kekkkeeeee的个人专页

本身都成日會去登龍街覓食，見住佢初初冇咩人幫襯到排晒長龍過咗熱潮見冇咁多人終於扚起心肝試一次啦！點知又有驚喜喎！自己食完一次之後再帶咗屋企人帶大隊再去食一次😂啲長輩都食得好開心！.老實講登龍街本身已經有米線又有車仔麵附近又有老字號魚蛋粉，變相佢哋突然間開喺呢度個競爭都幾激烈，佢哋嘅賣點係俾你揀雞白湯湯底或者大地魚雞白湯，仲有招牌櫻花蝦雲吞又俾佢諗到呢種fusion嘅配搭！能夠喺傳統中加點創意覺得係值得欣賞嘅🫡同埋佢哋亦都專登用咗永樂麵家嘅粉麵，佢係一間令到我會想帶外國朋友嚟食嘅餐廳！三次到訪叫咗呢啲食物👇🏻招牌櫻花蝦雲吞慢煮牛腩粗麵$65第一次雞白湯底，第二次要咗大地魚雞白湯底男朋友要咗咩都有麵$78 第二次佢都要返櫻花蝦雲吞牛腩麵 $65牛筋幼麵配大地魚雞白湯$48櫻花蝦雲吞粗麵$48淨食秘製慢煮牛腩（半份）$88.咁樣你已經會知道到底佢哋呢間嘢咩係最好食😂😂😂😂😂😂😂冇錯，就係雲吞同牛腩！另外亦都欣賞佢哋可以多蔥同芫荽！櫻花蝦雲吞，你會見到啲蝦籽仲有一兩舊蝦喺入邊，肉質係比較軟糯，blend到好淋，如果追求肉質口感有咬口嘅話就可能未必喜歡，但佢個size係幾大粒，值得一試👍🏻佢嘅慢煮牛腩夠腍！仲有得俾你揀肥啲定瘦啲～面底我兩次都揀咗粗麵覺得好食！但吸湯就吸得好快😿 湯底方面雞白湯會比較淡味，佢未去到話日本拉麵嗰種超濃郁而相對大地魚雞白湯就比較重口味，個人認為雞白湯會比較適合長輩，年輕人就可以揀返大地魚雞白湯啦😹.嗜辣的我向大家重要的提醒就係唔好落佢哋嘅辣椒油！第一次食嘅時候一落咗辣椒油成個湯底嘅味即刻消失咗，即刻後悔落咗辣椒油，覺得好似浪費咗個湯底😹😹😹😹但如果夾住麵佢哋嘅菜莆一齊食都幾惹味！.佢哋嘅炸魚皮正正常常同時間覺得呢個價錢個份量超多多到唔係好食得晒，寧願佢平番少少份量細返啲🫣🫣.男朋友第一次叫咗呢一碗咩都有麵，冇錯，佢的確咩都有，我哋都食到佢嘅丸類比較普通，所以第二次我哋就冇再叫了😂😂第三次試左牛筋麵，佢哋嘅牛筋都好好食，夠軟腍！第三次去嘅時候，我哋亦都叫咗秘製慢煮牛腩，點咗半份，可以減肥或瘦，我哋要咗肥，$88價錢我亦都覺得合理嘅，佢肥嘅位係有咬口，爽口嘅，唔係林jiji 嘅感覺～…查看更多

