rlkm的个人专页

今日陪朋友去尖沙咀買遊戲機，之後就帶我去美麗華廣場一期食泰國嘢。餐廳裝修好適合打卡，寬敞坐得幾舒服。 我哋嗌咗個泰式二人set：（1）自選4款：香茅雞翼、泰式蝦多士、紅磚豆 腐、炭燒豬頸肉，酸辣無骨鳳爪，香辣脆蝦片。（2）炭燒沙嗲（可選牛/雞）（3）泰式椰子鮮雞湯（4）酒香火焰骨（5）泰胡椒和牛炒糯米河（6）黑糖椰子雪糕（7）飲品泰式蝦多士 ：多士烤得脆口配上原隻蝦，抵讚紅磗豆腐 ：外脆內軟，好味炭燒豬頸肉 ：出色，是我喜愛既泰式小食之一酸辣無骨鳳爪：酸辣度剛剛好，不會過辣，開胃，是不可缺少既泰式小食👍沙爹串燒雞：雞皮香脆，肉嫩多汁，配埋自家製醬汁，非常惹味，可惜得幾粒有啲唔夠喉😅泰式椰子鮮雞湯：椰子味濃郁，有淡淡嘅奶香味，入口順滑，份量夠二至三人用，抵食酒香火焰骨：侍應在肉排上淋酒後再點火，好有儀式感，肉排係用部位少嘅豬軟骨，所以肉好淋，唔柴再配上惹味嘅酸辣汁，超正👍泰胡椒和牛炒糯米河：和牛肉嫩、味濃，糯米河煙煙韌韌有咬口，炒得干身唔油膩👍黑糖椰子雪糕：有桃膠、桂圓肉、烤脆嘅椰子碎，雪糕上面有層黑糖，下面有層啫喱墊底，材料非常豐富👍飲品：Painting & Mue Punch 兩杯都係無酒精雞尾酒，用多種水果打成，味道特別，口感清爽，啱晒夏天飲用。…查看更多

好友最近搬咗入元朗住，仲叫我去參觀並順便食入伙飯。佢揀左「野川拉麵@深燒食堂」，讚佢抵食、選擇多、質素又高。我心諗有冇佢講得咁好😂 我哋order左(1) 牛肉壽喜燒（2） 牛油蒜蓉焗蜆（3） 香蒜大茄子（4） 自家製芝麻雞亦（5） 廣島吉列炸蠔（6）燒三文魚頭（7） 燒鮮鮑魚（8） 蒜蓉燒蟶子（9）燒大頭蝦（10） 串燒黑豚肉五花腩/豬頸肉各一串（11） 穀飼牛仔骨（12）芝士年糕（13）油甘魚壽司、鮮帶子壽司、三文魚籽壽司、 厚切三文魚腩刺身牛肉壽喜燒：牛肉嫩滑，有蔬菜🥬豆腐、菇類🍄‍🟫鮮雞蛋🥚和粗粉絲，食材新鮮，份量又多，吸收埋湯汁非常好味👍牛油蒜蓉焗蜆：蜆新鮮飽滿、無沙，配埋牛油蒜蓉食，超正👍香蒜大茄子：茄子🍆上面舖滿蒜蓉，勁香。茄子燒完仲好juice👍自家製芝麻雞亦、廣島吉列炸蠔、燒三文魚頭：雞亦肉嫰入味。廣島蠔🦪新鮮，炸到外脆內軟，蠔味濃郁。三文魚頭燒得剛剛好，皮脆肉嫩佈滿魚油香味。燒鮑魚、燒蟶子、燒大頭蝦：三款海鮮都非常新鮮。鮑魚唔韌仲好彈牙添。蟶子幾大隻，夾埋蒜蓉好食到停唔到口。大頭蝦燒完仲係大大隻，蝦頭好多膏，蝦肉鮮味又彈牙👍串燒五花腩、串燒豬頸肉、穀飼牛仔骨：串燒物控制火候剛剛好，唔鞋，香口有肉汁。牛仔骨幾厚身，肉嫩牛味濃👍🍣油甘魚壽司、鮮帶子壽司、三文魚籽壽司、三文魚腩刺身：魚生非常新鮮，入口鮮甜，厚切三文魚腩刺身，口感一流👍👍好友真係冇介紹錯，真係食飯宵夜好地方，最後我哋食埋雙色雪糕作結尾，下次再試其他😋…查看更多

