糖果小妹的个人专页

晚上7-8點去食，入面都基本坐滿，要搭枱QR code落單，上網睇見到介紹佢既餃子，不過餐廳入邊嗰個都係火鍋叫左個擔擔面&蕃茄湯餃子擔擔面唔算正宗，只有海量榨菜粒，麻醬味唔重又沒有花生味/花生粒擔擔面愛好者表示失望餃子不錯，雖然不算大隻，但餡料充足，上枱都夠脆香口:)但個蕃茄湯就唔得啦，見到食評話會有4-5塊豬潤，我個碗得一塊勁細，肉片反而就有幾塊，最重要係湯底茄膏味濃，飲咗幾啖就覺得頸渴而且衛生情況有待改善，我搭枱嗰個位張凳都係污糟，期間對面搭枱嘅客人走咗，食完啲嘢放咗好耐都冇人執走，直至下一個客人入嚟之後，先至清潔抹枱結論係⋯餃子還可以，其他不了…查看更多

晚上大概9:30左右到達，小店位置不多，需要等候入座⋯店舖只有一位叔叔全權主理（門口有寫只有一人，需要耐心等候）等了大概半小時便入座，因為已經肚餓嘅緣故，一次過叫咗比較多嘢食⋯叔叔會問你需唔需要辣，好貼心串燒製作時間比我想像中快（因為即叫即整）所有食物上枱都係熱到出煙肉類首先上台，燒羊鞍生熟把控得好好，有肉汁但唔會硬⋯燒牛ok, 豬五花燒魷魚好有鑊氣特別推介燒啡菇肉質飽滿，今晚MVP另外燒燒賣同燒蔥油餅，都好唔錯插曲：食完兩串燒燒賣後意猶未盡，想追加（其實已到準備關店時間）叔叔見我哋好想食，即刻再幫我哋加製可能客人會覺得等待時間過長而不滿意，但我覺得人地係小店，而且串燒本來就唔係快餐⋯叔叔講野大聲可能會以為佢好惡，其實佢好有人情味，而且好有幽默絕對會再幫襯…查看更多

咁啱出旺角有野做，搞掂晒已經兩點幾，肚仔餓嗱嗱臨搵嘢食，有啲想食台灣嘢，醒起之前睇過有人介紹就嚟試吓⋯入座嘅時候已經有下午茶，QR code落單簡單方便，$40/1個下午茶，有一份主食+3個小食，仲有埋杯嘢飲，旺角嚟講都幾抵食叫咗一個麵一個飯，個面係麻辣擔擔麵之類，面彈牙有驚喜，滷肉飯就普通啦；小食分別嗌咗台式香腸，鹽酥雞，炸豆腐，地瓜條等，小食正正常常，如果佢有埋甜不辣揀就好啦飲品都幾多選擇，不過大部份都要加錢$5/$8，所以最後帶咗最普通嘅台式奶茶⋯如果你鍾意飲好甜嘅台式奶茶，呢個就未必啱大家啦，事關我叫咗一杯正常一杯半糖，兩杯都係比較少甜，唔知係咪呢度嘅嘢飲都冇咁甜半糖口味非常適合我，因為唔係好甜而且飲到少少茶香，另外試埋另一杯正常嘅，都唔係好甜姐， 10分喜歡我諗下次我會再去食多次個面，再試吓其他嘢，睇Menu好似仲有個臭臭鍋？…查看更多

喺附近食完晚餐，突然好想食甜品，門口見到餐牌上面有綿綿冰都幾吸引，決定入去試一試。叫咗個紫薯牛奶冰，同埋榴槤公主一試榴槤公主首先到達，一放低榴槤味超香，表面全部都係榴槤肉，下底應該係牛奶冰底，味道都唔錯，有種熟悉嘅感覺🧐不過如果唔配上邊嘅榴槤肉下邊就冇榴槤嘅感覺⋯一定要撈埋食先正另外紫薯牛奶綿綿冰，一上枱超吸引，上面嗰幾粒應該係維記香芋麻薯吧 有小時候嘅味道，綿綿冰好滑入口即溶，紫薯味都好濃，牛奶味都好重，我推薦呢一個…查看更多

一出世就住西環，記得細細個阿哥成日買俾我食（之前仲喺對面街）不過最鍾意食車仔麵，而我最鍾意食佢個撈檬，係兒時嘅味道今日行開呢頭，見佢新裝修新舖頭（聽聞好似換咗老細），要即刻入去回味一下，搬咗過嚟對面呢度第一次食佢，入邊裝修乾淨企理，好似大過對面少少⋯一坐低唔使問就叫咗一個王牌撈檬同一個炸春卷，依然係以前嘅味道同水準，食過幾間唔同既越式野，出邊嘅撈檬汁都相似，唯獨係津津呢一間隻味有啲唔同，分量依然有咁多，不過香茅豬扒唔夠香茅味不過整體水準都非常好…查看更多