曾幾何時印象中泰國人海南雞都有好多間分店但原來而家得返兩間🥹🥹.最近行杏花新城 比較過咁多間餐廳發現佢嘅下午茶餐真係超抵食 最吸引嘅點係仲要寫住全日免加一 最平嘅係$39已經有一碗粉仲要包埋嘢飲 凍飲仲唔使加錢！連星期六、日都有得食！ 連續兩星期都去咗食～我覺得抵食嘅嘢係需要讓更多嘅人知道！希望佢哋繼續可以生存到🥹🥹🥹.今個星期兩個人嗌咗呢啲👇🏻🍜香茅豬扒湯金邊粉 $39 x2🦶🏻酸辣去骨鳳爪 $7 x2上星期就食咗🍜泰式牛腩湯金邊粉 $39 x1🍜香茅豬扒湯金邊粉 $39 x1🦶🏻酸辣去骨鳳爪 $7 x2🍥迷你泰式小食拼盤 $55 x1我第一次叫咗泰式牛腩金邊粉，揀咗冬陰功湯底，印象中都有五六嚿牛腩，雖然唔係超大嚿，但都不過不失，佢係用牛肋條再切成粒粒咁，冬陰功湯就有少少失望，唔夠酸又唔太夠辣咁😂😂 而男朋友就要咗香茅豬扒金邊粉配船麵湯底，個船麵湯底反而有驚喜，濃郁好多，仲會搭多嚿蘿蔔，蘿蔔超入味好食！所以我今次去都叫咗呢個😂😂😂每碗粉佢都會搭多兩條生菜🥬，香茅豬扒都有一塊雖然唔叫好厚，但都分到五舊左右，$39價錢絕對pass!✅但今日碗粉唔知發生咩事，獲得一餅粉😹😹，不過佢嘅湯夠熱，可以鬆返開啲粉！.呢碟泰式酸辣鳳爪先係我哋驚喜位！調味一啲都唔Hea，勁夠辣😹🌶️🌶️🌶️ 每人有2.5隻鳳爪！$7抵比.上星期叫咗一個迷你小食拼盤（冇影相）當時就侍應話冇晒春卷，結果就換上咗鳳爪俾我哋，但其實我哋本身已經加咗兩碟鳳爪，但好彩好食，同埋其實佢個迷你小食拼盤一啲都唔迷你都幾多嘢食，蒜蓉包泰式魚餅雞翼各兩件！.飲品方面見到好多人嗌綠色一杯杯嘅物體，所以都吸引咗我今個禮拜嗌咗一杯泰式綠檸茶，但我發現可能其他人係嗌緊泰式綠奶茶，可惜我今次呢杯檸茶係挑戰失敗我覺得佢個味好奇怪，帶點藥水味，下次我都係嗌返普通嘅檸水算😹😹😹😹眼見到都同場好多男士嗌佢嘅飯餐，個飯個份量仲超大個！下次有機會都會再嚟試吓！同埋見到疊疊飯都係熱辣辣上枱！…查看更多

見到有人介紹惠味園呢間潮州打冷菜！據聞搬咗嚟呢間新舖朋友從英國返嚟一於同佢食啲英國好難食到嘅菜式！-當日三個人叫咗五款餸1. 滷水鵝片鵝腸肉卷配豆腐2. 潮式鮮蝦水瓜烙3. 紫菜墨魚丸鵝肉丸4. 沙茶牛肉炒河5. 反沙芋-埋單一共600 除返開每人200，有食剩，如果叫4款餸應該就剛好了，大家都覺得抵食兼好食，英國朋友已經講明下次要再encore了！-落完單冇幾耐第一味上枱嘅沙茶醬牛肉炒河 $68沙茶醬牛肉同粉係分開炒的，比較特別嘅係佢個河粉係加咗雞蛋一齊炒，牛肉都好嫩！沙茶醬都夠味滷水拼盤我哋要咗鵝片、鵝腸（原本要鵝肝，但係佢夜晚先有貨）、五香肉卷、滷水豆腐，呢碟滷水拼盤好有驚喜！鵝片比平時出邊嘅店舖好滑同多汁，其實睇相都已經睇得出，佢切嘅部份亦都好唔同！唔通真係同獅頭鵝有關？肉卷好彈牙好食！鵝腸亦都一啲都唔肥！豆腐正常發揮但勝在唔會好鹹！紫菜墨魚丸鵝肉丸湯每款丸有四粒，紫菜冇沙，都分到四五碗，墨魚丸好食過鵝肉丸雖然鵝肉丸好少見到，但係覺得冇咩鵝嘅味，墨魚丸好有口感咬口👍🏻潮式鮮蝦水瓜烙 $88呢個應該係蠔餅嘅朋友，第一次試水瓜烙，正常，點埋魚露太鹹，淨食都可以了，蝦份量感覺太小了反沙芋呢個應該係今日嘅重頭戲！因為一路都未試過！佢層焗好厚好脆芋頭偏硬，朋友話佢之前食嘅係比較軟身，係有失望嘅…查看更多