剛剛同朋友係CityWalk2期睇完戲，順便就係附近搵食，我記憶中地下以前係先施百貨，宜家已經變成Food Court，咁我哋就巡吓有冇啱食嘅餐廳，行下行下見到角位有間日式麵包店，麵包種類多，造型又可愛，最吸引係佢採用日本麵粉製造而價錢大眾化，非常抵食，所以我哋諗住挑選幾款明天返工做早餐，點知夾下夾下不知不覺連下午茶都預埋😅🤣1-開心果鮮奶球 $20/排2-開心果流心菠蘿包$153-抹茶紅豆包 $124-紫薯包 $165-黑椒培根可頌$156-日式芝士條 $107-紅莓合桃包 $208-芝士吞拿魚包 $159-年輪蛋糕 $12各款麵包都各有特色而且好味道，紮實得黎又唔會硬梆梆，我特別喜愛開心果流心菠蘿包，保留包面上嘅脆脆再加入開心果軟滑流心，好特別。另外想讚下芝士吞拿魚包，唔好以為得上面少少吞拿魚，中間包住勁多吞拿魚，食完都好飽。紫薯包裏面有條紫薯，咬落又香又綿又冇渣，又係好好食👍今次食住咁多先，下次再試埋其他。…查看更多

每年過年前都會去元朗花場揀選年花，並順道搵食。今年就搵到一間傳統口味嘅雲吞麵舖「好到底水餃雲吞麵」，搭港鐵朗屏站出，行到安寧路就見到，非常方便。 店舖簡潔乾淨，地方寬敞坐得舒服。我哋叫左好幾款小食和麵食，都值得推介👍👉牛腩蘿蔔 牛腩唔靱炆得夠香又夠淋，蘿蔔清甜冇渣👉淨雲吞（細）皮薄，雖然唔算大粒，但都有整隻蝦，咬落彈牙👉淨水餃（細） 我嘅至愛😋饀料有大蝦、木耳、豬肉等，食落爽脆彈牙，水餃係用燕皮包嘅所以煙煙靱靱好有咬口，再加上即叫即煮，所以口感特別好👍👉炸鯪魚球拼炸雲吞又係即叫即做，用新鮮鯪魚肉炸成，甘香彈牙，配合蜆介醬一齊食，另有一番風味，炸雲吞也不瞬息，同樣酥脆香口👉炸醬撈麵（細） - 蝦子麵彈牙，冇鹼水味，撈埋惹味嘅香辣炸醬，好食到停唔到口，另外跟撈麵嘅湯都不能錯過，聽老闆講是用豬骨和大量鮮魚熬成，所以特別香濃兼帶有大地魚香，飲哂都冇口乾，超正👍 呢度除咗食物好食之外，都要讚吓侍應們服務態度非常親切👍 …查看更多

