wankam的个人专页

近排由於工作繁忙，未能夠返鄉下，但又好掛住鄉下嘅和牛，所以最好就係去「喰樂」呢間日式和牛專門店都食返餐好去醫治思鄉之苦。食和牛最好嘅烹調方法，就梗係Sukiyaki！呢一個和牛壽喜燒套餐裏面包括有前菜、火鍋及最後更加有一個炊飯。前菜包括有我第一次食嘅和A5牛餃子，餃子咬開之後已經充滿和牛嘅油香，和牛茶碗蒸，蒸得啱啱好蛋香嫩滑。牛蒡可以清一清味蕾。之後就係我哋嘅重頭戲霜降和牛壽喜燒！呢個和牛拼盤可以試到四種不同嘅牛肉，包括：宮崎牛西冷、宮崎牛肩胛心、沙巴當油花多及牛板鍵！宮崎牛西冷每一片和牛嘅油脂，分布均勻，就好似雪花一樣咁靚，每一片都係入口即溶回味無窮！宮崎牛肩胛心據牛味濃肉汁豐富，肉質纖維較為彈性。沙巴當則係頂級和牛獨有嘅稀少部位，油花特別旺盛，油香細膩，令人回味！牛板鍵則同一般嘅和牛有明顯分別，油花唔算豐富，但係咬落去有韌勁每片和牛基本上只要就淥一淥可以食得，配上蛋香濃郁嘅日本蛋，更加係一個味蕾升級嘅食法！除咗和牛另外仲配有新鮮進口嘅日本野菜拼盤，日本蔬菜份外新鮮豆腐煎過充滿豆香！當食晒所有配菜後店員就會為我哋做一個炊飯，呢一個炊飯可以話係精華所在，配上蔥花，同紫菜幾大碗我都食得晒！最後店員荔枝雪糕，為呢一餐豐富嘅和牛壽喜燒作結。…查看更多

係幾個月前朋友介紹認識到呢間荔枝角穩世餐廳，餐廳喺荔枝角地鐵站隔離勝在性價比極高，坐得舒服見到佢換咗新Menu，同朋友再嚟開餐今次我哋叫咗一個餐前沙律，及三個主菜：1）法式火腿牛油果及藜麥沙律•蜜糖芥末油醋汁：餐前沙律，十分之健康有牛油果及藜麥，對於我哋注重身形減肥人士嚟講，簡直係必食之選，配上蜜糖芥末油醋汁嚟食，嘅野味又低卡。2）法式奶油香蒜蝦球•麵包碗：麵包碗用法式方法配合奶油煮出充滿蒜香爽脆蝦球，無論係奶油汁或者係新鮮蝦球，配上麵包都可以多多都唔夠，建議大家可以叫多個多士去點嚟食！3）澳洲m3和牛肉眼扒，法式忌廉胡椒醬配脆炸薯條：第二度主菜就係澳洲和牛扒配炸薯條，剛和牛扒煎嘅時間啱啱好，肉嫩而且充滿肉汁。而且薯條係我喜愛嘅粗薯條，再配上佢哋秘制法式忌廉胡椒醬，胡椒香十分野味。4）鐵鍋蕃茄醬牛肉芝士燉飯•溫泉蛋：最後我哋叫多咗一個燉飯，利用鐵鍋上菜因此熱度十足，食嘅時候仲係充滿蕃茄及牛肉喺香合熱度，再配合溫泉蛋，十分飽肚，適合無飯不歡嘅人士。5）朱古力布朗尼蛋糕：而最後我哋再叫多咗一個甜品Chocolate Browne, 食呢一款蛋糕最驚就係質感過硬或過軟，而呢一個係焗得啱啱好！6）開心果奶蓋：而呢一餐裏面最令我驚喜嘅係呢杯飲品，應該係有一位新水吧負責人嘅關係，飲品嘅款式多咗，而我哋今日飲到嘅呢一杯開心果奶蓋特飲，味道香濃係我喺香港少見。總括嚟講Monster Kitchen算喺香港食過性價比較高餐廳之一，小型餐廳亦比較有有人情味，下次再有新Menu時候會再嚟開飯！…查看更多