平日嘅晚上出到嚟北角覓食 喺我寫呢篇食譜嘅時候先知道原來呢間瓊媽媽好多分店佢哋嘅餐牌簡單易明有白飯、菜飯、油飯你揀，主打食雞～～兩個人今晚嗌咗無骨海南雞配菜飯$58海南咖喱椰香牛腩配白飯$57兩個都送例湯我覺得價錢都正正常常啦.落完單坐定定喺度等姐姐送到嚟，都做得好快手～ 海南雞唔算好滑，我會形容佢正常地冇咩特別😂 反而佢墊底嘅大豆芽有少少驚喜，因為好耐冇見過呢種配搭佢用咗麻油拌大豆芽咁樣做配菜覺得幾好食😂有少少覺得好似韓國拌菜為咗食多啲菜專登加兩蚊要個菜飯，啲菜都唔少嘅👀個海南咖喱椰香牛腩有細個去茶餐廳食牛腩嘅味道😂😂 但可惜嘅係佢就咁壹碟牛腩再加咖喱上去，而唔係一齊炆煮好嘅咖喱牛腩，呢個係有啲可惜嘅有驚喜嘅反而係個例湯，好大碗好足料，我仲記得嗰晚坐喺度聽到有人專登入嚟外賣佢個例湯返去飲😂不過不失的一餐吧～～份量唔少嘅，都算係抵食，同埋見到好多中年叔叔幾個都會一齊嚟食😆😆…查看更多

下午茶時間經過茶泰 見到有下午茶Menu入面有香葉肉碎生菜包，fit 晒唔想食精製澱粉嘅我，於是就入咗去.點咗以下兩樣👇🏻🐷香葉肉碎生菜包 $68🥬香濃魚湯娃娃菜 $12免加一服務費Menu 話個肉碎要等20分鐘，但好彩好快就上枱啦～ 賣相份量係合格嘅～ 肉碎上面仲有啲炸乾蔥碎，生菜份量都有1/4，但係個肉碎調味好酸同好甜😂😂😂 係有辣椒但我食唔出香辣，佢酸到我覺得佢叫🍋檸檬肉碎好啲😂.雖然佢話自己係少糖少鹽食店🤡但我亦都唔排除可能係我因為低碳嘅緣故味覺特別敏感掛👀為咗唔想酸親我棚牙，見到可加$12要碟魚湯娃娃菜，上到嚟得一開二份量嘅娃娃菜，笑左出嚟，味道正常地冇咩特別～呢間舖嘅優點係夠寬闊開揚同埋有自然光，坐得舒服嘅，唔洗加一應該都係優點掛～下次會爭札下嚟唔嚟先！…查看更多

作為一個想奉行低碳飲食嘅人平時如果返工一人食午餐選擇的確有啲困難覺得佢pickabowl都已經係一個好好嘅選擇但見住佢價錢越嚟越貴，健康真係好貴😂😂今個禮拜幫襯咗兩次$86 慢煮天多利雞[蛋黃配菜]+$2轉椰菜花飯$86 薑汁松阪豬[和風配菜] +$2轉椰菜花飯.其實不嬲嚟呢度食佢嘅pokerice每次飽滿足嘅唔會驚唔飽，呢排因為想戒一戒生冷食物，所以就唔揀魚生了，佢哋啲魚生都好好味！可惜係海鮮類都會偏貴，咁所以揀熟悉了🥹.第一餐我揀咗薑汁松阪豬先～🐷除咗有松阪豬，仲有烤南瓜、玉子燒、烤豆腐、四季豆、毛豆配日式自家制醬油，都不失有好多好好嘅蛋白質纖維，仲有健康嘅澱粉，我自己平時都會食開椰菜花飯，不過生嘅椰菜花飯呢就少啲啦，不過勝在佢多配料，撈埋嚟食都唔會有好大陣草青味！松阪豬亦都有滿滿薑汁味，好似生薑燒咁樣同埋都大大粒，係滿足嘅！😌😋第二餐揀咗慢煮天多利雞肉，慢煮天多利雞、菠蘿、青瓜、蟹籽配蛋黃醬，想講真係有啲圖文不符，圖片只供參考😂，本身菜單上嘅雞肉係醃過之後先慢煮，但佢而家變成慢煮咗好多粒嘅雞肉之後再淋上tandoori sauce，食落嘅時候個雞肉都真係冇味，冇雞味亦都冇鹹味😂，10分適合追求健康的你🤣.如果下次再揀，我應該都會揀返食松阪豬了😆😆除左講味道，主要係整體上松阪豬個配搭亦都口感豐富一啲食落開心啲🫶🏻…查看更多

