲可以encore 另外仲有好多野食揀 我個人真心覺得好食過牛角 店長真係極好services 成日都好親切過黎教我地點燒最好食 有時又燒埋比我地食真係三星級價錢 五星級服務 下次再食燒肉 呢間係首選…查看更多

星期六晚周圍都多人 見到呢間幾特色 特意前來探險一向支持小店 因為以往經驗都會喜出望外呢間位置唔算難搵 一出地鐵就係 裝潢幾有特色 坐得幾舒服但食物就無想像中咁好 Pizza 同意大利飯中規中矩 無咩太特別Pizza 的的式式 適合2-3人食 可能有parma ham緣故 有少少過鹹龍蝦汁意大利飯無咩驚喜 至於個窩夫 😓 雖然係即製 但蛋漿真係有d苦 唔係咁好食最慘係服務 星期六晚上全場得一個短髮女侍應 好似全世界欠左佢咁 黑面又唔招呼客人 希望店主能改善…查看更多

失望 一直係pacific coffee fans 咖啡好飲 員工friendly 用member card有時都會提你月份優惠呢間既服務態度係全城最差 員工無禮貌 木口木面 十問九唔應期間見到有個顧客張卡碌唔到 個店員仲唧唧聲 最後顧客嬲到要投訴 如果可以都盡量避免幫襯 但成日都好掛住佢d咖啡 …查看更多