錦麗係正宗越南餐廳，早已聞名想試但都未有機會，今次餐廳終於在荃灣綠楊坊開店，又近我公司，所以收工就拉同事一齊去試。約5點半到咗餐廳都差不多八成滿，暫時無需要等枱。 我哋用QR code點左兩個主食和兩個小食 1-火車頭金邊粉（可選河粉/金邊粉）$88 ：牛筋，牛腩夠淋夠香，牛肉片嫩滑，牛丸爽口彈牙和厚切扎肉，加埋金不換和芽菜，將整碗金邊粉都鋪得滿滿，另外不可不提個湯底，都不知用了多少時間熬出尼嘅牛骨湯，又香又濃，飲完幾小時都冇口渴，好正👍👍另外+$24追加家鄉魚餅（2件）和+$8話梅青檸蜜（熱飲，堂飲限定） 2-胡椒椰子鮮雞鍋（可選河粉/金邊粉/白飯）$78 ：追加1份蔬菜拼盤（生菜🥬和芽菜）+$8，和可樂+$7。雞鍋有嫩滑嘅鮮雞外，仲有鮮椰青肉和紅蘿蔔🥕，所以啖湯好清甜好香椰子味🥥用嚟烚河粉冇得輸，不愧是推介之一👍👍 3-特色小食拼盤$76 ：有金絲網蝦春卷、越式蔗蝦、法式蒜蓉牛油雞翼和香茅豬扒。各樣都炸得香脆可口各有特色，全部都係我喜愛的小食。 4-大蝦扎肉米紙卷（2件）$40 ：又係越南特色小食之一，米紙煙韌包住大蝦扎肉等一齊食，非常有口感，點埋醬汁更滋味😋錦麗真係冇令我失望，期待下次再試其他美食。 …查看更多

今日放假，但冇朋友得閒陪我，只好自己周圍轉轉，行吓行吓有啲肚餓而且突然好想鋸扒，就打開OpenRice search吓屯市廣場附近有冇好介紹，就見到「金鳳大餐廳」覺得唔錯，就決定去試試。 去到餐廳大約三點左右，門口已經有10多人等待叫號入座，但等左一陣就可以入座，非常好👍。餐廳佈置很有懷舊感，地方不大但坐得幾舒服。餐牌樣樣都很吸引，選擇多，價錢又合理，但今日我係為鋸扒而嚟，所以我叫咗個貴族牛扒餐，五成熟、黑椒汁，加生蒜（另加$2），餐湯要羅宋湯（可選白菌忌廉湯），餐茶叫咗凍檸檬茶走甜 落單後服務姐姐好快就送上熱辣辣嘅餐湯和牛油餐包，羅宋湯係用多種蔬菜🫑🥕🥬和辣椒🌶️熬製而成，食到微微辣和蔬菜甜味，係由細飲到大嘅傳統口味，再配埋餐包一齊食，簡直係絕配。 因近排有啲燥熱，所以鐵板改為碟上，牛扒份量大，又厚又香，原以為會又柴又韌，但當我切開之後見到牛扒啲肉好粉嫩，入口腍滑，一啲都唔鞋，咬落仲有肉汁，再加埋黑椒汁同生蒜更加惹味，師父控制火候非常到位，超抵讚👍👍👍 今日真係冇失望，餐廳還有很多抵食套餐就留待下一次再嚟品嚐吧！😋 …查看更多