今次係堅食完忍唔住即刻要寫食評！無諗過咁好食同咁抵食🥰OpenRice 訂枱仲要再有折！唔係誇張，香港食過咁多次omakase，都唔會好似今次咁覺得咁抵食！佢最有誠意個位係每一道菜所用嘅食材除左新鮮，仲要有不同調味，令你食每一啖都有驚喜！前菜 3小碟，好清新開胃-木耳菇配紹菜 加芝麻提升香味-蟹肉 配秋葵同香醋水雲-日本蝦夷鮑魚以昆布慢煮2.5-3小時 入味彈牙食完前菜，師傅就好有耐性咁介紹今日主菜，Leon師傅細心，經驗豐富，一絲不苟亦有一種令人安心嘅感覺😌先上刺身，深海大池魚薄切同厚切兩種切法，薄切配淡淡紫蘇鹽，厚切就包住日本京丸蘭蔥，味道十分特別。再黎到貝類，新鮮活北寄貝及帆立貝刺身，食落有柚子香 ，非常之夾，配埋雞冠草，非常爽口，而且含豐富膠原蛋白，十分養顏。繼續去返刺身，日本間八（Kanpachi）被認為是最高級壽司食材中的前三名之一，魚腩部位非常肥美，簡單柚子胡椒，配自家三星漬炙燒一下，魚油香滲出晒黎🤭先黎赤身吞拿魚以醬油漬醃製並配山葵莖，再黎到拖羅，其實本身都好怕食太油，平時都唔太好拖羅，但今次真係大開眼界，用最矜貴嘅大多部份經過深度煙燻，配日式野菜同櫻花蝦，減輕拖羅嘅油膩，帶出香味並提升到另一個層次。和食係鹽燒鯖魚，個擺盤真係滿滿嘅儀式感，係日本嘅味道🥰🍣 手握壽司真係好期待😌 選用精米45% 夢美人米，配自家調製醋，所製成嘅米飯唔會蓋過魚本身鮮味，而家唔洗點醬油都好食🤭真鯛壽司- 天然真鯛真係非常鮮味，肉質緊實漿口活赤貝- 非常鮮甜爽脆日本伊佐木壽司- 第一次食，香港比較少見，魚味濃同埋肉質有彈性日本北海道牡丹蝦- 食開都知牡丹蝦絕對係蝦刺身王者！加少許竹炭鹽，更添層次最後兩款野生魚- 地金目鯛同銀雪魚bb，油脂豐潤，醋麵豉及紫蘇減輕油膩感去到呢度已經飽左9成，以為唔再有驚喜，一黎兩道海膽，師傅即場開北海道小川馬糞海膽，然後好似唔使錢咁起勢咁畢，同場仲試埋剛開季嘅白海膽配秘製蝦夷鮑魚，最後以舞茸鰹魚湯底作結😌…查看更多

朋友大力推薦呢間主題餐廳，放工同同事去試下係咪真係再驚喜。個場係靚嘅有feel，仲有架露營車喺正中間！食物以輕食為主，反而嘢飲好似幾特別。除咗有自家出品嘅手工啤，佢嘅mocktail好值得一試，我叫左杯「戀愛預告」紫色嘅梳打配清甜嘅新鮮荔枝，再加一球雲呢拿雪糕，夏天飲一流！主菜叫左碟卡邦尼意粉，佢意粉上面啲芝士好似唔使錢咁，加隻生食用日本蛋，特別掛汁，配菜蘑菇煙肉都重料！再黎必食推介！大過塊面嘅豬扒，佢係煎到剛剛好！好似slow cook咁！中間粉紅色非常嫩滑，點埋個秘製汁，無得輸！最後，甜品係侍應哥哥推介嘅阿華田脆脆奶蓋爆布蛋糕，中間係海綿蛋糕，加埋華田脆粒，唔死甜！幾得意😎成間餐廳當日係咁loop泰國歌，真係好似去左旅行咁😂值得encore!…查看更多