因為要同屋企人慶祝生日，所以想食餐好嘅自助午餐⋯上網睇左好多間，見呢間好評都多，又話性價比高之類（之前下午茶好hit都諗住試但冇試）所以好幾間入面選左普慶～我係OpenRice 訂既位，沒有任何信用卡優惠同折扣（出左消費券都明既）而且今日仲要係紅日，比閒日都貴得幾多，期望會再高少少自肋平餐1200-1430，餐廳前兩日有打過黎Comfirm booking既，當時有問佢生日會唔會有蛋糕仔或寫Happy Birthday 之類既，同事仔就話冇架冇架，可以自己買過黎了解既⋯但好攪笑係第2日又send WhatsApp黎話可以訂佢地既蛋糕⋯哦，原來要另收費既，其實當時可以直講，我都會考慮下架唔通當時唔記得有咁既服務？不過最後都冇訂佢地既蛋糕（因為賣想好一般）當日大嘅12:15到達，嘩地方比我想像中大，人山人海基本上係full場，員工服務都友善既入坐後放低野就拿拿聲出去拎野食首先當然係海鮮類啦今日有生蠔；小龍蝦；面包蟹；虎蝦/普通蝦；青口/藍青口；螺點評：整體不錯生蠔：細隻但甜（冇沙）小龍蝦/虎蝦：有黃可試青口/藍青口：好咸其他就正正常常，本身睇食評想黎食長腳蟹但今日冇（少少失望）之後到魚生（好新鮮）沙律（正常）熟食區中菜（不錯）；西餐（太普通，一堆蔬菜既頭頭尾尾做既菜式長通粉都難食so sad串燒區（成日有條隊）唔知係好食定係等得耐，見到咁咪試一試，等左好耐見員工係度整，拎上碟有煙應該唔錯吧？點知坐低影左相就即食，入面只係暖燒架喎你唔熱？明顯係熱熟再燒既效果枉我走去排隊轉戰食扒（有燒牛肉；羊架；燒豬卷）燒牛肉（有牛味但太熟，難咬）羊架（食左3轉，第一轉正常（少少紅）；第二太生（見圖片）；第三又正常返（冇紅但又唔硬）燒豬卷（太肥了，食完心臟怕是受不了）點解生熟度可以差得咁遠？最後到甜品（本人對甜品有啲要求）只能講差囉～細細件個d蛋糕食得出唔新鮮既味道，奶凍完全沒有奶香味，個個面包布丁直頭唔掂⋯好彩冇訂佢地既蛋糕，如果食落係呢個質素我會嬲另外想輕輕一講（小疑問），我都算係MOVENPICK雪糕既Fans（會選呢間，有一part係因為雪糕）但想講佢個咪同買番屋企既桶裝味道有少少出入，唔通家庭裝同酒店既會有分別？整體來講，如果係食海鮮為主可以試，其他有要求會失望 假日呢個價錢唔值得試，想試閒日食就好了餐廳布局好好，食物分區好清晰而且平均，無論食係邊度都唔會覺得出去拎整食行得太餐⋯但係唔知點解個地下係咪唔乾淨？排隊既位置黐立立，好似踩香口膠feel咁員工服務都唔錯，雖然好多人都會幾忙但都係友善禮貌的…查看更多

慶祝生日既一餐飯～因為突然好想食片皮鴨，經過朋友既介紹選左呢間餐廳⋯首先一提係⋯呢間餐廳係唔接受訂位既如果想食係要早早黎排隊晚飯當天朋友收工早，早早黎到拎飛（大概6點半）我哋4個人大概要等10張台，全部人到齊等到大約8點先坐得低少啲耐性已轉場了（比左一張6-8人既大台我哋）坐低後快快手用手機落單野食，好彩上菜速度快黎呢度緊係食片皮鴨啦，入坐前係門口已會問定你地要一隻定半隻，因為想試埋其他野食所以叫左半隻片皮鴨好快上（本身係門口等個陣已經見到個姐姐係度密密切架啦）片皮鴨油脂充足，一咬落去好香早知叫一隻啦⋯之後仲有叫左：雞絲粉皮（正常野，間間都差唔多）擔擔麵（沒有足夠花生醬既擔擔是沒有靈魂:(）黑松露百合炒蘆筍（出色，口感很好）小籠包（咁貴仲要咁普通，皮厚左啲）海鮮粉絲煲（炒得乾身但入味）麻辣炒雞唔記得名（好入味，麻麻辣辣咁，譚仔最多小辣既我食左兩塊就投降了）食到8點45分，餐廳員工話last order之前上網再睇，先知原來餐廳收9點係我冇留意清楚既，冇諗過收得咁早，因為入坐個陣放低左蛋糕（切餅費$100）所以埋左單就馬上叫佢上蛋糕了⋯雖然食完蛋糕都過左9點，不過餐廳員工都冇講d咩，感恩感恩整體來講⋯如果keep住要排隊等咁話，試一次好了…查看更多

今日突然好想食拉麵，上網搵吓附近邊度有⋯見到呢間介紹又和牛又拉面，即刻同朋友過嚟試⋯首先，門口招牌唔夠明顯，跟返Google Maps行過咗龍再返轉頭先搵到😅😅入到去原來係一間小店，數埋大概10個位左右，馬上坐低嗌嘢食，叫咗個三色拉麵$128（好似係咁叫）嘢食好快就送到，一嚟到梗係相機食先啦，好快咁影咗兩張相，馬上發現一個問題，個拉麵唔夠熱（本人是一個貓舌頭）我影相大概都只係用咗1分鐘唔夠，加埋斟左一杯水（杯水就唔夠凍）🤷🏻‍♀️🤷🏻‍♀️個碗摸上手最多都係暖姐，飲咗一啖湯果然係😞碗拉麵總共係燒豚肉、A4和牛、雞肉各1塊，牛不錯好重牛味（如果大塊d會開心d)雞同豬都普通，蝦湯底都算濃，配菜正正常常啦，不過個拉麵就好硬，唔知係本身面質定係煮得唔夠耐，總之不是我喜歡的⋯食到最後仲要覺得好頸渴，唔知個湯底係咪有味精🤔🤔總括嚟講我同朋友都覺得個湯唔夠熱；個面好硬⋯no next time…雖然唔使+1 ，但係百零蚊我預計要再好一啲…查看更多