星期日下午茶時段4點3，等咗10分鐘左右有位，一共嗌咗3個下午茶扒包餐，其中一個雞扒好燶。同伙計講，佢地一早知個扒唔得，分明當客係垃圾桶。3杯跟餐熱飲一開始都漏單，最後等到啲包食完到5點都未上。眼見其他枱一直都有上嘢飲嘢食，我地問咗幾個伙計追單，個個都係聽完就即刻走，一句嘢都唔講，咩情況都唔交代聲，連一開始落漏單嘅伙計都係咁。到最後終於有執枱嘅舊伙計理我地，另一個執枱嘅新伙計見到竟然開口同佢講唔夠人唔洗理我地！聽完當堂O哂嘴，之前十問九唔應，我地一問佢唔洗理客係咩意思，佢就即刻發哂癲句句粗口鬧我地，不停重覆係唔洗理，叫我地唔好嚟食，自稱自己後生係咁，完全唔知錯，仲覺得係理所當然，極囂張。發生啲咁嘅事，個場完全無話得事嘅人處理，經理完全唔知喺邊。個新伙計一邊不停重覆單字粗口，舊伙計就一邊代佢道歉，叫我地唔好放喺心上，但講到尾都係話唔用佢就唔夠人用，所以要繼續辜息呢種員工。俾面舊伙計，事後去埋單，一早講明要收據儲商場積分，點知俾左張寫住「重印收據」嘅，同收銀講重印收據儲唔到分，佢仲怪我地唔一早講要單。但係如果唔講要單，根本唔會主動俾單，印錯嘢仲賴人，最後只係喺嗰張單到吸左個分店印章話可以當正式收據。開得門做生意至少都要尊重吓人，唔明點解幫襯食飯都俾人當乞兒，好聲好氣反而不停受氣，真係人善被人欺，貼錢買難受。已經send咗email去公司投訴，唔期望會有用，亦唔會再幫襯，喺到公開出嚟係唔想助長呢種歪風。…查看更多