適逢放假又要去荔枝角，咁就順便去長沙灣試吓呢間餃串party啦！.店舖座位唔太多，排咗一陣等張四人枱一早資料蒐集好當然嚟到要食佢嘅餃子啦，仲有最特別嘅係佢有埋串燒同埋見到佢啲飲品類別都幾特別，所以都叫咗一支！今日叫咗呢啲👇🏻🥟每人一碗餃子（雙拼八隻 $50）🧊涼拌黑白雲耳 $30🫔香煎腐皮卷 $28🐟魚腹鰭 $15🐔沙嗲雞 $12🍍菠蘿桂花雪梨茶 $15.湯餃會配埋佢哋每期唔同嘅冇味精湯！我哋飲完都冇口渴！！我哋試咗三款嘅餃子，分別係涼瓜豬肉餃、韭菜豬肉餃，同埋香芹芫荽豬肉餃！三款餃子入邊我最鍾意嘅係香芹芫荽，之後係韭菜豬肉，涼瓜豬肉我就覺得比較特別，因為平時出邊比較少見，但同樣地佢會苦左啲😂下次就未必再叫了～.我好鍾意佢多菜少肉嘅比例！真係超正呀！！見到入邊啲菜都仲係保持到翠綠😍餃子皮亦唔厚，鍾意薄皮嘅人就超開心☺️配搭埋佢哋個湯真係可以清晒成碗！！！大家鍾意亦都可以再點吓啲醋同埋食埋佢嘅菜甫🥟.小食方面，涼拌黑白雲耳 - 因為出面平時比較少見白雲耳，不過味道正常啦，煎腐皮卷都係正常發揮🤓沙嗲雞普通，最有驚喜係個燒魚腹鰭！！即叫即燒！$15嘅價錢真係冇嘢可以挑剔大大串，如果鍾意食魚油脂感呢個就正了！略嫌佢調味重手咗鹹咗啲！但可以配返佢哋嘅飲品！我就揀咗菠蘿桂花雪梨茶呢支茶真係超級大枝，同埋唔係淡茂茂！！茶底幾香.整體成餐都滿意，特別佢個湯底獲得兩老稱讚，都會願意再返嚟呢邊食佢嘅餃子！！😚😚.…查看更多

