Rine的个人专页

第一次叫為食喵嘅外賣，叫咗一個家鄉炒米粉，一開個盒已經有一陣香味撲出嚟，應該係啲蝦乾嘅香味，個炒米粉都幾多料，有幾種蔬菜，雞蛋，臘腸，冬菇，蝦米乾，芝麻，一啲都唔馬虎，而且份量都唔少。因為想介紹住喺店舖附近嘅朋友，於是走入OpenRice入邊想copy店舖資料同，順便睇下啲評論，發現竟然一個評論都冇，即刻忍唔住寫一個好評，而家啲食肆餐廳越嚟越難經營，希望啲小店可以維持到，我哋先至可以繼續再幫襯，所以要支持一下。…查看更多

係西貢staycation，家人想食奄仔蟹，就過去碼頭附近買外賣。怪就怪自己唔識楝海鮮，$150一隻奄仔蟹，我哋叫咗三隻，埋單嗰陣先知原來要再加$100廚部費用，其實都唔緊要，最緊要好食。返到酒店一開隻奄仔蟹，好似坑渠污糟水咁，真係嚇到呆咗，不嬲食開啲奄仔蟹嘅膏都係橙色硬味道甘香，究竟呢Pat綠色好似泥咁嘅係乜嘢。真係後悔俾錢之前冇睇一睇OpenRice啲comments ，anyway，都應該唔會有下一次…查看更多

見食評唔錯，帶個外地遊客去試吓個早餐。一行三人都叫炒蛋多士加沙茶牛肉麵，點知食咗兩啖之後發現自己嗰碗有隻唔細嘅曱甴，係長過指甲（手指公），仲要已經食咗幾片牛肉，第一眼以為自己係睇錯，睇清楚之後成個人彈起，真係嚇到成個彈起，從來從來從來未見過咁大隻曱甴係自己嘅食物上面，仲要帶朋友去，嚇親兼且超尷尬味道方面，沙茶牛肉麵唔使講啦，炒蛋多士係正常嘅，但係個西多士勁油，一咬落去成口油唧晒出嚟，三個人每人食咗一啖就放棄咗…查看更多

今日去竹園邨探老人家，同老人家當然係去飲茶啦，竹園商場酒樓選擇少，只有明星酒樓。老人家好鍾意食山竹牛肉，山竹牛肉一到就即刻食咗兩粒，當我夾第三粒嘅時候，隱約見到底部有白色物體，第一眼以為係膠片，睇清楚原來係碗碟嘅碎片，個心即刻離一離，自己食到唔緊要，最怕就係老人家食到。其實服務，食物質素，環境，收費都係好惡劣，只不過附近冇其他選擇，所以每次都會光顧，基本上酒樓內八，九成嘅顅客都係老人家，點解唔攞個心出嚟做好少少…查看更多

疫情關係，已經有一段長時間沒有光顧，今次帶家人重遊舊地，但感覺大不如前。首先高大經理全程將口罩拉低，有一段時間直接沒有戴上口罩，雖然疫情回落，但總是覺得有點不太適合，反而另外兩位中年男侍應表現得非常專業及有禮環境衛生方面，真是有改善必要，餐桌及餐具都有污跡，由於有老人家，所以搭電梯上落，看見電梯旁邊使用過的餐具更是令人到胃至於食物方面，質素真的很一般，沙律菜不太新鮮，唯獨午餐加$38甜品檸檬蛋糕有驚喜。相信短時間內不會再光顧…查看更多

今晚專登落筲箕灣東大街食嘢，食完飯再搵甜品店，又想食中式又想食西式甜品，最後揀咗呢間流心心太軟有驚喜紅豆沙唔太甜跟住仲外賣左兩碗楊枝甘露，屋企老人家話好食總括味道唔錯，會再幫襯…查看更多

星期日三點食下午茶可能過咗午餐時間，所有點心都係一早預備好，唔係即叫即蒸蝦餃皮係硬硬哋蝦多士已經唔脆，咬落去仲feel到麪包好油腸粉同燒賣都係唔熱 最後味係個帶子炒蘆筍，帶子超大粒，熱嘅除咗個景之外，真係冇乜特別…查看更多

