ciu ciu's Profile

下雨天食個雞煲再打埋邊爐係個唔錯嘅選擇。在網上隨手選了這間.。貪地點方便，聞說新開張也有八五折於是果斷決定。地方裝修雅致，只是座位都沒有靠背，可能是不想你們坐得太舒服坐成晚吧！點了大路的重慶雞煲，味道真的不錯。為打邊爐配料就真的非常麻麻。欣賞很多東西都有半份，適合二人，但性價比真的非常一般，而且建議省卻嗰啲鋪底嘅立立雜雜菜。鮮鵝腸上枱時已經是灼熟了的，當時第一感覺就係「下？如果新鮮點解要幫我灼熟」朋友們似有同感，最後成碟冇食過咁濟。這裏加湯也只是加水，後來一再要求下，服務員皇恩浩蕩式咁話「俾少少雞湯你哋」，但各位食慣重慶辣雞煲嘅人都知，再好味的煲底，不斷加咗一大棚水，味道絕對唔係一個麻辣火鍋該有的味道！所以大家好冇癮咁食咗一晚開水火鍋！黑毛豬肥得吃不下去，西班牙又點呢？肥牛以咁嘅價錢在銅鑼灣來講不值。白鱔片半份四片$68，但係響鈴半份有10件$58，都係有啲費解。服務來講不過不失，只是其中一位男店員相對冇禮貌。如店家才剛剛開業，要在銅鑼灣火鍋界立足，建議一就係貴但係好好食，又或食物一般但勝在價錢實惠，兩樣都一般就非常危險！…Read More

之前喜歡燉，除了是想支持楊明外，重要的是真心喜歡他家的家庭菜。其實有很多努力工作的香港人，一天辛勞過後，有一個地方可以吃住家飯，喝些家常湯水，價錢適中，是個非常好的概念。在灣仔分店已不只一次買下現金券。自從搬了來炮台山，去過幾次這邊的店，發覺除了坐的位置沒有灣仔分店大及舒適外，服務也很有落差！已經好一陣子沒有幫襯。今天想起那條清蒸馬友跟白飯，還有一些現金券，所以決定再給他一次機會。沒想到馬友套餐已經由$108加到$138，更重要的是，現金券不能用來買套餐。晴天霹靂呆在當地。再次詢問，記得灣仔店是可以的。服務員只交代一句：以前可以，E家唔得！是上頭的意思，我亦是按本子辦事！八達通機器壞了，就一句：比現金！其他服務方面的細節就更不用多說了⋯ 我在想，如果老闆在場，他會接受這種服務態度嗎？ 整個店大部份東西都係套餐，如果現金券不能來買套餐，真的不知道講怎麼。…Read More

店員並不友善，從入門口，到點單，到走，態度都像在妨礙他們。反之已經在店內兩位像是朋友的「客人」，卻跟他們高聲談笑，旁若無人。設計簡約本該係一個值得打卡的好地方，但服務態度實在令人唔想再回頭，咖啡又並不覺得好飲。朋友叫了一杯美式，喝了兩口苦得渴不下去（朋友是歐洲人，做酒店管理，比我們懂咖啡）我的拿鐵，牛奶像是酸了，詢問店員，只是回一句「係咁嘅！」做餐飲要不賣環境、要不賣服務、要不賣美食！當然三樣都有就最好啦！在同區，精緻咖啡店多的是，確實不用花$50一位來受這種氣！…Read More

下午茶餐A-C牛油多士改菠蘿油+8， D餐原為火腿芝士牛角包，你地估下轉菠蘿油要加幾錢？8蚊！唔緊要，緊要既係態度！嗰位哥哥大大聲咁話，「都係一樣，要唔要隨得你」！真係覺得佢好有性格，亦即刻知道佢唔係老細，因為老細係唔會咁樣回答顧客嘅！食物嘅味道係幾好，價錢略比一般茶記貴但係坐得舒服，但因為有咗呢位哥哥，我決定唔再返黎！炮台山呢一帶好多特色食肆，選擇係好多嘅。如果稍為有一啲啲唔舒服，亦都唔需要委屈自己！…Read More

朋友在附近上班，極力推薦這一家在「巷子裏」的串燒店。因疫情關係，開店近兩個月前天才開始做晚市堂食，但因午市水凖奇高，已經在商業大廈區做出口碑，一於大年初八約齊4人拔草去。菜單主打串燒，另有好幾款特色前菜。首推炸紫菜白魚乾，炸得香脆一滴油也沒有，下酒一流！其他精彩的菜不少，個人最愛燒牛舌心，牛舌真的是厚的才好吃。免冶阿波美雞棒裹了剁碎的雞軟骨，確實正宗。燒雞胸軟骨用雞胸骨，唔係度度有，值得一試。油甘魚鮫最抵食，才$118。 朋友說午餐最叫座的照燒雞扒，也來了一份，果然名不虛傳。若一人簡單叫這個，加一碗北海道珍珠飯，已經大滿足了！小店的優勢就是能隨季節食材靈活變化，期待更多精彩好菜！…Read More

以正斗的名聲及$85的價格，這隻糭真心的不合格！微温、綠荳唔熟，感覺馬虎。就係睇中你趕飛機，想投訢又考慮到收銀果位黑臉的姐姐，算了啦，反正機場餐飲選擇多，冇下次！…Read More

約了從新加坡訪港的朋友吃早餐，最地道的一定是喝早茶了！捨附近的蓮香居而選這裡，喜歡是它的光猛整潔。食物水平是不錯，叫了點心拼盤加义燒腸，才40元，以香港的消費水平，真的是物超所值。唯獨是服務真的讓我這個香港人丟臉。員工私下講話大聲到擾民的地步不算。友人吃得開心意猶未盡多加一籠鳳爪，沒想到那男員工的嘴臉，真讓人心寒。店𥚃那時段一點都不忙，我們真不明白他為何要返白眼？我還誤以為自己長相像要飯的呢！有時候好的餐廳，好的食物遇到這樣的員工，是極大的可惜！…Read More

衆好友飯聚，想揀間環境好D嘅，一行六人，到達後被安排到一間玻璃房内。日頭應該好風景，但夜晚就黑漆一片，仲常有人在外食煙，感覺有D擾民，但一行人興致不减。正因大家聲量都唔细，怕嘈到人地，就順手把門關上。點知有個西裝友入嚟，拋低一句：門唔可以閂，除非訂包廂，會有minimum charge! 立即全部人停口O嘴，呢位經理樣嘅人已經轉身閃開。呢種損人不利己的行為就已夠把一間睇嚟唔錯的餐廳扣一半分。接下來六個人開咗兩壷茶，食到一半，竟然有個姐姐入嚟話：唔好意思，我地唔夠茶壷，可唔可以攞番一個？我地衆人睇住枱面一壺保利一壼鐡觀音，當然係唔可以。姐姐一句說話都冇轉身就走。經過呢兩件事，再點評食物大家會覺得唔公平。但事實。。。有圖有真相。鴨0k，但太肥。有味蜜糖炸竽絲性價比其低，肉丸賣相同菜牌中的差天共地。食完走的時候經過廚房，地下濕立立，唔敢再睇！但想講食物一般最好就服務搭夠。我去過他們在北京的店，佢呢間嘅服務真係失禮死人!…Read More

失禮香港人一直相信機場配套的商店兼負代表一個城市的印象。呢間starsucks  污槽之餘服務又差，員工零表情，看到排在我前面的旅客搖頭真令我感到非常醜，失禮哂香港！…Read More