ChuSum5011的个人专页

上個星期見到呢間舖頭新開張都已經好想試😂但係好怕中伏，所以一路都冇時間食早幾日終於試完有驚喜啵👍雖然佢係茶餐廳但係食物質素真係唔錯當日舖頭就唔係話好多人 所以就唔需要等位👍👍我第兩個人去食晚餐叫咗2個小菜 魚香茄子芥末一字骨包左2個湯 兩個白飯👍埋單 百幾蚊 總結✌️價錢合理 味道有驚喜✌️份量足夠✌️ 同埋唔使成日食連鎖茶餐廳👍👍👍…查看更多

有一次食過呢度嘅晚餐好食，今日嚟到就食埋佢個lunch。一樣都係一個餐牌有幾款嘢食，我哋叫咗一個蔥油雞同埋一個椒鹽豬扒飯。兩款嘅味道都好出色，雖然蔥油雞肉比較薄，但係蔥油味做得好足。唯獨有少少失望係杯凍西洋菜蜜，黎到啲色同味都好淡，可以落多小小糖水。…查看更多

諗住嚟到石門可以睇到車就食呢間餐廳，叫咗個好正常嘅沙嗲牛肉米粉，配火腿奄列。個沙嗲牛肉米粉啲牛肉勁硬，米粉又粗身，食落去完全冇沙嗲味。個火腿奄列就正正常常冇特別，我諗之後都唔會再幫襯呢間野。…查看更多

聽屋企人講話呢度嘅早餐好食，於是今日就一家人嚟食早餐。叫咗個歐美早餐，炸魚柳煙肉煎蛋配焗豆牛油多士。星期六日勁多客，啲單做唔切，等咗差唔多半個鐘先有得食。嚟到個賣相都OK嘅，所有嘢都好新鮮，不過個炸魚柳略嫌有啲削，咬落去仲有啲水，可以再炸耐啲。不過整體價錢合理，熱飲都係$36。…查看更多

去西貢唔想食太貴，見到呢間越南野細細間就入去幫襯。疫情之下多咗啲圍板，搞到個座位好迫。叫咗個生牛肉金邊粉，賣相非常之得，冬天凍冰冰食返碗暖粒粒嘅湯粉確係好爽！重要啲生牛肉份量好多，價錢又唔貴，性價比好高！…查看更多

今日難得入去西貢，當然要食返最好食嘅海南雞飯，公眾日子再加晏晝時段超多人，等位等咗10分鐘先有得入去坐！今次就咁叫咗個海南雞飯，仲有個南瓜湯送。味道依然係咁出色，等我專程嚟食佢！…查看更多

食過返尋味嘅米線，睇返先知原來得屯門有得食。今日打完保齡專登嚟呢度尋味！叫咗個魚湯米線配墨魚咀同埋螺旋藻！螺旋藻即係平時食開嘅海帶，份量勁多！墨魚咀亦都好鮮味，同個魚湯好夾。今日唔知係咪好早嚟食，餐廳唔使等位，坐得舒服，睇嚟下次要食都要去返呢間，唔使排隊！…查看更多

成日經過呢條街，呢間Cafe都勁多人幫襯，今次就滿心歡喜嚟食，估唔到咁啱有一張枱。我哋叫咗三樣嘢食，分別係青口，海鮮pizza，同埋一個tiramisu！藍青口配牛油麵包，味道係唔錯，不過青口份量偏小。呢個海鮮pizza其實味道好味嘅，佢個餅底係酥皮嚟，個批變焗到好乾，完全冇汁，所以比較難食。最後叫咗個甜品，大大件嘅，但係唔知點解佢個手指餅係乾嘅，同出邊食開嘅有啲唔同，同埋佢個味道偏甜，食唔出咖啡味。…查看更多

屯門華都商場越開越多餐廳，今日就幫襯呢間韓國小店，印象中之前屯門同元朗都有開過，最後就搬咗嚟華都呢度。店舖好細間，加埋好似都冇10張枱，樓面兩個姐姐做到踢晒腳，好彩都算入座快，四個人叫咗五樣嘢食。包括海鮮煎餅，泡菜紫菜卷，牛肉石鍋拌飯，炸雞，牛肉餃子年糕湯。整體都算OK，係個牛肉拌飯冇乜味，有啲乾爭爭。炸雞我叫左兩款味道，蜜糖味會比較好食，但係啲汁偏小。…查看更多

星期六旺角勁多人，間間餐廳都full晒，誤打誤撞嚟到呢一間食辣嘢嘅舖頭。貪佢可以5人一枱，咁樣食飯聚會都開心啲！叫咗個蒜泥白肉，焗蜆，炒土豆絲，樟木鴨，炒扁豆，酸菜桂花魚，川北粉，椒鹽豆腐，酒釀丸子。整體來講所有嘢食都好好味，不過份量比較細，可能因為我哋冇叫飯，所以叫多咗餸。同埋初頭六點幾嘅時候都冇乜人，一到咗七點幾八點就爆曬場。搞到原本想食嘅甜品，師傅都話太忙，整唔到。…查看更多

今日滿心歡喜黎食花華，實在太掛住佢地既手工意粉、等位等左一個鐘都無問題！點知一坐底睇menu先知無手工意粉食，頓時勁失望。但排左隊咁耐，無理由唔食，唯有叫個薯仔批食。賣相幾吸引、但細份左啲，食完都唔太飽。不過整體都好味，係個薯仔批個底燶左啲啲，個芝士都好好味。…查看更多

呢間壽司達人喺屯門好出名，出名啲嘢食又平又靚又正。估唔到馬鞍山都開咗一間，雖然要專登搭一個站去恆安再去街市，但係為咗食冇計啦！佢呢間嘅鵝肝壽司好好食，我個面頭仲有一層薄薄嘅焦糖咁，食落去口感好豐富，每次嚟到都一定會食！…查看更多

同事介紹呢間海南雞飯好出色，話喺香港第一。不過要同泰國比，就曼谷世界第一啦！見佢講到咁誇啦啦，就一於去試！我哋四個人姐姐極力推介叫我哋食四人餐！四人餐係抵啲嘅，有一隻雞、一碟菜、同埋一個鹹魚煎肉餅。呢隻海南雞真係好好食，肉滑到不得了。同埋佢個油飯有啲香茅喺面，好惹味！…查看更多

落雨唔想周圍去，就去咗附近一間Cafe食lunch。咁岩落雨唔算好多人，坐低咗就可以睇Menu出counter點餐。叫咗一個肉醬粗管通粉，一個Pizza，兩杯野飲。整體賣相都唔錯嘅，係個通粉煮得未夠熟，好有咬口。…查看更多

朋友介紹話紅橋附近有一間米線好出名，原來就係路邊果一間。一泊好車就入去，點知前面入咗7-8個人，好彩等一陣又有位。我叫咗一個魚湯米線配豬頸肉同埋墨魚咀，估唔到呢度都有魚湯食，黎到賣相好吸引，個湯底奶白色，好入味。豬頸肉同埋墨魚咀份量都好多，墨魚咀比出邊街邊食嘅仲大粒，啖啖肉，好爽口！如果下次再經過一定會專登嚟食！…查看更多