朋友收到風太子新開左間泰國餐廳，食泰北菜，食過的都讚不絕口。所以今晚就約埋我去試試。地點好方便搭港鐵太子站D出口之後行幾分鐘就到。 餐廳內裝修簡潔，有「大象」嘅掛布做裝飾，坐位不多但坐得幾舒服？餐廳主打： 原著泰北金醬麵、正宗泰北清湯和冬蔭乾撈麵。 我哋用QR code落單點左兩個主食和幾個小食，等左十幾分鐘左右食物就陸續送到。 1 泰式清湯-牛，揀左金邊粉，溏心蛋+$6這個可以免費轉冬蔭功湯，但自我掙扎之後最終都係要清湯（因為睇推介湯底係用大量豬骨，雞架和新鮮蔬菜，每日熬製6-8小時）好吸引🤩，到左我哋即刻試吓頭啖湯，果然清甜又帶牛嘅濃香，牛肚夠淋，炸豬皮脆卜卜，羅白索埋湯汁就更清甜可口，果然冇揀錯👍 2 烤豬頸肉冬蔭乾撈麵豬頸肉烤得香脆，麵是全蛋粗麵，煙靭彈牙，再加上冬蔭汁料撈埋一齊，酸酸辣辣非常醒胃👍 3秘制酸辣鳳爪沙律鳳爪冇骨，清爽彈牙，配合秘制醬汁，酸酸辣辣，就算不太吃辣的也可以接受，夾埋洋蔥一齊食，清爽開胃，最啱炎熱冇胃口時食👍 4 泰式椒麻手撕雞雞肉好嫩滑，撈埋豆芽、青瓜絲🥒、芫茜🌿、炸蒜一齊食清清涼涼，微微辣好惹味👍 5 魚餅拼蝦餅6件即叫即炸，魚餅蝦餅兩款都炸得剛剛好，煙靭有咬口，蝦餅雖比過往食開的較為薄身，但口感更加香脆，蝦味夠濃。 6 泰式烤豬五花肉有意外驚喜，估唔到泰式烤五花肉會如此香口惹味，五花肉咬落爽口不肥膩，連不愛食肥肉的都不會放過😂 7 飲品咸檸七和青檸梳打Amora Thai Food太子汝州街37-41號廣勝大廈B號舖…查看更多

燒物控嘅我，無論係鐵板燒、BBQ就連串燒都不會放過。今晚朋友就約我落荃灣食宵夜聚聚舊。 「夜燒店」位於荃灣聯仁街是一間串燒專門店，有豬牛雞海鮮和蔬菜，還有炸物和主食，種類超過80多款。簡單用QR code落單，全部即點即制，食串燒就係喜歡熱辣辣即食嘅感覺。每枱都有碟免費前菜，我哋一邊傾一邊食，不知不覺食咗以下咁多😂🐖豬類 ：焦糖骰仔豬手 / 豚肉大葉卷 👍燒豬大腸 / 豬肉荔枝卷👍🐂牛類：鹽燒牛骨髓 / 雪梨牛肉卷👍/ 鹽燒牛小排🐓雞類：雞腳筋 👍/ 雞頸肉串/ 燒雞皮 / 燒鵪鶉蛋汁燒雞喉管👍 / 醬油雞全翼 /月見免治雞肉軟骨棒👍👍🐟海鮮類：燒多春魚 / 燒白鱔 👍/ 炸池魚 焗蝦🦐👍/ 蒜蓉燒生蠔🦪👍另外點咗蟹肉脆皮沙律🥗、焦糖菠蘿🍍👍燒青尖椒和燒四季豆。飲品點咗Sapporo Draft 330ml 🍺和熱檸檬柚子蜜。 所有野都好好味，控制火候剛剛好，keep到食物嘅肉汁，肉質新鮮兼燒得好嫩好惹味，價錢由10元起，非常抵食而且免收加一服務費，坐得舒服又冇時間限制，真係食嘢傾偈嘅好地方！ 夜燒店 ： 荃灣聯仁街18號地舖 下午3點開到凌晨12點 …查看更多

深水埗福榮街出名多野食，食肆選擇又多，要決定今晚食乜都要抓下頭😂 最後決定食上海菜，因為香港越嚟越少上海菜館。「上海萬家村小館」就是我哋今晚落腳地方，之前係Openrice search過，口碑唔錯，好多食客都讚佢口味正宗又抵食👍 1-招牌酸辣湯（例） $58好足料，有木耳絲、蝦、肉絲、筍，蛋絲和豆腐，酸辣調味剛剛好，一大湯碗，兩人都可以分到3 至4碗，抵食👍 2-回鍋肉粗炒 $78又係大大碟，鋪滿椰菜和五花腩，加埋醬油、辣椒🌶️粗麵一齊炒，顏色均勻各樣都炒得出色，香口惹味👍 3-招牌鮮肉爆汁小籠包 5隻 $48即叫即蒸熱辣辣，外皮不是很薄，但厚薄適中，足夠包住肉饀和滿滿嘅肉汁，食時要小心爆汁 4-紅燒獅子頭客飯 $90（白飯/菜飯+飲品）獅子頭有兩大粒，咬落全是豬肉，真材實料，唔鞋有肉汁，拌菜索埋肉汁非常入味，配菜飯食超正，另外豆漿有淡淡豆味，好飲 5-醒胃涼拌三拼 $92麻油海蜇 ： 咬落索索聲，爽口彈牙有麻油香五香牛𦟌： 肉質唔韌帶滷水香味上海燻魚 ： 魚炸得香脆，加埋店家調配嘅醬油，甜甜的，好惹味涼拌菜選擇多，又可以自由配搭，夠靈活👍 6-豆沙鍋餅 $42係即叫即煎，外皮煎得好靚，咬落外脆內軟，豆沙饀甜而不膩，確係出色嘅中式甜品👍 今晚不單食到好味抵食嘅上海菜，仲食到久違嘅回憶味道。…查看更多

