夜晚同朋友食飯，佢話之前食過呢間幾好食就去試吓，雖然見到openrice咁多正評都估到係「重視marketing」的餐廳，不過都去試下去到落單時，係一個廚師落的(之後見到佢喺廚房煮嘢，唔知係咪老闆添)，我哋打算叫其他嘢食，唔叫燉雞，因為驚燉雞太大份，我哋想食多啲其他嘢，加上我想食炸雞，但個廚師見我哋冇叫到燉雞，就不斷sale我哋叫燉雞，話佢哋燉雞幾好食，好食到識飛，感覺唔叫燉雞就唔俾我哋落單咁，之後都叫咗個燉雞，話哂佢呢度都係叫燉雞，加上個「銷售員」又話幾好食，當試下，叫咗個芝士燉雞，海鮮薄餅同士多啤梨米酒個海鮮薄餅嚟先，一食落口，心諗我中咗肺炎？冇味嘅？？成個餅都冇調味，要點佢啲汁先有味，啲海鮮又係切得細細粒，都食唔到有乜味之後個燉雞嚟到，見到個賣相都唔太好睇，一食完到落口，即刻明白到個廚師強迫推銷的堅持、佢的用心良苦，唔係因為佢係招牌，係因為佢好L貴啊！！咁樣佢咪可以當你韮菜咁割囉！個燉雞成$300幾啊！但味道呢？普通到冇得再普通，你出街是旦食一道雞料理都好食過佢，雞冇雞味，又嚡又乾，啲雞又唔入味，碟嘢入面啲冬粉煮唔透好韌，成碟嘢感覺就係雞還雞，汁還汁，似係先將雞分開煮熟，再加入去汁到煮，所以佢啲雞先唔入味同唔嫩，你仲食到啲雞皮係韌韌哋(得未煮透先會咁)，咁我想問你個「燉」去咗邊啊？又唔嫩又唔入味，啲汁又好L重口味，食完要係咁飲水，仲有啲芝士都冇芝士味，仲要加成$30，份量又唔算多，2個正常成年男性一定食得哂，離L哂大譜仲有枝士多啤梨米酒，成枝嘢都冇乜特別，冇士多啤梨味，只係喺枝米酒度加咗士多啤梨粒，最特別係佢竟然夠膽死收我$118！份量又唔係多，同朋友2個人飲，每人飲咗2.5杯就冇咗，半枝嘢全部係冰最後講埋個環境，收我$300幾蚊「酒店價」雞同$130幾蚊的水，你同我講你冇錢裝修？？場內的裝修特色就係冇裝修！樓下茶記的裝修都好過佢，自己去openrice睇吓就知，記得睇夜晚啲相，俾得咁貴食你啲嘢，連裝修都慳返，仲有張枱都細過人，放2樣嘢就冇位，連播音樂都要用yt，仲要聽聽吓聽埋廣告，今鋪真.夜繽紛埋單$542，記住！我哋只係叫咗2樣嘢加嘢飲！係2樣嘢加嘢飲！係2樣嘢加嘢飲！！重要嘅嘢要講3次，食咁少嘢人均近$300？？呢個價我出去鋸扒唔好？食拉麵唔好？食放題唔好？食物質素又唔好，環境又唔好，職員又強行推銷，openrice上咁多「好評」，大家見仁見智啦，只可以講識做生意，強行sale你叫燉雞，啲嘢食賣到貴一貴，水你一筆，又唔洗搞裝修，慳返一筆，再喺openrice到做好啲marketing，月入幾十萬不是夢！…Read More
