HangryTweety的个人专页

平日夜晚去食，店內食客眾多，要同人搭枱，座位之間距離狹窄，坐得不是很舒服，叫了小鍋米線，配菜選擇了墨魚頭和豬軟骨，就中伏了。認真從來未食過咁差嘅豬軟骨，三塊豬軟骨竟然係可以一條軟骨都無，全部係硬實嘅骨頭，以為肉眼睇係錯覺，食咗一塊，好彩無用力咬，如果唔係牙都崩。真係完全無一條骨係腍嘅，咁樣都叫豬軟骨，唔係呀嘛⋯⋯向店員反映，嘗試要求換另一款同價配料，她問我係咪都要返豬軟骨，當然唔要，轉了台灣腸，用小碗裝了三條上菜，但竟然係凍嘅，真係嬲，無下次！…查看更多

假期去食lunch，地方迫，枱排得密，要搭枱，唔緊要。叫了$50生炸豬扒魚湯泡湯，無野飲，好快上咗碗湯飯，上面幾塊豆卜，話炸野陣間比。望一望，有異物係豆卜上面嘅，近啲睇，有腳嘅，原來小昆蟲，衛生真係麻麻。最差係服務態度，事原隔離枱坐低一行幾男女，男士把中等size背包放了在佢地張枱嘅空櫈上，此時鋪頭仲有4-5個吉位係唔同枱，店員叫佢掛係牆上掛勾，男士話：仲有位唔洗啦。店員：一個人放櫈，個個都放櫈㗎喇。氣氛即刻僵咗，無人讓步。生炸豬扒份量少，很薄片，又炸得油膩，湯飯不夠熱，除了豆卜沒有其他配菜，總結不好吃。…查看更多

屯門時代廣場新開咗間堅信號生煎包，星期六早上9點幾見有位，入去一試佢個早餐，點知一試即中伏。叫咗個$50秘製豬扒配上海麵早餐，送熱飲。上到枱，比佢份量嚇親，係細到嚇親。從未見過上菜豬扒咁細塊，開頭第一眼以為佢比錯雞扒，但明明餐牌無雞扒呢個選項。睇返餐牌，張圖幾靚仔，塊豬扒成個碗邊咁闊，再對比下我果碗……果然相片只供參考，OK無下次☹️☹️☹️。上海麵正常味道，所謂秘製豬扒似叉燒醬醃出嚟嘅味，太甜，唔好食。$50咁嘅份量同味道，唔值。其他餐廳會有更好選擇，甚至配有煎蛋/腸仔/多士。呢間試一次夠了。…查看更多

訂座訂了晚上6點半兩位，在留枱時間15分鐘內到達，店員卻說訂座的卡位已被入座，安排我們坐其他矮圓枱圓櫈。招牌花膠雞米線味道一般，沒有濃厚的膠質口感，雞肉也稍嫌不夠嫩滑。食到中途，看到店員安排兩位客人搭枱已坐兩人的卡位。旁邊較大的圓枱也已有四人，但仍然要求再搭枱兩人，四人食客因太擠迫而拒絕。明白食肆生意難做，想盡可能接待最多客人，但不留枱給訂座客人，又將用餐環境變得極為擠迫，實在影響用餐體驗和心情。…查看更多

星期日中午，去咗Gogo mall象泰，叫咗個56蚊午餐，黃咖哩牛筋腩配白飯，牛腩份量正常，但偏瘦偏硬，無咁上下牙力都咬唔爛，然後個白飯出曬事，又乾又硬，仲要凍嘅，明顯結曬一塊塊咁，食到最後幾啖，無曬咖哩汁撈，真係食唔落。食到中途後面果枱有食客又係叫左白飯，都係聽到佢地話個飯凍，最後佢地叫人換個碟飯。今餐真係我食過最差嘅白飯，跟餐加18蚊叫左杯芒果沙冰，ok嘅，不過個主食真係太差，太令人失望，總之無下次。…查看更多

朝早一行三人食個早餐，排完隊，坐低落完單，等咗十幾分鐘，仲未有野食到，心諗餐廳人多廚房做唔切，等多陣先啦，再等多十分鐘，隔離枱遲過我地落單，啲野食都到了，問店員催單，竟然話無落到單，完全無表達歉意，施施然問我地食啲咩，真係嬲，直接唔點餐走人算。以前都食過呢間，出品係唔錯，漏單唔係未試過，但全張單3份餐無落過真係太過份。侍應服務態度好差，坐好耐都未比杯水，加上明明入面好多枱，但無人執，搞到外面排曬隊。…查看更多

第一次嚟食就中伏,明明生日有全單88折,訂位時已經問咗,入座時又比咗身份證職員check,埋單嘅時候竟然無比折扣,好彩睇一睇收據,唔係就比人收多錢,都唔知有心定無意,同返收錢職員講張單無做生日折扣,一句"唔好意思"或者解釋做漏咗都無,轉個頭手寫個新價錢喺原本張單度而唔係重新出過張,點知會唔會又計錯或者寫錯,緊係叫佢重新出過張電腦單,好彩最後個價錢啱返。除此之外,店內某些職員拾下拾下,仲有食物係隻碟上面,問都唔問聲就收走左,叫都叫唔住,真是浪費,還有職員拿了碟天婦羅四圍問人有無叫到,真心唔明白點解平板電腦落單都可以咁混亂。講返Ｄ食物,種類唔算多,刺身壽司味道OK,炸物都唔錯,有幾樣食物特別差:枝豆超級老,凍蝦好難食,羊架又肥又羶,印度薄餅伴朱古力醬又乾又硬,焗蠔得尾指咁細隻,完全唔值呢個價。一句講曬,同呢間餐廳緣盡了。…查看更多