最近行過銅鑼灣都見到見到登龍街Mid Town有一間開咗幾個月嘅人氣餐廳，外觀睇落好友沖繩酒吧感覺，又有鐵板燒食一直都好想試。但由於幾次都見到高朋滿座，所以放棄。今日難得見到唔駛等，所以即刻同朋友試吓。天賦感覺唔係好大，大概有20個位可以用餐，但整體感覺好好好似去咗一啲熱帶地方嘅餐廳一樣。由於今日揸咗車所以冇飲酒，但其實很後悔，因為呢度一睇就知一定要飲酒，係飲酒+食飯嘅好地方。就普通我哋揀咗三個冷盤小食，包括蕃茄蒜子沙律、辣酒凍風螺、螢光魷魚，我可以告訴大家三個東盤嘅好味程度都超出我們想像，蕃茄醃製得非常香口充滿蒜香，而且十分新鮮咬落有爆出嚟嘅蕃茄汁，而東風螺每一隻都係冰凍脆口充滿辣味酒香，而螢光魷魚，每一隻都係肥美新鮮咬落去會爆出魷魚嘅汁，有香濃嘅鮮味。如果能夠飲酒栽培呢三款餐前下酒菜一定千杯不醉。雖然已經食咗三款餐前小菜，但仍然唔係好夠喉，所以我哋仲叫咗炸山藥條，呢個炸山藥係我喺香港第一次食到，佢同薯條好唔同係外面香脆內裡煙韌，口感層次豐富。食完小菜之後，我哋隨即都叫咗幾款主食包括：鐵板燒蠔、一夜干雞排、大阪燒、香蔥牛肉薄燒及A5和牛坑腩炒飯。我哋一行幾人初初以為煮食份量應該好細，但後尾發現每一樣都比我們想像中大：鐵板燒蠔一份有四隻，每隻都係新鮮外脆內軟充滿蠔汁。大阪燒都係睇住新鮮整起可以自己家紫菜或酸薑一物兩食。而一夜干雞扒更加係我近期食到最好食嘅雞扒，雞扒係經過隔夜風乾減少水份之後才煎，因此雞扒表面10分香脆，但內裏亦都唔會好乾，保持雞肉彈性，而且接了10分芳香，用來下酒一定係一個非常之好嘅菜式。如果喜歡蔥嘅朋友一定唔可以唔試吓呢一個香蔥牛肉薄燒佢哋嘅蔥會偏每粒都爽口充滿清新蔥香，蔥更加能減輕到牛肉嘅油膩。而全晚嘅精選所在一定係呢個A5黃牛坑腩炒飯。一個飯嘅份量可以夠三至四人享用，由於我哋坐吧枱可以睇住師傅細心炮製，範疇得十分乾身香口，牛坑腩粒更加係精粹所在每一粒都食到濃郁嘅坑腩濃香。最後，我哋再叫咗一個蜜瓜糯米糍，作為甜品作全晚嘅總結。Funky Monkey已經開咗幾個月，我哋一直都等唔到為食係真係有原因嘅因為呢度價錢相宜食物份量很大，而且每款食物亦都係很有心思，很有質素。…查看更多