個標題好似讚得咁犀利得唔得架🤭個晚餐飯大家都食得開心同好滿意之前見朋友嚟幫襯午餐 認識到呢間台灣過江龍和牛烤肉店🍖二話不說 約兩位美食同好會黨員盡興下🥳我哋9月下旬去幫襯 當時撞正restaurant week 所以我哋都好爭札試邊一個set！！！.當晚店員都好好 俾晒兩個我哋揀 最終我哋選擇左平時餐廳提供嘅set 店員亦都好細心講解點睇佢哋嘅餐牌😂😂我地幫襯前研究左好耐但都睇唔明😂 原來分開左左邊同右邊咁睇 （恍然大悟🤓）我哋揀咗每位$598嘅套餐 有一啲食物再on top加錢 印象賣單每人8xx 成間餐廳座位唔多所以大家都坐得好闊落，環境舒適中間有一張long table 放晒所有調味料濕紙巾等等佢哋仲有好多唔同嘅小碟等客人可以自己去拎唔同嘅醬料青檸🍋‍🟩泡菜🌶️鹽蔥醬🫙蒜頭🧄蒜粉🧄辣粉🌶️黑松露醬🍄‍🟫海藻🥣醬油🧂先有兩款頭盤· 日本頂級A5和牛刺身· 招牌極生牛肉佐帕瑪森起司.平時好少有地食和牛刺身，最多都係食牛肉他他，所以刺身呢個體驗都幾特別，滿滿嘅油脂感，反而冇乜牛肉嘅味，點埋豉油同芥末好食啲.個吐司烤得脆脆，內裏鬆軟，配埋他他牛、魚子醬仲有Parmesan cheese 多重口味，幾好幾好之後就開始烤肉啦·「日本頂級A5和牛月見金磚」·「日本頂級A5和牛牛小排」見到佢啲牛都知道佢哋好靚🥹🥹🥹😍 靚牛燒出嚟都會好食是常識吧（只要燒得好😂）和牛嘅油脂好正，但每人都1-2舊就真係夠😂😂侍應上菜時候亦都會教你點樣燒，要燒幾耐，有時亦都會過嚟幫我哋燒👍🏻👍🏻.同埋佢哋成個抽風都做得好好，嗰晚食完飯都冇油煙味之後我哋加咗兩份·「美國牛舌厚切」（$100each).個人本身唔係太鍾意食牛舌，嗰晚食咗一舊都接受到，口感不錯，鍾意食嘅朋友仔都滿意😀之後係·「菲力牛扒佐香蒜奶油」.本身個牛扒冇乜脂肪，所以專登搭配呢個香蒜奶油醬等牛扒嗦返啲汁，個醬好正🤤之後仲後悔冇叫一個白飯撈呢個汁嚟食.侍應仲教我哋食·「法式奶油生蠔」同埋·「日本帶子」嘅時候都可以擺埋入去一齊煮之後到飯裏我哋加咗兩份·「真理丼」（+$140each)一份·「月見蔥花飯」（+$20each).必需要加錢食佢嘅真理丼，強烈推介真係好好食！！！牛肉他他、黑松露醬、魚子醬、蛋黃、仲有海膽，口感太正啦！！！兩碗都清晒😂😂其實一食埋飯就好飽😂 .反觀「月見蔥花飯」就唔建議大家加錢叫，因為同出邊調味區嘅鹽蔥醬差不多呢🥹仲有一份「野菇盛合」，「日本山藥節瓜」，佢個淮山真係好好食！！！有驚喜🥹題外話嗰晚朋友仔件衫整污糟咗，朋友原本喺調味區拎左啲濕紙巾抹，侍應好細心留意到主動行埋嚟問要唔要俾啲酒精濕紙巾方便啲抹，作為食客都覺得呢間餐廳好細心，要稱讚一下👍🏻👍🏻👍🏻.Encore指數都高！會推薦俾大家去食！環境亦都夠靜，適合慶祝活動😊…查看更多

每逢weekend出開尖嘴諗唔到食咩就會嚟呢度！！因為佢個下午茶餐實在太太太抵食了！簡直可以一餐頂三餐！.下午茶組合A：一碗越式生牛河🍜+ 一塊香茅豬扒🐷+一杯嘢飲🍹都只不過係$68仲要免加一！份量足夠，兼且環境闊落，完全冇投訴！！！.今次已經唔知係第幾次有嚟食😂😂每次同男朋友大家都係會嗌呢一個餐碗牛河仲要一啲都唔hea你🫢仲會俾埋小青檸同埋一兜辣椒碎俾你加入去 個湯入邊仲充滿九層塔、洋蔥、芽菜雖然個牛骨湯唔係好清嗰一隻但都不過不失牛肉片唔係完整大大塊勝在份量都足夠最有驚喜應該係呢一份嘅香茅豬扒收據上邊雖然話佢係「小份」但其實都係一塊完整嘅豬扒切開四嚿仲要充滿炸香咗嘅乾蔥仲有啲香茅碎碎！夠香，兼且唔係薄切！唔係話超級Juicy，但至少唔係乾！😂😂已經覺得佢誠意十足啊喂🤭🤭🤭今日男朋友叫嘅嗰杯凍阿華田仲要超級大杯😂😂😂根本飲唔晒，但我再睇返之前幾次食嘅照片個杯凍華田用左另一隻杯喎🤣🤣 似乎都係睇水吧心情用咩杯😂😂 不過重點係佢哋凍飲都唔使加錢！！飲返普通咖啡奶茶阿華田柚子茶都冇問題！除非你想叫特飲就要另外俾錢去嗌嚕，冇得補錢，但係成個餐都好滿足㗎啦🥹🥹🥹.另外都推介吓佢杯冰鎮奶茶，都真係冰鎮咁樣上俾你！！！印象仲可以走甜呢！…查看更多