今晚收工遇上落大雨，就同同事去附近荃灣廣場行街食埋飯再返屋企。有一段時間冇嚟，發覺開咗好多新食肆，就好似呢間「摩登堂」，看裝修就跟傳統泰國菜館有大分別，不但沒有艷麗繽紛的裝修，連傳統泰國跳舞公仔也沒有掛牆上，裝潢就以簡潔木系風格，以機械人送餐，我哋就比新派吸引了😂 入座後，見餐牌有些傳統菜式都給予新名字，幾有趣👍之後用QRcode order左幾款至愛餸菜。1-青咖喱雞 $88 咖喱香濃微辣，雞肉嫩滑帶椰香，另有蔬菜配合🥕2-印度烤餅 $38/2件 係即叫即烤，上到枱仲熱辣辣，點埋咖喱汁食超正。餐廳好貼心將烤餅切細片，好方便👍👍3-手打月亮炸蝦餅 $88/6件 6大件，香脆，口感彈牙，還跟幾塊脆蝦片，抵食4-青木瓜海鮮沙律 $98 份量足，海鮮有大蝦🦐鮮魷🦑和青口，味道酸辣適中，刺激味蕾更加開胃🤤5-打拋豬肉生菜包 $88 肉碎咬落唔鞋，有紅蔥頭、辣椒🌶️洋蔥及香料味，炒得香口惹味，用生菜🥬包住一齊食，絕配。6-斑蘭香茅雞油飯 $22 大大碗，充滿香茅香味，說是雞油飯，但一啲都唔油，好好食🍚7-榴槤糯米飯雪糕 $388-十勝紅豆雪糕 $28最後忍唔住食埋甜品作完結😋…查看更多

今晚陪親戚去葵芳辦理樂悠咭，人少好快攪掂，就順便係附近搵食，當行到仁芳街見到一間日式餐廳「稻田食堂」，門口擺放左好多餐牌，大都以日式便當為主🍱，非常吸引🤩 餐廳裝修簡潔，牆壁除掛有餐牌外，仲掛左好多日本漫畫掛畫，更顯日本風格。尼到真係好多選擇，便當都以日本地方命名。便當以雞、豬和海鮮為主食，每個主食都有三、四個不同款式配搭，除此之外仲有拉麵🍜、串燒、餃子🥟和多款炸/燒物等等，樣樣都吸引好難決擇😂最後我哋用QR cord點左兩主食和一些小食。 1.秋田便當咖喱飯🍛$94包括：脆香吉列雞扒1件-外層香脆，雞肉嫩滑 汁煮豬軟骨2件-肉質淋滑，鹵味十足 新鮮刺身-三文魚、帶子、有頭甜蝦仲有日式味付螺肉作小食，帶甜味嘅咖喱汁是日本口味，老少皆宜。飯類轉 +$13豬骨湯拉麵/鰹魚湯烏冬//+$15芝士咖喱撈烏冬，配搭靈活👍 2.特選五色丼跟三文魚味噌湯$98刺身有三文魚、北寄貝、帶子、赤蝦🦐和海胆，全部都超新鮮同鮮甜，一啲腥味都冇。另外味噌湯材料足帶魚香味👍 3.鹽燒三文魚頭（連鮫位）$59魚頭滿燒烤香味，魚鮫位肉多帶魚油香，惹味 4.照燒脆骨雞肉丸子$38份/2串雞肉咬落唔鞋有肉汁，加上脆軟骨和照燒汁，口感特別 5.鱈場蟹棒蟹籽粟米沙律$40大大碗份量足，口感清爽，適合炎夏天氣作消暑小食👍 「稻田食堂」不但選擇多食材新鮮，而且價錢平民化，好抵食👍👍 …查看更多