可以令我再次執筆寫返個好評真係唔易，呢間酒樓無論食物、服務、質素都絕對係一流水平，所有職員感覺都好鍾意佢地師傅煮出黎嘅成品食物，可以好仔細講出每道菜嘅味道，咩煮法好食等等，係呢個情況都帶住真心笑容去服務客人真係唔容易！媽咪鍾意上海菜，個開胃小碟其中有一款係海蜇界入面最貴最靚嘅巨型海蜇頭，十分驚喜，媽咪都忍唔住大叫好正，呢舊好貴好難整架，好耐未食過等等….下刪100字而家做緊特價有花膠扒，咁點都要試下，真係大過塊牛扒，滿滿膠質，勁煙韌好味，呢個價錢真係抵到叫！再黎一碟薑蔥龍蝦🦞，d肉多到，一上到枱大家都嘩左一聲！澳洲龍蝦真係啖啖肉，肉質彈牙，非常鮮甜！必定要encore😍講真 3個人食真心飽飽！呢個時候經理強烈推介杏汁蛋白，話岩岩煲起，好正宗，盛情難卻，好彩有叫埋，個味係好balance，唔係死甜，杏汁味好濃好香，蛋白平衡返個味道，無互相搶fo，為呢餐飯畫上完美句號😝食完媽咪已經係咁講，一定要再黎！…查看更多

有時做野辛苦都要對自己好d,lunch 同姐妹去食靖，其實唔係第一次食，但因為lunch 嘅性價比真係高，所以一定要介紹大家。廚司精精壽司12買先$370，我地細食小小食廚司精精壽司9買已經飽飽（$270咋！）計埋加一，一人$300有找，呢d價錢晚市一定食唔到。質素亦冇因為午市而變差🥰🥰因為太豐富我地食到羽太、深海池魚、血雕、平政、帆立貝、金目雕、中拖羅......仲有埋甜品！刺身新鮮之餘又唔係俾行貨你，睇住個師傅邊整邊食有時都係一種享受👍🏻…查看更多

又食日本野今次食嘅係鐵板燒，其他次次食鐵板燒都因為有太多選擇，攪到唔知食得邊樣好，有時又會眼闊肚窄，樣樣都想食，結果叫得多得滯，食唔晒浪費左今次呢間新開嘅鐵板燒有度好，個侍應好有禮貌甘推介左個tora tetsu omakase for two 俾我地（即係廚師發板🙈）甘我地又唔使煩食咩，又樣樣都試到！首先上嘅三色刺身剛剛好，刺身從來新鮮就好食睇住個大廚係我地面前燒個鮑魚，已經流晒口水，完全符合晒色香味俱全，隻鮑魚大大隻，又新鮮，入口夠晒爽彈，一流👍🏻另外我都好鍾意個煮蜆，淡淡嘅清酒香味，令蜆肉更出色👍🏻肉就點少得口牛呢🤣雖然份量唔多，但岩岩好嘅感覺絕對唔怕食到膩。一向都唔太好澱粉質，但個set 有埋，唔食又好浪費嘅，真心冇諗到個炒飯甘足料，好夠鑊氣又唔會太油，今次都忍唔住食左成碗飯🙈要滿足，一定唔少得甜品，雪葩就岩我地呢嘅好甜又怕肥嘅人😌😌…查看更多

我真係好鍾意好鍾意食日本野ga!所以就算係香港，都要搵間高質嘅日本餐廳🙈。坐底，諗都唔使諗，即刻order 左原條池魚刺身，新鮮嘅魚係唔會有腥味ga,肉質鮮美，師傅嘅刀工更加係藝術。朋友仲話點可以有餚冇酒，所以我地仲叫左枝「月之玉響」，入口唔算好dry,可以襯托返魚生嘅鮮味，當然啦，唔係好飲得嘅就淺嚐好la。除左魚生，我地仲order 左「特上漁友浜燒盛合」，佢d海鮮真係好鮮甜，有鮑魚、生蠔、蟹腳......最重要係有埋專人服侍ar ma🙈🙈🙈唔怕自己over cook💪🏻如果想食得清新d,可以好似我地甘加個沙律🥗，呢個雖然係黑松露平目魚邊沙律，但其實我最欣賞佢夠多牛油果🥑🙈好食嘅牛油果其實真係好似魚生ga！餐廳仲有好多選擇，成日食都唔厭…查看更多