好少食翠河，好多香港人都知翠河好可能係最難食嘅茶餐廳今日同老人家食午餐，周圍都好難搵位，沒有太多選擇之下唯有幫襯下首先，長髪四眼女部長態度甚差之後，叫樓面比兩杯水，佢叫我哋自己嚟，原因係佢哋對手唔乾淨，其實佢可以講而家基於衛生問題水係自助，而唔係因為佢對手唔乾淨，咁樣會令死啲客人好驚到食物，叫咗瑞士汁豬扒公仔麵，完全冇味豆腐火腩飯，腩肉超乾滑蛋蝦仁炒河，算ok, 不過有昆蟲 其實平時我真係盡量避免幫襯翠河，如果唔係今日唔想老人家等太耐，不過我真係唔敢再幫襯，報告完畢…查看更多

一向唔鍾意光顧大型咖啡連鎖店，細舖感覺比較舒適，朋友飲過佢哋嘅咖啡覺得唔錯，今日一個人午餐專誠過去試試,，咖啡真的有水準，三文治$42喺中環來講真的很吸引，加$20仲有咖啡，相比起機械式嘅大型連鎖店，細舖真的更有人情味…查看更多

一直好想試村爺爺，今日終於有機會帶媽咪去試吓。老人家貪心樣樣都想試，我哋叫咗兩個套餐加一個小食，最後當然食唔晒，當要求店員提供膠盒帶走剩餘食物，店員表示若帶走食物將收取多一倍的原價首先，餐牌顯示特價食品只限堂食，但我們的確是堂食，亦沒有追加額外食品，只是不想浪費便帶走剩餘的食物其次，店員表示優惠食品數量有限，所以只能堂食，這樣理應只不希望客人到該店外賣大量優惠食品。該店位於舊區，有老人家光顧，帶走剩餘食物，這些情況一定很普遍，該店員態度亦彼差，她本身亦是一位長者，應該了解老人家的需要，不明白為何對一位八十多歲的老人家如此苛刻，最後...所有剩餘的食物都白白浪費了…查看更多

夜麻麻九點幾十點想喺灣仔買嘢食其實都唔係咁易,，記得之前電車路近灣仔地鐵站旁邊有一間牛雜粉麵店，行到過去原來已經改咗另外一間叫新豐記茶餐廳。因為唔想再行就求其買咗個羅漢齋飯，一開見到個飯得幾條菜，豆腐已經有心理準備唔會太好食，食食吓點知仲要有粒螺絲。打電話落去同個收銀講，佢叫我落去攞返錢，佢仲叫我聽日再打電話落去搵老細，其實只係想提醒佢哋小心啲，因為都冇諗住專登落去攞返五十蚊，不過一定唔敢再去幫襯…查看更多

茶餐廳係我星期六，日三餐首選。之前食過喜喜銅鑼灣店，食物一般。今次好大勇氣再試九龍灣店，芝士多士好味，但係個义燒真係唔得，乾到爆，食咗兩片已經無力再咬，睇相應該都feel到…查看更多

喺OpenRice search深水埗甜品，見到甜入心有好多好評，於是決定去見識一下，條街夜晚好靜，唯一一個招牌着燈，好易搵到叫咗waffles 同飲品，職員好有心提示飲品有優惠，只需加$9，waffles 味道同presentation都好好，冇諗過有咁不錯嘅waffles喺深水埗出現芝麻糊加湯圓，一心諗住基本中式糖水好少出錯，點知芝麻糊好稀，冇芝麻味，湯圓普普通通，雖然$24唔係太貴，但都有啲失望…查看更多

去到裕民坊, 又唔想食中菜, 好似好少選擇, 周圍都係茶餐廳, , 米線, 係OpenRice見到 Le Three有九折, 即管試試.松露薯條, 煮溶咗嘅芝士加松露, 抵食又好味.牛扒普普通通, 所以唔記得影相.令我哋最意外嘅係龍蝦天使麵, 份量足, 冇諗過有咁多龍蝦肉, 龍蝦汁又香又濃, 超好味, 睇得出係用心製作, 絕不馬虎我哋一定會再去品嚐龍蝦天使麵…查看更多

極度鍾意食煎堆嘅我,見到中環有巨型煎堆,一定唔會錯過每樣點心都很精美,賣相特別,味道亦不錯👍🏻最後甜品到煎堆,真的很期待一咬煎堆竟然是凍的外面沒有芝麻,唔鬆脆,有一點靱實太失望了…查看更多