前排見人介紹得知年尾結業之後book 左嚟同朋友慶生要注意而家淨係收現金.當日6:30我哋就到法式小餐館嘅裝修 成個感覺好精緻好溫馨座位唔太多 坐得好舒服怖滿好多畫同照片同書籍相信都係老闆嘅珍藏坐低之後侍應就問我哋今日邊個生日講聲「生日快樂🥳」並且遞上餐單及熱辣辣烘過嘅腰果，粒粒都好飽滿每位$600 5courses 免加一 特別嘅items 再加錢先有每人一小條法包 前菜係烤芝士海鮮面層係燒焦嘅芝士再配有白汁同海鮮，印象有一舊蝦仁抑或小龍蝦好有鮮味，唔係平時嗰種冷藏貨爽口嘅口感，呢一小杯烤芝士海鮮食落一啲都唔漏，作為開胃菜的確有啲小驚喜呢😌之後就到湯嘅部份，我哋一個要咗龍蝦湯（+$50），另一個要咗凍奶油蠔湯，龍蝦湯比較普通正常發揮，平時喺香港好少接觸到凍湯，我覺得感覺有啲似日本拉麵嘅蠔湯，應該係因為凍嘅關係，所以個蠔味未至於好突出，係淡淡隱隱約約蠔味，仲有橄欖油嘅香味，第一次試都覺得幾特別🦪第三份前菜我哋要咗一個煎法國鴨肝（+$100）同自家製煙燻法國鵝肝凍（+$100）嚟到呢間法國鵝肝專門店當然要試吓佢哋整肝嘅手勢啦！🤭🤭.煎法國鴨肝外脆內軟！嗰種油脂感溶化喺口好食！再配埋無花果嘅清甜幫手解返嗰種油膩感自家製煙燻法國鵝肝凍，呢個都好有驚喜，佢個煙熏味真係好香好香，佢last咗喺口入邊好耐⋯ 再要講一次好香，雖然叫鵝肝凍，但係一啲都冇嗰種「啫喱狀嘅凍」根本係一個雪凍嘅鵝肝醬，先試一啖就咁食鵝肝，第二啖再搭配埋麵包一齊食之後再加埋無花果一齊食幾款體驗都好好🤤🤤食咗呢幾個前菜其實都飽咗啲，但終於嚟到主菜原本我哋想叫本地野生海魚，但嗰日咁啱冇，嚟到法國餐廳除咗食油封鴨腿，當然要試埋另一個法國名菜紅酒燉牛面頰.紅酒燉牛面頰一上枱就見到佢個紅酒個顏色好濃厚，你見到以為佢個份量好似好細，但其實夾晒成五個course都好夠飽，牛面頰唔會燉到好腍，佢仲可以保持到好有口感咬口，有一嚿梨同埋一堆青豆作伴碟，梨嘅味道酸酸地清甜意想不到原來咁夾！自問唔係青豆愛好者，但因為佢個汁實在太濃厚，同埋佢個青豆依然保持到爽脆，唔係淋到一Pat 咁俾你，同朋友仔居然一齊爭食青豆😂清碟成功🏅😂😂😂另一位主角法國油漬鴨腿（+$100），我覺得佢好食過我喺法國食嘅😂😂😂 鴨腿外皮係酥脆嗰啲油脂形狀依然喺度入口即溶！呢個我有被驚艷左！呢種口感實在太好了🫢鴨腿嘅肉鹹咗少少，但配埋薯仔都好好食，基本上佢哋唔止主菜好食係連所有配菜都好好食！！大推！！之後終於到甜品，我哋要咗一個法式焦糖燉蛋同埋呢度獨有嘅鳥結雪糕（+$50）鳥結雪糕用咗鳥結糖嘅概念去創作而成，佢入邊嘅琥珀合桃好好食好香，雪糕口感有啲似棉花糖，唔會好冰嗰種感覺，幾有趣🥳Cream brûlée 最出色嘅位係嗰層糖真係好厚！！整體佢嘅甜品甜味亦都拿捏得好好唔會甜到你好漏，即刻諗返起去法國旅行時候食嘅甜品都真係一啲都唔會甜死！兩個人埋單$1600，成餐飯大家都好滿意，食物質素好出色，食得好開心，服務亦都好好，知道我哋鍾意一齊分享嚟食又會俾啲碟我哋，希望大家都把握最後時光去食到呢一份嘅美味！🥹🥹🥹…查看更多