一向都好鍾意食中菜，如果遇到出色嘅中菜廳更加開心。因為佢真係會展現晒食物嘅色、香、味、美出黎💪🏻第一次食用牛肉整嘅獅子頭，比起用豬肉整嘅肉質更好，唔會「鞋」口，加埋陳淡淡地嘅陳皮味，食落唔會太膩。我地見9成嘅人都會點金磚豆腐，我地當然唔執輸啦，炸豆腐其實好難整，外面又要脆，入面又要滑，呢度完全做到，而且調味唔會太濃，仲食得返豆腐嘅清新感覺。但食晒就發現唔記得影相😂😂而我覺得最最最特別係個湯，好別緻甘用茶壺上，就算慢慢飲，放耐左，都仲keep到個溫度，日本花菇燉螺頭雞腳湯，只要足料，味道一定冇得輸🙈反而覺得唔夠喉🙈唔好話唔提大家，陳皮紅豆沙一定要試埋😌😌…查看更多

同朋友慶祝生日，當然要食好d,難得搵到間餐廳氣氛唔錯，價錢又合理，緊係要去try try la!呢間餐廳算係新派菜，好多唔同特色嘅選擇。見到佢有個藜麥秋葵沙律，唔係好多地方有，而且秋葵又係健康之選，就點點佢！見到個沙律，真係嘩一聲，用料非常新鮮，冇後悔👍🏻 前菜我地仲點左香煎北海道帶子，帶子肉都算係厚身，好鮮甜，加上上面嘅魚子醬就更見出色👍🏻👍🏻我地兩個都鍾意食海鮮，所以就再點左個磯煮南非鮑魚，認真係個汁令到個鮑魚加分嘅😌主菜我地就食左御家慢烤乳豬，乳豬香乾，入口唔會覺得油膩，份量兩個人岩岩好👍🏻👍🏻👍🏻女人食飯又點少得個甜品，焦糖芝士鬆餅絕對係完美嘅ending🥰…查看更多

打邊爐從來都唔需要分季節，只要想食就得，如果想食得再飽肚d,甘就一定要食粥底鍋，如果要食得再鮮味d,就一定係食海鮮粥底鍋😘今次同豬隊友試左阿爺粥膳八鮮鍋，真係冇得彈🎊，海鮮夠晒新鮮，有齊奄仔蟹、鮑魚、元貝、海蝦、貴妃蚌、海沙白，蜆，再滾已經知道個粥會係精華啦！呢個餐本身仲有雞，但係豬隊友作為食肉獸，佢點會唔加d肉呢，手切牛同豬片肉質都好鮮嫩👍🏻過程中都真係要讚下d員工，因為我唔小心倒瀉左杯茶，個姐姐冇續我地煩，仲幫我換過份餐具，有時食飯除左野食要有質素之外，其實服務都好重要ga!…查看更多

難得同豬隊友過海shopping, 行到攰攰地，就想搵間餐廳坐底食下野，見到一間樓上cafe 嘅招牌幾特別，所以就上去試試。餐牌d相好靚好吸引！見到相已經覺得肚餓。豬隊友點左一份黑松露意粉🙈（其實見到隔離檯份意粉好靚就跟住點！）個意粉好香，最特別係on top 有個打到好高嘅蛋白，個面好似用火槍燒過甘，口質好特別，味道出奇好食。個意粉好足料，其實唔計個蛋白已經好好食，加埋個蛋香就更見出色。我就點左份黑糖伯爵茶風戚蛋糕，好軟綿綿，黑糖味出眾但就唔係好覺個伯爵茶味。環境ok 慢慢聊嘅地方好介紹仲要讚埋杯芝士奶蓋牛油果沙冰…查看更多

