csfong的个人专页

見新開無耐，又日日咁多人排隊，姑且都排埋一份試下。揀咗第二級＂極上美國牛肉＂，結果質素係差過涷肉舖啲平價牛肉，反而豚肉仲好食。自助食物款式唔多，大部份丸類都鬆散，無咬口，係得墨魚丸叫ＯＫ。蔬菜類幾新鮮，唔錯。烏冬幾好食，拉麵就完全唔得。醬料款式多，但大多數味道都麻麻，唔算係好貨式。反而咖哩汁做得幾好，食咖哩飯仲正，咁算唔算喧賓奪主？飲品只得汽水，好似我呢啲唔飲汽水的人，唯有飲水算。乳酪配料唔多，但係都預咗，但最慘係味道唔好食，陣味好怪，小朋友都話唔食，仲話超市買杯裝仲好味。結論係：排咁耐係戇居，傻仔做一次就夠。…查看更多

其實已經經過呢間鋪好多次，每次都想試，但最後都係去食其他野。今次的起心肝入去試下先，入到去見間舖比較細，人客又唔太多。不過唔緊要，食野係食味道，要下定論前，點都要食完先講先夠公平嘛。問下個職員，有咩好推介，佢就話試下朱古力心太軟併雪糕同梳乎厘，我同友人就決定信下佢。等了十多二十分鐘，朱古力心太軟上到枱，就聞到一陣頗濃的朱古力，切落去就見到朱古力漿流出，食落去覺得朱古力味很濃，但不算太甜，亦不會覺得太膩。唔錯，相比之下，個芒果雪糕就無咩特別。之後，再試個梳乎厘，蛋白味夠，又不太甜，幾好。下次有機會要再食多一次。而我細心留意每枱客人，發覺每樣甜品都係即叫即做，雖然會等得稍耐，但即製絕對比預先做好再加熱好得多了，淨係呢個認真態度，都足夠令我下次再試。…查看更多

見到團購賣 $188 享用牛魔王拼盤 (原價 $438) 或以$268享用至尊海鮮船, 覺得好耐無打邊爐, 就諗住試下, 結果.............一入到去就鋪位唔算好大, 但都唔叫逼,坐得OK舒服, 但冷氣就涷到得人驚, 小朋友真係涷到手腳呀面呀都青埋, 大人都要即刻著褸坐咗一輪都無人理我地, 而且係人都唔見多個, 起硬20分鐘先有人問我地揀咩湯底................團購海鮮船, 每樣有4件, 蠔好肥, 扇貝大粒, 但竟然全部無咩味, 神奇條魚都新鮮, 但overall份量真係好少, 而且部分魚肉切片後, 成個魚身俾我, 我都唔知點淥好再叫一碟牛, 一碟牛脷, 一碟牛骨髓, 一碟牛栢葉, 一碟韮菜餃, 一碟墨魚滑, 一個芝士墨魚麵牛: 普通, 無咩牛味, 份量OK, 幾大塊牛脷: 完全無牛味, 份量OK牛骨髓: 完全無味,奇怪點解會完全無味, 份量OK牛栢葉: 完全無味,奇怪點解會完全無味, 份量OK, 同行友人形容同3M地毯無分別韮菜餃: 呢個仲神奇. 食佐都唔覺有食到味, 得8粒墨魚滑: 幾好味. 但好少芝士墨魚麵: 最好食呢個, 份量正常呢篇食評我寫完都覺得怪, 成個火鍋, 連埋湯都係無味, 都唔知食緊咩上面所有嘢加埋團購海鮮船, 咁就差唔多1000蚊, 要9XX埋單一行人五大一細, 係兩男二女就咁餓住埋單, 之後仲要去食M記先夠飽.我肯定一定無下次!個人意見, 鍾意食牛可以去試下荃灣金總統, 一定好過呢度 …查看更多

本身已經係芝士怪, 見到有團購, 啲食評仲咁好, 諗都唔再諗就買黎試, 結果真係敗興而回肉腸酥皮PIZZA (5吋) 尚算OK, 可以一吃, 但唔係話好出色意大利燴飯就真係差到無朋友, 食一啖都唔想再食落去, sorry大家, 我真係覺得差到連形容詞都諗唔到.薯芝波, 得兩粒, 無芝士味, 同超市某牌子用水開既薯蓉差唔多味芝士釀雞翼, 得兩隻, 芝士味同樣唔覺, 但都炸得幾香口, 呢個係唯一好食芝士脆脆, 得幾條, 見咁多食評話好, 當然要試, 仲要佐兩份, 結果係我真係唔識欣賞, 唔知有咩咁好食, 連美心以前賣的芝士條都好食過佢團購優惠$35 買價值$83芝士三重奏, 但結果你俾番$35 的份量我, 我真係唔知優惠去咗邊, 仲要接近無一樣嘢有芝士味, 結論係無優惠唔會去, 有優惠都唔好去…查看更多