屯門「一喜燒肉」係我近排好想去食飯的餐廳，餐廳位於屯門時代廣場3樓40號舖，坐港鐵屯門站B出口穿過天橋行幾分鐘就到，好方便。 點解好想嚟食，因為比一個價錢就可以食到燒肉、火鍋、剌身三樣放題，啱晒我尼啲選擇困難嘅人😅 燒肉放題有4個選擇（愉、悅、樂和喜），價錢係根據食物嘅類別，款式多少及用餐時間而釐定，好有彈性👍宜加仲推出多種優惠添👍👍 我哋今晚就揀左「樂放題」每位$388/90分鐘。我哋坐低無耐，侍應姐姐就將壽喜燒鍋放到面前，裡面已經有菜和幾款菇菌類做湯底，另外跟一份美國SRF安格斯和牛，咁就可以食住再用QR Code點餐，好貼心❤️❤️ 燒肉有豬、牛、雞和海鮮，調味可以揀原味、鹽味、燒汁、辛辣味和味噌味，好多元化👍 牛控者嘅我特別鍾意和牛牛肩脊肉、一口牛、牛板腱、厚切牛舌、牛胸腩、封門柳、牛仔骨…各有特色，肉質新鮮又冇雪藏味，再經過燒烤就更加香口😋 自助區：有蔬菜🥬🫑，豆品類，菠蘿🍍… 熟食區：關東煮🍢、雞肉串、炸物、麵豉湯… 甜品區：美味蛋糕🍰，多口味雪糕🍦 飲品區：汽水、啤酒、咖啡和特色飲品 小食區：日式胡麻沙律、日式螺肉、中華沙律 芝麻豆腐、韓式泡菜…厚切三文魚刺身🍣，新鮮肥美，無限量供應👍轉眼時間到啦，不過90分鐘都足夠時間食飽飽回家。 …查看更多

「煲師傅」之前係OpenRice 就見到好多人推介抵食，今晚就親自去體驗一下，餐廳位於旺角女人街旁邊，好易搵到。 餐廳地方寬敞，光猛乾淨，座位以卡位為主，坐得幾舒服。餐廳有川菜和粵菜選擇，又有雞煲/烤魚+火鍋放題，一、二人套餐和晚市套餐，全部都可以揀不同辣度或者走辣。 雞煲有三種口味（芝士、麻辣和奇味），我哋叫左麻辣雞煲+火鍋放題（每位$218，任飲任食2小時）。 雞煲一滾起，翻炒幾下，果D洋蔥，花椒，芫茜蔥嘅香味就隨即爆發出嚟，勁香。雞肉好惹味而且好嫩滑，啖啖肉，食到停唔到口。大戰一輪後，係時候轉戰火鍋啦。侍應姐姐就在原煲加入上湯，火鍋料都上得好快又冇漏單，抵讚👍 特選美國肥牛：肥瘦均勻，唔鞋 特選羊肉片 ：有羊味但唔會太羶 豬大腸 ：清洗得好亁淨，冇異味 海 蝦 ：新鮮，肉彈牙，每人限兩隻 牛 舌 ：厚薄適中，有咬口 黃 喉 ：爽脆（老闆娘話係豬黃喉，不 單冇牛黃喉嘅騒味，反而更加爽脆） 仲有我哋平時食開嘅火鍋配料尼度都可以食到，樣樣配料都好新鮮，好乾淨。傾吓食吓咁快就2小時，如果未夠喉仲可以加錢加時繼續食，我哋就食埋Häagen-Dazs雪糕作結尾😁今次用2小時享受有質素又抵食嘅體驗好成功，下次再試其他煲菜。👍👍👍 …查看更多