向來對食日本野都有一份喜好既我，今日去咗位於元朗有極大名氣既鮨文試一下佢地既omakase師傅發板。一去到坐低後師傅比我地第一樣食嘅就係豉油淮山同蘿蔔漬物，兩樣嘢食可以先清淡下我哋味覺，讓之後食嘅嘢可以更加細味品嘗。食完漬物之後第一樣就係嘗試佢哋嘅黑松露茶碗蒸，呢個茶碗蒸裏面有帶子、松茸菌，而且更有名貴嘅金箔味道濃郁充滿黑松露香氣。食完茶碗蒸之後，開始食嘅就係刺身五點，第一款刺身就係松川鰈，師傅用岩鹽和青檸汁令魚身件更加清新，而背部就用火灸去逼出油份釋出更多油香！第二味刺身就係獅魚，獅魚其實就係偏大80 cm以上嘅野生油甘魚，經過網燒更能帶出魚香。食完刺身之後師傅安排另一味由魚內臟做成的菜式‘白紙’，白紙係由雪魚內臟所造成配上蔥、蘿蔔蓉和酸汁一齊食經過火灸味道香滑濃厚。跟住呢一味就係我最喜愛的一味餸菜‘香箱蟹蓋’，蟹蓋係由福井縣松業蟹先拆肉後再加上蟹子和蟹膏所砌成嘅蟹蓋係食前再加上由蟹煮成嘅濃湯汁非常野未！食完松葉蟹之後我哋就食咗由九州白象拔丰所整成嘅壽司！象拔蚌新鮮爽口彈牙係一等靚食材。然之後我哋就食咗安康魚干同埋鱸魚，鱸魚配上京都蘿蔔同白麵鼓醬，魚肉配上白面鼓香味，毫無遺和感！之後我哋更食咗北海道北寄貝、昆布漬金木鯛和針魚壽司，三款壽司師傅都特別用精巧既刀功將刺身切成細緻花紋，放上由北海道七星米加新瀉米所差成嘅壽司食用更添口感！最後我哋更試咗鮨文最出名嘅海膽杯！師傅分別利用兩種不同的海膽，如白海膽和馬糞海膽再加上牡丹蝦整成豐富嘅海膽杯兩樣海膽分別有唔同味道味道甜美濃郁！海膽背後本來已經好飽但師傅利用紫蘇和千本漬、大蔥製成手卷，紫蘇嘅味道加上千本漬的甜酸味中和了本身飽嘅感覺，呢味手卷就如有畫龍點睛既感覺！最後師傅更附上有靜剛蜜瓜配上威士忌，清甜嘅蜜瓜配上濃郁酒香為晚飯畫上一個完美的句號！…查看更多

今次真的很難得！豬隊友肯同我食酸辣野！我知道渝痴漁醉係新開嘅，但一直都搵唔到理由食，因為豬隊友唔食辣野！但佢竟然今次主要提出話食，因為佢聽講好多人都話好好食wor🤤兩個人其實食唔到好多野，所以我地就點左一個主食，一個小食😆小食係我好好好好好鍾意嘅夫妻肺片，為左遷就下豬隊友，所以就點左小辣（但原來豬隊友小辣都食唔到，下次要點bb辣）佢真係整得好入味，牛肚爽口，牛𦟌又唔會鞋口🥰主菜我地就食烤魚，揀左酸菜湯底，佢上菜嘅時候，我地都嚇一嚇，嘩！甘大份嘅！好驚食唔晒🙈，但因為酸菜夠晒開胃，唔覺唔覺食下食下又俾我地食晒wo ！另外我地見佢個drinks list 都幾特別，所以點左兩杯特飲，佢好有心思，有燈幻彩冰粒，令杯飲品係視覺上加滿分，當然佢味覺上都100分啦👍🏻紫色個杯就係紫醉金迷，另一杯就係柑桔青檸梳打，都好好飲ga!…查看更多