已經好耐冇食過吉豚屋見到有下午茶所以嚟試一試！下午茶時間要3:00開始！選擇都唔小呢！自己感覺最抵食應該係吉列豬扒定食$47🐖（使用80 gram豬扒），有埋椰菜絲，一碗飯同埋一碗麵豉湯，仲要連嘢飲！再加咗$8要一隻吉列蝦🍤，堂食需要另外加一，埋單$61，用下午茶做lunch都幾唔錯😂.最欣賞佢下午茶嗰份量其實同一份午餐係冇分別😂😂 性價很高！尤其碗飯多到食唔晒，朋友提醒下一次可以同佢小飯🤣椰菜絲夠乾爽！淋埋麻醬正！豬扒厚度都算滿意，雖然唔算肉汁好多，靠點豬扒醬補救😂😂 但佢個麵包糠口感我幾中意，唔係一大塊粉漿嗰隻，而係爽脆粒粒炸粉口感，呢個位加返分👍🏻 吉列蝦就真係冇乜特別，冇咩味同埋蝦毛仔，好似食粉咁，下次唔會加嚕🤡味噌湯出色好飲，超級足料有白蘿蔔，豚肉片、紅蘿蔔片、洋蔥、蒟蒻、仲有啲蔥碎，下午茶呢碗湯都繼續有誠意！整體都滿意，如果得閒口痕想食日式炸物都會再嚟！😌…查看更多

太古城有兩間台灣麵店知道銷魂麵舖新開，而又有我今晚想食嘅牛筋所以即管試吓！.主要分咗麻辣同清湯口味，最低消費每人一個套餐，用QR code落單，堂食需要另外加一.兩個人一個要咗麻辣味三拼（$118），有牛肉、牛筋、牛腱，另一個要咗清燉牛肉牛筋（$108），兩個套餐都會配一個微辣嘅拌麵，同埋一個小食，小食可以揀豆皮，豆腐或者鴨血，我哋再另外再升級咗加$29多個小食同飲品，要咗麻辣魚蛋同埋一杯無糖白桃茶。.落咗單都好快就送到，本身個面侍應都講咗會係微辣嘅，但我冇諗過佢微辣之中都幾辣㗎！！！麻辣湯底係超級麻！！如果食唔慣辣嘅人都真係幾頂唔順呢！就算我自己係鍾意食辣，我都會較為喜歡清燉湯配一個微辣嘅麵就覺得已經足夠呢！.一上枱侍應講解返應該點樣食佢哋呢一個麵，佢哋建議分開食麵同飲個湯，之後亦都可以再加湯，啲肉嗰啲亦都可以點佢一個醬去食，不過我覺得整體都好夠味了幾鍾意佢個牛筋，炆得夠腍！麻辣湯底幾辣，食唔到辣嘅人要三思😂😂男朋友食到出晒汗🥶🥶麻辣魚蛋，下次就唔會專登加錢叫啦，魚蛋質地十分普通，淨係好辣好辣😂😂😂最欣賞係佢個面個質地好彈牙，好有咬口唔會好腍，另外溏心蛋都好食，個面底係有少少辣佢有啲乾蔥喺入面，如果唔鍾意食辣嘅人都可以落單嘅時候揀走辣，我諗下次如果我想食嘅原因都會因為掛住佢面嘅質地🤭🤭…查看更多