今晚我同老公係荃灣廣場睇完戲，遇到落大雨，就決定係廣場搵食，我哋行下行下比餐廳門口嘅一棵紅樹吸引住。餐廳佈置主要用乾花配上特別嘅吊燈，加埋牆壁幾幅大畫，非常有特色有格調👍 我哋點左PiPi Pizza 套餐$388/2位用 （全新升級10吋厚批）🫕餐湯配蒜蓉包x2 a. 廚師精選濃湯（今晚係煙肉忌廉薯仔湯） 質地好滑好creamy帶淡淡煙肉香味 b. 法式鮮打龍蝦湯+$18 龍蝦味濃郁，鮮甜，有幾粒龍蝦肉，加 左cream 濃而不膩。 蒜蓉包係新鮮烤焗，外脆內軟，得一件唔夠 喉添😂🥗慢煮雞胸日式胡麻沙律 雞胸肉用慢煮烹調，不單唔鞋反而變嫩滑 左，沙律菜好新鮮，配日式胡麻醬好惹味🍕黑松露牛肝菌芝士薄餅 對芝士愛好者，尼個薄餅一定滿足到佢，餅 底中等厚度，好香脆。黑松露同牛肝菌都烤 得好濃香，有齒頰留香嘅感覺👍🥘秘制龍蝦汁海鮮鐵鍋燉飯+$68 燉飯材料豐富，有大蝦、青口、蜆、魷魚、 香菇等等，而且每粒米每啖飯都吸收晒龍蝦 湯嘅精華，濃香而不覺咸，再加上烤脆左嘅 羽衣甘藍作伴菜，味道好夾好香口。🥂套餐奉送基本飲品2杯 (a)桂花荔枝薄荷花草茶+$24 先聞到桂花香，之後嚐到荔枝甜味，最後 口腔充滿涼涼嘅薄荷，一壺茶有多層口感 👍👍 （b)百香果菠蘿綠茶+$24 /凍飲另+$3 百香果溝菠蘿味道好香好夾，都係酸酸 甜甜，飲落好開胃。 今晚冇揀錯餐廳，不但食物好味，環境處處打卡位，就連餐具都係用心挑選別出心裁，非常滿足👍👍👍 …查看更多

近日天氣轉涼，又挑起條筋想食火鍋🍲，今晚就同朋友嚟荃灣千色滙嘅牛摩食火鍋放題。點解會揀呢度，係因為佢牛肉放題選擇多（因應牛肉級數而劃分價錢），室內寬躺坐得舒服，仲可以一人一鍋👍 我哋揀左精選牛肩胛（$198/位），湯底係昆布鏗魚清湯和蟲草花雞白湯，1個健康1個養顏🤣 牛肩胛雖然不及和牛油脂多，但肉質幾靚，只需灼幾下，咬落一啲都唔鞋，滿口濃香牛味，勁正👍👍。咁嘅價錢除咗豬牛雞，仲有羊肉卷、牛舌、海鮮都係任叫任食，真心難得，其他食肆好少有。 除了這些用Qr -Code落單外，出面自取嘅種類都不少，例如有蔬菜🥬🌽、丸類🍢、麵🍜、甜品🍦🍰、沙律🥗、壽司🍣等等。就連冷熱飲品都有很多選擇，一下子有啲選擇困難😅 最後食埋牛摩飯加温泉蛋，今晚超滿足🫶 …查看更多