見到啲評價話出餐慢同服務差但有時覺得真係睇運氣😂😂平日5點幾同友人即興約又唔太餓就去左airside 呢間afteryou🫶🏻入座時侍應見到我哋好快就安排咗座位呢間分店亦都好開陽樓底好高 座位闊落唔會好迫 所以都幾舒服加上我哋嚟嘅時候有冇咩人.幾年前去泰國都要專登食一次之後喺銅鑼灣都食過幾次最印象深刻係佢哋芒果糯米飯冰冰😍.一嚟到就心思思當然要食佢嘅冰啦！但係女仔有兩個胃㗎嘛！又想貪心要多份Toast😂😂但係好在佢有細份嘅size去揀冇咁罪惡今期流行榴連！當然要榴連忘返一下啦！！（唔記得影相tim🙈）.QR code自己落單，我哋兩個人叫咗以下👇🏻· 一份榴連冰冰🍧· 一份細份嘅泰式奶茶吐司🍞 $115· 兩杯白色果圜熱茶🫖 $40杯埋單共$303一落完單侍應就擺低咗餐具俾我哋了之後就上咗熱茶先冇幾耐就上咗榴連刨冰個刨冰本身已經係榴連底，味道都出，可以話一啲都唔淡！！上面係椰子醬！成日好好奇點解佢哋個cream可以present得咁靚🤭成個刨冰就咁食都已經好好食！好夠味！之後食到中間係有糯米飯㗎！！糯米飯都好軟糯綿綿，讚！隔離仲有一小兜仔榴槤蓉，榴連愛好者一定要食！.之後就上泰式奶茶吐司，個吐司熱辣辣香脆唔乾口！重點當然配埋個兩球泰式奶茶雪糕！泰開心，同埋佢個泰式奶茶雪糕唔會死甜！好滿足嘅下午茶！.只要間鋪唔係咁多人排隊嘅話應該都可以再返嚟😂😂…查看更多

想試呢度嘅炸髀同煎釀三寶好耐，趁住放假終於嚟個西區半日遊！地鐵站一出行少少斜路就可以行到卿記工房，怕熱嘅朋友可以帶定風扇仔😂當日我哋兩個人企咗喺度食差唔多45分鐘就嚟試晒成閒鋪啲嘢，我哋當日一共叫咗六樣嘢，差啲嚇親老細，點解呢兩個人可以不停食😂😂😂😂樣樣食物都咁出色！！！價錢亦好合理！滿足晒想掃街嘅慾望！🥹🥹🥹·煎釀四寶 $22 6件由於煎釀四實太出色所以要ENCORE再食多兜鯪魚肉好香足料一啲都唔孤寒！個鯪魚肉係厚身㗎，我終於明白點解之前一個人佢會嗌六嚿都係豆腐！我好肯定我下次都會咁做🤓個魚肉係帶有陳皮嘅香味！呢個調味真係喺其他地方食唔到！！！如果出埋炸魚蛋真係不得了！！！· 魚蛋燒賣 各$10 6粒陳皮魚蛋比起一般坊間嘅好似再炸過下好出眾，相信魚蛋愛好者（亦即本人）都會喜歡🫶🏻· 脆脆雞球 $22份份量唔少㗎，明顯地係自己上炸粉唔係叫貨返嚟就咁炸！應該係小朋友好鍾意嘅炸物🤭·生炸雞髀 $35炸髀連我平時唔鍾意食皮嘅人都會愛上超多汁超脆！！！· 凍粉+椒麻雞 $38以凍粉作結超級透心涼完美冇平時麻辣店嗰陣雪咗好耐嘅味成餐都好滿足😌店主一家人都好用心，令大家都食得好開心，超級有禮貌之餘仲不停問你啱唔啱口味啱唔啱食，我哋已經諗緊遲啲放工都想過嚟食🤭🤭係港島區掃街嘅好地方！！很推薦！！…查看更多

筲箕灣出現左另一間高手又低調嘅雞蛋仔店啦！🧇位於筲箕灣道大街上！真係好意想不到！！！首先人龍冇咁長！真係街坊小店，仲要20蚊就食到好高質嘅口感！即叫即整！見到之前個太太買格仔餅，到我買嘅時候叔叔仲叫我坐低等因為曬 😆😆超級好！叔叔一整完就即刻擺落風機度吹原味雞蛋仔$20外厚脆內有內餡脹卜卜足料架！！直程係望得到嘅脆！！好完整嘅一底雞蛋仔！！！唯一挑剔嘅係可能甜到甜咗啲！但係呢個價錢真係冇得彈！下次要再試埋佢嘅格餅先得！！一定會再encore ！誠意推介！！！👍…查看更多